‏معي من الذكريات .. اللي يخليني
‏أعيش طول الحياة مغمّض عيوني

ذنبك إنك ما تعرف البعيد من القريب
‏ و عذره إنه دوّر رضاك ما دوّر زعلك

‏يوم قال إن الليالي تودّي ما تجيب
‏كان قصده يقتل الشك / لكنّه قتلك

‏وإن شرّدت سود السنين المعاذير
‏أنا على عنق الحقايق .. مسيّر

‏جفّ الكلام ولوّحتك المقادير
‏وأستاذنك جفن المساء يا صغيّر

‏وعطيتك أيام وقصيد ومشاوِير
‏عاد أنت يا ملح الليالي تخيّر

أنا تعرفني أرصفة الطريق وأشجارها والليل
‏كثر ما تجهلني النوايا وقلب محبوبي

والمواصل كان مسموح والوصل جهرى

وإن لمحت اسمي ترفق به وبادله المبرّه
‏كثر ما بادلك شوق وكثر ما ودّعك هايب

‏يموت الغلا من قلة الوصل والتقدير
‏مثل موتةّ المعروف .. لا صار به منّه

‏تتسارع الخطوة و تتزاحم أنفاس
‏فـ الشارع اللي فيه ودعت ذاتك

‏تظن هذا الصوت من ضجة الناس
‏ما تدري ان الصوت من ذكرياتك

عاطفي جداً وكلي شاعريّه
إنطوائي كثير وشوي اجتماعي

‏ليلةٍ فيها البراد مغلف أسوار المدينة
‏والحزن قلّط بقايا الشوق بالصدر وتحفى

‏من رجف قلبه عليك وبيّنت رجفة يدينه
‏لو يحط من الحطب فوق اللهايب ما تدفى

‏خايف إن أسعد ليالينا بقت ذكرى حزينة
‏والكلام اللي أنولد في ساعة فراقك توفى

مانشدت الشمس عن حزن الغياب
علمتنا الشمس نرضى بالرحيل
- بدر بن عبدالمحسن

هاربٍ من زحمة العالم ومن زيف المودة
‏وابتسامات الوجيه اللي تخبي لي مآرب

‏كل يوم تمرني عوج الظروف المستبدة
‏مير أنا سدي على الأيام كنه سد مارب

الناس مشغوُله بتفسير الأحلام
‏وأنا أشغلتني بالحياه .. الحقيقة

‏في الغيم أسامح جميع الناس
‏وفي العج أدوّر على الزلّه

سِعة صدري قررت تغادرني
وهذا أمر مو مألوف لشخص قضى عمره يتغاضى

أنت حبك كنّه الحكم السعودي
ثبته عبدالعزيز ولا تغيّر

يكسرك ‏الحزن في وجه الطيّب

يتسلل صوتك من الذاكره ويناديّ
‏لين يفتق جوفي اللي كنت اخيط فتوقه

كل شيءٍ له حدود وينتهي به حدّه
‏كون حبك من وراااااا حدّ الهوى متعدي