‏الشعور اللي كتبته والشعور اللي حكيته
‏ما يجي مثقال ذرة عند مابين الحنايا

‏والقصيد اللي نشرته والقصيد اللي بكيته
‏ما يجي مثقال ذرة عند شعري بالخفايا

اللهم صل وسلم على نبينا محمد 🤍.

‏إن تكاثرك السهر وإستنكرك وجه المكان
‏جبت لك من ماضي الذكرى مواقيف وشهود

‏سكينة صبح مرتني فجر وأروت ظمأ الظميان
‏خذتني للطريق اللي حضني عن متاهاتي

‏قدايم جروح خلق الله طويلة سبات
‏حتى لو إن النفوس المدركه ناكره

‏إن خانت الذاكره في جعبتي ذكريات
‏ أسرفتها في أماكن - تمتلك ذاكره

لا ترّد العطاء
بس لا تنسى المعروف وتلبس صفة الجحدان
ترى ما أسوء من الكذب إلا " النكار الجحود "

أنا بشر مجهول في عالم الزيف
‏في حضرة الواشين فضّل سكوته

‏كل ما ملّ السكوت من السكوت
‏اتناثر في فضا الأضداد .. ريش

‏ما فقدنا فقد يستاهل نموت
‏وما اقتربنا قرب يستاهل نعيش

‏أتذرى في ذرى اللي من وصل له مايضام
‏واحدٍ من دون كل الناس قلبه حبني

‏و أنتثر في وسط صدرٍ كل ما جيته حطام
‏يجمع شتاتي دفاه وفي ضلوعه موطني

‏يوم عاثت بي حروبي كان كله لي سلام
‏ما تردّى بي ولا في يوم جيته ردّني

‏الحق الدنيا مشي وتطردني الدنيا عدي
‏اطول عمر عُمر الدهر واقصر عمر عُمر البشر

‏وانا بشر عبدٍ ضعيف ولادرى وين يغدي
‏ينحاش من ظلمة بطن ويطيح في ظلمة قبر

الزمان اسرع على المشّاي من ركض العبيّا
‏والطموح اكبر على السمار من عد النسايم

‏جعل نصري ف اخر المشوار يجتاح الثريّا
‏لو ثلاث ارباع عمري الأوله راحت هزايم

لا صرت واثق في حبيبٍ توده
ما همك اللي ينقل العلم منا

هو يدري إنه غايتي والمرادي
هو يدري إني في هواه اتعنى

اللهم صل وسلم على نبينا محمد 🤍.

‏ياربي الذنب والزﻻت مجتمعه
‏وانا برجواك هونها وزيّنها

‏واليوم جمعه و يارب بهالجمعه
‏زﻻت عمري قبل تدفنّي أدفنها

العمر فايت
‏بس أختر من تفوّت معاه العمر
‏لو أهتزت الأرض - ما أهتز -

قليلة التواجد - إلا عن الذاكره

‏أنا سيّد أفكاري ما أحب أتبع التنوير
‏قناعاتي اللي داخلي - موجز أيامي

‏ما أعيش الحياه اللي تجي وفق فكر الغير
شعوري عميق ومنطقي منطق إنساني