Мен ҳам оддий инсон сизга ўхшаган,
Фақат қарашларда фарқларимиз бор.
Сизнинг кўзингизга кенг бўлса олам,
Менинг кўзларимга бирозгина тор.

Мен ҳам оддий инсон сизга ўхшаган,
Фақат кулгуларда фарқларимиз бор.
Сиз чиндан куласиз — гўзал, чиройли,
Менинг табассумим дардларга бисёр.

Мен ҳам оддий инсон сизга ўхшаган,
Фақат қалбларимиз бироз фарқлироқ.
Сизнинг қалбингиздан қувонч жой олган,
Менинг қалбим эса бироз дардлироқ.

Мен ҳам оддий инсон сизга ўхшаган,
Фақат шеърларимда бироз фарқлар бор.
Сизнинг шеърингизда кўпроқ муҳаббат,
Меникида эса кўпроқ дардлар бор.

Мен ҳам оддий инсон сизга ўхшаган,
Ёлғончи дунёдан чунон тўйганман.
Ҳали ўттизга ҳам кириб улгурмай,
Юз йиллик дардларни қалбда туйганман.

Мен ҳам оддий инсон сизга ўхшаган,
Кўзларим, юзларим, оёқлар бир хил.
Тилга нима келса, сўзлайверманг-да,
Менда ҳам бор ахир сиздаги кўнгил.

Умидбек ✍️

Аламлар домига тортмоқда бугун
Оғир эрур яшамоқ дунёда сенсиз
Баҳтлилар шаҳридан болдим мен сургун
Бир келиб борлигинг эслатгин дениз.

Сенсизлик азоби нақадар қийин
Қалбимни ўртайди сен қолдирган из
Холингиз не дея келиб атайин
Бир келиб борлигинг эслатгин дениз

Дунё ўткинчидир муҳаббат сафо
Сен кетдинг қалбимда ғамлар изма из
Кетгансан билмадим недир муоммо
Бир келиб борлигинг эслатгин дениз

Бир келгин бир бора сўнги бора кел
Сенсиз бу дунёда яшолмам ҳаргиз
Жонимни олмасдан мусаффо бир ел
Бир келиб борлигинг эслатгин дениз

Қоронғу тунларни ёритгин дениз

Муаллиф Умидбек

* * *

Сенга дардлар келса, менда азоби,
Фалакка етади, ишон, фиғоним,
Ахир сен умримнинг нури, офтоби,
Жонинг оғримасин, жахоним!

Бир тола сочинг ҳам тушмасди ерга,
Шундай мўжизага етса имконим.
Борки оғриқларинг менга бергину,
Жонинг оғримасин, жахоним!

Қийналсанг ғам сурат чизар юзимга,
Аллоҳдан тиланиб олган инсоним.
Ҳатто бир кунгина, ҳатто бир зумга,
Жонинг оғримасин, жахоним!

Кафтим титраб турар дуога тўлиб,
Илтижо қилишдан толмас забоним!
Ҳар лаҳзанг, ҳар онинг бахтга йўғрилиб,
Жонинг оғримасин, жахоним!

Жонинг оғримасин, жахоним!

✍️ Малика Тавфиқ
🎙️ Umidbek
🖥️ Jahongir Murodov.

Bir kun hayotingda yo'q bo'lib qolsam.
Aytmagan so'zlaring armon bo'ladi.
Ko'ksimdan yuragim sug'urib otsam.
Sevgim esa shu yerda tamom bo'ladi.


Umidbek🎙
NurMuhammad✍

Бугун юрак бўлдинг бетоқат,
Яна севдим демагин факат,
Азобига қилолмам тоқат,
Қайсар кўнглим нени бошладинг.

Umidbek 🎙
Dilfuza Sattorova ✍

Bir sakiynat istaydi qalbim,
Hotirjamlik, tinchlik istaydi.
Bugun mayli qon boʻlsa bagʻrim,
Erta chindan qalbim yayraydi.


Umidbek🎙
Mumtozbegim ✍

Jonli ijro

Бугун бирдан, кутилмаганда,
Сизни кўргим келди жуда ҳам.
Гуллар унди яна тикандан,
Мени қайта яратди олам.

Малика Тавфиқ ✍

Umidbek🎙

Yomgʻirni qara❤️

Қайғурманг....

Умидбек🎙

𝐍𝐞𝐠𝐚 𝐬𝐨𝐠'𝐢𝐧𝐦𝐚𝐲𝐬𝐢𝐳...

Nega sog'inmaysiz, yozmaysiz xabar
Ba'zida sevgingiz yolg'onday go'yo
Men bo'lsam o'ylayman tunlar darbadar
Sizning shahringizda tunlar yo'qmi yo


Umidbek 🎙
Muhammadjon To'xtaboyev✍

Балки келмоқ учун сабаб топилмас
Балки келмоқликка ҳоҳиш йўқ сенда
Келмасанг ҳижроним, дард тугаб билмас
Гар келсанг заррача дард қолмас менда

Умидбек 🎙
Муҳаммаджон Тўхтабоев✍

"TASALLI"

Yana qiynamoqda seni qanday dard?
Bag‘ringa bos meni, yoninga keldim.
Bo‘ldi, o‘ksiyverma, ko‘z yoshingni art,
Yig‘loqi yomg‘irga o‘xshama endi...

Seni tinglamaydi — kar, soqov taqdir,
Izlama! Yo‘q bunda hech qanday tilsim.
Senga ne? Tog‘ga chiq, yaylovda baqir,
Qo‘yib ber bu dunyo o‘z ishin qilsin...

Avtobusga o‘tir, oynadan qara.
Odamlar telba deb o‘ylashsin, mayli.
Ko‘kdagi chaqmoqning ovozin tingla,
Yomg‘ir yog‘ishini kuzat — chiroyli!

Loyqali suvlarda sakragin, sachrat,
Bepoyon dashtlikka chiqib ket izsiz.
Va tunda bedor bo‘l to sahargacha,
Yomg‘irda sayr qil soyabonlarsiz...

Yana ne qayg‘u bor senda, suygulim?
Bariga qo‘l silta va rostla nafas.
Hayotni boricha o‘z holiga qo‘y,
Bu dunyo suruvin tortaversin, bas!

Yo‘q! Bari aytganim — safsata! Bekor!
Meni bag‘ringa bos, kelgin yaxshisi...

Muallif: Sardor YOʼLDOSH ✍🏻

* * *

23 января 2022 г., 14:56

Энди менга деса қуласин осмон,
Дарёлар ортига оқсин, ишим йўқ!
Энди мен жонимга жойлаган инсон,
Ҳаммадан азизроқ билган кишим йўқ!

Энди менга деса тугасин умр,
Ким бор яна мендан алам олмади?
Шамол, кел, истасанг кўксимни емир,
Юрак деб аталар ерим қолмади!

Оҳларим жим бўлинг, чиқарманг овоз,
Мени тушунмайди барибир ҳеч ким,
Бор-йўғи бировни севардим ҳолос,
Бир неча кун олдин ундан воз кечдим!

Энди менга деса устимдан кулинг,
Агар ғиринг десам одаммасман мен.
Гапиринг, жим турманг, дадилроқ бўлинг,
Кимга ишондингу, энди кимсан денг!

Фақат битта нарса қилади алам,
Фақат бир нарсага чидаб бўлмади.
Битта номардни деб, истамасам ҳам,
Одам деган зотга ишонч қолмади!

Энди менга деса...


Малика Тавфиқ

МАКТУБ

Ғазаллар тўқирдим сенга бир замон,
Қўшиқлар айтардим тунлар бошингда.
Начора, ушбу кун ўзга бир инсон,
Ўзга бир муҳаббат турар қошингда.

Эшитдим, хазонли боғларда танҳо
Ўтказар эмишсан сокин пайтларни.
Сарғайган дафтаринг варақлаб гоҳо
Такрорлар эмишсан маҳзун байтларни.

Мен ҳам тонглар баъзан йўлга қарайман
Мунаввар қуёшга кўксимни очиб.
Сенинг хаёлингдан мадад сўрайман,
Сенинг хаёлингга бораман қочиб.

Лекин қутулмоқ йўқ ҳижрон дастидан,
Фақат қалбимизда бардош ва сабот.
Дунёда жамики ҳислар устидан
Қаҳқаҳа уради қадим бу ҳаёт.

Надомат нимага ва афсус нечун?
Оламда неки бор ўчар бешафқат.
Бизнинг вазифамиз кўникмак беун,
Бизнинг вазифамиз унутмоқ фақат.

Йиллар ўтиб кетар такрор ва такрор,
Ёшлик ҳам ўтади бенишон, бесас.
Лекин ўша чоқ ҳам хўрсиниб, бир бор
Севгандим, набирам, дея олсак бас...

Абдулла Орипов

УНУТМАСАМ МАЙЛИМИ СИЗНИ
.
"Кечир" деманг, кечиролмасман,
Энди тақдир кечирсин бизни.
Истасам ҳам унутолмасман,
Унутмасам, майлими сизни !

Армон билан яшарман балки,
Балки, кимга очарман дилни .
Кўнгил сиздан узилса ҳамки,
Унутмасам, майлими сизни !

Бўлолмадик бахтли иккимиз,
Айблаймиз бир-биримизни.
Ўлса ҳамки сарсон ишқимиз,
Унутмасам, майлими сизни !

Ўйларимдан кечсам аразлаб,
Ўчиролсам ўша аламни.
Хотирамни бир-бир вароқлаб,
Унутмасам, майлими сизни !

Телбалардек ақлимдан озиб,
Балки севиб яшарман ғамни.
Лек исмингни кафтимга ёзиб,
Унутмасам, майлими сизни!