⚡️TЎГАРАК ҲУЖЖАТЛАРИ ҚУЙИДАГИ ТАРТИБДА ЮРИТИЛИШИ КЕРАК❗️

Тўгаракларга 1-11 синф ўқувчилари қамраб олинади. Тўгаракларнинг ўқув йили учун мўжжалланган ўқув режасини ёзишдан олдин яъни тўгарак машғулотлари журналига 5-15 сентябргача ташкилий ишлар ёзилади. Ўқувчиларни тўгаракка қабул қилишда уларни ёшларини, қизиқишларини ҳисобга олинади. Ҳар бир тўгарак аъзоси ўқув йили мобойнида тўгаракдан чиқиб кетиши, бошқа тўгаракка аъзо бўлиши ва хоҳиши бўйича бир вақтнинг ўзида бир нечта тўгаракда иштирок этиш ҳуқуқига эга.

🗓Тўгарак раҳбари қуйидаги ҳужжатларни юритиши мумкин:

✔️ Тўгаракнинг йиллик тақвим режаси (паст ўзлаштирувчи ва иқтидорли ўқувчилар учун)
✔️ Тўгарак машғулотлар журнали
✔️ Ўқувчилар ота-онасининг аризаси

Ихтиёрий равишда:
📌 Машғулотлар ишланмаси
📌 Тўгарак тадбирларидан лавҳалар
📌 Кўргазмали қуроллар.

✏️Мактабда тўгараклар ва спорт секцияларининг фаолият юритишини маънавий-маърифий ишлар бўйича директор ўринбосари таъминлайди. Ўқув  ишлари бўйича директор ўринбосари доимий равишда тўгарак журнални тўғри олиб борилишини назорат қилиб туради.

🔖Журналдаги ёзувлар аниқ, тартибли ва мунтазам олиб борилиши керак. Журнал ўқув ишлари бўйича директор ўринбосарида сақланади. Журналга тўгарак раҳбари ўзи олиб борадиган тўгарак номини, муасаса раҳбари томонидан тасдиқланган машғулот жадвалини, тўгарак раҳбарининг исми ва фамилиясини, отасини исми, тўгарак сардорини тўлиқ исми фамилиясини ёзиб қўяди.

✨Жадвалдаги ўзгаришлар ўқув ишлари бўйича жавобгар шахс билан келишилган холда журналнинг иккинчи бетида қайд қилинади. Тўгарак ишини ҳисобга олиш учун журналда бетлар ажратилган бўлиб, унда тўгарак аъзолари таркиби исми фамилияси тўлиқ, машғулотлар мавзуси, тўгарак ишининг бажарилган соати ва муддати жадвалга мувофиқ кўрсатилади.

💡Тўгарак раҳбари аъзоларнинг давоматини журналда машғулотларга ажратилган кунлар ва соатлар устида мунтазам белгилаб боради ва сабабсиз келмаганларга “-” белгиси, сабабли қатнашмаганларга “+” белгиси қўйилади. Тўгарак раҳбари тўгарак ташкил топган кундан 10 кун муддатда тўгарак аъзоларини рўйхатини тузади ва тегишли устунларни тўлдиради.

🖥Тўгарак машғулотлар жадвали мактабнинг ўқувчи ва уларнинг ота-оналарига кўриниб турадиган жойига илиб қўйилади. Фан ўқитувчилари томонидан тўгарак ҳужжатлари тўғри юритилиши мунтазам равишда назорат қилиб борилади. (c)Xalq ta’limi info

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️14 январь — "Ватан ҳимоячилари куни" билан барчангизни табриклаймиз

❗️Ҳурматли юртдошлар, Ватанимиз посбонлари! Мактабгача ва мактаб таълими вазирлиги тизимида сидқидилдан хизмат қилиб келаётган фидойи йигитлар!

Юрт осойишталиги, халқимиз тинчлиги, давлатимиз сарҳадларининг мустаҳкамлиги сизларнинг фидойи меҳнатингиз ва садоқатингиз билан чамбарчас боғлиқ. Хизмат фаолиятингиздаги матонат ва қатъият ёшлар учун чинaкам намуна бўлиб хизмат қилмоқда.

Айниқса, таълим муассасаларида таҳсил олаётган ўқувчилар қалбида Ватанга муҳаббат ва масъулият туйғуларини шакллантириш йўлидаги ҳиссангиз алоҳида эътирофга лойиқ.

Ватан манфаатларини ўз ҳаётий мезонига айлантириш, юрт равнақи учун ҳалол ва фидокорона хизмат қилиш ҳар бир инсон учун юксак шарафдир. Шу ўринда сизнинг фаолиятингиз жуда масъулиятли ва фахрли ҳисобланади.

Сизларга соғлиқ-саломатлик, хонадонларингизга барака тилаймиз! Юртимиз тинчлиги ва жамият тараққиёти йўлидаги шарафли фаолиятингизда ютуқларингиз бардавом бўлсин! Байрам муборак!

Эъзоза Каримова, Мактабгача ва мактаб таълими вазири

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

#Файл
⚡️Январь-февраль ойларида “Йил ўқитувчиси” танловининг 2-босқичига ўтган номзодларнинг педагогик маҳоратини баҳоланади

Бу ҳақида Мактабгача ва мактаб таълими вазирлигининг 03.12.2025 йилдаги "Умумий ўрта таълим соҳаси ходимлари ўртасида “Йил ўқитувчиси” танловини ўтказиш тўғрисида"ги 454-сонли буйруғи имзоланди.

🗂Буйруқ матни ва 1-2-3-иловалар билан юқоридаги файлда батафсил танишишингиз мумкин.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

#Биласизми
⚡️1-синфларга феврал ойида бериладиган бир ҳафталик таътил муддатини ҳар бир мактаб ўзи белгилайди

Вазирлар Маҳкамасининг 2017 йил 15 мартдаги 140-сонли қарори билан тасдиқланган "Умумий ўрта таълим тўғрисида"ги Низомда умумий ўрта таълим мактабларида 1-синф ўқувчиларига қўшимча таътил белгиланиши назарда тутилган.

❗️Низомга кўра, 1-синф ўқувчилари учун феврал ойи давомида қўшимча бир ҳафталик таътил берилади. Таътил муддати мактабнинг педагогик кенгаш қарори асосида белгиланади.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️Педагог ходимларни аҳолини ҳисобга олиш ишларига жалб қилиш қатъиян тақиқланган — Меҳнат инспекция

Сўнгги кунларда ижтимоий тармоқларда ўқитувчиларни аҳолини ҳисобга олиш ишларига жалб қилинаётгани ҳақидаги маълумотлар тарқалмоқда.

❌Педагог ходимларни касбий фаолияти билан боғлиқ бўлмаган ишларга, жумладан ҳудудларни ободонлаштиришга, қишлоқ хўжалиги ишларига жалб қилиш қатъиян тақиқланган ҳамда қонунбузилиш учун жавобгарлик белгиланган.

📩 Агар сизда шундай ҳолатларни тасдиқловчи маълумотлар мавжуд бўлса, уларни @munosibmehnat_bot орқали Давлат меҳнат инспекциясига юборишингиз мумкин.

⚖️ Ҳар бир мурожаат ўрганилади ва қонуний чоралар кўрилади.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

#Файл
⚡️Жами 4 038 нафар ўқитувчи 70 фоизлик устама олади

2025 йил август-декабрь ойларида бўлиб ўтган аттестация имтиҳонларида 86 ва ундан юқори балл олиб, 70 фоизлик устама сертификатини қўлга киритган ўқитувчилар рўйхати эълон қилинди.

Унга кўра, жами 4 038 нафар ўқитувчига 70 фоизлик устама бериладиган бўлибди.

🗂Ўқитувчилар рўйхати билан юқоридаги файлда танишишингиз мумкин.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️Йил якунига қадар ҳар бир туман ва шаҳардаги мактабда кураш клуби очилади

Президент Шавкат Мирзиёев 20 январ куни спорт соҳасида 2025 йилда амалга оширилган ишлар, йирик мусобақалар натижалари ҳамда 2026 йил учун мўлжалланган вазифалар юзасидан тақдимот билан танишди.

Йиғилишда 2026 йилда ҳудудларда қурилаётган мактабларда миллий кураш билан бирга юнон-рум, эркин ва аёллар кураши бўйича спортчиларни тайёрлаш бошланиши, йил якунига қадар ҳар бир туман ва шаҳарда камида биттадан мактабда кураш спорти клуби очилиши таъкидланди.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️Телефонга қарам бўлган бола миясининг ривожланиши сусаяди – мутахассис

Болалар психологи Жанар Сеитмағамбет замонамиз муаммосига айланиб улгурган телефонга қарамлик сабаблари ва ундан қутулиш йўлларини айтиб берди.

✅Бола уч ёшга тўлгунча умуман гаджет берилмаслиги керак, деди қозоғистонлик болалар психологи Жанар Сеитмағамбет «Бугин LIVE» дастурига берган интервюсида ва телефонга қарамликдан қандай қутулишни тушунтирди.

➡️ Одам қандайдир ҳаракатга дарров одатланиб қолмайди. Қарамлик бир хил ҳаракатни қайта-қайта бажаришдан келиб чиқади. Болаларда телефонга қарамликни аниқлаш усуллари мавжуд. Агар сўраганда ҳеч қандай қийинчиликсиз телефонни қайтариб берса, унда қарамлик йўқ. Агар у йиғлаб, телефондан ажралишни истамаса, унда хавф бор, деди Жанар Сеитмағамбет.

✅Болалар психологининг айтишича, бундай вазиятда ота-оналар бевосита аралашиши керак.

➡️ Виртуал олам реал ҳаётдан устун бўлса, ота-она, бобо-буви, ака-ука эътибор бермаса, бола ўша виртуал дунёга кириб боради. Шунинг учун, қарамликдан қочиш учун боланинг ҳаётини чиройли ташкил қилиш керак. Ҳозирги пайтда виртуал олам болаларни ота-онасидан узоқлаштирмоқда. Чунки ота-оналар боланинг ҳаётини қизиқарли тарзда ташкил эта олмайди. Ота-она нима қилса, бола ўшани такрорлайди, деди у.

✅Мутахассис, шунингдек, болалар қайси ёшдан гаджетлардан фойдаланишни бошлаши тавсия этилишига тўхталди.

➡️ Болага уч ёшга тўлгунча умуман гаджет берилмаслиги керак. 11 ёшга тўлгунга қадар, унга фақат алоқа учун тугмачали телефонни бериш лозим. Чунки бу ёшга қадар бола миясининг олд қисми, психоэмоционал ривожланиши, ирода кучи шаклланади, деди студия меҳмони.

✅Психолог гаджетлардан кўп фойдаланиш боланинг ривожланишига салбий таъсир кўрсатишини таъкидлади.

➡️ Боланинг психоэмоционал ҳолати ҳали барқарорлашмаган пайтда, у гапириш ва мулоқот қилишни ўрганиши керак. Телефондан бош кўтармайдиган боланинг сўз захираси оз бўлади. Сўз захираси оз бола тасаввур қила олмайди ва чиройли иншо ёза олмайди. Фақат гаплашганда, мулоқотда бўлганда ва сўз бойлигини ривожлантирганда, бола очилиб, чиройли гапира олади. Виртуал дунё жуда тез ҳаракат қилади. Қисқа видеолар, турли ҳис-туйғуларга тўла маълумотлар боланинг миясига зўр беради. Натижада, бола доимо безовта бўлади ва келажакда диққатини жамлай олмайди. Чунки унинг мияси узоқ вақт давомида кўп маълумотларга эътибор беришга одатланмаган, деди мутахассис.

✅Жанар Сеитмағамбет болани қарамликдан қандай қутқариш кераклигини ҳам тушунтириб берди.

➡️ Телефонни бутунлай олиб қўйиш ярамайди. Болаларга кунига атиги 1-2 соат фойдаланишга рухсат бериш яхшироқдир. Қолган вақтни севимли машғулотларига ва дўстлар билан мулоқотга бағишлаш керак. Мен ўзим 15 йил олдин онгли равишда уйда телевизордан воз кечдим. Кечқурун китоб ўқишни одат қилиб олдим. Фарзандларим ҳам буни кўриб, худди шу одатини давом эттирмоқда. Телефонга берилиб кетган боладан дарҳол уни олиб қўйиш тўғри эмас. Вақтни аста-секин қисқартириш ва янги одатларни шакллантириш орқали уни телефондан узоқлаштириш керак. Энг муҳими, бола билан илиқ суҳбатлашиш ва у нимани қидираётганини, нимани хоҳлашини тушунишга ҳаракат қилишдир, деб хулоса қилди болалар психологи.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️Она (ўзбек, қорақалпоқ, рус) тили ва адабиёт фанларидан миллий сертификат имтиҳонлари учун рухсатномалар эълон қилинди

❗️Она (ўзбек, қорақалпоқ, рус) тили ва адабиёт фанларидан миллий сертификат имтиҳонлари 2026 йил 31 январь (шанба), 1-2 февраль (якшанба, душанба) ва 7-8 февраль (шанба, якшанба) кунлари ўтказилади.

📝Тест синовларида иштирок этувчи талабгорлар руҳсатномани my.gov.uz веб-сайтидаги “Менинг аризаларим” бўлими орқали юклаб олишлари мумкин.

📍 Рухсатномада тест синови ўтказиладиган сана, вақт ва манзил кўрсатилган. Талабгорлардан белгиланган вақтда етиб келиш сўралади.

⏰ Тест синови ўтказиладиган биноларга кириш:

➡️ 1-смена: 07:00– 08:30;
➡️ 2-смена: 13:00 – 14:30.

🪪Талабгорлар тест синови ўтказиладиган биноларга шахсини тасдиқловчи ҳужжат (паспорт ёки ID-карта) асосида киритилади.

☝️Белгиланган вақтдан кеч келган талабгорлар тест синовига киритилмайди. Қўшимча имтиҳон ўтказилмайди.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

#Фото
⚡️Юқоридаги фотодаги ҳикоя матни мактаб дарсликлари ёки мактабларда ўқитилаётган бошқа қўшимча адабиётларда мавжуд эмас

Бу ҳақида Мактабгача ва мактаб таълими вазирлиги ахборот хизмати раҳбари Дилфуза Собирова қуйидагича муносабат билдирди:

Ижтимоий тармоқлар орқали миллий менталитетимизга ёт ҳолат сифатида талқин қилинаётган ҳикоя матни мактаб дарсликлари ёки мактабларда ўқитилаётган бошқа қўшимча адабиётларда мавжуд эмаслигини маълум қиламиз.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️Ал-Беруний номидаги халқаро мактаб-интернатига 8-синфни тамомлаган ўқувчилар қабул қилинади

❗️Ал-Беруний номидаги халқаро мактаб-интернатида қабул тартиби тасдиқланди.

Ал-Беруний номидаги халқаро мактаб-интернатининг 2026–2027-ўқув йили учун янги қабул тартиби мактабнинг Кузатув кенгаши томонидан расмий равишда қабул қилинди.

Янги қабул тартиби таълим сифати, шаффофлик ва адолат тамойилларига асосланган бўлиб, номзодларни саралаш жараёнини янада аниқ, очиқ ва самарали ташкил этишга қаратилган.

🖼Юқоридаги фотоларда 2026–2027-ўқув йили учун тасдиқланган 1-босқич қабул тартиби билан батафсил танишишингиз мумкин.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

#Фото
⚡️Самарқандлик мактаб ўқувчиси АҚШ университетидан 120 минг долларлик грантни қўлга киритди

Самарқанд шаҳридаги 16-мактабнинг 11-B синф ўқувчиси Дилнура Тоштемирова АҚШда жойлашган Queen’s University of Charlotte университетига бакалавр босқичида таҳсил олиш имкониятини қўлга киритди. У 4 йил давомида ўқиши учун жами 120 000 АҚШ доллари миқдоридаги грант (ҳар йили 30 000 доллар) билан тақдирланди.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz

⚡️Эндиликда чет тили 1-фан бўлган йўналишларга B1 даража ҳам имтиёз беради

📝 Қарор билан айрим Ҳукумат қарорларига ўзгартириш ва қўшимчалар киритилди.

✅ Унга кўра, фанлар мажмуасида чет тили 1-фан сифатида белгиланган таълим йўналишларига қабул хорижий тилни билиш бўйича камида B1 даражадаги миллий ёки халқаро тан олинган сертификат асосида амалга оширилади.

📜 Фанлар мажмуасида чет тили фани мавжуд бўлган таълим йўналишларига қабулда:

🔹 B1 даражадаги миллий ёки халқаро тан олинган сертификатга эга абитуриентларга ушбу фандан белгиланган максимал баллнинг 75 фоизи миқдорида балл берилади;

🔹 B2 ва ундан юқори даражадаги миллий ёки халқаро тан олинган сертификатга эга абитуриентларга ушбу фандан белгиланган максимал балл берилади.

📌 Илгари мазкур йўналишларга қабул камида B2 даражасидаги миллий ёки халқаро сертификат асосида амалга оширилган.

Ойлик ҳисоблаш учун бот

Ўқитувчи каналига обуна бўлинг
👉 https://t.me/ustoz