للحب عيد وانت يا حبي العيد

يكفيني من الكلام الصدق تلميح
مثل ما يكفي عن الضحك إبتسامة

طلعت بهزايم فادحة تصقل الفرسان
‏و رفعت العتب عن كل من خيّبوا ظني

‏إلى أمعنت في نفسي دريت إني الغلطان
‏عيون المجامل ما تشوف الخطأ مني

‏لا تنشد وش أقسى مرحلة في عمر الإنسان
‏لا هو من كبر تجربتي ، ولا كبر سني

‏أنا أعطيك درسٍ في المكابر على الأحزان
‏و أنا والله إن بعض التفاصيل تحزنّي

جاملنا وجيه مالها في الجمايل سوق
‏عطينا لها قيمة وهي مالها قيمة

ما أخاف البعد انا خايف عليك
وين تلقى لي بهالدنيا مثيل

انت بحري وانا اليم يقولون اللي يقولون
أنا في حبك متيم خلي الحساد يموتون

انت في قلبي غالي لو عنك يسألون
‏انت بحري وانا اليم خلي الحساد يموتون

ينتابني جرح الحزن لا هيفت شمس الغروب
‏ كنها تودعني ، وأنا مانيب أحبّ وداعها

رعى الله كل يوم مرّنا ما قبل ذاك الحين
‏على ذمّة صفى الأيام والأحلام وردية

‏يوم إنك تستحي لا تذكر إن عمرك وصل عشرين
‏وأنا ما طاب لي إلاّ ما ورى العشرين بشوية

المسألة ما هي اعتذار ودمح زلّات
‏ الاعتذار اللي ما يليق بمقام الجرح جرح ثاني

المحبة طب الأرواح الأول والأخير
‏والعلاج اللي ما نلقاه عند الصيدلي

معك كل الليالي فارقه حتى ليال السبت
‏لو إني قبل أعرفك كنت واحد ما يدانيها

أكثر خساير هالبشر أهل القلوب الصّادقة

العدو ما عاد يذبح عدوّه ، ذا الزمان
‏لا توردني على الموت وأنت تحبني

استعذب اللي تقوله لو ترد السلام
‏كنها ثلاثين بيتٍ يلوق في مسمعي

جيتيني مثل ردّ الجميل اللي تخبى بوجه الأيام

مثل ما فازت الجمعة بـ عيد الأسبوع
‏ميَّز الله بعض الأشخاص عن غيرهم

اثر الكلام اللي يوقع في القلوب
‏أقسى من المشوار وقت القايله

صرت فالدنيا و أهلها و زينتها زهيد
‏بايعٍ لا صاحت الناس فأول سوم باع
‏- مزيد الوسمي

لا باس يالجوف الكتوم وسلامات
‏فيك اسرفت كف الجروح الكريمه

‏‌واللي يشوف الوجه والابتسامات
‏ما يدري ان الصدر مسرح جريمه

لو رضيتي قبل لا يجرح الصبح الأديم
‏ما زعل ليل الثلاثاء .. على صبح الربوع
‏- فهد العيبان

ودّك إن العزيز مايخطي ودّك تشوفه
‏دايم في سما الطايلات يتفيّا ، ولكنها حياة