قلبي خويّي .. ما لقلبي معازيب .

‏مما بقلبي رحت اشوف المداهيل
‏و اللي جداه الشوف يا عزتي له

‏ياليتني ما جيتها في كهف ليل
‏قضت على حالي و حالي عليله

‏قعدت اهل الدمع مثل هماليل
‏ابكي على ذيك الليالي الجميله

‏من دمع عيني يشرب الرمل ويسيل
‏حتى نفود قنيفذا سال سيله .

‏صباح الخير - داوِ جرحك لا يتسع

تعبّت أرسم حروفي شمس .. والمح بالوجيه ظلال

وإذا هزمت صبري ليالٍ سود ، بكره بتنصرني عليها بيض أيامي .

" عن خاطر حشمة الليّالي "
حتى عقب طاح الغلا من شعُوفي
ماني جارحك حتى لو تجرحين .

‏ما تقلل من مقامك غيبتك وإهمالك
‏لين ينزل قدر غزه عند اهل رام الله

‏عاذرك ومقدر ظرفك وكثرت اغلاطك
‏ومرخي لك خافقٍ ما جاك منه زله

‏بس بكره لا قصر باعك وقصر ظلالك
‏اسلم وسلم على وجه الملام وقله

‏شل يا جمال حملك في ظهور جمالك
‏ما وراك الا ديارك والطريق تدله .

أودع اللي طافني بإبتسامات
وأبدل اللي عافني بالموالي

وأقول لا دارت رحاها سهالات
و أجاهد الدنيا بصدرٍ شمالي .

لاتوقفني على حفة شموخي وانكساري
‏ولاتساومني على العزه مدام ان لي معزه

‏اعتذرلي عن جروحك مره ورد اعتباري
‏لاتدنس كل لحظه لي معك وانت المنزه !

‏عودت نفسي ما أتحسف على شي
‏لأن العمر ما يحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحق الشرهات شي ماهو لي
‏ولا عدت اجزع من فراق الولايف

‏إن غاب غالي فالحزن باخذ شوي
‏أيام .. وتروح علومه طرايف

‏موصي قلبي لا شفت الخطا عي
‏ اما تعدلها .. أو تصد عايف .

‏يكفي اني مالحقتك بنقصان
‏وحتى الخطأ منك قبلته وعذرته

‏وعلى كثر ما صابني منك خذلان
‏الا إن قلبك بالجفى ما كسرته

‏حاولت أداري خاطرك قدر الإمكان
‏ويا للأسف طيبي جحدت ونكرته

‏روح والدروب وساع و الطيب معان
‏ولا تلتفت في قلبي اللي دمرته .

من فايض الوحشة ومن عسر المرام ّ
‏يارب أنا مالي سوى وجهك ولي

‏افسح لي من الأرض وأهلها مقام
‏تسوقني رجلي على حدّ جهلي

‏في وجهك إن وقفت قِل وانعدام
‏لا تفرح أعدائي ، ولا تزعل هلي

‏علمني أثبت .. كلما عز الكلام
‏ولا أحب اللي ما هو مكتوب لي .

على نهايات الشغف .

( هان طعن السيف ولا طعن الكلام )

‏لكن بقلبي رسمت الفين حدّ
‏استلذ البرد .. ما اطلب دفاي

‏ما تسوّلت السعاده من أحد
‏ولا لأحد مِنه على بسمة شفاي

‏ان تعبت السبت بطيب الأحد
‏وان بكيت اليوم - يوم السعد جاي

‏ولا كرهت إنسان لو جار وجحد
‏هقوتي ما تبعد أكثر من غطاي

‏ما رجيت إلا رضى الفرد الأحد
‏في رضاه إليا رضى عني رضاي .

( إنسان اقسى إنفعالاته يسكت )

بعد الغياب اللي تبرره الليالي والظروف
سلام تسليمة وفاء من غايبٍ عذره معه .

‏أعظم ردودي لخيبة القلب ممنون
‏ " ما رد بلساني أرد بعيوني "

‏أشوف نفسي أصدق اللي يحبون
‏لذلك الوحدة صديقة شجوني

‏اللي جرحوا قلبي بقلبي يموتون
‏ دفنتهم لين أهلي يدفنوني

‏مثل الغرايب في حياتي يمرون
‏حقي تصفيه الليالي بدوني

‏و لا أرد الجرح و الجرح ملعون
‏ما و الله بغير الفرح يذكروني

‏ماهو عشان عيون الاحباب ، لعيون
‏اثنين من طيب الأصل خلفوني

‏تعودت عيني على اللي يطيبون
‏الين صار السوء يرهب ظنوني .