គម្រោង«គំនិតផ្ដួចផ្ដើមសាលារៀនកម្ពុជា» ត្រូវបានប្រកាសដាក់ឱ្យដំណើរការជាផ្លូវការក្នុងសិក្ខាសាលាស្តីពី «ការបណ្តុះបណ្តាលផ្នត់គំនិតស្ថាបត្យកម្ម គំនិតផ្គួចផ្តើមសាលារៀនកម្ពុជា និងការសម្ពោធកម្មវិធីស្ថាបត្យកម្មខ្មែរ» កាលពីថ្ងៃទី១៣ ខែវិច្ឆិកា ឆ្នាំ២០២៥ នៅទីស្ដីការក្រសួងរៀបចំដែនដី នគរូបនីយកម្ម និងសំណង់។

ក្រសួងរៀបចំដែនដី នគរូបនីយកម្ម និងសំណង់ គណៈស្ថាបត្យករកម្ពុជា សហការជាមួយនឹង ក្រុមហ៊ុន Apsara Media Service (AMS) សមាគមស្ថាបត្យករខ្មែរ និងសហភាពសហព័ន្ធយុវជនកម្ពុជា​ រាជធានីភ្នំពេញ បានរួមគ្នារៀបចំសិក្ខាសាលាស្តីពី «ការបណ្តុះផ្នត់គំនិតស្ថាបត្យកម្ម គំនិតផ្គួចផ្តើមសាលារៀនកម្ពុជា និងការសម្ពោធកម្មវិធីស្ថាបត្យកម្មខ្មែរ» ដើម្បីពិភាក្សាពិគ្រោះយោបល់​ ប្រមូលធាតុចូល និងផ្សព្វផ្សាយអំពីដំណេីរការនៃគម្រោងគំនិតផ្ដួចផ្ដើមសាលារៀនកម្ពុជា​ ដែលផ្តោតសំខាន់លើការរៀបចំកែលម្អសោភ័ណភាព មុខងារអគារ និងលំហបៃតងនៅតាមសាលារៀន ក្នុងទិសដៅធ្វេីយ៉ាងណា​ជំរុញការរៀបចំផែនការមេជូនសាលារៀន​ ដើម្បីលើកកម្ពស់គុណភាពសិក្សារបស់សិស្ស​ សុខភាពសិក្សា​ បំណិនជីវិត និងប្រែក្លាយទីធ្លាសាលាបម្រើដល់ប្រយោជន៍សហគមន៍ទាំងមូល។

JOIN 🌐@UYFC Phnom Penh

🌐 | FACEBOOK
🌐 | TIKTOK