ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៦៩ ឈានចូល ២៥៧០ ថ្នាក់ដឹកនាំ សមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជា រាជធានីភ្នំពេញ សូមផ្ញើក្ដីស្រឡាញ់ និងក្ដីនឹករឭកឥតឧបមា ជូនចំពោះបងប្អូនវីរកងទ័ព វីរនគរបាល និងបងប្អូនជនភៀសសឹកទាំងអស់ 🎊🇰🇭🥰

ពិធីបុណ្យចូលឆ្នាំថ្មីប្រពៃណីជាតិខ្មែរ គឺជាពេលវេលាដែលបងប្អូនជនរួមជាតិត្រូវជួបជុំក្រុមគ្រួសារ ប៉ុន្តែបងប្អូនវីរកងទ័ព និងវីរនគរបាលជួរមុខបានលះបង់ពេលវេលាផ្ទាល់ខ្លួនហាលខ្យល់ ហាលក្ដៅ ហាលភ្លៀង ក្នុងបុព្វហេតុការពារបូរណភាពទឹកដីពីសត្រូវឈ្លានពាន។

សូមបួងសួងដល់វត្ថុស័ក្ដិសិទ្ធិទាំងអស់ក្នុងលោក និងទេវតាឆ្នាំថ្មី ប្រសិទ្ធពរជ័យនិងតាមអភិបាល ឃុំគ្រង វីរកងទ័ព និងវីរនគរបាលជួរមុខ ព្រមទាំងបងប្អូនជនភៀសសឹកទាំងអស់ សូមមានសុខភាពល្អ កម្លាំងកាយ និងកម្លាំងចិត្តមាំមួន មានសុខសុវត្ថិភាព ព្រមទាំងទទួលបានជោគជ័យគ្រប់ភារកិច្ច ជាពិសេសអាចវិលត្រឡប់ទៅកាន់លំនៅដ្ឋានជួបជុំក្រុមគ្រួសារក្នុងពេលដ៏ឆាប់ខាងមុខនេះ។

ពួកយើងទាំងអស់គ្នានឹងនៅរួមសុខទុក្ខជាមួយបងប្អូនគ្រប់កាលៈទេសៈទាំងអស់។

JOIN 🌐@UYFC Phnom Penh

🌐 | FACEBOOK
🌐 | TIKTOK

🎊 ក្នុងឱកាសឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៦៩-២៥៧០ សូមទេវតាឆ្នាំថ្មី ព្រះនាម រាក្យសាទេវី ប្រសិទ្ធពរជ័យ សិរីមង្គល វិបុលសុខ មហាប្រសើរ ជូនចំពោះ បងប្អូនមហាគ្រួសារខ្មែរ សូមទទួលបាននូវសុខភាពល្អបរិបូរណ៍ កម្លាំងមាំមួន អាយុយឺនយូរ និងជួបប្រទះតែនឹងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ 🐎🇰🇭🥰

សូមគោរពជូនពរ ពីក្រុមគ្រួសារសហភាពសហព័ន្ធយុវជនកម្ពុជា រាជធានីភ្នំពេញ 🙏

JOIN 🌐@UYFC Phnom Penh

🌐 | FACEBOOK
🌐 | TIKTOK