Terror Siyosati

Ko‘pchilik AQSH va Isroilning bugun musulmon davlatlariga qarshi olib borayotgan urushlarini neft, boylik va yer uchun deyishadi. Ular vayron qilgan davlatlarga qaralsa (Iroq, Suriya, Falastin, Eron) bu hududlar o‘tmishda insoniyat taraqqiyotiga katta hissa qo‘shgan ilm-fan markazlari sifatida tanilgan.

Bugungi globalistlar musulmonlarga erkinlik berilsa ular zamonaviy ilm-fanda yashindek tez yuksalishlarini yaxshi bilishadi. Shuning uchun ham ularga qarshi tinimsiz urushlar, qirg‘inbarotlar ya’ni terror siyosatini olib borishyapti.

Rivojlanish har doim qo‘rquv bo‘lmagan, erkin va adolatli jamiyatlarda bo‘ladi. Odamlar tinch va erkin yashab, o‘z fikrini qo‘rqmasdan ayta olgan jamiyatlarda ilmiy fikr, raqobat va yangilik paydo bo‘ladi. Erkinlik bor joyda raqobat yuzaga keladi, raqobat esa jamiyatni oldinga olib chiqadigan bilimli va salohiyatli insonlarning yetishib chiqishiga zamin yaratadi. Buni bugungi kunda rivojlangan ko‘plab davlatlar tajribasida ham ko‘rish mumkin.

Shu o‘rinda savol tug‘iladi: Nega global siyosiy to‘qnashuvlar Markaziy Osiyo davlatlarini, jumladan, asrlar davomida ilm-fan beshigi bo‘lib, minglab daholarni yetishtirgan O‘zbekistonimizni chetlab o‘tyapti? Nega ular bizda urush chiqarmayapti? Bu jumboqlarning sababi ham xuddi shu nuqtada.

Turkiston tuproqlari ( Ruslar qo‘ygan hozirgi nomi Markaziy Osiyo) mana I asrdirki terror siyosati bilan boshqarilyapti. Terror orqali hokimiyatga kelgan Bolsheviklar qurgan SSSR parchalandi biroq, u yaratib ketgan terror tuzumi qulamadi. Bir vaqtlar millat gultojlarini otib, zehniyatimizni qo‘rqoq va majruh qilgan NKVD , keyinchalik KGB degan terror tashkiloti bir dumalab nomini avval MXX ga, so‘ngra DXX ga o‘zgartirdi. Ammo, o‘sha kadrlar va o‘sha terror siyosati hozirgacha davom etyapti. Ziyolilarni bosqinchiga sotgan, tutib bergan xoin kommunistlar esa bir dumalab mustaqillik asoschilariga aylandi va hozirgacha hokimiyat ularning qo‘lida qolmoqda. Shu sababdan ham mana 35 yildirki, Al Xorazmiy, Beruniylarni yetishtirgan tuproq zamonaviy dunyoda ilm-fanga yetarli hissa qo‘shadigan bitta ham olimni yetishtirib berolmadi. Ta’limni abgor qilish, xalqni ongli ravishda ongsizlashtirib, qo‘rquv ostida boshqarish siyosati sabab, Amir Temur vorislari bugun oktagon jang ber deydigan saviyaga tushib qoldi. Ajdodlari buyuk yurt farzandlari bugun dunyoga mardikor va foxisha yetishtirib beradigan mamlakatga aylantirildi.

O‘z xalqiga nisbatan I asrdan buyon davom etayotgan terror siyosati tugamas ekan Turkiston tuproqlarida taraqqiyot bo‘lmaydi. Shuning uchun ham Trump va Netyanyaxu kabi globalistlar bu tuproqlarga ahamiyat qaratmaydi. Aksincha, bunday siyosatni ular qo‘llab-quvvatlashadi. Trump Mirziyoyevni mening do‘stim deb bejizga aytmadi.

Bir so‘z bilan aytganda, Trump va Netyanyaxu o‘z davlati va o‘z xalqining taraqqiyoti uchun o‘zga millatlar va boshqa din vakillari ustidan terror siyosatini olib borishsa, Mirziyoyevning avtoritar rejimi o‘z hokimiyatini saqlab qolish uchun o‘z xalqi va o‘z dindoshlariga qarshi terror siyosatini olib boryapti.

Unutmasligimiz kerak!
Jamiyat qo‘rquv va befarqlik bilan boshqarilsa, xalqning salohiyati to‘liq ochilmaydi. Taraqqiyot esa faqat erkin fikr, bilim va adolatli tizim mavjud bo‘lgan joyda yuz beradi. Shuning uchun ham bugun bizga muxolifat suv va havodek kerak!

Birlashsak katta kuchmiz 👊🏻

@UygonTuron

Kamikadze xodimlar yohud tanganing ikkinchi tomoni videosi chiqdi.

O’zbek YPX inspektorlarini kamikadzelarga o’xshataman deb yozgandim. Ba’zilar, AQSH policlarida o’q otish huquqi bor deya buni oqlashga urindi. O’q otish bilan mashina g’ildiraklari ostiga o’zini qo’ydek tashlash o’rtasida katta farq bor do’stlar. O’sha AQSH da hech qachon politsiyachi o’z o’limi bilan tugaydigan bunday harakat qilmaydi. Tasvirlarda aniq ko’ringani shuki, BMW belgilangan tezlikdan yuqori harakatlanmagan. Yo’lda bunga imkon ham yo’q edi. Qolaversa, mashinani olib qochilgan deyish ham aqlga sig’maydi. Shunchaki ruxsatsiz haydalgan, bunday harakatga qo’yilgan rasmiy ayblovlar mantiqqa umuman to’g’ri kelmaydi. Rulda yosh bola emas, professional haydovchi bo’lganida ham YPX inspektori sabab yuzaga kelgan fojeani oldini olish imkonsiz edi. Yaxshi advokat olinsa, bolani sudda bemalol oqlash mumkin, albatta IIV qo’g’irchoq sudlarimizga bosim qilmasa.

Aslida, kamikadze inspektorlarning yo’lning qatnov qismiga yugurib chiqishi ortidan bunday fojealar tez-tez yuz beradi. Bu safar rulda bola bo’lgani uchunmi yoki IIV ning bu oila bilan xusumati bo’lgani sababidanmi negadir bu voqea tarmoqlarda bo’rttirib ko’rsatildi. Hech kim nega xodimlariz bunday xavfli harakatlar qiladi deb IIV dan izoh so’ramadi. Fokusni bolaga qaratgan asosiy vohimachilar esa IIV bilan doimiy hamkorlik qilib keladigan faollar ekanidan ham ko’p narsa tushunarli o’zi.

Shu holatda meni yana ko’plab savollar qiynaydi. Yo’llarda bugun deyarli har kuni yosh bolalar, qariyalar, ayollar halok bo’ladi. Nega ularga bu qadar e’tibor qaratilmaydi?
Ayniqsa IIV xodimlari tomonidan ham odam o’ldirish holatlari ko’plab sodir bo’lyapti. Yaqinda IIB xodimi mashinasida urib o’ldirib, daryoga oqizgan murdani 80 kun o’tgach topishdi. Kamikadze xodimga juda kuyungan tizim va tizim faollari bunday voqealarga hech izoh berishmadi?

Xullas, yosh boladan aybdor yasaguncha IIV o’z xodimlariga mashina g’ildiraklari ostiga o’zlarini tashlamaslikni tushuntirsa kelgusida bunday fojealarni oldini olgan bo’lardi. Bir kamikadze o’ldi ketdi, ortida yig’lagan oilasi, farzandlari qoldi. Yetmaganiga yana bir oilaga dard bo’ldi.

@UygonTuron

Siyosiy mahbus, Mirzohid Hasanovning ayolining kartasi. Bu hafta shu oilaga qo’ldan kelgancha yordam beramiz.

8600042475982269

Meliboyeva Sadoqatxon

@UygonTuron

Yangi O’zbekistonda muammoni amaldorlar ko’rishi uchun albatta kimdir o’lishi kerak.

@UygonTuron

Ayni paytda Sangorodda davolanayotgan siyosiy mahbus Mubashshir Ahmadning qandli diabet va oyoq shishmalaridagi muammolar barqoqlashgan. Kayfiyatlari ham yaxshi. Biroq, qon bosimi sabab yurak kundan-kunga jiddiy yomonlashyapti. Vaqtida jiddiy tibbiy choralar ko’rilmasa yuraklaridagi xastalik yomon oqibatlarga sabab bo’lishi mumkin deydi shaxsi sir qolishini istagan Sangoroddagi mas’ul shifokor.

@UygonTuron

Aytgancha bugun Belorussiya prezidenti bilan O’zbekistonning Belorussiyadagi elchisi uchrashibdi. Uchrashuvdan maqsad o’zbek mardikorlarini Belorussiyaga ham jalb qilish bo’lgan. Lukashenko, Belorussiyada tug’ilish keskin kamaygani va aholi qora ishlarda ishlamayotgani sabab, mardikorlikka Pokiston va O’zbekistonliklarni jalb qilish istagini bildirgan. Xullas Mirziyoyev o’zbeklarni butun dunyoga mardikorlikka jo’natish uchun tun-u kun tinmay mehnat qilyapti.

@UygonTuron

Haqiqat aytilgan tillar kesilsa,
Chopilsa adolat ko‘targan qo‘llar.
Va shu hol ko‘p yillar bardavom bo‘lsa,
Tug‘ilar,
vijdonsiz,
maddoh,
it,
qullar...

@UygonTuron

Sirojiddin media ham shablon jinoyat “tovlamachilik”da gumonlanib xibsga olindi. Uning ikki advokati qo’lida orderi bilan kelsada sudga kiritilmadi. Blogerga davlat advokati berildi. Bugun, ijtimoiy tarmoqlarda blogerni firibgar va tovlamachiga chiqarish uchun trollar va quloqlarga start beriladi. Diktator Mirziyoyevning haqni gapirganlarga qarshi qanday kurashishini allaqachon tushunib bo’ldik. O’zbekistonga kelib gapir deydiganlar uchun yana bir misol bu. O’zbekistonda bu sharafsiz va pastkashlar hokimiyatda ekan mard turib kurashib bo’lmaydi.

@UygonTuron

Hokimiyat o’g’rilar qo’liga o’tsa to’g’rilar qamaladi.

@UygonTuron

2024 yilda qurib topshirilgan ko’prik quladi. Achinarlisi bu ko’prikni qurishga byudjetdan (xalqning pullari) 128,6 mlrd so’m sarflangan. Xo’sh, soliq to’lovchilarning shuncha pulini havoga sovurgani uchun javobgarlikni kim o’z bo’yniga oladi? Kim bu pullarni byudjetga qaytaradi ?

100 yil turadi deyilgan ko’prik nega ikki yilda quladi?

Chunki bunday ishlar korrupsiya, tanish-bilish orqali byudjet mablag’larini o’zlashtirishsiz amalga oshmaydi. Milliardlab xalq pullari o’zlashtirilib, qaysidir amaldorlar yaxshigina soqqa ishlab olishadi. Shaffoflik esa, “davlat siri” degan tamg’a bilan xalqdan yashiriladi. Jamoatchilik bu qurilishdagi tenderlar qanchalik shaffof o’tgani, ajratilgan pullar to’g’ri ishlatilganini tekshira olmaydi. Surishtirganni uyiga DXX va IIV itlari boradi. Gapirishdan to’xtamasa firibgar va tovlamachiga chiqarib qamashadi. Yakunda baribir ko’prikni o’zi barcha jinoyatlarni fosh qilyapti.

Endi bir o’ylab ko’ring, pulni juda yaxshi ko’radigan diktator Mirziyoyev davrida Respublikamiz bo’ylab minglab bunday inshootlar qurildi. Deyarli barchasi korrupsiyasiz, xalqning pullari talanmasdan amalga oshmadi. Qachon u jinoyatlar o’rganiladi? Jamoatchilikka ochiqlamoqchi bo’lgan jurnalist va blogerlarga bosim qilish to’xtaydi? Yoki qolganlariniyam qulashini kutamizmi?

@UygonTuron

XXI asrda oddiy ko’prikni eplab qurolmaydigan korrupsionerlarga vatan va xalq taqdirini ishonib bo’lmaydi. Xalqqa muxolifat kerak!

@UygonTuron

Byudjetimizni qanday talon-taroj qilayotganlarini quyidagi kanal faktlar bilan ochiqlab keladi. Kuzatib borishiz uchun tavsiya qilaman

@UygonTuron

https://t.me/gazna1/627

You tubeda 1700 dan ortiq kishi ishtirok etgan so’rovnomamiz natijasiga ko’ra 83% ovoz beruvchilar Mirziyoyevni diktator deb bilishar ekan. Sotsiolog va boshqa tahlilchilar uchun juda muhim sotsial tadqiqot bu.

Diktatura taraqqiyot kushandasi!

@UygonTuron

Mubaşşir Ahmad ning yuragi kasal bo’lishiga qaramay, ko’rinishida biroz yaxshidek turgani sabab, Navoiga qayta jo’natishga tayyorlashyapti. Domlani tezroq qamoqqa qaytarilishi to’g’risida yuqoridan buyruq kelgan. Bunday holatdagi kasallar aslida Sangorodda doimiy shifokorlar nazoratida davolanishi kerak. Biroq, Mubashshir Ahmadga sog’lig’i yaxshilandi tashxisi qo’yilib, tezroq qayta qamoqqa jo’natishga harakat boshlangan.

@UygonTuron

Bugun, diktator Mirziyoyevning siyosiy mahbusi Abduqodir Mo’minov tug’ilgan kun.

Abduqodir Mo’minov sud hukmiga ko’ra jazo muddatini umumiy tartibli kolonnada o’tashi belgilangan bo’lsada, Navoidagi qattiq tartibli kolonnaga yuborilgandi. O’shanda mas’ullar bu qonunbuzarliklarini umumiy tartibli kolonnada joy yo’qligi uchun vaqtinchalik qaror deb oqlashgan edi. Oradan mana 3 yil o’tsa hamki, umumiy tartibli kolonnada bitta jurnalist uchun joy topilmayapti. Mo’minov hanuzgacha qattiq tartibli kolonnada, o’ta xavfli retsidivistlar bilan og’ir sharoitlarda asirlikda saqlanyapti.

Abduqodir Mo’minov O’zbekiston ichida turib, diktator Mirziyoyev va uning yuvindixo’rlarini qattiq qo’rqitib qo’ygan o’zbek xalq qahramoni bo’lib tarixda qoladi.

@UygonTuron

https://youtu.be/goeENXfwwZw?is=qzyr_8Fw9RKlVT06

Birinchi ma’muriyat davrida haqni gapirganlarga “ diniy ekstrimist, terrorist” tamg’alari yopishtirilardi. Ikkinchi ma’muriyat davriga kelib ularga “firibgar, tovlamachi” degan tamg’a qo’yish urfga aylandi.

Muammolarni ko’tarib chiqayotgan, amaldorlarni tanqid qilishga o’zida jur’at topgan bloger borki deyarli barchasi mana bugun “firibgar yoki tovlamachi” kabi soxta ayblovlar bilan panjara ortiga tashlandi.

O’zi kim firibgar? Kim tovlamachi? Siyosat olamidagi siyosiy firibgarlar kimlar? Navbatdagi xalq bilan muloqotimizda ana shu dolzarb mavzuda xalq bilan muloqot qilamiz.

Suhbat yakshanba, Toshkent vaqti bilan 20:00 da @UygonTuron telegram kanalida bo’lib o’tadi. E’lonni ko’proq do’stlarizga ulashing🤝

Birlashsak katta kuchmiz👊🏻

@UygonTuron

https://www.youtube.com/live/Zq9NqynFi4g?is=tRZsYmk-uuu_KB3G