رعى الله كل يوم مرّنا ما قبل ذاك الحين
‏على ذمّة صفى الأيام والأحلام وردية

‏يوم إنك تستحي لا تذكر إن عمرك وصل عشرين
‏وأنا ما طاب لي إلاّ ما ورى العشرين بشوية

المسألة ما هي اعتذار ودمح زلّات
‏ الاعتذار اللي ما يليق بمقام الجرح جرح ثاني

المحبة طب الأرواح الأول والأخير
‏والعلاج اللي ما نلقاه عند الصيدلي

معك كل الليالي فارقه حتى ليال السبت
‏لو إني قبل أعرفك كنت واحد ما يدانيها

أكثر خساير هالبشر أهل القلوب الصّادقة

العدو ما عاد يذبح عدوّه ، ذا الزمان
‏لا توردني على الموت وأنت تحبني

استعذب اللي تقوله لو ترد السلام
‏كنها ثلاثين بيتٍ يلوق في مسمعي

جيتيني مثل ردّ الجميل اللي تخبى بوجه الأيام

مثل ما فازت الجمعة بـ عيد الأسبوع
‏ميَّز الله بعض الأشخاص عن غيرهم

اثر الكلام اللي يوقع في القلوب
‏أقسى من المشوار وقت القايله

صرت فالدنيا و أهلها و زينتها زهيد
‏بايعٍ لا صاحت الناس فأول سوم باع
‏- مزيد الوسمي

لا باس يالجوف الكتوم وسلامات
‏فيك اسرفت كف الجروح الكريمه

‏‌واللي يشوف الوجه والابتسامات
‏ما يدري ان الصدر مسرح جريمه

لو رضيتي قبل لا يجرح الصبح الأديم
‏ما زعل ليل الثلاثاء .. على صبح الربوع
‏- فهد العيبان

ودّك إن العزيز مايخطي ودّك تشوفه
‏دايم في سما الطايلات يتفيّا ، ولكنها حياة

عن كثير الأرض واللي فوقها يكفي قليلي
‏لو تشوفوني وحيدٍ منعزل .. ويحب ذاته
‏- مشاري محمد

الحمد لله دائماً وابداً الحمد لله

على عيدك مبارك تاقف امال انتظاري سيد
‏هي اللي كانها ما جات منك مالها شاغر
- عبدالله ال لزيوح

كل عام وأنت العيّد وأنا السعيد به

يفارقني و هو واقف على بابي
يبي بعدي و دمعه بلّل ثيابي !

لو تسوقين الفناجيل قدام القدوع
قلت يا نعم التصرف ويا نعم الصنيع
- سعد السبوق

الوجيه الغبر سبت وأحد
وأنت عندي مثل صبّح الربوع