‏ولا أساوم على حسن الخلق والذوق والتهذيب
‏ولو تجمح بي أفكاري بغير الخير ما أسرجها

‏عسى نفسي إذا لاقت من الدنيا كثير الريب
‏ما توقن غير بالمعروف والإحسان يوهجها

‏لو النبات يطلّعه .. دمعة هيام
‏شفتوا على وجهي ورود و بساتين

‏على الله لو يروح اليوم كله بين حزن ويأس
‏وأنا ماحب كسرة نفسي وما أداني خضوعي

‏وأنا أتعبني السهر وأرهقني التفكير والهوجاس
‏مضت حول الثلاث أيام دمعي مغرقٍ كوعي

‏بلاني ربّي بقلبٍ صخر وبخاطرٍ حسّاس
‏مابین أمسح غلا الغالين وبين أمسح دموعي

‏تقول الله خلقني من برود ومن شوي إحساس
‏وانا والله لا هبّ النسيم يزيد من لوعي

‏لو إن ماني بـ أحَن الناس لكني أحِن الناس
‏واخاف الله لا أبدل خاطرٍ راضي بـ موجوعي

‏أداري فـ الخواطر لوّ ما عندي لها إحساس
‏ياكيف اللي لي أغلى من هلي وأغلى من ربوعي

‏عزيزٍ كل ما يكبر بصدري قلّة الأنفاس
‏قول إنه يزاحم من غلاه وحبّه ضلوعي

‏أحبه والهوى فطرة قلوبٍ ليّنه ويباس
‏لو إنه مايحّن من الكلام الجارح شموعي

‏يجادلني وأنا صبري شجر يوم إن حكيه فاس
‏وصمتي لا رمى بعض الحكي واحدٍ من دروعي

‏توادعنا وأنا أردّد عساها خيره وما باس
‏هو اللي ماترك لي فرصةٍ أعلن بها رجوعي

‏انت الشعور الصادق وغيرك سراب
‏وانت المقر الثابت وغيرك ممر

‏غلاك بضلوعي تربّع لين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏ومواصلك مثل السحاب المنّهمر

‏حتى ولو قلبي شعر بـ الإغتراب
‏انت الوطن وأجمل ملذات العمر

‏وكان ما عانك زمانك على ردّ الجميل
الجميل اللي ما تقدر ترده ، قدّره

‏تجاهد و أنت تلملم شتاتك - ويهدمك سؤال

‏تمر بدنيتي وجه يحسبونه من الأصحاب
‏وأنا لامرني وجهك أغني له " وطن عمري "

‏ماضي الوصل يكفي منه وصلٍ قليل
‏والسلام إن برد يكفي سلام النظر

‏إنسان مابين الخطايا والصواب
‏كل ارتفاعٍ فيك .. قابل لـ الدنو

‏بينفتح لك من شريط العمر باب
‏ملامح مْن إنسان ما تذكر منو

‏فالليلة اللي لا آمان ولا إرتياب
‏بتضيع ما تدري تسميها شنو

عليل وكلٍ يحسبني مداوي

لك الحمد الوفير اليا قنطت ولا ألتبسني الياس
‏أعوذ برحمتك من كثرة النعمة وقلّ الشبع

‏كثر ما احس ف الوحدة ويستغفلني الوسواس
‏وأجيك اللي ماكن اهله حوالينه ولا له ربع

‏وعزتك و جلالك ما بعد قوته قوّة باس
‏ضعيفٍ كم يكابر وان سجد لك كن عينه نبّع

‏يا أوفى العلاقات
‏في زحمة علاقاتي

لو يحتضن شوفتك صبح الدوام الملول
يسعد صباح الدوام اللي عليه الكلام

الحمد لله دائماً وابداً

‏ما أعرف شلون شكل الالتئام
‏ولا اعرف من التعب كيف ارتمي

‏آقف بوجه الصعيبات العظام
‏لين ينشف داخل عروقي دمي

‏داخلي عقده من زحام الكلام
‏أدري انه لا انِّطق يرجف فمي

‏تشهد لوقفاتي جروحي القدام
‏تدري إني للهزايم ما انتمي

‏عداك الملام وشرهة الولف يا نزّاح
‏عن دياري اللي منت بأول خسايرها

‏تبعت السراب إلين سلمك للمرواح
‏ولديت ! وعيوني تزوّر عبايرها

‏قنعت وتركتك للزمن والزمن فضّاح
‏على مهله اسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس أظافرها

‏اللي يغرّبني عن الناس واااجد
‏واللي يرجعني لنفسي قصيدة

من يقول الحزن دايم يجي فـ الإنعزال
‏أنا يوم أكون في عزلتي ( جداً سعيد )

ياللي تقول الدرب يسر وسهالات
‏ترى المصاعب ما تحرّم مزوحي

‏ما اعلنت خطواتي تعديّت بسكات
‏والصمت يغني عن مشاوير بوحي

‏ما شفت كم بالدرب قابلت عثرات
‏ما شفت تضحياتي وانا ابني صروحي

أخفيت مجهود المدى والمعاناة
وبان النجاح اللي تبروز بـ لوحي

‏ما اعطتني الدنيا فرص واختيارات
‏كنت افرض الاحلام واتبع طموحي

اوقات وجهي يفضح الحزن و اوقات
‏ما فيه احد يقدر يصافح وضوحي

‏والذكريات اللي تجي مثل ومضات
‏ما سيّلت غير الأمل يا سفوحي

شاعر واعرف احرك قلوب بـ ابيات
واعرف اداوي بـ القصايد جروحي

الغيم ماخذ من صفا القلب لمحات
حتى المطر تشبه نقاوته روحي

من قبل أنادي للنهار المساء فات
و بـ وقت توديع السنا لاح ضوحي

يا اللي تخاف من السفر والمسافات
شف إغترابي مات لحظة نزوحي

‏ودي إنه واقفٍ بيني وبينك
‏شيٍ مثل الصده ومثل الكرامة

‏تختبر فيها غلاتك من حنينك
‏والبلا انها حاجةٍ لين القيامة

‏سور لو اهدمه ماصافح يدينك
‏وطينٍ لو اشكله ماعاد قامه