الوجيه الغبر سبت وأحد
وأنت عندي مثل صبّح الربوع

مو شرط تصبح كل الأوقات لماح
ترى التغابي من فنون الذهانه

وانت اللي اشوف انه أجمل وأكمل انسان
وانت اللي احس بطعم حبه في ريقي
- محمد المقحم

انا لا تباطيتك .. علي الوله ينشاف

يموت الفطين اللي معه معرفه وإحساس
ويعيش البليد اللي تعايش مع جهله

اثر الغلا لازاد عن حده إنباع
مثل الدفى لازاد يصبح حريقه

سلام الله عليك من أول الدنيا ليوم الدين
‏يابو قلبٍ حنانه يستتر بالمظهر القاسي

‏أعرفك زين وأدري إنك حبيبي وتعرفني زين
‏ولو كلٍ بدا لـ الثاني إنه صار متناسي

تمر .. وينقسم من لهفتي لمواجهك ظلين
وتحط إيدك على قلبك وأحط إيدي على راسي

خاب ظني .. ليت ظني فيك ماخلاني
ابني أحلامي على حاجةٍ ماهي مضمونه

وليت ماجاني من إحساس الندم ماجاني
شيٍ يحطم صميم القلب قبل ركونه

الجفا اللي عقب لذة وصلك الإنساني
والسلام البارد اللي عقب طوّل المونه

أعتذر لك عن خطاب اسلوبي الوجداني
الأدمي مهما حصل يبقى رهين ظنونه
- مزيد الوسمي

تزاحمت حول الظنون المعاذيّر
‏وفضلت عن كثر الكلام إنعزالي

‏ماعاد أصدق سالفة سرك فبيّر
‏قطعت عن بير السوالف حبالي

‏أسجّ من تفكير وأرجع لتفكيّر
‏وأبرك رحالي وأشدد رحالي

‏إن زانت الأخلاق تنبت نواويّر
‏وإن شانت الأخلاق زعلت غالي

أنا الطريق الممتلي بالمحطات
‏لا تخدعك رحابتي .. وإمتدادي

‏أعرف من الألوان لون البدايات
‏أخضر ويذبل ويتحول رمادي

‏وأجهل من التوديع كل العبارات
‏إلا فمان الله ، وطيب ، وعادي

أعتبرني معطيات الواقع اللي يستثيرك
حبني مثل الخيال وخلني مثل المخيله

القبال اللي تشوفه قادر يحدد مصيرك
والقبول اللي لمسته منك يكفي عن قبيله

بعترف لك بالحقيقه كامله وأنت وضميرك
بعد ماخضت الحياه بسكة الصبر الطويله

يوم مرتني حياتي كلها ماشفت غيرك
أنت صورة كل مشهد وأنت قصة كل ليله