🇺🇿✅O‘zbek taekvondosida navbatdagi tarixiy voqea: Milliy terma jamoamiz 👍Parij-2024 Olimpiya o‘yinlari uchun beshinchi yo‘llanmani ham qo‘lga kiritdi, Nikita Rafalovich Olimpiadaga boradi!

Taekvondo WT bo‘yicha +80 kg vazn toifasida O‘zbekiston erkaklar milliy terma jamoasi a’zosi Nikita Rafalovich Parij Olimpiadasi litsenziyasiga ega chiqdi.

Xalqaro Olimpiya qo‘mitasining Parij-2024 Olimpiadasida ishtirok etadigan neytral maqomdagi rossiyalik sportchilar ro‘yxatida taekvondochilar qayd etilmadi. Usi Katta dubulg‘a turnirida litsenziyalarni qo‘lga kiritgan rossiyalik sportchilarning o‘rniga, Olimpiya reytingida eng yaxshi o’rinlarni qayd etgan sportchilarga kvota taqsimlab berildi. Bu holatda +80 kg vazn toifasidagi reytingda oltinchi o’rinni qayd etgan hamyurtimiz, Tokio-2020 Olimpiadasi ishtirokchisi Nikita Rafalovich ham yo‘llanmaga ega chiqdi.

Endilikda Parijdagi Olimpiadada taekvondo WT bo‘yicha milliy terma jamoamizning besh nafar sportchisi g‘oliblik uchun kurash olib boradi! Shubhasiz, bu O‘zbek taekvondosidagi eng yaxshi natijadir. Boisi, shu paytgacha o‘tkazilgan Olimpiya o‘yinarida taekvondochilarimiz 4 tadan ziyod yo‘llanmaga ega chiqmagan edi.

🇺🇿👍Parij-2024 Olimpiadasida yurtimiz sharafini himoya qiladigan sportchilarimiz:

Ulug‘bek Rashitov (68 kg)
Jasurbek Jaysunov (80 kg)
Nikita Rafalovich (+80 kg)
Ozoda Sobirjonova (67 kg)
Svetlana Osipova (+67 kg).

Bundan tashqari, sportchilarimiz dunyoning eng kuchli uchta termasi qatorida Olimpiya o’yinlari tarixida ilk bor tashkil etilayotgan ko’rgazmali mikst dasturida ham ishtirok etishini alohida ta’kidlash lozim.

O‘zbek sporti jamoatchiligini ushbu tarixiy voqelik bilan tabriklagan holda Nikita Rafalovich va boshqa sportchilarimizga Olimpiadada omad va zafarlar yor bo‘lishini tilaymiz!

🕊Telegram 📱Instagram 📱Facebook 🌐Site

✅Xalqaro “Olimpiya kuni” muborak bo‘lsin!

Bundan roppa-rosa 128 yil avval baron Pyer de Kuberten boshchiligida Olimpiadani tiklash uchun eng katta qadam qo‘yildi, ya’ni, 1894-yilning 23-iyun kuni Xalqaro Olimpiya qo‘mitasi (XOQ)ga asos solindi. Shu sabab ushbu sana "Olimpiya kuni" sifatida nishonlab kelinadi.

Bugungi kunga kelib, "Olimpiya kuni" dunyoda eng ommaviy tarzda nishonlanadigan sport bayramlaridan biriga aylangan. Har yili Xalqaro Olimpiya qo‘mitasiga a’zo 205 ta davlatda o‘tkaziladigan sport va salomatlik bayramida millionlab insonlar bevosita ishtirok etishmoqda. Ushbu tadbirni o‘tkazishdan ko‘zlangan asosiy maqsad – aholi orasida sog‘lom turmush tarzini hamda Olimpizm g‘oyalarini keng targ‘ib etish, katta-yu, kichik qalbida jismoniy tarbiya va sportga bo‘lgan mehrni yanada yuksaltirishdan iborat.

Fursatdan foydalanib, barcha yurtdoshlarimizni “Olimpiya kuni" bilan tabriklaymiz!

🕊Telegram 📱Instagram 📱Facebook 🌐Site

🏆 XOQ Prezidenti Tomas Bax Xalqaro Olimpiya kuni munosabati bilan butun dunyodagi Olimpiya harakati ishtirokchilari va sport ixlosmandlariga tabrik yo’lladi
—
🏆 Президент МОК Томас Бах поздравил участников Олимпийского движения и любителей спорта всего мира с Международным Олимпийским днём

😊😊😊😊😊

🏆 👍 Parij-2024 litsenziatlari: Uchinchi Olimpiya oʻyinlarida ishtirok etadigan Nikita Rafalovich

Nikita Rafalovich delegatsiyamiz tarkibida uchinchi bor Olimpiya oʻyinlarida ishtirok etish imkoniyatiga ega boʻlgan kam sonli sportchilardan biri hisoblanadi. Mahoratli taekvondochimiz boʻlajak bahslarda oʻz orzusi sari bor imkoniyatlarini ishga solishi, shubhasiz.
—
🏆 👍 Лицензиаты Париж-2024: Никита Рафалович, который в третий раз примет участие на Олимпиаде

Никита Рафалович является одним из немногих атлетов Узбекистана, которым выпал шанс защитить честь страны в третий раз на Олимпийских играх. Разумеется, что наш таэквондист использует все свои возможности, чтобы достичь заветной цели - подняться на пьедестал Олимпиады.

#Paris2024

📹Taekvondo WT bo’yicha O’zbekiston yoshlar terma jamoasi "Osiyo bolalari" kompleks musobaqasi uchun tayyorgarlikning so'nggi bosqichini olib bormoqda

Ma'lumot uchun, musobaqa 26-iyun — 7-iyul kunlari Rossiya Federatsiyasining Yakutsk shahrida bo'lib o'tadi.

🕊Telegram 📱Instagram 📱Facebook 🌐Site

🇺🇿🥋Yosh taekvondochilarimiz "Osiyo bolalari" xalqaro sport o‘yinlarida ishtirok etish uchun Rossiyaga jo‘nab ketishdi

Xabar berganimizdek, ertaga Rossiya Federatsiyasining Yakutsk shahrida "Osiyo bolalari" xalqaro sport o‘yinlari start oladi.

7-iyulga qadar davom etadigan musobaqada O‘zbekiston delegatsiyasi tarkibida taekvondo bo‘yicha O‘zbekiston yoshlar terma jamoasi ham ishtirok etadi.

🇺🇿Jamoamiz tarkibi:

Behruz Salimov (48 kg)
Omadbek Otabekov (55 kg)
Jahongir Serikbayev (63 kg)
Axadjon Muxtorov (73 kg)
Xudoynazar Shodmonov (+73 kg)
Valeriya Xegay (44 kg)
Sofiya Xan (49 kg)
Mubina Bobosaidova (55 kg)
Zilola Ma’mirova (63 kg)
Feruza Ernazarova (+63 kg).

Murabbiylar: Konstantin Li, Abubakir Rasulov.

🕊Telegram 📱Instagram 📱Facebook 🌐Site

🔥 Katta hayajon bilan kutilayotgan 4 yillikning eng muhim starti tobora yaqinlashib kelmoqda. 👍 🇫🇷 Parij-2024 XXXIII yozgi Olimpiya oʻyinlarining ochilishiga roppa-rosa 30 kun qoldi 😍
—
🔥Все поклонники спорта с замиранием сердца ожидают начало главных спортивных соревнований четырёхлетия. До старта 👍 🇫🇷 XXXIII летних Олимпийских игр Париж-2024 осталось ровно 30 дней😍

🏆"Osiyo bolalari" xalqaro o‘yinlarining birinchi kunida dayanga chiqadigan taekvondochilarimiz bilan tanishing

Ertaga Rossiya Federatsiyasining Yakutsk shahrida start olgan "Osiyo bolalari" xalqaro sport o‘yinlari doirasida taekvondo bellashuvlari start oladi.

Kun doirasida 5 nafar sportchimiz g‘oliblik uchun bahs olib boradi.

Yigitlar:

48 kg: Behruz Salimov - Bogdan Gyagay (Qirg‘iziston)/Amirjanuli Temirjan Tasin (Qozog‘iston) bahsi g‘olibiga qarshi

55 kg: Omadbek Otabekov - Nurislam Junusov (Qirg‘iziston)

63 kg: Jahongir Serikbayev - Rudolf Dorofeyev (Yakutiya).

Qizlar:

63 kg: Zilola Ma’mirova - Anjelika Nikolayeva (Yakutiya)

+63 kg: Feruza Ernazarova - Aysulu Janabay (Qozog‘iston).

🕊Telegram 📱Instagram 📱Facebook 🌐Site

Bugun 27 iyun – Matbuot va ommaviy axborot vositalari xodimlari kuni. Assotsiatsiyamiz nomidan siz aziz qalam ahli ijodkorlarni chin qalbimizdan samimiy tabriklaymiz. Sizlarga uzoq umr, sihat-salomatlik, yuksak ehtiromimiz va ezgu tilaklarimizni bildiramiz.

Jurnalist – jamiyatning ko‘zgusi. Ta’bir joiz bo‘lsa, uning olayotgan nafasi, bosayotgan qadami, ko‘rar ko‘zidir. U aks ettirgan masalalar hayotning butun qiyofasini belgilab beradi. Shu ma’noda, sizlar faoliyat yuritayotgan ijodiy maskanda ham shu fikrlarning yaqqol ifodasini ko‘ramiz. Fursatdan foydalanib, biz bilan qilayotgan amaliy hamkorligingiz uchun o‘z minnatdorligimizni bildiramiz.

Yana bir bora Sizlarga sihat-salomatlik, faoliyatingizda yutuq va omadlar, oilaviy baxt, xonadonlaringizga tinchlik-xotirjamlik tilaymiz.

🕊Telegram 📱Instagram 📱Facebook 🌐Site

🔥Kun tarixi

🔝Ikki yil oldin aynan shu kunda O‘zbekiston taekvondochilari Osiyo chempionatida super natija qayd etgan edi!

2022-yilning 27-iyun kunida Koreya Respublikasining Chuncheon shahrida taekvondo WT bo‘yicha XXV Osiyo chempionati yakuniga yetgandi.

Musobaqada O‘zbekiston taekvondo WT terma jamoasi muvaffaqiyatli ishtirok etib, jami 4 ta oltin, 1 ta kumush va 2 ta bronza medalini qo‘lga kiritgan va umumjamoa hisobida birinchi o'rinni egallagan edi.

🥇Oltin:
Ulug'bek Rashitov
Jasurbek Jaysunov
Shuhrat Salayev
Nikita Rafalovich.

🥈Kumush:
Charos Qayumova.

🥉Bronza:
Feruza Sodiqova
Svetlana Osipova.

Bungacha mustaqil O‘zbekiston tarixida hech qachon Osiyo chempionatida 4ta oltin medal qo‘lga kiritilmagan edi. Shuningdek, terma jamoamiz bosh murabbiyi Pavel Xan musobaqada "eng yaxshi murabbiy", Jasurbek Jaysunov esa "eng yaxshi sportchi" deb topilgan edi.

🕊Telegram 📱Instagram 📱Facebook 🌐Site

🇺🇿🏆"Osiyo bolalari" xalqaro sport o‘yinlarining taekvondo bahslaridagi ilk kunida 2 ta oltin va 2 ta kumush medalini qo‘lga kiritdik!

Bugun Rossiya Federatsiyasining Yakutsk shahrida davom etayotgan "Osiyo bolalari" xalqaro sport o‘yinlari doirasida taekvondo bellashuvlariga start berildi.

Kun davomida O‘zbekiston yoshlar terma jamoasining 5 nafar vakili dayanga ko‘tarildi. Ahamiyatlisi, sportchilarimiz musobaqaning birinchi kunida 2 ta oltin va 2 ta kumush medaliga ega chiqdi.

🥇Oltin:

Behruz Salimov (48 kg)
Omadbek Otabekov (55 kg).

🥈Kumush:

Jahongir Serikbayev (63 kg)
Feruza Ernazarova (+63 kg).

Shuningdek, yana bir sportchimiz Zilola Ma’mirova esa bronza medali uchun kechgan bellashuvda afsuski, ozarbayjonlik raqibasiga imkoniyatni boy berib qo‘ydi.

🕊Telegram 📱Instagram 📱Facebook 🌐Site