❓Мактаб директори бўлиш учун нималар талаб қилинади?

Мактаб директори лавозими — катта масъулият, лидерлик ва бошқарув кўникмаларини талаб қиладиган муҳим вазифа.

Менежерлик сертификатини олиш ва Директорлар кенгашидан суҳбатдан ўтиш тартиби қандай?

Батафсил видеода

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️1-apreldan ta’lim sohasida qanday o‘zgarishlar bo‘ladi?

Oʻzbekiston Respublikasi Prezidentining 2026-yil 5-fevraldagi “Maktabgacha taʼlim va tarbiya tizimini yanada takomillashtirish chora-tadbirlari toʻgʻrisida”gi Farmoniga asosan:

2026-yil 1-apreldan (Toshkent shahri bundan mustasno):

✔️ maktabgacha taʼlim qamrovi 80 foizdan past boʻlgan tuman (shahar)lardagi tadbirkorlik subyektlari ushbu hududlardagi taʼlim tashkilotlarining boʻsh yer maydonlaridan boshqa joylarda quvvati 150 oʻrindan kam boʻlmagan nodavlat maktabgacha taʼlim tashkilotlarini tashkil etadigan boʻlsa (davlat-xususiy sheriklik asosida tashkil etiladigan maktabgacha taʼlim tashkilotlari bundan mustasno);

✔️ bunda 7 yilgacha muddatga (yillik Markaziy bank asosiy stavkasidan 4 foizlik punkt yuqori stavkada) 5 milliard soʻmgacha kredit mablagʻlari maktabgacha taʼlim tashkilotini 18 oygacha boʻlgan muddat ichida qurish sharti bilan beriladi (davlat-xususiy sheriklik asosida tashkil etiladigan maktabgacha taʼlim tashkilotlari bundan mustasno);

✔️ 2026-yil 1-apreldan 2030-yil 1-yanvarga qadar — respublikaning barcha hududlarida quriladigan yangi koʻp kvartirali uylarning birinchi qavatida nodavlat maktabgacha taʼlim tashkilotlarini tashkil etadigan tadbirkorlik subyektlariga ijtimoiy soliq stavkasi nodavlat maktabgacha taʼlim tashkiloti litsenziya olgandan keyin uch yil davomida 5 foiz etib belgilanadi;

✔️ ushbu imtiyoz faqat koʻp kvartirali uylarning birinchi qavatida tashkil etiladigan maktabgacha taʼlim tashkilotlariga nisbatan qoʻllaniladi (davlat-xususiy sheriklik asosida tashkil etiladigan maktabgacha taʼlim tashkilotlari bundan mustasno);

Oʻzbekiston Respublikasi Prezidentining 2026-yil 21-fevraldagi tegishli qarori bilan:

2026-yil 1-apreldan:

✔️ maʼmuriy boshqaruv jihatdan Nukus shahri tarkibiga kiruvchi “Qaratau” va “Bestobe” mahalla fuqarolar yigʻinlari aholisiga davlat maktabgacha taʼlim tashkilotlarida bola taʼminoti uchun ota-onalar toʻloviga 50 foiz kamaytiruvchi koeffitsiyentlar qoʻllaniladi;

✔️ soliq imtiyozlari yangi koʻp kvartirali uylarning birinchi qavatida tashkil etiladigan nodavlat bogʻchalarga ham qoʻllaniladi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

⚡️Musiqa madaniyati fani oʻqituvchilari 2025-2026 oʻquv yilidan boshlab yangi tartib asosida toifa olishadi.

Oʻzbekiston Respublikasi Prezidentining “Umumiy oʻrta taʼlim muassasalarida musiqa madaniyati fani oʻqitilishini tubdan takomillashtirish hamda ushbu fan oʻqituvchilarining kasbiy faoliyatini rivojlantirish chora-tadbirlari toʻgʻrisida”gi qarori qabul qilinganligi hamda musiqa madaniyati fani oʻqituvchilariga toifa berishning (2 bosqichli) yangi tartibi ishlab chiqilishi va birinchi bosqich (test jarayonlari) Maktabgacha va maktab taʼlimi vazirligi tomonidan, ikkinchi bosqich (amaliy imtihon) Madaniyat vazirligi tomonidan tashkil etilishi toʻgʻrisida xabar bergan edik.

Mazkur qaror ijrosini taʼminlash maqsadida Maktabgacha va maktab taʼlimi vazirligi hamda Madaniyat vazirligining qarori qabul qilindi.

Qaror asosida umumiy oʻrta taʼlim tashkilotlarining musiqa madaniyati fani oʻqituvchilari uchun amaliy (ijodiy) imtihon sinovlarini oʻtkazish tartibi va baholash mezonlari tasdiqlandi.

✔️ Umumiy oʻrta taʼlim maktablarining musiqa madaniyati fani oʻqituvchilari uchun 2025-2026 oʻquv yilidan boshlab, (2025-yil avgust-dekabr oylarilari attestatsiyasidan boshlab):

🔹 birinchi bosqich — Maktabgacha va maktab taʼlimi vazirligi tomonidan oʻtkaziladigan test sinovlari (40 ta test savoli 1 baldan jami 40 ball);

🔹 ikkinchi bosqich — Madaniyat vazirligi tomonidan belgilangan bolalar musiqa va sanʼat maktablarida tashkil etiladigan amaliy (ijodiy) imtihon (4 ta topshiriq 20+15+15+10 jami 60 ball shaklida oʻtkaziladi).

Taʼkidlash joizki, mazkur baholash mezonlari 2025-yil avgust-dekabr oylarida oʻtkaziladigan pedagog kadlar attestatsiyasidan boshlab joriy etilgan.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❓Sinf rahbarlik va daftar tekshirish uchun qancha haq toʻlanadi?

Sinf rahbarlik va daftar tekshirish uchun toʻlovlar oʻqituvchilarga mehnatga haq toʻlashning eng kam miqdoriga (1.155.000 soʻm) nisbatan foiz hisobida toʻlanadi.

Sinfdagi oʻquvchilar soniga koʻra sinf rahbarligi uchun:

👉 15 nafar oʻquvchigacha – 26,4 foiz (304 920 soʻm);

👉 16 nafardan 20 nafar oʻquvchigacha – 31,6 foiz (364 980 soʻm);

👉 21 nafardan 25 nafar oʻquvchigacha – 36,9 foiz (426 195 soʻm);

👉 26 nafardan 30 nafar oʻquvchigacha – 42,1 foiz (486 255 soʻm);

👉 31 nafar va undan koʻp oʻquvchi boʻlganda – 52,8 foiz (609 840 soʻm).

📑 Daftarlarni va yozma ishlarni tekshirganlik uchun (oʻquvchilar ikki guruhga boʻlib oʻqitiladigan fanlar boʻyicha ham) sinfdagi oʻquvchilar soni 15 nafargacha boʻlganda – 8,8 foiz (101 640 soʻm), 15 nafar va undan ortiq boʻlganda – 17,6 foiz (203 280 soʻm).

Informatika kabineti mudirligi uchun – 17,6 foiz (203 280 soʻm).

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Toifa testlarida ishtirok etmasa nima boʻladi?

Nizomning 45-bandi Pedagog kadrlar attestatsiyada uzrli sababga (vaqtincha mehnatga qobiliyatsizligi, davlat yoki jamoat vazifalarini bajarganligi, respublika va xalqaro musobaqalarda ishtirok etganligi, vaqtincha xorijiy mamlakatda safarda boʻlganligi, yaqin qarindoshining vafoti, vakolatli davlat organi yoki taʼlim tashkilotlari rahbarlarining maʼlumotnomasida koʻrsatilgan boshqa asoslarga) koʻra kelmagan boʻlsa, ularning attestatsiyasi boshqa muddatga koʻchiriladi.

Pedagog kadrlar uzrli sabablarga koʻra attestatsiyaga kelmaganligi tufayli ularning attestatsiyasi boshqa muddatga koʻchirilgan taqdirda, yigʻim takroran undirilmaydi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Bugun ona tili (o‘zbek, qoraqalpoq va rus) va adabiyot fanlaridan milliy sertifikat imtihoniga ro‘yxatdan o‘tish yakunlanadi

Rejaga muvofiq, 2026-yilning 3-aprel kuni ona tili (o‘zbek, qoraqalpoq va rus) va adabiyot fanlaridan milliy sertifikat imtihonlariga ro‘yxatdan o‘tish yakunlanadi. To‘lovni esa 4-aprelgacha amalga oshirish lozim.

🗓 Test sinovlari 2026-yilning 25-26-aprel kunlari o'tkaziladi.

Ro‘yxatdan o‘tishda talabgorlar o‘zlariga qulay bo‘lgan hududni tanlagan holda test sinovlarida ishtirok etishlari mumkin.

Ro‘yxatdan o‘tish uchun havola: 👉
https://my.gov.uz/uz/service/891

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Oʻqituvchilarni videoga olib ijtimoiy tarmoqlarga tarqatganlik uchun javobgarlik bor

Maʼmuriy javobgarlik toʻgʻrisidagi kodeks 46-2-moddasida shaxsga doir maʼlumotlarni qonunga xilof ravishda yigʻish, tizimlashtirish, saqlash, oʻzgartirish, toʻldirish, ulardan foydalanish, ularni berish, tarqatish, uzatish, egasizlantirish va yoʻq qilish,
🔹 fuqarolarga bazaviy hisoblash miqdorining 3 baravaridan 5 baravarigacha;
🔹 mansabdor shaxslarga esa — 5 baravaridan 10 baravarigacha miqdorda jarima solishga sabab boʻlishi belgilangan.

Agar ushbu harakatlar maʼmuriy javobgarlik qoʻllanilgandan soʻng 1-yil ichida takrorlansa, unda jinoiy javobgarlik chorasi qoʻllaniladi (Jinoyat kodeksi 141-2-moddasi).

☝️Biroq bu hammasi emas. Agar oʻqituvchi fuqarolik sudiga oʻziga yetkazilgan maʼnaviy zararni undirishni soʻrab daʼvo qilsa bormi?

Fuqarolik kodeksi 1021-moddasi ikkinchi qismida zarar or-nomus, qadr-qimmat va ishchanlik obroʻ-eʼtiborini haqoratlovchi maʼlumotlarni tarqatish tufayli yetkazilgan boʻlsa maʼnaviy zarar uni yetkazuvchining aybidan qatʼi nazar, qoplanishi belgilangan.

Ushbu qoida, aynan oʻqituvchinining videosini ijtimoiy tarmoqqa joylab, uning qard qimmatini, ishchanlik obroʻsini toʻkayotgan shaxslarga zararni qoplash majburiyatini yuklaydi.

Bunda maʼnaviy zararni qoplash miqdori jabrlanuvchiga yetkazilgan jismoniy va maʼnaviy azoblarning xususiyatiga, shuningdek ayb tovon toʻlashga asos boʻlgan hollarda zarar yetkazuvchining aybi darajasiga qarab sud tomonidan aniqlanadi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Pedagog va xodimlarga maktab hududida quyidagilar taqiqlanadi

Yangi odob-axloq qoidalariga asosan:

❌ jamoa aʼzolari va boshqalarning shaxsiyatini, qadr-qimmatini kamsitish, ruhiy, jismoniy va boshqa zoʻravonlik koʻrsatish;

❌ oʻquvchilarni dars mashgʻulotlaridan sababsiz chiqarib yuborish yoki kiritmaslik;

❌ dars qoldirish holatlarini rasmiy tartibdan tashqari “oʻzboshimchalik” bilan hal qilish;

❌ oʻquvchining holatidan shaxsiy manfaat yoʻlida foydalanish, norasmiy pul yigʻish, moddiy bosim oʻtkazish;

❌ oʻquvchining oilaviy ahvoli, millati, jinsi, sogʻliq holati yoki ijtimoiy maqomi asosida farqlash;

❌ oʻquvchi bilan kasbiy chegaralarni buzuvchi munosabat oʻrnatish;

❌ “Chiqish” qoʻngʻirogʻi chalingandan keyin oʻquvchilarni sababsiz sinf xonasida ushlab turish;

❌ dars mashgʻulotlarida diniy tashviqot olib borish;

❌ taʼlim muassasasiga spirtli ichimliklar va kuchli taʼsir etuvchi moddalar isteʼmol qilgan holda kelish;

❌ taʼlim muassasasining hududi va binosida spirtli ichimliklar hamda tamaki mahsulotlarini isteʼmol qilish;

❌ muassasa hududi va binosida oʻquvchilarning taʼlim-tarbiyasiga aloqasi boʻlmagan turli xil tadbirlarni tashkil etish;

❌ taʼlim muassasalarida oʻtkaziladigan barcha tadbirlar va ularga tayyorgarlik ishlarini dars mashgʻulotlari vaqtida oʻtkazish.

Asos: MMTV vazirining 2026-yil 19-yanvardagi 18-sonli buyrugʻi

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

📚 EMAKTAB.UZ BOʻYICHA ESLATMA

Oʻquvchilar oʻz vaqtida (9.00-21.00 gacha 1 smenali maktablar uchun, joriy kundan ertasi kuni 13.00 gacha 2 smenali maktablar uchun) baholanmasligi, belgining qoʻyilmasligi oʻqituvchini dars oʻtmaganligini bildiradi va ushbu dars uchun haq toʻlanmaydi.

Sinf rahbari «bir kunlik jurnal» da fanlar ostidagi «PR» ustuniga har kunlik davomat belgilarini quyidagi tartibda qoʻyib boradi:

s — hech qanday sababsiz dars qoldirganligini koʻrsatish uchun;
dq — sababli dars qoldirganligini koʻrsatish uchun;
k — kasallik sababli dars qoldirganligini koʻrsatish uchun;
kq — darsga kechikib kerganligini koʻrsatish uchun;
m — surunkali dars qoldirayotganligini koʻrsatish uchun;
ch — respublikadan tashqariga ruxsatsiz chiqib ketganligini koʻrsatish uchun;
q — taʼlim olishga ota-onasi qarshilik qilayotganligini koʻrsatish uchun;
ns — ota-ona nazoratsizligi sababli darsga kelmaydiganligini koʻrsatish uchun;
tq — turmushga chiqqanligi tufayli darsga kelmaydiganligini koʻrsatish uchun qoʻyish belgilanadi.

Fan oʻqituvchilari tomonidan oʻquvchilarning darsdagi davomatlari dars boshlanishida onlayn tarzda quyidagi tartibda qayd etiladi:

s — hech qanday sababsiz dars qoldirganini koʻrsatish uchun;
kq — darsga kechikishni koʻrsatish uchun.(baxolash mumkin).

❗️Sinf jurnallarida oʻquvchilarning familiyasi va ismi maktab taʼlim tiliga qarab kirill yoki lotin alifbosiga asoslangan yozuvlarda kiritilishi sinf rahbariga yuklatiladi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Ota-onalar farzandlarini muntazam ravishda maktabga kelishlarini taʼminlashi shart

«Taʼlim toʻgʻrisida»gi Qonunning 51-moddasiga muvofiq voyaga yetmagan taʼlim oluvchilarning ota-onasi va boshqa qonuniy vakillari bolalarining umumiy oʻrta, oʻrta maxsus taʼlim yoki boshlangʻich professional taʼlim olishini taʼminlashi, bolalarining oʻquv mashgʻulotlariga qatnashishini taʼminlash va oʻzlashtirishi ustidan nazoratni amalga oshirishlari shart.

❗️Oʻzbekiston Respublikasi Maʼmuriy javobgarlik toʻgʻrisidagi Kodeksning 47-moddasiga muvofiq ota-onalar yoki ularning oʻrnini bosuvchi shaxslar tomonidan voyaga yetmagan bolalarni tarbiyalash va ularga taʼlim berish borasidagi majburiyatlarni bajarmaslik, shu jumladan voyaga yetmagan bolalarning maʼmuriy huquqbuzarlik sodir etishiga olib kelishi 412 ming soʻmdan 2 mln 60 ming soʻmgacha jarima solishga sabab boʻladi.

👉 Ushbu huquqbuzarliklar maʼmuriy jazo chorasi qoʻllanilganidan keyin 1-yil davomida takror sodir etilgan boʻlsa, 2 mln 60 ming soʻmdan 4 mln 120 ming soʻmgacha miqdorda jarima solishga sabab boʻladi.

👉 Bolalarning majburiy umumiy oʻrta taʼlim, oʻrta maxsus, kasb-hunar taʼlimi olishiga ota-onalar yoki ularning oʻrnini bosuvchi shaxslar tomonidan toʻsqinlik qilish 4 mln 120 ming soʻmdan 6 mln 180 ming soʻmgacha miqdorda jarima solishga sabab boʻladi.

👉 Ushbu huquqbuzarlik maʼmuriy jazo chorasi qoʻllanilganidan keyin 1-yil davomida takror sodir etilgan boʻlsa, 6 mln 180 ming soʻmdan 10 mln 300 ming soʻmgacha miqdorda jarima solishga yoki 15 sutkagacha muddatga maʼmuriy qamoqqa olishga sabab boʻladi.

❕Shuningdek, taʼlim muassasasi pedagog xodimining kasbiy faoliyatiga qonunga xilof ravishda aralashish yoki oʻz xizmat vazifalarini bajarishiga toʻsqinlik qilish fuqarolarga 2 mln 60 ming soʻmdan 2 mln 884 ming soʻmgacha, mansabdor shaxslarga esa 2 mln 884 ming soʻmdan 4 mln 120 ming soʻmgacha miqdorda jarima solishga sabab boʻladi.

👉 Xuddi shunday huquqbuzarliklar maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, fuqarolarga 2 mln 884 ming soʻmdan 4 mln 120 ming soʻmgacha, mansabdor shaxslarga esa 4 mln 120 ming soʻmdan 6 mln 180 ming soʻmgacha miqdorda jarima solishga sabab boʻladi.

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz

❗️Oʻquvchilarga taʼlim muassasasida quyidagilar taqiqlanadi

Yangi odob-axloq qoidalariga asosan:

❌ taʼlim muassasasi ustavida man etilgan libos va qiyofada, jumladan oʻgʻil bolalar kalta shim, futbolka, shippakda va qiz bolalar kalta, tor va tanani ochiq koʻrsatuvchi yupqa (harir) kiyimda kelishi hamda boʻyni va barmoqlariga turli xil taqinchoqlar taqishi;

❌ oʻzaro munosabatlarda inson shaxsiyatini va qadr-qimmatini kamsitish (diskriminatsiya), haqorat qilish va behayo soʻzlarni ishlatishi, turli xil (jismoniy, ruhiy va boshqa) zoʻravonlikni (bulling) koʻrsatishi;

❌ bir guruh bolalar yoki bitta bola tomonidan boshqa bolaga yoki bolalarga nisbatan haqoratli laqablardan foydalanish u (ular) bilan har qanday muloqotni cheklab qoʻyishi yoki cheklab qoʻyishga urinishi;

❌ tengdoshlarning yoki boshqa shaxslarning mol-mulkini olib qoʻyish va (yoki) mol-mulkiga zarar yetkazish, ularning oʻziga xos jismoniy, psixologik yoki intellektual xususiyatlarini ommaviy muhokama qilishi;

❌ qonun bilan taqiqlangan, milliy va umumbashariy qadriyatlarga xos boʻlmagan yoki taʼlim muassasasining faoliyatiga tegishli, shuningdek, taʼlim muassasasi, oʻqituvchi va oʻquvchilarning obroʻsini tushirishga qaratilgan munosabatlar aks etgan audio hamda videomateriallarni turli ijtimoiy tarmoqlarga joylashtirishi yoki undan turli gʻarazli maqsadlar yoʻlida foydalanishi;

❌ dars jarayonida quloqchinlar (naushnik) orqali uyali aloqa vositalari va turli xil audio qurilmalardan foydalanishi, dars jarayonini uyali aloqa vositasining kamerasi orqali tasvirga olishi;

❌ taʼlim muassasasi kompyuterlarida taʼlim muassasasiga tegishli boʻlmagan maʼlumotlarni, shuningdek, qonun hujjatlarida koʻzda tutilgan bolalarning yosh xususiyatlariga mos boʻlmagan turli videomateriallar, taqiqlangan diniy maʼlumotlar, behayo suratlar, milliy, irqiy, etnik, diniy adovatni, zoʻravonlikni targʻib qiluvchi, pornografik xarakterdagi har qanday video, audio va fotomateriallarni tayyorlashi, saqlashi, foydalanishi va targʻib etishi;

❌ har qanday kuchli taʼsir qiluvchi moddalarni isteʼmol qilish va boshqa tengdoshlarni jalb qilishi;

❌ taʼlim muassasasi hududida tugʻilgan kun, Oʻzbekiston qonunchiligida belgilanmagan turli bayram tadbirlarini nishonlashi.

Asos: MMTV vazirining 2026-yil 19-yanvardagi 18-sonli buyrugʻi

Oylik hisoblash uchun bot

Oʻqituvchi kanaliga obuna boʻling
👉 https://t.me/ustoz