​​Hayotda ko’p mahsulotlar biznes egasining fikrlari va o’ylovlari asosida quriladi va ko’pincha muvaffaqiyatsizlikka uchraydi, buning asosiy sababi yetarlicha UX tadqiqot (UX research) qilinmaganidir. UX research bu sizning mahsulotga nisbatan fikrlaringizni va mulohazalaringizni to’g’riligini amalda tekshirishdir, bu ish qilinmagan taqdirda siz vaqt, mablag’ tarafdan katta yuqotishlarga uchrashingiz mumkin.

UX dizaynerlar UX research natijalarini sof va tabiiy chiqishiga jiddiy e’tibor berishlari kerak. Bu borada ular hammada uchraydigan BIAS dan ehtiyot bo’lishlari kerak.

BIAS nima? Bu biror vaziyatni inson o’z qarashlari, ichki intuitsiyalari asosida yoki "shunaqa bo’lsa kerak" qabilida baholashdir. Demak UX dizaynerlar tadqiqot olib borayotganlarida imkon bor qadar o’z shaxsiy qarashlarini tadqiqot natijalariga ta’sir qilmasliga harakat qilishi kerak. Aks holatda tadqiqot natijalari foydalanuvchilardan olingan tabiiy hulosalarga emas UX dizaynerning shaxsiy fikr mulohazalariga tayangan hulosalarga aylanib qoladi. Bu esa tabiiyki kutilgan natijalarni bermaydi.

BIAS ning quyidagi turlari mavjud:
- Confirmation bias
- False consensus bias
- Recency bias
- Primacy bias
- Implicit bias
- Sunk cost fallacy

Keyingi postlarimizda bularning har biri bilan batafsil tanishib chiqamiz, bizdan uzoqlashmang

Linkedin | Telegram | www.uxd.agency

UX dizaynga qiziquvchilar diqqatiga

Shu oyning 25-sanasida, 20:00 da Youtubeda jonli efirda UXD agency asoschisi Abdulaziz Bektrudiyev bilan jonli suhbat o'tkazamiz. Asosiy mavzuda UX Research bilan tanishib chiqamiz.

Bu do'stona suhbatda siz qimmatli maslahatlar va o'zingizni qiziqtirgan savollarga javoblar olishingiz mumkin. Boshqa dizaynerlarga ham ulashib qo'ysangiz mamnun bo'lamiz. Ko'rishguncha!

Linkedin | Telegram | www.uxd.agency

📢 Bugun YouTube da jonli suhbatimiz borligi esingizdami? Savollaringiz tayyormi? Tez orada boshlaymiz inshaalloh

Biz hozirda hayotimiz ko'plab kundalik ishlardan iborat zamonda yashayapmiz va ba'zi odatlarimiz bevosita zamonaviy texnologiyalar bilan bog'liqdir. Misol uchun uyqudan turganda ijtimoiy tarmoqlarni, emaillarni tekshiramiz, ko'plab yangi xabarlarni o'qiymiz.

Prof. Dr. Martin Korte o'tkazgan tajriba natijalariga ko'ra zamonaviy texnologiyalar insonlarni bir vaqtda bir nechta vazifalarni bajarish (Multitasking) ga majbur etmoqda. Bu o'z navbatida insonning diqqatiga salbiy ta'sir qiladi va xotiraning eslab qolishini susaytiradi.

Har safar vebsaytlarni ochganimizda, inson unda biror bir ishni bajarish uchun qandaydir ma'lumotlarni o'rganib chiqishga to'g'ri keladi. Lekin qancha ma'lumot ko'p bo'lsa, ularni qabul qilishda inson miyasi shunchalik ko'proq qiynaladi. Bu jarayon cognitive load deb atalib, bunda kòp ma'lumotlar ta'sirida inson miyasi faoliyati sustlashadi va biror vazifani qilishdan bosh tortadi va vebsaytni tark etadi. ☹️ Buning oldini olish uchun quyidagilarga e'tibor berish kerak:

- Ko'p tanlovli holatlardan qochish
- Juda ko'p o'ylashga majbur qiladigan vazifalar bermaslik
- Noaniqlik paydo qiladigan vaziyatlarni yaratmaslik
- Dizaynda vizual jihatdan og'irlik ya'ni juda ko'p dizayn elementlar ishlatmaslikga harakat qilish

Manba: uxcel.com

Linkedin | Telegram | Youtube | www.uxd.agency