❗️ 10 июндан бошлаб Солиқ қўмитаси сайтлари қуйидаги ҳаволалар бўйича ишлайди:
– my3.soliq.uz эди – https://my.soliq.uz бўлди (бу ерда ҳисобот ва барча ўзаро алоқалар мавжуд),
– my.soliq.uz эди – https://oldmy.soliq.uz бўлди (архив сайти).

‼️ Сақланган эски манзиллар орқали тизим автоматик равишда янги бирлаштирилган платформага йўналтирилади.

⚠️ Агар янги манзил орқали биринчи уринишда киришнинг иложи бўлмаса, тажрибали фойдаланувчилар кешни тозалашни тавсия этадилар.

🗣11.06.2026 г. «Жавоб берамиз» рукни релизи

«Norma» компанияси экспертлари қуйидаги саволларга жавобларни тайерладилар👇


❔ Товарларни ҳисобдан чиқаришда ҚҚС ҳисобланадими ёки тузатиш киритиладими

Корхонамиз 2025 йилда санитар брак ҳолатига келган ва фойдаланишга яроқсиз товарларни Махсустранс ИЧБ орқали утилизация қилиб, ҳисобдан чиқарган. Солиқ органи ушбу товарлар бўйича ҚҚС ҳисоблаш кераклигини билдирмоқда. Биз эса товарлар тўлиқ яроқсиз ҳолга келгани сабабли ҳисобдан чиқарилганини таъкидламоқдамиз.
Яроқсиз ҳолга келган ва утилизация қилинган товарларни ҳисобдан чиқаришда ҚҚС ҳисобланадими?

Жавоб >>


❔ Муддати ўтган кредит суммалари бўйича ҳисобланган фоизлар чегириладими

Корхона ишлаб чиқариш фаолияти учун банкдан 2026 йил 1 мартда 1200 АҚШ долларига кредит олди. Кредит муддати 1 йил, 10% тўлов билан. Кредит графиги бўйича тўлов ҳар ойда 100 АҚШ долларидан амалга оширилиши керак. Кредит шартномасининг шартларида графикка асосан тўланадиган 100 АҚШ доллари тўланмаган тақдирда, кредит фоизи 15% миқдорида ҳисобланади. 1 ой тўлов график бўйича тўланмади ва банк 2026 йил 1 апрелдан бошлаб 1100 АҚШ долларига 10%, муддати ўтган 100 АҚШ долларига эса 15% миқдорида фоиз ҳисоблай бошлади. Бу корхонада фоиз кўринишидаги харажат сифатида тан олинади. СК 317-моддаси 35-бандида чегирилмайдиган харажат белгиланган.
Ушбу муддати ўтган кредит қарзи бўйича ҳисобланаётган 15% тўлиқлигича чегирилмайдиган харажат ҳисобланадими ёки 10%и чегирилиб, 5%и чегирилмайдими?

Жавоб >>


❔ Асосий воситани сотишдан олинган фойдани фойда солиғи ҳисоб-китобида акс эттириш

Корхона балансида ҳисобда турган асосий воситани сотган. Асосий восита ҚҚСсиз 100 млн сўмга реализация қилинган, ҳисобланган ҚҚС суммаси 12 млн сўмни ташкил этган. Сотилган асосий воситанинг бошланғич қиймати 70 млн сўм, жамғарилган амортизацияси 20 млн сўмни ташкил қилади. Фойда солиғи ҳисоб-китобининг 1-иловасидаги «Амортизация қилинадиган активларнинг ва бошқа мол-мулкнинг чиқиб кетишидан олинган даромад» (050-сатр) қаторида корхона томонидан 50 млн сўм акс эттирилган. Бироқ камерал солиқ текшируви давомида мазкур сатрда асосий воситанинг ҚҚСсиз сотиш қиймати — 100 млн сўм кўрсатилиши лозимлиги қайд этилган.
Фойда солиғи ҳисоб-китобининг 1-иловаси 050-сатрида қайси сумма акс эттирилади: асосий воситани реализация қилишдан олинган фойдами ёки унинг реализация қийматими? Камерал текширувнинг талаби қай даражада асосли?

Жавоб >>

🔔 Buxgalter.uz эслатади:

⭕️ 15 июнь – сўнгги кун:

✔️ 2026 йил май ойи учун ШЖБПҲга реестрларни тақдим этиш ва бадалларни тўлаш (20.11.2024 й. АВ рўйхат рақами 3577-сон Низом 6-б., 20.11.2024 й. АВ рўйхат рақами 3577-сон Низом. 9-б.);
 
✔️ 2026 йил май ойи учун ЖШДС ва ижтимоий солиқ ҳисоботларини тақдим этиш ва тўлаш.
ЖШДС солиқ тўловчига даромадларни тўлаш билан бир вақтда, лекин солиқ ҳисоботини тақдим этиш муддатларидан кечиктирмай тўланади (СК 389-м. 1-қ. 2-б., СК 390-м.).
Ижтимоий солиқ ҳам солиқ ҳисоботини тақдим этиш муддатларидан кечиктирмай тўланади (СК 407-м. 4-5-қ.);
 
✔️ солиқ тўловчилар томонидан 2026 йил май ойи учун айланмадан олинадиган солиқ бўйича ҳисобот тақдим этиш ва тўлаш (СК 470-м. 3-5-қ.);
 
✔️ солиқ агентлари томонидан 2026 йил май ойи учун якка тартибдаги тадбиркорлар ва ўзини ўзи банд қилган шахсларнинг 1 миллиард сўмгача бўлган даромадлари бўйича ҳисобот тақдим этиш ва айланмадан олинадиган солиқни тўлаш (СК 470-м. 3-5-қ.);
 
✔️ айланмадан олинадиган солиқ тўловчилар томонидан 2026 йил май ойи учун онлайн-НКТ чекларидаги техник хатоларни тузатиш (23.11.2019 й. 943-сон ВМҚга 1-илова 38-1-б., СК 470-м. 3-қ.).
ҚҚС тўловчилар учун 2026 йил апрель ойи учун онлайн-НКТ чекларидаги техник хатоларни тузатишнинг сўнгги куни – 2026 йил 20 май (23.11.2019 й. 943-сон ВМҚга 1-илова 38-1-б., СК 273-м. 1-қ.).


📌 Ушбу тавсия сиз учун фойдали бўлиши мумкин:

➡️ ШЖБПҲга бадалларни қандай ҳисоблаш ва тўлаш керак;
➡️ ЖШДСни қандай тўлаш ва ҳисоботни қачон тақдим этиш керак;
➡️ Айланмадан олинадиган солиқ ҳисоб-китобини қандай тақдим этиш керак;
➡️ НКТ чекидаги хатони қандай тузатиш мумкин;
➡️ Электрон ҳужжатларда МХИК бўйича хатоларни қандай тузатиш мумкин.

❗️Солиқ агентлари ўзлари ҚҚС бўйича солиқ тўловчи ёки солиқ тўловчи эмаслигидан қатъи назар, ҚҚСни тўлаш бўйича мажбуриятини бажариши шарт.

‼️Айланмадан олинадиган солиқни тўловчилар ҚҚСни солиқ агенти сифатида тўлаш учун ҚҚС тўловчиси сифатида рўйхатдан ўтишлари ва рўйхатдан ўтказиш рақамини олишлари шарт эмас.
 
 👉 Хусусан, чет эллик етказиб берувчидан сотиб олинган товарлар ва хизматлар учун ҚҚС тўлашингиз керак, агар:
1) уларни реализация қилиш жойи Ўзбекистон бўлса;
2) хорижий корхона Ўзбекистонда ҚҚС тўловчиси сифатида рўйхатдан ўтмаган бўлса;
3) ўзининг давлатида тадбиркор сифатида рўйхатдан ўтган чет эллик фуқаро бўлса.
 
Қуйида экспертларнинг фойдали маслаҳатлари келтирилган мисолларда барчасини тушунтириб берганмиз:
📌 Товарлар (хизматлар) чет эллик шахслардан сотиб олинганда солиқ агенти томонидан ҚҚС ҳисобланиши > > >     
 
✏️ Тавсияда:
– корхона ҚҚС бўйича солиқ агенти бўлган ҳолатлар;
– солиқ агенти томонидан чет эллик шахслардан товарлар ва хизматлар сотиб олаётганда ҚҚСни ҳисоблаш;
– ҳисоботларни тўлдириш.         
 
🔑 СИНОВ ТАРИҚАСИДА КИРИШНИ РАСМИЙЛАШТИРИШ > > >