2022 йилда иқтидорли ўқитувчиларнинг маоши оширилади

🔰4 йиллик тараққиёт стратегияси лойиҳасига асосан:

— олий тоифали ўқитувчиларнинг маоши – камида 15 фоизга;

— биринчи тоифали ўқитувчилар ҳамда олий ва биринчи тоифадаги шифокорлар маоши – камида 10 фоизга;

— иккинчи тоифали ўқитувчи ва шифокорлар маоши – камида 5 фоизга оширилади.

Ҳамкасбларингиз билан улашинг

👉 @ustoz — Халқ таълими ходимлари учун махсус канал

​​#Биласизми

Мактабдаги жисмоний тарбия фани ўқитувчисига "Cпорт тарғиботчиси" вазифаси юклатилса, унинг ойлик маошига 20 фоиз миқдорида устама тўлаб берилиши шарт

Маълумки, Ўзбекистон Республикаси Президентининг 2020 йил 30 октябрь кунги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сонли фармонининг 13-бандида 2021 йил 1 январдан барча давлат органлари ва ташкилотларида соғлом турмуш тарзи ва оммавий спортни ривожлантириш мақсадида меҳнат жамоаларида фаолият юритаётган ходимга «Спорт тарғиботчиси» қўшимча вазифасини юклаш ва унинг базавий лавозим маошига 20 фоиз миқдорида устама тўлаб бериш амалиётини йўлга қўйиш белгилаб қўйилганди.

Лекин мана бир йилдирки, ҳали ҳам Президентнинг ушбу фармонини жойларда нотўғри талқин қилиш оқибатида мактаблардаги жисмоний тарбия фани ўқитувчиларига «Спорт тарғиботчиси» вазифаси юкланган бўлишига қарамай уларга 20 фоизлик устамалар тўлаб берилмади.

Бундай ҳолатлар кузатилишига яна бир сабаб, «Спорт тарғиботчилари» учун йўриқномалар ишлаб чиқилиб, жойларга етказилмади. Айрим халқ таълими бўлими мудирлари мазкур қарор ижросини таъминлайман деб, аслида эса Президент фармонини нотўғри талқин қилиб, меҳнат қонунчилигини қўпол равишда бузган ҳолда умумтаълим муассасалари фаоллар ва спорт залларини кечки соат 16:00 дан 22:00 га қадар тўлиқ фаолият кўрсатишини таъминлаш лозимлиги, бунинг учун жисмоний тарбия фани ўқитувчиларини жалб қилиш ҳақида мактаб директорларига кўрсатмалар берди.

Шу билан бирга «Спорт тарғиботчилари»нинг базавий лавозим маошига 20 фоиз миқдорида устама тўлаш учун алоҳида маблағлар ҳам ажратилмади. Шу сабабли ушбу масалани Ўзбекистон Республикаси Олий Мажлис Сенати ўз назоратига олиб, Халқ таълими вазирлиги Маҳалла ва оилани қўллаб қувватлаш вазирлиги билан биргаликда ҳар бир мактабдаги бир нафар жисмоний тарбия ўқитувчисининг лавозим маошига 20 фоиз миқдорида устама тўлаш орқали маҳаллаларга «спорт тарғиботчиси» сифатида бириктириш чораларини кўриш топшириғини берган.

Агар жисмоний тарбия фани ўқитувчиларига «Спорт тарғиботчиси» вазифаси юкланган бўлаю, лекин уларнинг ойлик маошига 20 фоизлик устамалар тўлаб берилмаётган бўлса, улар ҳам ўз ҳуқуқларини талаб қилиб юқори турувчи органларга мурожаат қилишлари лозим.

Бундай устамаларни тўлашдан бош тортаётган халқ таълими бўлими иқтисодчиларига эса Президентининг ПФ-6099-сонли фармони ва Ўзбекистон Республикаси Олий Мажлис Сенатининг 2021 йил 26 августдаги СҚ-368-IV-сонли қарорини асос қилиб кўрсатиш керак.

👉 @ustoz — Халқ таълими ходимлари учун махсус канал

​​ЎҚУВЧИЛАРИМИЗ ОНЛАЙН ОЛИМПИАДАДА ҚАТНАШИШ УЧУН РЎЙХАТДАН ЎТОЛМАЯПТИ, НИМА ҚИЛСАК БЎЛАДИ?

❗️Савол: Онлайн олимпиада иштирок этиш учун ўқувчини рўйхатдан ўтказаётганимизда бундай гувоҳнома серияси ва рақами тизимда мавжуд деган ёзув чиқяпти. Бундай ҳолатда биз нима қилишимиз керак?

✅ Жавоб: Бунга асосий сабаб, илгари ҳам Халқ таълими вазирлиги Фан олимпиадалари бўйича иқтидорли ўқувчилар билан ишлаш департаменти томонидан ўтказилган онлайн олипиадада ўша ўқувчи иштирок этган бўлиши мумкин.

Яъни, сиз рўйхатдан ўтказаётган ўқувчи аввал ҳам айнан мазкур сайтдан рўйхатдан ўтган. Шу сабабли, ўқувчининг шахсий маълумотлари киритилганда бу турдаги туғилганлик ҳақидаги гувоҳнома серияси ва рақами мавжуд деган ёзув чиққан.

Аввал рўйхатдан ўтган ўқувчилар яна қайта рўйхатдан ўтишлари шарт эмас. Улар оналайн олимпиада ўтказиладиган куни oo.uzedu.uz сайтига кириб, логин ва паролни теришса кифоя. Агар логин ва парол ўқувчининг ёдида бўлмаса, ўтган сафар ўқувчини рўйхатдан ўтказишга таълим муассасидан бириктирилган масъул ходимга мурожаат қилиш тўғри бўлади.

Одатда шу кўринишдаги онлайн олимпиадалар ўтказилганда ўқувчининг бир ўзи тизимга кириб рўйхатдан ўтишга қийналганлиги сабабли жуда кўп мактабларда информатика фани ўқитувчилари уларга кўмаклашиб, рўйхатдан ўтишга ёрдам берадилар. Шу сабабли логин ва парол айнан ушбу масалага масъул ходимларда бўлиши мумкин.

Халқ таълими вазирлиги Фан олимпиадалари ҳамда иқтидорли ўқувчилар билан ишлаш департаменти раҳбари Умид Раҳмонов

*P.S.* Онлайн олимпиадалар ўтказилиш графиги билан қуйидаги фотода танишишингиз мумкин.

👉 @ustoz — Халқ таълими ходимлари учун махсус канал

❗️Кўп учраётган саволларга жавоб берамиз.

Онлайн олимпиадада иштирок этиш учун барча таълим муассасалари ўқувчилари oo.uzedu.uz сайт орқали рўйхатдан ўтишади ва рўйхатдан ўтган ўқувчи онлайн олимпиадаларни мувофиқлаштирувчи мактаб масъули томонидан тасдиқланади. Мактаб масъули томонидан тасдиқланмаган ўқувчилар олимпиадада иштирок эта олишмайди.

Баъзи ўқувчилар олдин рўйхатдан ўтган, лекин ҳозирда логин ва паролларини унутган бўлиши мумкин, бундай ҳолда ўқувчилар ўз таълим муассасаси масъулига мурожаат қилишлари керак бўлади. Масъуллар ўз таълим муассасаси номидан рўйхатдан ўтган ўқувчиларнинг логин ва паролларини аниқлаш имкониятига эга.

Онлайн олимпиадаларда барчага омад тилаймиз!

👉 @ustoz — Халқ таълими ходимлари учун махсус канал

Қарийб 80 % россиялик юқори синф ўқувчилари уйга вазифаларни кўчиришади

Skysmart Class платформасининг тадқиқотчилари томонидан ўтказилган сўровномада маълум бўлишича, Россиядаги 11-синф ўқувчиларининг 78% уйга вазифаларини кўчиришади.

📊 5-синфда 32%, 6-синфда 43%, 7-синфда 59%, 8-синфда 78%, 9-синфда 82%, 10-синфда 82% мос равишда ўқувчилар айнан уйга вазифаларни кўчиришади.

🔹 Тайёр уйга вазифаларни кўчиришда ўқувчилар томонидан кўрсатилган биринчи асосий сабаб бу- ёмон баҳо олишдан қўрқиш дея кўрсатилган. Йил сайин бу қўрқув кўрсаткичи ортиб боради: 5-синфда 14% мактаб ўқувчиларида бу ҳолат кузатилса, 8-синфга бориб 38% ўқувчилар кундаликларида икки баҳо тушишидан қўрқувга тушишади.

🔹 Иккинчи асосий сабаб сифатида вақтнинг етишмаслиги кўрсатилган. Бу ерда асосан 8-синф ўқувчиларида кўпроқ қийинчилик пайдо бўлаётгани аниқланган: ҳар уч ўқувчидан биттаси уйга вазифаларнинг ниҳоятда кўплигини таъкидлашган. 9-10-11 синфларда бу эътироз фоизлари бир қадар пастроқ натижаларни кўрсатган: жумладан 25, 26 ва 20% ни мос равишда.

Сўровномада мактаб ўқувчилари синфлар кесимида қуйидаги мос равишда мактаб дастурларини ўзлаштиришда улгурмаётганликларини кўрсатишган: 5-синфда 3%, 6-синфда 8%, 7-синфда 13%, 8-синфда 20%, 9-10 синфларда 27%, битирувчи 11-синф 20% мос равишда ташкил этган.

Уйга вазифаларни бажаришни хоҳламаётган ва бунга сабаб сифатида бу улар учун қизиқ эмаслигини билдирган ўқувчиларнинг синфлар доирасида қуйидаги кам фоизларни tashkil etgan: 5-синфда 3%, 6-синфда 6%, 7-8 синфларда тахминан 8%, 9-синфда 13%, 10-синфларда 15% ва 11-синфда 11% мос равишда

Ўқувчилар орасида маълум фанни ўрганишдан маъно йўқ деб ҳисоблайдиган ва уни ўзлаштириш учун вақт сарфлашни хоҳламаслигини билдирган ўқувчилар ҳам бўлган. Бу асосан юқори синф ўқувчиларига хос бўлиб, келажакдаги олий таълим муассасасини ва касб карерасини ўзи учун аниқлаштириб олган ўқувчиларга тегишлидир. Тахминан 10-синф 13% ва 11-синф 23% ўқувчилар кераксиз деб ҳисоблаган фанларидан берилган вазифаларни бажаришни истамасликларини билдиришган.

👨🏻‍🏫 “Кўчириш - бу фақат кам сонли дангасаларга хос эмас, балки оммавий ҳодисадир. Бунга асосий сабаб- паст баҳо ва унинг босимидан қўрқувга тушишдир. Ўсмирин янги мавзуни дарҳол ўрганишга мажбур эмас, унга янги билимларни ўзлаштиришга ёрдам кўрсатиш лозим, аммо мактабларда бунга унчалик ҳам эътибор берилмайди. Кўчирмачиликни бир томондан уй иши ва тестларни битталаб қўлда текширишдан автоматик текширишни жорий этиш орқали, шунингдек, ўқувчиларга бериладиган вазифаларни мантиқий вазифалар билан алмаштириш орқали камайтириш мумкин” – дея фикр билдиради Skysmart Class платформаси мутахассиси Александр Ларяновский.

📋 Сўровнома Россиянинг барча минтақаларидаги 5-11 синфларининг 1700 та ўқувчилари орасида ўтказилган.

👉 @ustoz — Халқ таълими ходимлари учун махсус канал

#Педагоглар_аттестацияси

Низомга 6-илова: Педагог кадрнинг педагогик маҳорати ва психологик тайёргарлигини баҳолаш натижалари юзасидан МАЪЛУМОТНОМА

❗️ Педагогик (кузатув) кенгашлари томонидан ўрганилиб баҳоланади ҳамда натижалари маълумотномага киритилиб, таълим ташкилоти раҳбарининг имзоси ва муҳри билан тасдиқланган ҳолда ўқитувчига берилади.

Январь-июнь ойларида ўтказиладиган аттестацияда иштирок этмоқчи бўлган педагоглар учун бу маълумотнома-сентябрь-декабрь ойларида;

Август-декабрь ойларида иштирок этмоқчи бўлган педагоглар учун бу маълумотнома апрель-июль ойларида тақдим этилиши керак.

👉 @ustoz — Халқ таълими ходимлари учун махсус канал

💭 Умумий ўрта таълим муассасаларининг педагог, психолог ва кутубхона ходимлари қуйидаги ишлар учун базавий тариф ставкаларига 40 фоизгача устама берилади:

✅ тарбиявий жараён сифати ва самарадорлиги;
✅ синфдан ташқари ишлар ҳамда ўқувчиларни инсонпарварлик ва меҳр-оқибат руҳида тарбиялаш;
✅ таълим стандартларидаги билимлар ва кўникмаларнинг ўқувчилар томонидан ўзлаштириш даражаси;
✅ ўқув жараёнига қўшилган аниқ ҳисса;
✅ ўқитишнинг юқори самарадорлиги ва сифати.

👉 @ustoz — Халқ таълими ходимлари учун махсус канал

​​⚡️Мактаб ўқувчилари “Заковат” ўйинларнинг Республика босқичида ғолиб бўлса, имтиёзли равишда олийгоҳларга ўқишга қабул қилиниши мумкин

“Заковат” интеллектуал ўйинларнинг республика босқичида мутлоқ ғолиб бўлган умумий ўрта таълим муассасалари ўқувчилари – профессионал ва олий таълим муассасаларига давлат гранти асосида, 2 – 3-ўринларни эгаллаган жамоалар эса тўлов контракт асосида ўқишга қабул қилиниши мумкин.

Бу ҳақда “Заковат” интеллектуал ўйинини аҳоли ўртасида оммавий-маърифий ҳаракатга айлантиришга қаратилган чора-тадбирлар тўғрисидаги Ўзбекистон Республикаси Президенти қарори лойиҳасида назарда тутилган.

Қарор лойиҳасига кўра 2022 йилдан бошлаб, босқичма-босқич умумтаълим мактабларида ҳам “Заковат” интеллектуал клублари фаолияти йўлга қўйилиши кўзда тутилмоқда.

🔰Шунингдек:

👉Таълим муассасаларида ташкил этилган “Заковат” интеллектуал клубларининг координатори бўлган талаба ва профессор-ўқитувчиларга директор жамғармаси ҳамда олий таълим муассаларининг бюджетдан ташқари жамғарлари ҳисобидан ҳар ойлик устама белгиланади;

👉2022-2023 ўқув йилидан бошлаб, интеллектуал ўйинларда ғолиб бўлган ўқувчи ёшлар учун йил давомида бериладиган “Заковат стипендияси” жорий этилади;

👉2022 йилдан бошлаб интеллектуал мусобақалар ғолиблари ва иқтидорли ёшлар учун Тошкент вилояти, Бўстонлиқ туманидаги “Ёшлар оромгоҳи”да йил давомида ишлайдиган “Интеллектуал мактаб” лойиҳасини йўлга қўйилади;

👉“Заковат интеллектуал ўйинлари клуби” аъзолари учун очиқ рўйхатдан ўтиш электрон платформа яратилади.

Эслатиб ўтамиз, мазкур қарор лойиҳаси 2021 йилнинг 23 ноябрида норматив-ҳуқуқий ҳужжатлар муҳокамаси порталига жойланган бўлиб, муҳокама 2021 йилнинг 8 декабрида якунланган. Ушбу қарор лойиҳаси ҳозирча кучга киргани йўқ.

👉 @ustoz — Халқ таълими ходимлари учун махсус канал

#Расман
Мактабларда ҳам қишки таътил 2022 йилнинг 24 январига қадар узайтирилди

Ҳурматли ота-оналар!

Халқ таълими тизимидаги директор, директорнинг ўқув ва маънавий-маърифий ишлар бўйича ўринбосарлари ҳамда педагог-ўқитувчиларнинг халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларини ташкил этиш, шунингдек, ўқувчи - ёшлар ўртасида мавсумий грипп касаллигининг кескин кўпайишининг олдини олиш мақсадида халқ таълими вазирлиги қишки таътил кунларини 2022 йил 24 январга қадар узайтирилганини маълум қилади.

Таътил кунлари давомида, ўқувчиларнинг бўш вақтларини мазмунли ташкил этиш мақсадида улар учун онлайн фан олимпиадалар, интеллектуал ўйинлар, китобхонлик маданиятини ривожлантиришга қаратилган беллашувлар ва турли танловлар ташкил этилади.

Бундан ташқари халқ таълимининг ижтимоий тармоқлари ҳамда Миллий телерадиокомпаниянинг телеканаллари орқали турли тўгараклар фаолияти йўлга қўйилади.

👉 @ustoz — Халқ таълими ходимлари учун махсус канал

#сўраган_эдингиз

🆕 Айни дамда қўшимча таътил кунлари давомида халқ таълими тизимида фаолият юритаётган педагог ва бошқа ходимларга амалдаги иш ҳақи тўловлари сақланган ҳолда тўлаб бориш ҳамда тўгаракларни онлайн шаклда ташкил этиш масаласи муҳокама қилинмоқда экан.

📅 Келаси ҳафтадан бошлаб, эмланмаган ходимлар ишга қўйилмаслиги тўғрисида топшириқ берилибди.

🔖 Вазирлик ва идора раҳбарлари, ташкилий шаклидан қатъий назар, барча ташкилотларда ишчиларнинг эмлангандан сўнг иш жойларига киритишга рухсат берилади. Мазкур тартибни бузган ташкилот раҳбарларига нисбатан қатъий чора кўрилади.

👉 @ustoz — Халқ таълими ходимлари учун махсус канал

⚡️Тезкор хабар: Ўзбекистонда Omicron штамми аниқланди, вакцина олмаган ходимлар ишхонага қўйилмайди

Маълум бўлишича, мамлакатимизга келган хорижий давлат фуқаросидан COVID-19нинг янги Omicron штамми жорий йилнинг 7 январь куни аниқланган.

❗️Эҳтиёт чоралари кучайтирилмоқда:

Республика махсус комиссиясининг қарори билан жамоат жойларида ниқоб тақиш, ижтимоий масофани сақлаш, шахсий гигиена қоидаларига қатъий риоя этиш устидан назорат кучайтирилмоқда.

💉Вакцина олмаган ходимлар ишхонага қўйилмайди:

Вазирлик ва идора раҳбарлари, ташкилий шаклидан қатъий назар, барча ташкилотларда ишчиларнинг эмлангандан сўнг иш жойларига киритишга рухсат берилади. Мазкур тартибни бузган ташкилот раҳбарларига нисбатан қатъий чора кўрилади.

👨🏻‍🎓Талабаларни эмлаш тадбирлари кучайтирилади:

Олий таълим муассасалари талабалари ўртасида таътил давомида коронавирус инфекциясига қарши тўлиқ эмлаш чоралари кўрилади. Ушбу тадбирларга ОТМ раҳбарлари шахсан масъул этиб белгиланди.

👉 @ustoz — Халқ таълими ходимлари учун махсус канал

Қишки таътилнинг узайтирилиши ўқитувчиларнинг маошига таъсир қиладими?

Халқ таълими вазирлигининг маълум қилишича, умумтаълим муассасалари ўқувчилари учун бериладиган қўшимча таътил кунлари давомида халқ таълими тизимида фаолият юритаётган педагог ва бошқа ходимларга амалдаги иш ҳақи тўловлари сақланган ҳолда тўлаб борилади, яъни ойлик маошга таъсир қилмайди.

👉 @ustoz — Халқ таълими ходимлари учун махсус канал

​​#Расман

⚡️ҚИШКИ ТАЪТИЛ ВАҚТИДА ЎҚУВЧИЛАРНИ ТЎГАРАКЛАРГА ЖАЛБ ЭТИШ ТАҚИҚЛАНДИ

Халқ таълими вазирлиги ўзининг расмий саҳифасида таълим муассасаларида қишки таътил вақтида тўгараклар фаолияти олиб борилмаслигини маълум қилди.

“Таътил кунлари тугагунга қадар ўқувчиларни бевосита мактабларда ташкил этадиган тўгараклар, шунингдек, “Баркамол авлод” болалар мактабларининг тармоқ тўгараклари ва ҳар қандай тадбирларга жалб этиш тақиқланади.

Ушбу вақт давомида ўқитувчилар мактабда халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларида қатнашишлари талаб этилади ҳамда онлайн равишда турли тўгараклар ва танловлар ташкил этиш тавсия этилади.

Шунингдек, бугундан бошлаб Республика миқёсида ўтказилаётган “Умид ниҳоллари-2022” спорт мусобақаларининг туман ва шаҳар босқичларини ўтказиш тўхтатилганини маълум қиламиз.” – дейилади вазирликнинг берган расмий баёнотида.

Агар сиздан мактабда тўгарак ўтасан деб кимдир мажбурласа, Халқ таълими вазирлигининг ушбу баёнотини уларга асос қилиб кўрсатинг. "Бу хабар ростми?", "Ишонса бўладими", "Бу расмий маълумотми?" деган саволларни беришни асло кераги йўқ. Халқ таълими вазирлигининг расмий саҳифаларида эълон қилинган ҳар қандай маълумот расмий ҳарактерга эга бўлади.

👉 @ustoz — Халқ таълими ходимлари учун махсус канал

#Сўраган_эдингиз

Ёзги таътил кечикмайдими?

Савол: Қишки таътилни узайтирилиши ёзги таътил вақтини кечикишига сабаб бўлмайдими?

Жавоб: Қўшимча таътил давридаги дарслар (мавзулар) чорак бошланганидан сўнг дарсларга қўшиб, тиғишлаштирилган холда ўтилади, шу боис ушбу қўшимча таътил кунлари бошқа таътилларга таъсири бўлмайди.

👉 @ustoz — Халқ таълими ходимлари учун махсус канал

Қисқарган дарслар kundalik.com'да қандай қайд этилади?

Жавоб: Ўқувчиларнинг қишки таътил кунлари икки ҳафтага узайтирилганлиги сабабли 3-чорак ўқув кунлари 1-4-синфларда 9 кун, 5-11-синфларда 11 кунга қисқарди.

Шу муносабат билан:
✅синф журналларига жорий йил 24 январдан бошлаб тақвим-мавзу режа асосида тегишли мавзулар қайд этилади;
✅фан ўқитувчилари томонидан тақвим-мавзу режада жорий йилнинг 11-22 январь кунларига тўғри келган мавзулар тиғизлаштирилади;
✅ўқув йилининг III чорак тақвим-мавзу режалари тиғизлаштирилган ҳолда ўтилади ва ушбу тиғизлаштирилган мавзулар синф журналларида қайд этилади.

Kundalik.com'да ҳам қисқарган дарс мавзулари худди шундай тартибда киритилади.

Фан ўқитувчилари томонидан III чорак тақвим-мавзу режалар kundalik.com га киритилгандан сўнг, 2021-2022 ўқув йилининг III чорак дарслари бошланган кундан эътиборан тиғизлаштирилган ҳолда ўтилган дарс мавзулари (тиғизлаштирилган 2 та мавзулар 1 кунга ёзилади) kundalik.com га киритилади.

👉 @ustoz — Халқ таълими ходимлари учун махсус

Янги аттестасия баҳолаш мезони қандай?

Аттестасия баҳолаш мезони 2 босқичда амалга оширилади ҳамда умумий 100 баллик тизимда баҳоланади.

1️⃣—босқич
Педагог кадрларнинг педагогик маҳорати ва психологик тайёргарлиги таълим ташкилотининг педагогик (кузатув) кенгаши томонидан ўрганилади ҳамда 20 баллик тизимда баҳоланади.

2️⃣—босқич
Педагог кадрларнинг ўқув фани бўйича малака синовлари (тест, ижодий, назарий ва амалий шакллардан бири) ўтказилади.

Тест синовлари 40 та саволдан иборат бўлади, хар бир тўғри бажарилган тест учун 2 балл билан баҳоланиб, жами 80 балл берилади.

✅ Иккита босқич натижасига кўра:

🔰 Олий малака тоифали ёки бош ўқитувчи лавозимидаги педагог кадр:

🔹 80 балл ва ундан юқори кўрсатгичга эга бўлса - «Аттестасиядан ўтди, олий малака тоифаси (бош ўқитувчи лавозими) сақлансин»;
🔹 80 баллдан паст кўрсатгичга эга бўлса - «Аттестасиядан ўтмади, биринчи малака тоифаси (етакчи ўқитувчи лавозими)га туширилсин»;

🔰 Биринчи малака тоифали ёки етакчи ўқитувчи лавозимидаги педагог кадр:

🔹 80 балл ва ундан юқори кўрсатгичга эга бўлса - «Аттестасиядан ўтди, олий малака тоифаси (бош ўқитувчи лавозими) берилсин»;
🔹 70 баллдан 79 баллгача кўрсатгичга эга бўлса - «Аттестасиядан ўтди, биринчи малака тоифаси (етакчи ўқитувчи лавозими) сақлансин»;
🔹 70 баллдан кам кўрсатгичга эга бўлса - «Аттестасиядан ўтмади, иккинчи малака тоифаси (катта ўқитувчи лавозими)га туширилсин»

🔰 Иккинчи малака тоифали ёки катта ўқитувчи лавозимидаги педагог кадр:

🔹 70 балл ва ундан юқори кўрсатгичга эга бўлса - «Аттестасиядан ўтди, биринчи малака тоифаси (етакчи ўқитувчи лавозими) берилсин»;
🔹 60 баллдан 69 баллгача кўрсатгичга эга бўлса - «Аттестасиядан ўтди, иккинчи малака тоифаси (катта ўқитувчи лавозими) сақлансин»;
🔹 60 баллдан кам кўрсатгичга эга бўлса - «Аттестасиядан ўтмади, мутахассис (олий маълумотли ўқитувчи) лавозимига туширилсин» (навбатдан ташқари Аттестасияга жалб этилган педагог кадрлар бундан мустасно);

🔰 Мутахассис ёки олий маълумотли ўқитувчи лавозимидаги педагог кадр:

🔹 60 балл ва ундан юқори кўрсатгичга эга бўлса - «Аттестасиядан ўтди, иккинчи малака тоифаси (катта ўқитувчи лавозими) берилсин»;
🔹 50 баллдан 55 баллгача кўрсатгичга эга бўлса - «Аттестасиядан ўтди, мутахассис (олий маълумотли ўқитувчи) лавозими сақлансин»;
🔹 55 баллдан кам кўрсатгичга эга бўлса - “Аттестасиядан ўтмади, мутахассис (олий маълумотли ўқитувчи) лавозимига мувофиқ эмас

❗️Эслатма: Навбатдан ташқари аттестасияларда натижасидан қатъий назар тоифа туширилмайди.

👉 @ustoz — Халқ таълими ходимлари учун махсус

#Сўраган_эдингиз

ҚИШКИ ТАЪТИЛ ПАЙТИДА ҚАЙСИ ТОИФАДАГИ ЎҚИТУВЧИЛАРГА ИШ ҲАҚИ ТЎЛАНМАСЛИГИ МУМКИН?

Хабарингиз бор, кеча Халқ таълими вазирлиги ўзининг расмий саҳифасида қишки таътилни узайтирилгани ўқитувчиларнинг ойлик маошига таъсир қилмаслиги ҳақида маълум қилди.

Аммо ўриндошлик асосида ишлаётган ўқитувчиларнинг ҳам ойлигига бу тасир қилмайдими деган савол кўпчиликда туғилди. Бу каби саволлар берилиши табиий ҳол эди. Чунки ўтган йилги карантинда ҳам айнан шу масалада жуда кўп чалкашликлар бўлган.

Ўриндошлик асосида ишлаш деганда ходим ўзининг асосий ишини бажаришидан ташқари асосий ишидан бўш вақтида меҳнат шартномаси асосида бошқа ҳақ тўланадиган ишни бажариши тушунилади.

Одатда ҳар чоракда ўқувчиларга бериладиган таътилларда уларга ойлик маош ёзилмайди. Мисол учун тарих фани ўқитувчиси асосий иш жойидан 20 соат, қўшни мактабдан эса 10 соат ўриндошлик асосида дарс олган бўлса, таътил пайтлари ана шу ўқитувчига фақат асосий иш жойидан ойлик тўланади.

Бундай тартиб мактаблардаги раҳбар ходимлар томонидан ўтиладиган дарс соатларига ҳам, ҳам ўқиб ҳам ўриндошлик асосида ишлаётган талабаларга ҳам амал қилади. Яъни уларга ҳам ўқувчиларга таътил берилган вақтда ойлик маош ёзилмайди.

Негаки, ўриндошлик асосида ишлайдиган педагог ходимларнинг меҳнатига ҳақ тўлаш вақтбай шаклида – ишланган вақтга мутаносиб тарзда амалга оширилади. Яъни бу тоифадаги ходимлар фақат ўтган дарси учун маош оладилар. Дарс вақти байрам ёки таътил кунига тўғри келиб қолса ҳам уларга иш ҳақи ҳисобланмайди.

❗️Аммо бу сафар ўриндошлик асосида дарс бераётган педагог ходимларнинг ҳам ойлик маоши тўлиқ сақланиши керак деб ҳисоблаймиз

Негаки, қишки таътил муддатининг ортга сурилиши ўқитувчининг айби билан бўлмади. Меҳнат кодексининг 159-моддасига кўра ходимнинг айбисиз бекор туриб қолинган вақтда унинг ўртача иш ҳақи сақланиши керак. Бунда ўриндош ўқитувчиларга 28 декабрдан 10 январга қадар ойлик ҳисобланмаслиги мумкин. Аммо таътил муддати узайтирилганлиги учун уларга 11 январдан то 24 январга қадар албатта иш ҳақи тўланиши лозим.

Лекин шуниси аниқки, катта эҳтимол билан бухгалтерлар бу тўловларни амалга оширмайди. Шунинг учун бу масалада Халқ таълими вазирлигининг ёзма кўрсатмаси керак бўлади. Ана шундагина бу чигал вазиятга ойдинлик киритилади. Умумий гаплар билан бу масалага ечим бериш қийин масала.

Халқ таълими бўлими иқтисодчилари Молия ёки Халқ таълими вазирлигининг ёзма кўрсатмаси бўлсагина ўриндошлик асосида дарс бераётган педагог ходимларга ойлик маош тўлаб бериши мумкин.

👉 @ustoz — Халқ таълими ходимлари учун махсус

❓Ўқитувчи pedkadr.tdi.uz сайтида рўйхатдан ўтолмаса, нима бўлади?

✅ Репетиция жараёнида рўйхатдан ўта олмасангиз бу муаммо эмас, лекин асосий жараёнларда рўйхатдан ўта олмасангиз у ҳолда малака тоифасини олиш учун ўтказиладиган Аттестацияда иштирок эта олмайсиз.

📌Рўйхатдан ўзингиз мустақил равишда ўтишда қийналаётган бўлсангиз рўйхатдан ўтишнинг асосий жараёнларида, яъни январь-февраль ойларида Давлат хизматлари марказига боришингиз мумкин.

У ерда масъул ходимлар Сизга рўйхатдан ўтиш ва мурожаат юборишингизда амалий ёрдам беришади.

👉 @ustoz — Халқ таълими ходимлари учун махсус

#Муҳим_хабар
❗️Умумий ўрта таълим мактаблари учун 2022-2023 ўқув йилига мўлжалланган таянч ўқув режа тасдиқланди

🔖 Ўзбекистон Республикаси Халқ таълими вазирининг "Умумий ўрта таълим мактаблари учун 2022-2023 ўқув йилига мўлжалланган таянч ўқув режани тасдиқлаш тўғрисида"ги 414-сонли буйруғи.

📝 Умумий ўрта таълим мактаблари учун 2022-2023 ўқув йилига мўлжалланган таянч ўқув режа БУЙРУҒИ ва унга ИЛОВАЛАР билан юқоридаги файлда батафсил танишишингиз мумкин.

🗓 Тасдиқланган вақти: 2021 йил 24 декабрь

👉 @ustoz — Халқ таълими ходимлари учун махсус

ЎҚИТУВЧИЛАР ФАОЛИЯТИНИ ВИДЕОКУЗАТУВ АСОСИДА БАҲОЛАШ ТАКЛИФ ҚИЛИНМОҚДА

Ўзбекистон Республикаси Миллий тикланиш демократик партияси «Янги Ўзбекистоннинг 2022-2026 йилларга мўлжалланган тараққиёт стратегияси» лойиҳасига педагогика соҳасини ислоҳ қилиш борасида ўз таклифларини берди.

Миллий тикланиш демократик партияси томонидан педагогика соҳасига оид жами 6 та таклиф берилган бўлиб, унда мактабларда ўқувчи билими ва педагог фаолияти янги тизими - видео кузатув асосида баҳоланиши зарур эканлиги ҳам қайд этилган.

❕Шунингдек, Миллий тикланиш демократик партияси томонидан қуйидаги таклифлар ҳам берилган:

👉ота-оналарнинг фарзанд тарбияси учун масъулияти ва жавобгарлиги кучайтириш ва уни қонунда аниқ белгилаб қўйиш;

👉педагогика институтларига танлов махсус тизим асосида, фақат педагогик қобилияти бўлганларнигина саралаб олиш тизимини йўлга қўйиш;

👉7-синфдан бошлаб педагогик кенгашнинг хулосалари ва якуний жамланган баҳоларга мувофиқ ўқувчилар учта тоифада: академик, тадбиркорлик, ҳунармандлик кўникмаларини рақобатбардош даражага олиб чиқиш учун, махсус дастурлар асосида тайёрлаш;

👉мактабни тугатган ёшларга тадбиркор ёки ҳунармандлик фаолиятини йўлга қўйиш учун бир марталик субсидия беришни кафолатлаш;

👉тарбия ва таълим сифатини назорат қилиш Инспекцияси Парламент ҳузурида ва Парламентга бевосита ҳисобдор бўлиши;

👉педагогларни тайёрлашда давлат асосий буюртмачи бўлиши, буюртмачи сифатида келишилган талим муассасасида, ўз соҳасида 5 йил ишлаш мажбуриятини юклаши ва битирувчиларни иш билан таъминлаш вазифасини зиммасига олиши;

👉Тарбия ва таълим вазирлиги ташкил этилиб, вазирнинг учта: оила ва хотин-қизлар масалаларига масъул, боғчада тарбия ва бошланғич таълимни ташкил этишга масъул, мактабда таълим ва тарбияни ташкил қилишга масъул ўринбосарлари бўлиши.

👉 @ustoz — Халқ таълими ходимлари учун махсус

#Биласизми

🔰 Ходим қуйидаги ҳолатларда ишга қўйилмайди:

➖ мажбурий тиббий кўрикдан ўтишдан бўйин товлаганда;
➖ ўтказилган текширишлар натижалари бўйича тиббий комиссиялар томонидан берилган тавсияларни бажармаганда;
➖ карантинли ва одам учун хавфли бошқа юқумли касалликлар тарқалиши таҳдиди бўлганда профилактик эмлашдан ўтиш рад этилганда;
➖ алкоголли ичимликдан, гиёҳвандлик ёки токсик модда таъсиридан мастлик ҳолатида.

❌ Ходим ишдан четлаштирилган даврда унга иш ҳақи ҳисобланмайди.

➡️ Ходим ғайриқонуний равишда ишдан четлаштирилганда ходимга етказилган зарар иш берувчи томонидан қоплаб берилади.

👉 @ustoz — Халқ таълими ходимлари учун махсус