" وانا أدري إني يا مرامي مرامك "
لو تقعد الدنيا ولا تقدر تقوم

وإن بار فيّه رفيقٍ كنت معتبره
‏أغلى من الروح مانزلت مقداري

‏إن شفت روحي على الحقران منجبره
‏ماعاد تسوى حياتي عندي أظفاري

‏أركيت ظهري على ظل الجبل لكن
ما جت مواعيد ظله مع مواعيدي

وانا لولا ضحكة
وجهك البرّاق ماجفيت الدار
وأهل الدار وجيت
لك عاااني

لابد ياسعود بتغيب شمسي
‏ذي سنةٍ رب الخلايق فرضها

‏ولعلها حريتي بعد حبسي
‏ولعلي ألقى عند ربي عوضها

‏الشعور اللي كتبته والشعور اللي حكيته
‏ما يجي مثقال ذرة عند مابين الحنايا

‏والقصيد اللي نشرته والقصيد اللي بكيته
‏ما يجي مثقال ذرة عند شعري بالخفايا

اللهم صل وسلم على نبينا محمد 🤍.

‏إن تكاثرك السهر وإستنكرك وجه المكان
‏جبت لك من ماضي الذكرى مواقيف وشهود

‏سكينة صبح مرتني فجر وأروت ظمأ الظميان
‏خذتني للطريق اللي حضني عن متاهاتي

‏قدايم جروح خلق الله طويلة سبات
‏حتى لو إن النفوس المدركه ناكره

‏إن خانت الذاكره في جعبتي ذكريات
‏ أسرفتها في أماكن - تمتلك ذاكره

لا ترّد العطاء
بس لا تنسى المعروف وتلبس صفة الجحدان
ترى ما أسوء من الكذب إلا " النكار الجحود "

أنا بشر مجهول في عالم الزيف
‏في حضرة الواشين فضّل سكوته

‏كل ما ملّ السكوت من السكوت
‏اتناثر في فضا الأضداد .. ريش

‏ما فقدنا فقد يستاهل نموت
‏وما اقتربنا قرب يستاهل نعيش

‏أتذرى في ذرى اللي من وصل له مايضام
‏واحدٍ من دون كل الناس قلبه حبني

‏و أنتثر في وسط صدرٍ كل ما جيته حطام
‏يجمع شتاتي دفاه وفي ضلوعه موطني

‏يوم عاثت بي حروبي كان كله لي سلام
‏ما تردّى بي ولا في يوم جيته ردّني

‏الحق الدنيا مشي وتطردني الدنيا عدي
‏اطول عمر عُمر الدهر واقصر عمر عُمر البشر

‏وانا بشر عبدٍ ضعيف ولادرى وين يغدي
‏ينحاش من ظلمة بطن ويطيح في ظلمة قبر

الزمان اسرع على المشّاي من ركض العبيّا
‏والطموح اكبر على السمار من عد النسايم

‏جعل نصري ف اخر المشوار يجتاح الثريّا
‏لو ثلاث ارباع عمري الأوله راحت هزايم