🎊 ល្បែងទាញព្រ័ត្រ មិនត្រឹមតែជាល្បែងប្រជាប្រិយដ៏ពេញនិយមប៉ុណ្ណោះទេ ថែមទាំងត្រូវបានដាក់បញ្ចូលក្នុង បញ្ជីបេតិកភណ្ឌវប្បធម៌អរូបី នៃមនុស្ស ជាតិ កាលពីថ្ងៃទី២ ខែធ្នូ ឆ្នាំ២០១៥ នៅ ទីក្រុងវិនឌុក ប្រទេសណាមីប៊ី ទៀតផង 🥰🇰🇭

តស់! មកស្វែងយល់អំពីការលេងល្បែងទាញព្រ័ត្រទាំងអស់គ្នា…

- គេចែកអ្នកលេងជា ២ក្រុម ម្ខាងៗយ៉ាងតិច៥ ទៅ១០នាក់ ហើយបើតាមទម្លាប់គេឱ្យមនុស្សស្រីនៅម្ខាង និងប្រុសៗនៅម្ខាង។ គេយល់ថា ភេទស្រីមានកម្លាំងខ្សោយជាងបុរស ដូច្នេះគេតែងឱ្យចំនួនខាងស្រីច្រើនជាងបុរស។

- គេតែងតែរើសយកប្រុសម្នាក់ ស្រីម្នាក់ ដែលមានមាឌធំ កម្លាំងខ្លាំង ជាអ្នកកាន់ចុងព្រ័ត្រ ហើយប្រុសម្នាក់ស្រីម្នាក់ទៀត ដែលមានកម្លាំងខ្លាំង ជាអ្នកឈរកណ្តាលព្រ័ត្រ ចំណែកឯអ្នកដែលមានមាឌតូចៗ កម្លាំងខ្សោយ គេឱ្យឈរកណ្តាលគេ។

- ចំពោះលក្ខខណ្ឌក្នុងការលេង គឺបើសិនជាក្រុមម្ខាងណាត្រូវបានក្រុមម្ខាងទៀតទាញផុតពីគំនួសដែលបានកំណត់ ដូច្នេះក្រុមនោះនឹងទទួលបរាជ័យ។

JOIN 🌐@UYFC Phnom Penh

🌐 | FACEBOOK
🌐 | TIKTOK

នៅក្នុងវរោកាសអភិលក្ខិតកាលដ៏មហាមង្គលសួស្តីប្រពៃថ្លៃថ្លានៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៦៩ ឈានចូល ២៥៧០ ទូលព្រះបង្គំ ខ្ញុំម្ចាស់ជាសមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជា រាជធានីភ្នំពេញ សូមព្រះបរមរាជានុញ្ញាតក្រាបបង្គំថ្វាយនូវព្រះសព្ទសាធុការ ពរជ័យ បវរសួស្តី សិរីមង្គល វិបុលសុខ មហាប្រសើរគ្រប់យ៉ាង ថ្វាយចំពោះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការដ៏ខ្ពង់ខ្ពស់បំផុត។

សូមវត្ថុស័ក្តិសិទ្ធិទាំងឡាយក្នុងលោក គុណបុណ្យព្រះរតនត្រ័យកែវទាំងបី ទេវតាឆ្នាំថ្មីព្រះនាមរាក្យសាទេវី ទេវតាថែរក្សាទឹកដីនៃព្រះរាជាណាចក្រកម្ពុជា បុណ្យបារមីទេវតាថែរក្សាព្រះមហាស្វេតច្ឆត្រ ព្រមទាំងបុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមតាមជួយបីបាច់ថែរក្សាអភិបាលព្រះករុណាថ្លៃវិសេស សូមព្រះអង្គទ្រង់ប្រកបដោយព្រះកាយពលរឹងមាំខ្លាំងក្លា ព្រះបញ្ញាញាណភ្លឺថ្លាត្រចះត្រចង់ ព្រះរាជសុខភាពល្អបរិបូរណ៍ ព្រះជន្មាយុយឺនយូរជាងរយព្រះវស្សា ចាកផុតពីព្រះរោគាព្យាធិនានា ដើម្បីព្រះអង្គទ្រង់គង់ប្រថាប់នៅក្នុងព្រះបរមសិរីរាជសម្បត្តិ ជាព្រះម្លប់ដ៏ត្រជាក់ត្រជុំ សម្បូរសប្បាយ ចម្រុងចម្រើន ថ្កុំថ្កើង រុងរឿងរបស់មាតុភូមិ និងប្រជានុរាស្ត្រទូទាំងនគរកម្ពុជា។

JOIN 🌐@UYFC Phnom Penh

🌐 | FACEBOOK
🌐 | TIKTOK

នៅក្នុងវរោកាសអភិលក្ខិតកាលដ៏មហាមង្គលសួស្តីប្រពៃថ្លៃថ្លានៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៦៩ ឈានចូល ២៥៧០ ទូលព្រះបង្គំ ខ្ញុំម្ចាស់ជាសមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជា រាជធានីភ្នំពេញ សូមព្រះបរមរាជានុញ្ញាតក្រាបបង្គំថ្វាយនូវព្រះសព្ទសាធុការ ពរជ័យ បវរសួស្តី សិរីមង្គល វិបុលសុខ មហាប្រសើរគ្រប់យ៉ាង ថ្វាយចំពោះ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត។

សូមវត្ថុស័ក្តិសិទ្ធិទាំងឡាយក្នុងលោក គុណបុណ្យព្រះរតនត្រ័យកែវទាំងបី ទេវតាឆ្នាំថ្មីព្រះនាមរាក្យសាទេវី ទេវតាថែរក្សាទឹកដីនៃព្រះរាជាណាចក្រកម្ពុជា បុណ្យបារមីទេវតាថែរក្សាព្រះមហាស្វេតច្ឆត្រ ព្រមទាំងបុណ្យបារមីនៃដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ សូមតាមជួយបីបាច់ថែរក្សាអភិបាលសម្ដេចម៉ែ សម្ដេចយាយ សម្ដេចយាយទួត សូមព្រះអង្គទ្រង់ប្រកបដោយព្រះកាយពលរឹងមាំខ្លាំងក្លា ព្រះបញ្ញាញាណភ្លឺថ្លាត្រចះត្រចង់ ព្រះរាជសុខភាពល្អបរិបូរណ៍ ព្រះជន្មាយុយឺនយូរជាងរយព្រះវស្សា ចាកផុតពីព្រះរោគាព្យាធិនានា ដើម្បីព្រះអង្គទ្រង់គង់ប្រថាប់ជាព្រះម្លប់ដ៏ត្រជាក់ត្រជុំ សម្បូរសប្បាយ ចម្រុងចម្រើន ថ្កុំថ្កើង រុងរឿងរបស់មាតុភូមិ និងប្រជានុរាស្ត្រទូទាំងនគរកម្ពុជា។

JOIN 🌐@UYFC Phnom Penh

🌐 | FACEBOOK
🌐 | TIKTOK

ល្បែងវាយក្អម ជាល្បែងប្រជាប្រិយមួយប្រភេទដែលគេតែងនិយមលេងក្នុងពិធីបុណ្យចូលឆ្នាំ ដើម្បីបង្កលក្ខណៈសប្បាយ ប៉ុន្តែវាបានបង្គប់នូវអត្ថន័យទៅលើជំនឿ ដែលគេជឿថា ល្បែងនេះ មានគោលបំណងដើម្បីដេញរឿងមិនល្អ រឿងហ្មងសៅ ទៅតាមអំបែងក្អមដែលវាយបែក 🎊🇰🇭🥰

ការលេងល្បែងនេះ ត្រូវមានការរៀបចំទុកមុនឱ្យបានល្អ និងត្រូវរកបង្គោល២សងខាង (អាចជាដើមឈើ ឬសសរណាមួយ) ដើម្បីចងខ្សែដែលមានប្រវែង និងទំហំសមរម្យក្នុងការទ្រទ្រង់នឹងទម្ងន់ក្អម។ នៅក្នុងក្អមគេមានដាក់ម្សៅក្រអូបតំណាងសិរីសួស្តី។ ដោយឡែកគេត្រូវត្រៀមដំបងទុកមួយមានប្រវែងសមាមាត្រទៅនឹងកម្ពស់ក្អម។ តាមធម្មតា គេត្រូវការក្រមារុំភ្នែកអ្នកវាយឱ្យជិត រួចធ្វើការបង្វិល ៣​ ជុំ។ បន្ទាប់មកទៀត គេឱ្យអ្នកលេង ធ្វើការវាយក្អមតាមការទទួលអារម្មណ៍ដឹងរបស់ខ្លួន។ ល្គឹកណាអ្នកនោះវាយខុសគ្រប់កំណត់បីដង ចាត់ទុកថាចាញ់ ដោយឡែកប្រសិនបើវាយបែកក្អមនោះ ចាត់ថាឈ្នះ​។

JOIN 🌐@UYFC Phnom Penh

🌐 | FACEBOOK
🌐 | TIKTOK