❗️2026/2027-oʻquv yilidan oliy toifali oʻqituvchilarni maqsadli magistraturada oʻqitish yoʻlga qoʻyiladi.

Umumiy oʻrta taʼlim tashkilotlarining oliy malaka toifasiga ega oʻqituvchilarini pedagogika sohasida magistraturaga oʻqishga maqsadli qabul qilish tizimini joriy etish toʻgʻrisida”gi Hukumat qarori (322-son, 24.06.2026 y.) qabul qilindi.

Qarorga koʻra, umumiy oʻrta taʼlim tashkilotlarida faoliyat olib borayotgan xalqaro akkreditatsiyalangan tizimda oliy malaka toifasiga ega oʻqituvchilarni (oliy toifali oʻqituvchilar) pedagogika sohasining magistratura bosqichida masofaviy taʼlim shaklida oʻqitish (maqsadli magistratura) tashkil etiladi.  
Maqsadli magistraturaga qabul oliy taʼlim tashkilotlarining magistraturasiga oʻqishga qabul qilish boʻyicha belgilangan tartibga muvofiq amalga oshiriladi.  

Oliy toifali oʻqituvchilar:  

👉 maqsadli magistraturada oʻqish jarayonlarini ishdan ajralmagan holda, masofaviy taʼlim shaklida amalga oshiradi;  
👉 maqsadli magistraturani tugatgandan keyin 3-yil davomida umumiy oʻrta taʼlim tashkilotida ishlab berish majburiyatini oladi;  

Oliy toifali oʻqituvchilar ushbu qarorga muvofiq maqsadli magistraturaga qabul qilingan taqdirda, ularga nisbatan Vazirlar Mahkamasining 2022-yil 15-avgustdagi 447-son qarorida belgilangan toʻlov-kontrakt summasini Davlat byudjetidan qoplab berish shartlari tatbiq etilmaydi.  

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Pedagog va xodimlarga maktab hududida quyidagilar taqiqlanadi

Yangi odob-axloq qoidalariga asosan:

❌ jamoa aʼzolari va boshqalarning shaxsiyatini, qadr-qimmatini kamsitish, ruhiy, jismoniy va boshqa zoʻravonlik koʻrsatish;

❌ oʻquvchilarni dars mashgʻulotlaridan sababsiz chiqarib yuborish yoki kiritmaslik;

❌ dars qoldirish holatlarini rasmiy tartibdan tashqari “oʻzboshimchalik” bilan hal qilish;

❌ oʻquvchining holatidan shaxsiy manfaat yoʻlida foydalanish, norasmiy pul yigʻish, moddiy bosim oʻtkazish;

❌ oʻquvchining oilaviy ahvoli, millati, jinsi, sogʻliq holati yoki ijtimoiy maqomi asosida farqlash;

❌ oʻquvchi bilan kasbiy chegaralarni buzuvchi munosabat oʻrnatish;

❌ “Chiqish” qoʻngʻirogʻi chalingandan keyin oʻquvchilarni sababsiz sinf xonasida ushlab turish;

❌ dars mashgʻulotlarida diniy tashviqot olib borish;

❌ taʼlim muassasasiga spirtli ichimliklar va kuchli taʼsir etuvchi moddalar isteʼmol qilgan holda kelish;

❌ taʼlim muassasasining hududi va binosida spirtli ichimliklar hamda tamaki mahsulotlarini isteʼmol qilish;

❌ muassasa hududi va binosida oʻquvchilarning taʼlim-tarbiyasiga aloqasi boʻlmagan turli xil tadbirlarni tashkil etish;

❌ taʼlim muassasalarida oʻtkaziladigan barcha tadbirlar va ularga tayyorgarlik ishlarini dars mashgʻulotlari vaqtida oʻtkazish.

Asos: MMTV vazirining 2026-yil 19-yanvardagi 18-sonli buyrugʻi

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Ixtisoslashtirilgan maktablarga hujjat topshirgan talabgorlar uchun ruxsatnomalar yuborildi

Diqqat! Hurmatli ota-onalar!

2026/2027-oʻquv yili uchun ixtisoslashtirilgan maktablarning:

👉 6-sinfiga (aniq fanlar yoʻnalishi);
👉 7-sinfiga (tabiiy fanlar yoʻnalishi);
👉 8-sinfiga (aniq va tabiiy fanlar yoʻnalishlari);
👉 10-sinfiga (aniq va tabiiy fanlar yoʻnalishlari) kirish imtihonlarida ishtirok etish uchun ruxsatnomalar arizachilarning ariza.piima.uz saytidagi shaxsiy kabinetiga joylashtirildi!

❗️Ixtisoslashtirilgan maktablarga hujjat topshirgan talabgorlardan ruxsatnomani ariza.piima.uz orqali yuklab olishingiz mumkinm

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❓Qanday holatda sinf ikkiga boʻlib oʻqitiladi?

Vazirlar Mahkamasining 2017-yil 15-martdagi 140-son qarori bilan tasdiqlangan «Umumtaʼlim maktabi toʻgʻrisida»gi nizomning 29-bandiga muvofiq malakali oʻqituvchilar yetarli boʻlgan quyidagi hollarda sinfdagi oʻquvchilarni IKKI GURUHga boʻlib oʻqitishga ruxsat etiladi:

Oʻquvchilar soni 25 nafar va undan ziyod boʻlgan umumiy oʻrta taʼlim muassasalarining:

👉 1-11 sinflarida «Chet tili» fani

👉 ayrim fanlarga ixtisoslashtirilgan umumiy oʻrta taʼlim muassasalarida ixtisoslashgan fanlar

👉 5-11-sinflarda «Informatika va axborot texnologiyalari»,

👉 8-11-sinflarda «Jismoniy tarbiya»

👉 5-9- sinflarda «Texnologiya»

👉 10-11-sinflarda «Chaqiruvga qadar boshlangʻich tayyorgarlik» fanlari

👉 taʼlim tili oʻzbek tili boʻlmagan umumiy oʻrta taʼlim muassasalarining 2-11 sinflarida «Oʻzbek tili» fani hamda taʼlim tili rus tili boʻlmagan umumtaʼlim muassasalarining 2-11 sinflarida «Rus tili» fani.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Boshlangʻich taʼlim oʻqituvchilari qaysi fanlardan olingan sertifikatlar uchun qoʻshimcha ustama olishlari mumkin.

Adliya vazirligidan 2024-yil 29-mayda 3515-son bilan roʻyxatdan oʻtgan qoʻshma qarorning 4-ilovasiga muvofiq Matematika hamda Ona tili va adabiyot fanlaridan olingan milliy sertifikatlar uchun ustama olishlari mumkin.

Bunda:

👉 Matematika fanidan kamida “C” va undan yuqori darajadagi milliy sertifikat uchun lavozim maoshiga nisbatan 20 foiz ustama toʻlanadi. Mazkur ustama umumiy oʻrta taʼlim maktablarida boshlangʻich sinflarda dars beruvchi pedagoglarning matematika fanidan olingan sertifikatlari aynan shu fandagi dars soatlari uchun amal qiladi;

👉 Ona tili va adabiyot fanidan kamida “C” va undan yuqori darajadagi milliy sertifikat uchun lavozim maoshiga nisbatan 50 foiz ustama toʻlanadi. Mazkur ustama umumiy oʻrta taʼlim maktablarida boshlangʻich sinflarda dars beruvchi boshlangʻich taʼlim mutaxassisligiga ega pedagoglarning ona tili va adabiyot, rus tili va adabiyot, qoraqalpoq tili va adabiyot fanidan olingan sertifikatlari aynan shu fandagi dars soatlari uchun amal qiladi.

Yuqoridagi sertifikatlar uchun sertifikat olingan kundan boshlab ularning amal qilish muddati tugagunga qadar lekin, uch yildan koʻp boʻlmagan vaqt mobaynida ustamalar belgilash boʻyicha imtiyozlar qoʻllaniladi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

⚡️Oʻzbekistonda ham 16 yoshga toʻlmagan bolalarning ijtimoiy tarmoqlardan foydalanishini taqiqlash reja qilinmoqda

Oʻzbekistonda 16 yoshgacha boʻlgan bolalarning ijtimoiy tarmoqlardan foydalanishini cheklashni nazarda tutuvchi qonun loyihasi ishlab chiqilishi mumkin. Bu haqda 26-iyun kuni Maktabgacha va maktab taʼlimi vazirligida oʻtkazilgan tadbirdan soʻng vazir Eʼzozxon Karimova Gazeta muxbiri bilan suhbatda aytib oʻtdi.

Jurnalist dunyoning koʻplab davlatlarida, xususan, qoʻshni Qozogʻistonda ham voyaga yetmaganlarning telefon va ijtimoiy tarmoqlardan foydalanishini cheklash boʻyicha tashabbuslar boshlanganini eslatib, Oʻzbekistonda ham shunday qadam tashlanishi mumkinmi, deb soʻradi.

Eʼzozxon Karimovaning taʼkidlashicha, mazkur masala yuzasidan parlament deputatlari va senatorlar bilan oʻzaro muhokamalar oʻtkazilgan hamda qonun loyihasi ishlab chiqib, uni jamoatchilik muhokamasiga qoʻyish rejalashtirilmoqda.

«Biz ham hozir ushbu masalani oʻylayapmiz. Bu boʻyicha deputatlarimiz va senatorlarimiz bilan ham gaplashdik. Qonun loyihasini ishlab chiqib, jamoatchilik muhokamasiga qoʻymoqchimiz. Bu tartib bizda ham boʻlishi kerak, deb oʻylayman», — deydi vazir.

U bolalarni telefondan toʻliq voz kechtirishning imkoni yoʻqligi, ammo undan foydalanish madaniyatini shakllantirish muhimligini qayd etdi.

«Hozir texnika asri, bolalarimizdan telefonlarni yulib ololmaymiz. Albatta, telefon kerak. Ammo undan foydalanish madaniyati va me’yori ham boʻlishi zarur. Oʻquvchining maktabga kirishdan oldin telefonini qoldirishga oid buyruq chiqqan va odob-axloq qoidalari ham mavjud. Lekin bu qoidalar qayerdadir ishlaydi, qayerdadir esa ishlamaydi. Buni endilikda qattiq nazoratga olib, 16 yoshgacha boʻlgan bolalarimizni ijtimoiy tarmoqlardan foydalanishni qonun bilan cheklamoqchimiz», — deydi Eʼzozxon Karimova.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

⚡️Samarqandda 8-sinf bitiruvchisi IELTS’dan 8.0 oldi

Samarqand shahridagi 47-son umumta’lim maktabining 8-sinf bitiruvchisi Abduvaxobova Shoxina xalqaro IELTS imtihonidan 8.0 ball olib, yuqori natijani qayd etdi. Yosh bo‘lishiga qaramay, u uzoq yillik mehnat, qat’iyat va intizom evaziga ko‘pchilik orzu qiladigan natijaga erishdi.

Shoxinaning aytishicha, IELTS sertifikatini olish orzusi unda hali 4-sinfda o‘qib yurgan kezlaridayoq paydo bo‘lgan. Maktabdagi 3 soatlik darslardan so‘ng Shoxina har kuni soat 11:00 dan 20:00 gacha ingliz tili mashg‘ulotlarida qatnashgan. Bu tartib nafaqat ish kunlari, balki shanba va yakshanba kunlari ham davom etgan. Shoxina kelajakda AQSHdagi universitetlardan birida grant asosida tahsil olishni maqsad qilgan.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Endi milliy yoki xalqaro sertifikatga ega litsey o‘quvchilari davlat imtihonlarini topshirmaydilar

Oliy ta’lim, fan va innovatsiyalar vazirining tegishli buyrug‘i (2026-yil 10-mart, 100-son) bilan “O‘rta maxsus taʼlim tashkilotlarida yakuniy davlat attestatsiyasini o‘tkazish tartibi to‘g‘risidagi nizom”ga qoʻshimcha va oʻzgartirishlar kiritildi (ro‘yxat raqami — 19.03.2026-y., №2011-5).

Quyida tizimdagi eng muhim yangiliklar bilan tanishing:

✔️ Sertifikati bor o‘quvchilarga imtiyoz

Endilikda xorijiy tillar va umumta’lim fanlarini bilish darajasini belgilovchi milliy yoki xalqaro tan olingan sertifikatga ega bo‘lgan o‘quvchilar mazkur fanlardan davlat imtihonlarini topshirmaydilar. Ularga tegishli fan bo‘yicha avtomatik ravishda maksimal ball beriladi.

✔️ Apellyatsiya tizimidagi shaffoflik va kafolatlar

👉 Imtihon bahosidan norozi bo‘lgan o‘quvchilar uchun shikoyat qilish tartibi takomillashtirildi:
👉 Baho e’lon qilingan kundan boshlab 3 ish kuni ichida ariza berish mumkin.
👉 Apellyatsiya komissiyasi tarkibiga OTM professor-o‘qituvchilari va soha mutaxassislaridan iborat 5 kishi kiritiladi.
👉 Apellyatsiya jarayonida o‘quvchining olgan ballini pasaytirishga yo‘l qo‘yilmaydi.
👉 Shikoyatni ko‘rib chiqishda o‘quvchi yoki uning ota-onasi bevosita ishtirok etish huquqiga ega.

✔️ Attestatsiyadan o‘ta olmaganlar uchun imkoniyat

Agar o‘quvchi yakuniy attestatsiyani 3 yil davomida topshira olmasa, unga eksternat tartibida imtihon topshirish huquqiga ega boʻladi. Imtihonlarni muvaffaqiyatli topshirganlarga Maktabgacha va maktab ta’limi vazirligi tomonidan davlat namunasidagi shahodatnoma taqdim etiladi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz