أحبّك وأختلي في جفن عينك والحقوق كثار
‏معاك أعذب مسافات الهوى وأحلى مشاويري

عن نسيم البرد والليل روحي في ذراك
‏كل ليلة في الشتاء معك ليلة دافيه

‏ من يعيش سنين عمره على ضفّة غلاك
‏مايبي غير الرضى .. والعفو والعافيه

أنا وشلون أحب وكل عرقٍ من عروقي جاك
‏مسيّر لك غرام ومنفلت حبله من إيديني

معك من وين ماودك بلا مرسى ولا ميقاف
معك لو مالت أوراق الشعور المنهك الذاوي

معك حتى لو سنين الحنين الماضيات عجّاف
معك حتى وأنا مدري علينا الوقت وش ناوي

معك لو غاب درب اللقاء وبعدنا ميلاف
معك لو خاننا التوقيت واحتار الزمن ناوي

كم واحدٍ قاضي حيله ووده يطيح
وتوقفه نظرة اللي يحسبونه قوي

عمر العنب ماشال هم العناقيد
‏ولا درت عن ضيقة الأرض غيمه

‏ولا شكى كثر الوطى واسع البيد
‏ولا جرح وجهه الحيا قِل شيمه

‏العقل نعمة والقناعات تجديد
‏وأفكارنا ماهيب دايم حكيمه

‏بعض الوضوح أحيان يحتاج تعقيد
‏لأن الحياة أصلاً ماهي مستقيمه

عليك يتبارك جعل سود القلوب فداك
‏و جعلك .. من اللي كل عامٍ يصومونه

ماهو حرام اقول احبك برمضان
‏اي والله احبك مثل باقي الشهور

‏ان كان حبك ذنب يا نور الأزمان
‏اقول انا أحبك و اقول الله غفور

أوحش مسافات العمر / منتصفها

ياطير أنا وياك فينا طبيعه
نتبع هوانا مانقلد هوى الغير

جعل ربي ما يجرّدني من شعور القناعة
‏يا كثر ما فاتني فرصة عمر .. وأقول خيرة

ماكل يومٍ لـ النشامى عيد

القلب يكسره اللسان ولا تجبره اليدين
‏ماهوب عظمٍ كل يوم تكسره وتجبره
‏ - صالح النشيرا

تعوّدت الرحيل وما علي خلاف
‏أنا في كل نفس .. الله موّزعني

قد غلبتك وأنت ما عشت في يوم مغلوب
‏قل نعم وأنا أعترف لك وأقول إنّك شجاع

أتحرّى العيد أكثر من طفل
‏واتعذّر فيه لأجل اسأل عليك

‏واسرق اللحظات منك بالعجل
‏فيه أبارك لك وابارك عمري فيك

ودّي بك وابيك واباك وابغاك
جمّعتها لرضاك واختار فيها

‏كانك مشكك في الوفا والغلا هااك
جوالي أقـرا القايمه كل ابيها

‏رقمك مع الصادر ولا وارد اسواك
والناس في اللي لم يرد عليها

دامك معي أنا معيّد من قبل ليلة العيد

للحب عيد وانت يا حبي العيد

يكفيني من الكلام الصدق تلميح
مثل ما يكفي عن الضحك إبتسامة

طلعت بهزايم فادحة تصقل الفرسان
‏و رفعت العتب عن كل من خيّبوا ظني

‏إلى أمعنت في نفسي دريت إني الغلطان
‏عيون المجامل ما تشوف الخطأ مني

‏لا تنشد وش أقسى مرحلة في عمر الإنسان
‏لا هو من كبر تجربتي ، ولا كبر سني

‏أنا أعطيك درسٍ في المكابر على الأحزان
‏و أنا والله إن بعض التفاصيل تحزنّي