🇹🇷🇺🇿 Joriy yilning 15 sentyabr kuni Istanbul shahrida Savdo-sanoat palatasi vakillari hamda Оʼzbekistonlik tadbirkorlaridan iborat delegatsiya ham ishtirok etgan Jahon Turk ishbilarmonlar kengashining 10-Qurultoyi boʼlib oʼtdi.

Qurultoyda Turkiya respublikasi Prezidenti Rejeb Toyyib Erdogan ham maʼruza bilan ishtirok etdi.
Qurultoyda Prezident oʼz soʼzida jahonning turli mintaqalarida oʼz biznesini yо’lga qo’ygan Turkiyalik tadbirkorlar va ushbu sohada faoliyat yuritayotgan shaxslarga oʼz eʼtiroflarini bildirib, ularning bir qanchasi taqdirlandi.

Tadbirda Turkiyaning boshqa davlatlar oʼrtasida savdo-iqtisodiy aloqalarni keygaytirish, mavjud imkoniyatlarni ishga solgan holda biznes vakillari oʼrtasidagi hamkorlik aloqalarini kuchaytirish, mamlakatlar oʼrtasidagi birdamlik, iqtisodiy-moliyaviy munosabatlarni yangi bosqichga olib chiqish, oʼzaro tovar ayriboshlash, sanoat sohalarida hamkorlikning yangi yoʼnalishlari yuzasidan fikr bildirildi.

Shuningdek, Rejep Tayyib Erdogan Turkiy kengashga aʼzo davlatlar oʼrtasida savdo-iqtisodiy aloqalarni yanada kengaytirish, mahsulot va xizmatlar eksport va importini oshirish masalalarini alohida taʼkidlab oʼtdi.

Turkiya, Oʼzbekiston, Ozarbayjon, Qozogʼiston, Qirgʼiziston, Turkmaniston biznes hamjamiyati vakillari ishtirok etgan Qurultoy doirasida alohida seksiyalarga boʼlingan holda tadbirkorlik borasida hamkorlik masalalarida takliflar ishlab chiqildi.

🕊Telegram 📱Instagram 📱Facebook 📺Youtube

🔄 Qo‘qon shahrida 21-23-sentyabr kunlari bo‘lib o‘tadigan II Xalqaro hunarmandchilik festivaliga qizg‘in tayyorgarlik ko‘rilmoqda.

Ayni kunlarda ko‘cha va xiyobonlar obodonlashtirilib, mehmonxonalar, xizmat ko‘rsatish va servis majmualari, turli inshootlar shay holga keltirilmoqda.

Xalqaro hunarmandchilik festivali nomoddiy-madaniy merosimiz bo‘lgan o‘zbek milliy hunarmandchiligini keng namoyish qilish, uning noyob namunalarini targ‘ib etish, turizmni rivojlantirishda muhim o‘rin tutadi.

Unda 700 yaqin hunarmand qatnashish istagini bildirgan. Shuningdek, 80 ga yaqin davlatdan mehmonlar kelishi kutilmoqda.

Muxtasar aytganda, shahardagi qaysiki tayyorgarlik yumushlari bo‘lmasin, barchasi milliy hunarmandchilik durdonalarini namoyish qilish va bu orqali xalqimizni boy moddiy va ma’naviy merosini ko‘z-ko‘z qilishga, rivojlantirishga xizmat qiladi.

🕊Telegram 📱Instagram 📱Facebook 📺Youtube

🇺🇿🇹🇷 Turkiy davlatlar ittifoqi Savdo-sanoat palatalari Bosh kotibi Adem Kula va “DGpays Fintech” Xalqaro turk moliyaviy texnologiya kompaniyasi bosh direktori Ahmet Kayhanning mamlakatimizga 18-20-sentyabr kunlari tashrifi doirasida bir qator uchrashuvlar tashkil etilmoqda.

DGpays - innovatsion elektron toʻlov yechimlarini ishlab chiqish va yetkazib berishga ixtisoslashgan toʻlov texnologiyasi kompaniyasidir. Kompaniya keng ko'lamli xizmatlarni taklif etadi, jumladan, to'lovlarni qayta ishlash, risklarni boshqarish, hamkorlar va mijozlar uchun dasturiy ta'minotni ishlab chiqish, integratsiya va boshqalar.

Jumladan, Savdo-sanoat palatasi tomonidan bugun kun tartibidan joy olgan O‘zbekiston banklari assotsiatsiyasi rahbari Baxtiyor Xamidov, shuningdek, davlat va tijorat banklari hamda "O'zbekiston pochtasi" vakillari, mobil aloqa operatorlari va tegishli sohadagi kompaniyalar bilan uchrashuvlar tashkillashtirildi.

Uchrashuvlarda ikki tomonlama hamkorlik istiqbollari muhokama qilinib, turkiyalik tadbirkorlar tomonidan DGpays kompaniyasi faoliyati haqida taqdimotlar o‘tkazildi va kompaniya to'g'risida batafsil ma'lumotlar berildi.

Shuningdek, O'zbekiston Savdo-sanoat palatasi va O‘zbekiston banklari assotsiatsiyasi DgPays kompaniyasi rahbariyati bilan yurtimiz tashkilotlari va banklariga turkiyalik mutaxassislarni jalb qilgan holda seminar va o'quv kurslarini tashkillashtirishga kelishib oldilar.

🕊Telegram 📱Instagram 📱Facebook 📺Youtube