‏أتذرى في ذرى اللي من وصل له مايضام
‏واحدٍ من دون كل الناس قلبه حبني

‏و أنتثر في وسط صدرٍ كل ما جيته حطام
‏يجمع شتاتي دفاه وفي ضلوعه موطني

‏يوم عاثت بي حروبي كان كله لي سلام
‏ما تردّى بي ولا في يوم جيته ردّني

‏الحق الدنيا مشي وتطردني الدنيا عدي
‏اطول عمر عُمر الدهر واقصر عمر عُمر البشر

‏وانا بشر عبدٍ ضعيف ولادرى وين يغدي
‏ينحاش من ظلمة بطن ويطيح في ظلمة قبر

الزمان اسرع على المشّاي من ركض العبيّا
‏والطموح اكبر على السمار من عد النسايم

‏جعل نصري ف اخر المشوار يجتاح الثريّا
‏لو ثلاث ارباع عمري الأوله راحت هزايم

لا صرت واثق في حبيبٍ توده
ما همك اللي ينقل العلم منا

هو يدري إنه غايتي والمرادي
هو يدري إني في هواه اتعنى

اللهم صل وسلم على نبينا محمد 🤍.

‏ياربي الذنب والزﻻت مجتمعه
‏وانا برجواك هونها وزيّنها

‏واليوم جمعه و يارب بهالجمعه
‏زﻻت عمري قبل تدفنّي أدفنها

العمر فايت
‏بس أختر من تفوّت معاه العمر
‏لو أهتزت الأرض - ما أهتز -

قليلة التواجد - إلا عن الذاكره

‏أنا سيّد أفكاري ما أحب أتبع التنوير
‏قناعاتي اللي داخلي - موجز أيامي

‏ما أعيش الحياه اللي تجي وفق فكر الغير
شعوري عميق ومنطقي منطق إنساني

‏ما عمره حسّني بالكلمة اللي حدّها جراح
‏يعرف كل كلمة من لسانه تاصل اعماقي
- عويد النجود

‏يتحرر خوف الانسان من قيد الملام
‏لـ أدرك ان العمر مرّه والايام تعدي

وتتغير قناعات وتستصغر افكار
يوم تستوعب إن العمر مره والايام تعدي

‏انصفتني ليلة السبت من ليل الخميس
‏حالف إني لو يطول الدهر ما أسبّها

‏لو أضيق العمر كله و لا أعين جليس
‏ودي أسلم من غثا الناس قبل اذنبّ بها

‏ضيقتي يوم اتضايق ولا ألقى لي ونيس
‏خير من شوفة وجيهٍ مانيب أحبّها

موت الإنسان في الإنسان هو المطمّه
وأنا ماني ميتٍ فيك .. ميّت قليلة

من هنا لين آخر الدرب لـ أعناق الغرام
ما يوصف ود قلبّي قصيده ولا قافيه

‏خذاك الصد يا وجهٍ عليه من الغيوم وشاح
‏مراويحك دروبٍ ما قدرت أقطع حراويها

‏بعد جف المقام وصارت يدين الكلام شحاح
‏قصرت الخطوة اللي عن دروب العيب حاميها

‏خذيت من السماء مسعى مرام وما قدرت أرتاح
‏جزاي إن المساعي - ما تقدر قلب راعيها

‏وقدرت أخذ من عيون الزمان الممحلة مفتاح
‏وعجزت أفج بيبان الوصل عن بكرة أبيها

‏تمرك ذكريات العام نوق شدها المسراح
‏وأمرك ليلةٍ تتعب رجولي من مساريها

‏غريبٍ ما لمح وجهك وجيه وطبعه اللماح
‏خذى كف القصايد لين سلم لك نواصيها

‏ركض والأرض ترتابه وقدامه ظما ورياح
‏يشوفك وجهةٍ ماطالها لكن يباريها

‏تحادى من دهاليز السنين وقام - قام وطاح
‏عسى ما شر يا عينٍ تموت السالفة فيها

‏على بالي سنا بدوٍ تشوف الصبح للمرواح
‏وعلى عيني طيوفٍ تنتظر صوتك يناديها

‏قديمي والله إني ما هقيتك ضيقه وتنزاح
‏وأنا حتى الرحاب اللي بعد ضيقتك مابيها