‏أنا الصابر وأنا القادر قصر هذا الزمان أو طال
‏وأنا كل اليقين اللي لمع في هقوة الهاقي

‏تحمّلت الهبوب ‏اللي بها النسمة تهد جبال
ضِميت ولا وردت الا على حلمٍ سقى أوراقي .

‏عقب ما تركت جل أمنياتي لـ وجه الله
‏عسى الله يعوضني - حاجةٍ ما تخيلها .

‏وترحل في عيونك حشد دمع وخاطرك محسوس
‏وفي صدرك كلامٍ لو نطقته يجرح لسانك .

‏اعزم الليل يا جفنٍ جفاه النعاس
‏وأشعل الذكريات وشب بـ أوراقها

‏ولمّ عمرك لدرب ٍ ما ترى فيه بأس
‏ولو جروحك تنادي دور فراقها

‏وإن تدلى من عذوق الأحاسيس يأس
‏شمس الآمال بـ أمرك موعد إشراقها .

‏لا تحزنك قصايدي لو كان طابعها حزين
‏إن ضاقت أبيات الشِعر صدري ترا كله سعه .

‏ماهوب متعبني إن الوصل متشوّه
‏متعبني إن الجفَا ما عاد يتعبني
‏- عبدالله آل لزيوح .

"أبوعدك، كان الجحود بيسعدك، ما لي رفيق"

‏جيتك مع الدرب البعيد اللي مساراته سراب
‏شرهات قلبي تذكرة .. و الذكريات الأمتعة .

حشا والله ماينطفي ضيّي وأنا وسط السما قمره
‏ أسابق النفس للعليّا مترفعة عن الوطى رفيعة شان

‏أعرف إني أجي اللحظة وأجي الموقف وأجي العبره
‏وأجي درس العمر الأصدق إذا مريت في إنسان .

‏وسط ذاتي عشّت مالي غير أنا خل ونديم
‏والحقيقه مالقيت أحلى من أعماقي وطن .

‏" لا تموت وباقي في صدرك كلام"
‏ - خالد الردادي .

‏اللي خلق في مشاعرنا من البعد خوف
‏خلق لنا نعمة النسيان في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوة وطال الوقوف
‏هي نفسها الليلة اللي شرها خيرها

‏جيت ومعي قلب يحب ويحن ويروف
‏ورحت ومعي قلبٍ أقسى من معاذيرها .

يقولون القصيد شعور والشاعر بدون شعور
وأقول الله يعاقبني اذا ماهو من أعماقي

انا لو أكذب بشعري وقف نبض ويبّس حنجور
وقادر أخسر الدنيا وعاجز أخسر أخلاقي .

‏أنا فؤادي من اللوعات ماهو خلي
‏وأصوم لكن شفوف قلوبنا ماتصوم

‏يالغايب اللي لو الدنيا تردك علي
‏عيّدت والعيد باقي له ثلاثين يوم .

‏ياما تنازلت عن حقي ومصلوحي
‏حتى لو الكلمه العوجا على لساني

‏يفتل حبال الكلام وينقض جروحي
‏اللي على أتفه ذنوبي ينكر إحساني

‏انا على شان غيري موجعٍ روحي
‏ولاحدنٍ موجع روحه على شاني .

‏متغيّرة ماني بـ أنا من هو اللي نحل وقفتي
‏هذي المرايا كاذبة ولا أنا ماني بـ أناي

‏من عود ايديني على التلويح واضرى خطوتي
‏تمشي دروبٍ غصب عن قلبي وعيني في قفاي

‏من كرب أيامي ، ونسّاني ملامح ضحكتي
‏من دسّ في صدري حنين وذكريات وصوت ناي

‏من استباح الضيق في وجهي وبهّت صورتي
‏من غيب البسمه عن عيوني ومن طرف بكاي

‏من علم شعوري الشعر يوم اختنقت بعبرتي
‏من رقّق يديني وحدّد حرفي و قسّى حكاي

‏من ثقل الكلمة على لساني وضخم نبرتي
‏من طلع من إحساسي الناعم ومن ليني قساي ؟

‏لا تخاف القطاعة من يديني
‏اليدين اللي تحبّك ما تخوّف