‏لكن بقلبي رسمت الفين حدّ
‏استلذ البرد .. ما اطلب دفاي

‏ما تسوّلت السعاده من أحد
‏ولا لأحد مِنه على بسمة شفاي

‏ان تعبت السبت بطيب الأحد
‏وان بكيت اليوم - يوم السعد جاي

‏ولا كرهت إنسان لو جار وجحد
‏هقوتي ما تبعد أكثر من غطاي

‏ما رجيت إلا رضى الفرد الأحد
‏في رضاه إليا رضى عني رضاي .

( إنسان اقسى إنفعالاته يسكت )

بعد الغياب اللي تبرره الليالي والظروف
سلام تسليمة وفاء من غايبٍ عذره معه .

‏أعظم ردودي لخيبة القلب ممنون
‏ " ما رد بلساني أرد بعيوني "

‏أشوف نفسي أصدق اللي يحبون
‏لذلك الوحدة صديقة شجوني

‏اللي جرحوا قلبي بقلبي يموتون
‏ دفنتهم لين أهلي يدفنوني

‏مثل الغرايب في حياتي يمرون
‏حقي تصفيه الليالي بدوني

‏و لا أرد الجرح و الجرح ملعون
‏ما و الله بغير الفرح يذكروني

‏ماهو عشان عيون الاحباب ، لعيون
‏اثنين من طيب الأصل خلفوني

‏تعودت عيني على اللي يطيبون
‏الين صار السوء يرهب ظنوني .

‏عادي الأوادم من عيوني يطيحون
( ما أحاتي الا طيحتي من عيوني )

يا صاحبي ماتهون وصاحبك ما يهان .

يمر العمر وأكبر كل ليلة تحت سقفي عام
‏ما عاد يهمنيّ لو ضاع ثلثيني مع الوحده‏

‏تنزعت الثقه من ناس من عشره - ومن أيام
‏ما عاد اقدر أصدق فـ الحياة إلا الشتاء و برّده
‏
‏فقدت أكثر من اللازم دموع وعافيه وأحلام
‏وشعور وناسٍ وزهرة شباب فـ ليلةٍ .. وحده .

‏ماضيعت مدهال الغلا واخر الأحباب
‏لو إن جيتي لـ الدار ماهي ضروريه

‏آمر الأماكن دون موعد ودون اسباب
‏ولا زلت أحلف إن بعدها ماثني الجيه .

إنتهت كل الحكاية و إنكسر جسر المرام
‏أفتحوا كل الحصون و سلمّوني للغريم .

‏أنا حياوي و طبعي من صغر سنّي
‏أفارق الناس - قبل أجرح مشاعرها .

‏بعد ما النور خان بليلتي و تسللّ الشباك
‏عرفت إني الوحيد برحلة الدنيا قدر يوفي

‏أفتش بالليالي بالرسايل والعتب بحكاك
‏أدور لك عذر مالك عذر تِلتمسه كفوفي

‏تِلمست الحشا يمكن ألقى له عذر ثاني
‏لقيت إن الجرح بداخلي أكبر من الأعذار .

‏( طغى الحّب فيني لين ساااااامحت عدواني )

تجاهلت سنّ الطيش وانا بـ سن الطيش
أجل لاكبرت - وش عاد يرضي قناعاتي ؟

أنا الأصحاب و الأغراب و الأنداد
وأنا توحيّشتي في ذاكرة عمري

لو حتوفي قريبة والدروب بعاد
مشيّت الدرب ماشككّت في قدري

ختمت السبعة والعشرين كالمعتاد
ولا أدري عن الباقي - ولا أدري

إذا للعمر قيمة حلوة الأعياد
وإذا للصبر شيمة ياكثر صبري

أبشعل باقي أيامي فرح ميلاد
وإلى من متّ لا يبقى سوا شِعري .

‏الله يا سرع الليالي والأيام
‏راحت سنه من عمرنا مادرينا

‏قبل أمس اذكر توّنا بأول العام
‏واليوم بالعام الجديد ابتدينا

‏لاهين بالدنيا على حمر الانعام
‏نضحك على الدنيا وتضحك علينا .

هذا أنا من دون شرح التفاصيل
أهرب من الدنيا ونفسي تبيها .

‏جعلني من فوق ظن الظنون الخايبه
( ‏لا أخيب بي رفيق ولا أفرح بي عدو )

‏تقول الله خلقني من برود ومن شوي إحساس
‏وانا والله لا هبّ النسيم - يزيد من لوعي

‏لو إن ماني بـ أحن الناس لكني أحن الناس
‏واخاف الله لا ابدل خاطرٍ راضي بـ موجوعي

‏أداري فـ الخواطر لوّ ما عندي لها إحساس
‏ياكيف اللي لي اغلى من هلي واغلى من ربوعي ؟