🎓 Toshkent amaliy fanlar universiteti vakillari 71186 va 15361-sonli harbiy qismlarda muddatli harbiy xizmatni o‘tayotgan yoshlar bilan uchrashdi.

Uchrashuv O‘zbekiston Respublikasi Prezidentining 2026-yil 7-apreldagi PQ–134-son qarori ijrosi doirasida tashkil etildi.✅

📚 Tadbir davomida harbiy xizmatchilarga universitetdagi ta’lim yo‘nalishlari, grant va kontrakt asosida o‘qish imkoniyatlari, talabalar uchun yaratilgan sharoitlar hamda xalqaro ta’lim dasturlari haqida ma’lumot berildi.

🌍 Shuningdek, xorijiy va mahalliy oliy ta’lim muassasalari bilan hamkorlik aloqalari, akademik almashinuv dasturlari, startap loyihalar, amaliyot va stajirovka imkoniyatlari, ilmiy-tadqiqot faoliyati hamda bitiruvchilarning mehnat bozoridagi raqobatbardoshligini oshirishga qaratilgan tashabbuslar taqdim etildi.

💬Harbiy xizmatchilar o‘zlarini qiziqtirgan savollarga javob olib, kelajakdagi ta’lim va kasbiy faoliyatlari yuzasidan tavsiyalar oldilar.

Bunday uchrashuvlar yoshlarning oliy ta’limga bo‘lgan qiziqishini oshirish va ularning kelajakdagi rivojlanishiga ko‘maklashishga xizmat qiladi. 🤝

Telegram | Instagram | Veb-sayt

🏢 TAFUda yotoqxona bormi?

Ha, albatta! ✅

Toshkent amaliy fanlar universiteti o‘z talabalarini zamonaviy va qulay talabalar turar joyi bilan ta’minlaydi.

Har bir xonada 6 nafargacha talaba yashaydi. Xonalar yotoqlar, tumbochkalar, kiyim shkaflari, yozuv stollari va dars tayyorlash uchun qulay sharoitlar bilan jihozlangan.

🚿 Har bir xonada alohida hojatxona va dush mavjud.

🍽Talabalar uchun oshxona, kir yuvish xonasi hamda dam olish va sayr qilish uchun yashil hudud yaratilgan.

Hudud doimiy qo‘riqlanadi va talabalar yashash sharoitlari muntazam nazorat qilinadi. 🛡

Ⓜ️ Bundan tashqari, talabalar turar joyida yashovchi talabalarga universitet tomonidan butun o‘quv yili uchun jamoat transportida foydalanish uchun yo‘l chiptasi bepul taqdim etiladi.

✅ Yotoqxonaga ariza topshirish tartibi va muddatlari haqida alohida post orqali ma’lumot beramiz.

Telegram | Instagram | Veb-sayt

🌍Xalqaro hamkorlik kengaymoqda!

Toshkent amaliy fanlar universiteti rahbariyati hamda Universiti Kuala Lumpur vakili Tansholpan Bekmyrza bilan rasmiy uchrashuv bo‘lib o‘tdi.

📚Uchrashuv davomida:
✅talabalar va professor-o‘qituvchilar almashinuvi;
✅Erasmus+ va xalqaro grantlar;
✅qo‘shma ilmiy tadqiqotlar;
✅xalqaro konferensiyalar;
✅qo‘shma ta’lim loyihalari masalalari muhokama qilindi.

🤝 Yakunda tomonlar hamkorlikni yanada rivojlantirish va yangi qo‘shma loyihalarni amalga oshirish bo‘yicha kelishuvga erishdilar.

💡Shuningdek, mehmonlarga TAFUning zamonaviy infratuzilmasi va talabalarimizning innovatsion loyihalari ham tanishtirildi.

🚀 Bu hamkorlik TAFU talabalari uchun xalqaro imkoniyatlarni yanada kengaytirishga xizmat qiladi.

Telegram | Instagram | Veb-sayt