Ko’plar nega raislikdan ketganimni, kanallarni topshirganimni so’rab yozyapti. Va ba’zi do’stlarim bundan xafa bo’lishyapti. Barchaga shu yerda javob beray:

O’n marta lavozimimni so’rashsa, o’n martayam topshiraman. O’n marta mehnatlarim singgan kanal va guruhlarimni so’rashsa, o’n martayam bervoraman. Muhimi hech kim mandan ovozimni, aqlimni, kuchimni tortib ololmaydi. Man sizlar bilan boshlagan yo’limizda oxirigacha boraman va sizlar ham man bilan oxirigacha borishlarizga ishonaman.
Shu raislik eng boshidan qo’l-oyog’imga kishan bo’ldi. Shu kishanlarni bugun unga oshiq bo’lganlarga qoldirdim. Ko’zlari to’ysin. Biz esa kelgan joyimizdan yo’limizda davom etamiz. Aslo tushkunlikka tushmang! Har ishda bir xayr bor. Muhimi men haliyam sizlar bilanman.

Birlashsak katta kuchmiz ✊🏻

@UygonTuron

Navbatdagi yoyin bugun, Toshkent vaqti bilan 14:00 da

https://www.youtube.com/live/SPiQTFpulpc?si=75vY6Vga2OynUx6b

@UygonTuron

O‘zbekistonda energetika inqirozi: Muammo sovuqda emas, tizimda.

O‘zbekistonda energetika muammosi har yili takrorlanadi. Qishda gaz bosimi tushadi, elektr o‘chadi, yozda esa avariyalar ko‘payadi. Rasmiy izohlar doim bir xil: “ob-havo”, “texnik nosozlik”, “iste’mol oshib ketdi”. Ammo savol shuki - nega bu muammo tizimli ravishda takrorlanmoqda? Va bugun dunyoda faqat O‘zbekistonda bor bu muammo?

Muammo sovuqda ham emas, aholining ko‘payganida ham emas. Muammo - eskirgan infratuzilma, korrupsiya, yopiq boshqaruv va monopol tizimda.

1. Eskirgan tarmoqlar va yo‘qotishlar

O‘zbekiston elektr va gaz tarmoqlarining katta qismi sovet davrida qurilgan. Modernizatsiya yetarli darajada olib borilmagan. Natijada:
• texnik yo‘qotishlar yuqori,
• uzatish liniyalari tez-tez ishdan chiqadi,
• rejalashtirilmagan o‘chishlar odatiy holga aylangan.

Energetika - bu uzluksizlik tizimi. Agar investisiya va texnik yangilanish izchil bo‘lmasa, har bir sovuq mavsum inqirozga aylanadi.

2. Monopol boshqaruv va shaffoflik muammosi

Energetika sektori amalda davlat monopoliyasi qo‘lida. Raqobat yo‘q, mustaqil nazorat yo‘q, real ochiqlik yetishmaydi. Tariflar oshiriladi, lekin xizmat sifati mos ravishda yaxshilanmaydi.

Savol tug‘iladi:
Tariflar ko‘tarilgach, bu mablag‘lar qayerga yo‘naltirilmoqda?
Modernizatsiyaga qancha sarmoya kiritildi?
Yo‘qotishlar necha foizga kamaydi?

Ochiq va jamoatchilikka hisobot beradigan tizim bo‘lmasa, ishonch ham bo‘lmaydi.

3. Gaz eksporti va ichki taqchillik paradoksi

O‘zbekiston energiya resurslariga boy davlat hisoblanadi. Shunga qaramay, ichki ta’minotda uzilishlar kuzatiladi. Bu esa rejalashtirish, prioritet va ichki balans siyosati bilan bog‘liq savollarni keltirib chiqaradi.

Energetika siyosatining asosiy tamoyili oddiy bo‘lishi kerak:
avvalo ichki ehtiyoj, keyin eksport.

4. Ijtimoiy oqibatlar

Energetika muammosi - shunchaki texnik masala emas. Bu:
• kichik biznesning to‘xtashi,
• ishlab chiqarishning qisqarishi,
• aholining qo‘shimcha xarajatlari,
• ijtimoiy norozilikning kuchayishi demakdir.

Elektr uzilishi - bu faqat chiroq o‘chishi emas. Bu iqtisodiy faollikning to‘xtashi.

5. Yechim nima?

Muammoni hal qilish uchun:
1. Energetika infratuzilmasini real va keng ko‘lamli modernizatsiya qilish.
2. Tarif siyosatini shaffoflashtirish va har bir so‘m bo‘yicha ochiq hisobot berish.
3. Sektor ichiga raqobat elementlarini kiritish.
4. Qayta tiklanuvchi energiya manbalarini (quyosh, shamol) jadallashtirish.
5. Mustaqil regulyator va jamoatchilik nazoratini kuchaytirish.

O‘zbekistonda energetika muammosi tabiiy emas - tizimli muammodir. Har yili “favqulodda” deb taqdim etilayotgan holat aslida rejalashtirish va boshqaruvdagi kamchiliklarning natijasidir.

Energetika - davlatning asab tizimi. Agar u ishlamasa, butun organizm izdan chiqadi. Muammoni tan olish - zaiflik emas. Uni yashirish esa inqirozni chuqurlashtiradi. Muammoni gapirganlarni qamash, qo‘rqitish, ovozini o‘chirish yechim bo‘lolmaydi.

Energetika barqaror bo‘lmaguncha, iqtisodiy barqarorlik haqida gapirish qiyin. Va bu masala ijtimoiy muammo emas - milliy xavfsizlik darajasidagi masaladir.

Bugun Toshkent vaqti bilan 20:00 da ushbu mavzuda xalq bilan muloqot qilamiz.

@UygonTuron

Texnik muammolar sabab ovoz uzilishlari bo’layotgani uchun suhbatni boshqa vaqtga qoldiramiz va you tube bilan birgalikda avvalgidek tashkil qilamiz.

@UygonTuron

Bular xalq boyliklarini o’marsa mayli. Xalqni boyligi qani deb so’raganlar esa “xoin, vatan dushmani, chet eldan pul oladi”.

Xalq muxolifat atrofida birlashmas ekan xalqning haqini talab boyiyotgan kalamushlar to’xtamaydi. Muxolifatdan ana shular qo’rqadi. Muxolifat kelsa ana shu kalamushlarning kuni bitadi. Shuning uchun muxolifatga qarshi butun boshli trollari, quloqlari, sotqinlarini tashlashadi.

@UygonTuron

Bu yigitni uyiga bugun Terrorizmga qarshi kurash bo’limini Gulmurodlari boradi. Tushuntirish (qo’rqitib qo’yish) ishlari o’tkaziladi. Avtoritar rejim undan qo’rqmaydigan, bo’ysunmaydigan, yangi bir avlod yetishib kelayotganini haliyam anglamayapti. Bugungi yoshlarda qo’rquv yo’q. Bu esa korrupsionerlardan tashkil topgan amaldagi avtoritar rejim uchun jiddiy xavfdir.

P.s: Faqat bu bolaniyam firibgarlik va tovlamachilikda ayblab qamamanglar. Sizlardan bunday jinnilikni kutsa bo’ladi.

@UygonTuron

Xorazmda Al Xorazmiy haykali uchun soliq to’lovchilarning byudjetidan 25 mlrd so’m ajratilyapti. Shu pul ta’limga, bola puliga yoki nafaqaxo’rlarning nafaqalariga ajratilsa bo’lardimi? Bo’lardi. Lekin bu yerda asosiy maqsad haykal emas, haykal bahona byudjet pullarini talon-taroj qilish. Xalqqa bersa unda amaldorlar puldan quruq qoladi. Nazorat qiluvchilar yo’q ekan, parlamentda muxolifat bo’lmas ekan xalq pullari anashunday talon-taroj qilinaveradi. Bugun muxolifatdan aynan shu xalqni talayotganlar qo’rqyapti.

@UygonTuron

Germaniyada ilk taroveh namozini bolalar bilan birga o’qidik. Demokratik davlatda Afg’onlar va Suriyalik muhojirlar ko’p keladigan masjid atrofida bitta ham politsiyachi yo’qligini ko’rib ajablandim. Hech bo’lmasa bolalarga mumkin emas deb turishsa kerak deya o’ylagandim.
Xitoy ta’siri ostidagi Sharqiy Turkistonda uyg’ur bolalar masjidga qo’yilmayotgani, xitoy polislari tarovehga kelayotganlarni qattiq nazorat qilayotgani haqida yozishyapti. Aksar aholisi musulmon bo’lgan O’zbekistonda ahvol qanday?

@UygonTuron

Trump Mirziyoyevni mening do’stim dedi. Albatta, kimdir senga 100 mlrd dollarini olib kelsa nafaqat do’stim, voy dodam deydi ba’zilar.

Trump va Mirziyoyev munosabatlari shaxsan Trumpning va AQSH xalqining yutug’idir. Shu aloqalar sabab AQSHga 100 mlrd dollar kiryapti axir. Ular qancha xursand bo’lsa, qancha bayram qilsa arziydi. Lekin O’zbekistonliklarchi? Mirziyoyev xalqqa bu 100 mlrd dollar qayerdan ketayotganini hisobini bermaydimi? Qishda energiyadan uzilganlar, sovuqda tuni bilan metanda navbatini kutganlar, ortiqcha soliqlar va jarimalar hisobidanmi bu pullar? Yoki sotilgan lavozimlardan, sindirilgan bizneslardan, talangan tabiiy boyliklardan va boshqa korrupsion jinoyatlardan yig’ildimi bu pullar? Yo’q bu pullar halol, xalqni haqini yemay topganmiz deyishsa marhamat qilib qayerdan degan savolga javob berishsin?!

@UygonTuron

Aliyevning 50 ming kishilik trollar armiyasi mavjud deydi Oksford Universiteti tahlilchilari. Ularning tadqiqotlariga ko’ra talabalar, kuch tuzilmalari zobitlari va byudjet tashkilotlari xodimlaridan tashkil topgan 50 ming kishilik trollar armiyasi tarmoqda Aliyevni madh qilish, uning muxoliflarini obro’sizlantirish ishlari bilan faol shug’ullanib kelishadi.

P.s: Diktatorlarga tekkan kasal ekan xullas, pastkashlik, sharafsizlik va har qanday jirkanchliklardan qaytmaslik.

@UygonTuron

Energetika inqirozi mavzusida o’tgan yakshanba bo’lishi kerak bo’lgan suhbatimizni ertaga, Toshkent vaqti bilan 20:00 da telegram kanalimizda tashkil qilamiz. Shuningdek, suhbat you tubeda ham jonli uzatiladi.

https://www.youtube.com/live/ONMjwW5Bf_w?si=R8S7irOT2PwgmNOd

@UygonTuron

Alhamdullilah, telegram kanalim va guruhim qisqa muddat bloklandi va hozir qayta tiklashga muvoffaq bo’ldik.

@UygonTuron