‏" لا تموت وباقي في صدرك كلام"
‏ - خالد الردادي .

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوة وطال الوقوف
‏هي نفسها الليلة اللي شرها خيرها

‏جيت ومعي قلب يحب ويحن ويروف
‏ورحت ومعي قلبٍ أقسى من معاذيرها .

يقولون القصيد شعور والشاعر بدون شعور
وأقول الله يعاقبني اذا ماهو من أعماقي

انا لو أكذب بشعري وقف نبض ويبّس حنجور
وقادر أخسر الدنيا وعاجز أخسر أخلاقي .

‏أنا فؤادي من اللوعات ماهو خلي
‏وأصوم لكن شفوف قلوبنا ماتصوم

‏يالغايب اللي لو الدنيا تردك علي
‏عيّدت والعيد باقي له ثلاثين يوم .

‏ياما تنازلت عن حقي ومصلوحي
‏حتى لو الكلمه العوجا على لساني

‏يفتل حبال الكلام وينقض جروحي
‏اللي على أتفه ذنوبي ينكر إحساني

‏انا على شان غيري موجعٍ روحي
‏ولاحدنٍ موجع روحه على شاني .

‏متغيّرة ماني بـ أنا من هو اللي نحل وقفتي
‏هذي المرايا كاذبة ولا أنا ماني بـ أناي

‏من عود ايديني على التلويح واضرى خطوتي
‏تمشي دروبٍ غصب عن قلبي وعيني في قفاي

‏من كرب أيامي ، ونسّاني ملامح ضحكتي
‏من دسّ في صدري حنين وذكريات وصوت ناي

‏من استباح الضيق في وجهي وبهّت صورتي
‏من غيب البسمه عن عيوني ومن طرف بكاي

‏من علم شعوري الشعر يوم اختنقت بعبرتي
‏من رقّق يديني وحدّد حرفي و قسّى حكاي

‏من ثقل الكلمة على لساني وضخم نبرتي
‏من طلع من إحساسي الناعم ومن ليني قساي ؟

‏لا تخاف القطاعة من يديني
‏اليدين اللي تحبّك ما تخوّف

‏تخونك عينك و قلبك ولا مني يجيك قصور
(‏ تخونك ناسك و ربعك ولا صكيت لك بابي )

سيّر على البيت لو تنشد عن أخواني .

فرش له ذهب ثم ورد ثم زل ثم بساط
ولا شاف مني غير الإهمال - والتفريط

هذي عشرين العمر متبعثرة مثل الرماد
‏ ما كنها إلا ليلةٍ بين النضوج ومولدي .

يارب لا من فارقت روحي وشارفت الختام
‏هب لي صديقٍ يدعي لروحي كثر أمي وأبي

‏يارب أقفي ماتركت إلا حسن خلق وكلام
‏ولا تركت ندوب في صدرٍ قريَّب وأجنبي

‏أضفي علي النور لا منه غشى قبري عتام
‏وأغفر جميع الذنوب إللي على منكبي .

‏والله لو تجلس على رمش عيني
‏ ما عاد أشوفك مثل ما كنت أشوفك

بعد جَف الندى قلت أترك السقيا على مشهاك
‏إذا ماجاد وبلك والا أنا .. مافي يدي حيلة

يا دواي يا ضحكتي يا مصدر إلهامي
يا أجمل تفاصيل عمري وأجمل أيامي

يا بسمة الروح بسم الله على روحك
من الحزن والدموع وصبرك الحامي