ارسم لنفسك حدود .. ولا تعداها
‏من حط نفسه بدرب الضيق يحرجها
- عبدالله بن زويبن

في زحمة الإعجاب وهتاف الحضور
وش مطمعي بغيرك و أنا كلي معك ؟

ما أخترتك من الناس يا وجه السرور
لأجل أزعزع من ثباتك وأفزعك

لوك تشوف آثار حبك بالصدور
كان إقتنعت إني محال أستشبعك

أزعل عليك من الشهر يوم يومين
‏وأشتاق لك تسعه و عشرين ليله

‏و أخلق لك الغايات وحده وثنتين
‏لو ما تبرر كل " غايه " وسيله

‏إن دارت الدنيا على طبعك الزين
‏ما همّشت ب الذكريات الجميله

‏ما عندي الا قلب ما هوب قلبين
‏لا غاب غالي ما إنتظرت لـ بديله

لا ما أنتهيت تويّ معك يا أجمل العمر أبتديت
‏توي أسجل مولدي يا موعدي بعد الضياع

نفس المكان اللي كنت امشي فيه وادعي ربي وابكي
اليوم امشي فيه ودعواتي مُستجابه ومبسوطه
- الحمد لله جداً

لو يهف في بطن الثرى قلت حلم وهف
‏ أنا ماني بـ عادي .. والأحلام عاديّه

‏ماحطيت نفسي في جدار الليالي رف
‏ولا صرت لـ دروب المقادير زوليه

إن عجزت أحط في كفّك بناجر
مستحيل أحط في صدرك غبينه

لا أنطوى يومٍ من العمر في جيب الغروب
‏ما أنقطع طيب الرجا فـ الصباح اللي يليه

ياغرام العام يا مسك الختام
انت أجمل شي في العام الجديد

كني مقيد وقيدي ماهو سلاسل
‏قيدي إخلاص ووفاء

حبيبي عسى ماباقي بذاكرتك ايام
‏انا نهايتي مع ذكرياتك من الليله

‏قدرت أتخطى من تعلقت فيه العام
‏عسى الفايت من العمر فدوة مقابيله

‏اثر نفسي إن طابت من الوصل ماتنلام
‏واثر عيني إليا عافتك مالها حيله

‏ماتلحق جزا صبري على ضيعة الاحلام
‏ولا دمعي اللي طاح تاصل مواصيله

محطات عمري واجد مالها مقياس
‏و أشوف إنك أعذب مرحله في محطاتي

أحبّك وأختلي في جفن عينك والحقوق كثار
‏معاك أعذب مسافات الهوى وأحلى مشاويري

عن نسيم البرد والليل روحي في ذراك
‏كل ليلة في الشتاء معك ليلة دافيه

‏ من يعيش سنين عمره على ضفّة غلاك
‏مايبي غير الرضى .. والعفو والعافيه

أنا وشلون أحب وكل عرقٍ من عروقي جاك
‏مسيّر لك غرام ومنفلت حبله من إيديني

معك من وين ماودك بلا مرسى ولا ميقاف
معك لو مالت أوراق الشعور المنهك الذاوي

معك حتى لو سنين الحنين الماضيات عجّاف
معك حتى وأنا مدري علينا الوقت وش ناوي

معك لو غاب درب اللقاء وبعدنا ميلاف
معك لو خاننا التوقيت واحتار الزمن ناوي

كم واحدٍ قاضي حيله ووده يطيح
وتوقفه نظرة اللي يحسبونه قوي

عمر العنب ماشال هم العناقيد
‏ولا درت عن ضيقة الأرض غيمه

‏ولا شكى كثر الوطى واسع البيد
‏ولا جرح وجهه الحيا قِل شيمه

‏العقل نعمة والقناعات تجديد
‏وأفكارنا ماهيب دايم حكيمه

‏بعض الوضوح أحيان يحتاج تعقيد
‏لأن الحياة أصلاً ماهي مستقيمه

عليك يتبارك جعل سود القلوب فداك
‏و جعلك .. من اللي كل عامٍ يصومونه

ماهو حرام اقول احبك برمضان
‏اي والله احبك مثل باقي الشهور

‏ان كان حبك ذنب يا نور الأزمان
‏اقول انا أحبك و اقول الله غفور

أوحش مسافات العمر / منتصفها