Salom doʻstlar! Bugun talabalarimizdan biri — Asilbek Abadakimov haqida soʻzlab beramiz! 🌟

Axborot xavfsizligi fakulteti talabasi haqiqiy kitob shinavandasi va isteʼdodli rassom hisoblanadi. Uning olamida soʻzlar va ranglar birga jamlanib, gʻaroyib hikoyalar yaraladi.

Har bir kitob Asilbekka oʻzgacha ilhom tuhfa qilsa, chizgan suratlari esa uning ichki dunyosini aks etadi. U oʻqishga butunlay shoʻngʻigan boʻlsada, sevimli mashgʻulotlarini davom ettirishga ham vaqt topadi.

Siz ham kitob oʻqish va surat solishni yoqtirasizmi? Izohlarda oʻzingizning sevimli ijodiy mashgʻulotlaringiz haqida soʻzlab bering! 📚🎨

Talabalarimiz juda ham omadli 🤩

Kompyuter injiniringi fakulteti talabalarining yangi o’quv binosi mana shunday koʻrinishda. Bu yer ham boshqa kampuslarimiz kabi yorugʻ va keng. Kuchli kompyuterlar bilan jihozlangan auditoriyalar dizayni esa talabalarni yetuk mutaxassis bo’lishga ilhomlantiradi. Ajoyib chiqqan, shunday emasmi?🔥

Siz universitetimizning qaysi fakultetida oʻqiysiz?

Toshkent amaliy fanlar universiteti rektori, texnika fanlari doktori, professor Abdusalom Umarov “O’zbekistonning taniqli olimlari ensiklopediyasi”dan o’rin oldi.

Bu bo’yicha 23-dekabr “Turkiston” san’at saroyida yilning eng tantanali “OLIMLAR BAYRAMI” taqdirlash marosimi bo’lib o’tadi!

O’zbekistonning taniqli olimlari eksiklopediyasi va tadbir haqida sayt orqali ma’lumot olishingiz mumkin: www.taniqliolimlar.uz

Iste’dodli talabalarimiz bilan tanishtirishda davom etamiz 😊

Nurullayeva Nargiza — matematika va informatika fakulteti talabasi. Uning o‘z faniga bo‘lgan qiziqishidan tashqari, boshqa ko‘plab sevimli mashg‘ulotlari ham bor.

Nargiza sayohat qilishni, shirinliklar pishirishni va K-pop yo‘nalishidagi qo‘shiqlar tinglashni yoqtiradi. Sport ham uning jon-dili bo‘lib, karate va voleybol bilan shug‘ullanadi 🥋🏐

Nargizaning hayotdagi shiori — hech qachon taslim bo‘lmaslik. Shuning uchun u magistratura va doktoranturani tugatib, ajoyib ustoz bo‘lish uchun astoydil IELTS imtihoniga tayyorlanmoqda.👩🏻‍🏫

Sizning hayotdagi shioringiz nima?

Hafta oxiri yaqinlashmoqda, ammo talabalarimizning bilimga boʻlgan ishtiyoqini toʻxtatib boʻlmaydi. Ular uchun sevimli kasbini egallash juda muhim boʻlganligi sababli, har kuni darslarni puxta o'zlashtirib, kutubxonada shugʻullanib qatʼiyat bilan maqsad sari astoydil harakat qilishadi 📚

Siz ham oʻz kasbingizni tanladingizmi?

Konstitutsiyaga boʻlgan hurmat — har birimizning baxtimiz kafolatidir 📖

Oʻzbekiston xalqini Konstitutsiya qabul qilinganligining 31 yilligi bilan tabriklaymiz! Mamlakatning asosiy qomusi jamiyatning ishonchli huquqini mustahkamlaydi.

Barcha hamyurtlarimizga tinchlik, xotirjamlik va farovonlik tilaymiz 🕊

Bilimlar olamidagi muvaffaqiyat garovi nafaqat aʼlo baholar, balki oʻzingiz kabi sobitqadam kishilar bilan til topisha olish qobiliyati hamdir! 🚀

Talabalarimizning haqiqiy muvaffaqiyat siri — hamfikr do’stlar jamoasida ekanligini bilishadi. Bir-biringizga dalda boʻling, tajriba almashing va yangi choʻqqilar sari birgalikda harakatlaning! 💬📚

Hatto, qishning sovuq kunlari ham talabalarimizni ta’lim olishdan qaytara olmaydi — aksincha, ular kutubxonadan imkon qadar koʻproq kitob olib, yangi bilimlarni oʻzlashtirishda davom etadilar. Bunday kuchli ishtiyoq albatta muvaffaqiyatga olib boradi 😊

Siz hozir qaysi kitobni oʻqiyapsiz?📖

️Talabalarimiz oʻqishga ulgurmagan kitoblar hali ancha, ammo toʻlaqonli qish kelganidan zavqlanish uchun boʻsh vaqt albatta topiladi. Siz ham safimizga qoʻshiling.

Keling, qor eriguncha qorboʻron oʻynashga ulguraylik 😊

Siz qorbola yasashga ulgurdingizmi?☃️

O'tilgan darslarni mustahkamlab, yangi bilimlarni egallash uchun muhit juda katta rol o'ynaydi. Ayniqsa, quyosh nurida do'stingiz bilan qaynoq choy ichish mashgʻulotlar samaradorligini yanada oshiradi. Chunki, aynan shunda ta'lim olishga bo'lgan ishtiyoq kuchayadi ☝️

Siz dars tayyorlash uchun qanday muhitni afzal ko'rasiz?

Tez orada bayram, ammo talabalarimiz oʻqishga juda ham berilib ketgan 🖌

Dekabr oxirida universitetimizda yaqinlashib kelayotgan moʻjiza muhiti hukm suradi. Yaqin kunlarda talabalarimiz o’quv yilining birinchi yarmini yakunlab, yangi yil bayramini xotirjamlikda doʻstlari va yaqinlari davrasida nishonlaydi🎄

O’qishga bo’lgan shashtni tushirmang, bayramgacha ozgina qoldi 😉

Kayfiyat bu — biz 🤍

Yangi yil ham eshik qoqib kirib kelmoqda. Bunday paytda har birimizni bayram kayfiyati egallaydi. Shuning uchun vaqtni behuda sarflamaylik. Tezda doʻstlaringizni chaqiring va bezatilgan archamiz bilan selfi oling 🥰

Yangi yil kechasi qanday tilak qilishni oʻylab qoʻydingizmi?

Bayram ruhi allaqachon butun universitetni qamrab olgan. Bezatilgan archa bor goʻzalligi bilan dilni quvontirmoqda. Bu vaqtda esa talabalarimiz yaqinlashib kelayotgan bayramni intizorlik bilan kutmoqdalar.

Yangi yilni kim bilan nishonlashni oʻylab qoʻydingizmi?🎁

Ustoz va talabalarimiz nomidan barchani kirib kelayotgan Yangi yil bilan tabriklaymiz!🥳

Ta’lim olishingizda muvaffaqiyat, omad va bitmas-tuganmas baxt tilaymiz. Yangi yil sizlarga koʻplab yorqin yutuqlar hamda yangi doʻstlar tuhfa etsin!🌟

Bayramingiz muborak boʻlsin 💙

Toshkent amaliy fanlar universiteti rektori Abdusalom Umarov Vaxitovichdan yangi yil tabrigi

Assalomu alaykum, aziz va muhtaram ustozlar, ilmga chanqoq talabalar, universitetimizning fidoyi va jonkuyar jamoasi!

Siz ‒ azizlarni ushbu unutilmas, quvonchli damlarda kirib kelayotgan 2024-yil bilan chin qalbimdan tabriklab, samimiy tilaklarimni izhor etaman.

Oldingizga qo‘ygan ulkan maqsadlarga erishishingizda sizga doimo kuch-g‘ayrat, omad va zafarlar yor bo‘lsin.

Muhtaram professor-o‘qituvchilar!

Universitetda tahsil olayotgan talabalarimizning bugungi jahon mehnat bozorida o‘zlari tanlagan sohalar bo‘yicha raqobatbardosh kadrlar bo‘lib yetishishida, jonajon Vatanimizning ravnaqiga o‘zlarining munosib hissalarini qo‘shishida Sizning o‘rningiz ‒ beqiyos. Bu sharafli yo‘lda barchalaringizga mustahkam sog‘lik, tuganmas kuch-g‘ayrat tilayman!

Yangi yilingiz qutlug‘ bo‘lsin, azizlarim!

Yangi yil endi biz bilan!

Bayramni ajoyib tarzda o’tkazib, muvaffaqiyatli ta’lim uchun yanada kuch to’plab, hordiq chiqaryapmiz. Siz yangi 2024-yil olib kelgan yoqimli oʻzgarishlarni his qilishga ulgurdingizmi? Bayramni qanday nishonladingiz?🥂

Yangi yil kechasi bilan bogʻliq taassurotlaringizni biz bilan boʻlishing 😊

Mana, ruknimizning kirib kelgan yangi yildagi birinchi mehmoni 🤩

Sizlarni yaxshilik ulashuvchi pari kabi hammaga xayrli amal va maslahatlari bilan yordam beradigan Boychaeva Goʻzal bilan tanishtirishga shoshilamiz. U muhim lavozimda — maʼnaviy maʼrifiy ishlar mutaxassisi boʻlib ishlaydi🤍

Goʻzal oʻz ishini jon-dilidan yaxshi koʻradi, boʻsh vaqtlarida esa odamlarni suratga olish va tennis oʻynashni yoqtiradi. Dam olish kunlari u koʻpincha farzandlari bilan shirinliklar tayyorlaydi 🍭

Keling, birgalikda ajoyib xodimimizga Yangi yilda ulkan zafarlar tilaymiz.

Albatta, dam olish juda yaxshi! Lekin, oʻqishni ham unutmaslik kerak 😉

Tez orada doʻstlarimiz bilan uchrashib, mashgʻulotlarga qaytamiz. Umid qilamizki, bayram kunlari oʻzlashtirgan bilimlaringizni unutishga ulgurmadingiz, chunki yaxshi baholar oʻz-oʻzidan paydo boʻlmaydi ☝️

Yangi bilimlarni egallashga tayyormisiz? 📚

Sizlarni universitetimiz xodimlari bilan tanishtirishda davom etamiz 😊

Talabalarimizga kim kerakli kitobni osongina topishda doim yordam beradi? Albatta, bizning ajoyib kutubxonachimiz — Salayeva Dilafruz Boʻronovna. Aynan uning yordami va maslahatlari bilan talabalarimiz kutubxonada zavq bilan bilim oladi📚

Dilafruz Boʻronovna boʻsh vaqtlarida badiiy adabiyot oʻqishni va Shohruhxon ishtirokidagi Bollivud filmlarini tomosha qilishni yoqtiradi 🔥

Siz kutubxonaga tez-tez tashrif buyurasizmi?📖

Bugun diqqatni jamlash va dars mashgʻulotlari samaradorligini oshirishga yordam beradigan maslahatlar bilan boʻlishmoqchimiz.💡

📖 Oʻquv joyingiz toza va saranjom-sarishta ekaniga ishonch hosil qiling.

📖 Katta vazifalarni kichik qismlarga boʻlib, ularni rejalashtiring.

📖 Qisqa tanaffuslar qilishni unutmang: 25 daqiqa mashgʻulot, 5 daqiqa tanaffus.

📖 Energiya va aqliy ravshanlikni tiklash uchun yetarli darajadagi sifatli uyqu zarurligini unutmang.

Yodda tuting, taʼlim olishdagi muvaffaqiyat nafaqat sabot va qunt, balki kelajagingiz haqida jonkuyarlik qilish qobiliyati hamdir🌟