‏ماضيعت مدهال الغلا واخر الأحباب
‏لو إن جيتي لـ الدار ماهي ضروريه

‏آمر الأماكن دون موعد ودون اسباب
‏ولا زلت أحلف إن بعدها ماثني الجيه .

إنتهت كل الحكاية و إنكسر جسر المرام
‏أفتحوا كل الحصون و سلمّوني للغريم .

‏أنا حياوي و طبعي من صغر سنّي
‏أفارق الناس - قبل أجرح مشاعرها .

‏بعد ما النور خان بليلتي و تسللّ الشباك
‏عرفت إني الوحيد برحلة الدنيا قدر يوفي

‏أفتش بالليالي بالرسايل والعتب بحكاك
‏أدور لك عذر مالك عذر تِلتمسه كفوفي

‏تِلمست الحشا يمكن ألقى له عذر ثاني
‏لقيت إن الجرح بداخلي أكبر من الأعذار .

‏( طغى الحّب فيني لين ساااااامحت عدواني )

تجاهلت سنّ الطيش وانا بـ سن الطيش
أجل لاكبرت - وش عاد يرضي قناعاتي ؟

أنا الأصحاب و الأغراب و الأنداد
وأنا توحيّشتي في ذاكرة عمري

لو حتوفي قريبة والدروب بعاد
مشيّت الدرب ماشككّت في قدري

ختمت السبعة والعشرين كالمعتاد
ولا أدري عن الباقي - ولا أدري

إذا للعمر قيمة حلوة الأعياد
وإذا للصبر شيمة ياكثر صبري

أبشعل باقي أيامي فرح ميلاد
وإلى من متّ لا يبقى سوا شِعري .

‏الله يا سرع الليالي والأيام
‏راحت سنه من عمرنا مادرينا

‏قبل أمس اذكر توّنا بأول العام
‏واليوم بالعام الجديد ابتدينا

‏لاهين بالدنيا على حمر الانعام
‏نضحك على الدنيا وتضحك علينا .

هذا أنا من دون شرح التفاصيل
أهرب من الدنيا ونفسي تبيها .

‏جعلني من فوق ظن الظنون الخايبه
( ‏لا أخيب بي رفيق ولا أفرح بي عدو )

‏تقول الله خلقني من برود ومن شوي إحساس
‏وانا والله لا هبّ النسيم - يزيد من لوعي

‏لو إن ماني بـ أحن الناس لكني أحن الناس
‏واخاف الله لا ابدل خاطرٍ راضي بـ موجوعي

‏أداري فـ الخواطر لوّ ما عندي لها إحساس
‏ياكيف اللي لي اغلى من هلي واغلى من ربوعي ؟

بلاني ربي بقلبٍ صخر و خاطرٍ حسّاس
‏مابین امسح غلا الغالين وبين أمسح دموعي .

‏للحين أحب الشِعر واسهر وليلي طويل
‏لو إن مواعيد رزقي ، بالعُمر فايته .

‏ولا أكرم من اللي يبتسم لو عليه هموم
‏ولا اقسى من الطيّب اللي جارحه طيّب .

إن ماجبرك الغلا مقدر على جبرك .

‏يا أسعد حزن في عمري وأصح وأعظم الغلطات
‏يا غربه حيرتي يا طب قلبي واجمل كسوره

‏يا وزن القاف يا معنى الشعر يا غايه الأبيات
‏تمنيتك قريته مثل ما يقرون جمهوره

‏أنا من نظرتي الاولى وانا في عالم السجَات
‏على متن الشغف قلبي يسافر فيني شعوره

‏تغربت ولقيت بغربتي صوبك ملاذ الذات
‏ولا من واقع شايل سوى دعوه وكم سوره .

رغم إمتداد التعب عيا يموت الطموح
والشمس بكره ورغم أنف الدجى شارقه .

‏أوقف يوم أحس انه هو اللي من مطيحي طاح
‏ما كن الوقت سالبني عصاي و كاسرٍ ساقي .