⚡️ Toshkentda O'zbekiston-Afg'oniston biznes-forumi bo'lib o'tdi

O'zbekiston va Afg'oniston o'rtasida o'zaro savdo-iqtisodiy aloqalarni rivojlantirish, shuningdek, mahalliy eksportchilar mahsulotlarini qo'shni davlat bozoriga olib chiqish maqsadida Savdo-sanoat palatasi tashabbusi bilan joriy yilning 25-aprel kuni Toshkentda ikki davlat ishbilarmon doira vakillari ishtirokida biznes-forumi tashkil etildi.

Unda O‘zbekiston Savdo-sanoat palatasi raisi o‘rinbosari Dilshod Rasulov, Afg‘oniston Savdo-sanoat palatasi raisi o‘rinbosari Al-Xadj Hayrudin, tegishli vazirlik va idoralar, tarmoq birlashmalari rahbarlari, shuningdek 200 ga yaqin ikki davlat biznes vakillari ishtirok etdi.

👉 Batafsil saytimizda

🕊Telegram 📱Instagram 📱Facebook 📺Youtube

🎲 O‘zbekiston Savdo-sanoat palatasi raisi D.Vaxabov, “O‘zbekekspertiza” AJ raisi A.Grigoryans, Texnik jihatdan tartibga solish agentligi direktori A.Jumanazarov, “Savdoni rivojlantirish kompaniyasi” raisi U.Murodov va soha vakillari ishtirokida davra suhbati bo‘lib o‘tdi.

Uchrashuvda so‘nggi yillarda mamlakatimizda eksportni qo‘llab-quvvatlash tizimi tubdan isloh qilinganligi, xususan, Eksportni rag‘batlantirish agentligi Jahon savdo tashkiloti talablari asosida, Savdoni rivojlantirish kompaniyasi sifatida qayta tashkil etilganligi alohida e’tirof etildi.

⚙️ Shuningdek, eksportchi korxonalarning murojaatlari va muammolarini o‘z vaqtida sifatli va samarali hal etish maqsadida amalga oshirilayotgan ishlar tahlil qilindi. Xususan, eksportchi korxonalarning muammoli masalalarini muntazam ravishda hal etib borish maqsadida “onlayn” tartibda yagona darcha tamoyili asosida Eksportchilar markazi tizimi export.epauzb.uz ishga tushirilganligi qayd etildi.

Savdo-sanoat palatasi raisi D. Vaxabov so‘z olib, mazkur tizim imkoniyatlaridan to‘liq foydalanish zarurligini, eksportchi korxonalar vakillari o‘zlarini qiynayotgan muammolarga ushbu tizim orqali yechim topishi lozimligini ta’kidladi. Shu maqsadda, Eksportchilar markaziga daxldor boshqa platforma va tizimlar bilan integratsiyalashtirish lozimligiga urg‘u berildi.

Davra suhbati so‘nggida muhokama qilingan masalalar yuzasidan eksport qiluvchilar faoliyatini muvofiqlashtirish, ularga har tomonlama ko‘maklashish maqsadida amalga oshirilayotgan ishlarni doimiy tahlil qilib borishga kelishib olindi.

🕊Telegram 📱Instagram 📱Facebook 📺Youtube