❓Мактаблар аттестацияси нима?

✅ Мактаблар аттестацияси — мактабнинг фаолиятини баҳолаш ва ундаги таълим сифатини аниқлаш бўйича давлат назоратининг асосий шакли ҳисобланади.

👉 @ustoz — Халқ таълими ходимлари учун махсус канал

​​⚡️ЯНГИ ЙИЛ ТАДБИРЛАРИ ФАҚАТ БОШЛАНҒИЧ СИНФ ЎҚУВЧИЛАРИ УЧУН ЎТКАЗИЛАДИ

Хабарингиз бўлса, Республика махсус комиссиянинг жорий йилнинг 30 ноябрдаги 90-сонли йиғилиш баёнида бу йил ҳам вазирлик, идоралар ва бошқа давлат ташкилотлари ҳамда хўжалик бирлашмаларида мамлакатда амал қилаётган карантин чекловлари шароитида аҳоли саломатлигини таъминлаш ҳамда давлат бюджети маблағларидан оқилона ва самарали фойдаланиш мақсадида янги йил байрамини нишонлаш бўйича турли хил корпоратив байрам ва кўнгилочар тадбирлар ташкил этиш тақиқланди.

❗️Шу муносабат билан Халқ таълими вазирлиги умумтаълим мактабларида янги йил байрамини нишонлаш билан боғлиқ қуйидаги ҳолатлар таъқиқланганлигини маълум қилди:

❌Юқори синф ўқувчилари иштирокида янги йил байрамини нишонлаш билан боғлиқ тадбирларни ўтказиш;

❌Байрам тадбирларини ўтказиш мақсадида ота-оналардан турли хил ноқонуний пул йиғимларини амалга ошириш;

❌Мактаб фойеси ва синф хоналарни сунъий арча ва электр чироқлари билан безаш.

❕Умумтаълим мактабларида янги йил байрамини нишонлаш билан боғлиқ қуйидаги ҳолатларга рухсат берилди:

✅Истисно тариқасида фақатгина бошланғич синф ўқувчиларига синф раҳбари ҳамда ота-оналар иштирокида карантин қоидаларига риоя қилган ҳолда ўз синф хоналарида дарс жараёнларига ҳалақит бермаган ҳолда байрам тадбирларини ўтказишга;

✅Мактаб фойеси ва синф хоналарни фақатгина ўқувчилар қўл меҳнати билан ясалган турли безаклар билан безатишга;

✅Мактаб ҳовлисида янги йил арчасини безашга.

👉 @ustoz — Халқ таълими ходимлари учун махсус канал

#Баёнот

Умумтаълим мактабларида янги йил байрамини нишонлаш билан боғлиқ ҳеч қандай чекловлар йўқ

Мактабларда янги йил байрамини нишонлаш билан боғлиқ хабарномага қўшимча изоҳ

Халқ таълими вазирлиги томонидан умумтаълим мактабларига Янги йил байрамини режалаштириш ва ўтказиш билан боғлиқ чеклов юзасидан тегишли хати нотўғри талқин қилинганини маълум қиламиз.

Умумтаълим мактаблари ҳудудида янги йил байрамини нишонлаш билан боғлиқ ҳеч қандай чекловлар мавжуд эмаслигини билдирамиз.

Шу билан бирга мактабларда пул йиғимлари ҳамда ота-оналарнинг эътирозларини олдини олиш мақсадида ресторан, кафе ва бошқа умумий овқатланиш шаҳобчаларида мактаб ўқувчиларига Янги йил байрамини ўтказиш тавсия этилмайди.

Республика махсус комиссиясининг турли хил корпоратив байрам ва кўнгилочар тадбирларни ташкил этиш билан боғлиқ тақиқлар вазирлик, идора ва бошқа давлат ташкилотларига татбиқ этилганлигини маълум қиламиз.

👉 @ustoz — Халқ таълими ходимлари учун махсус канал

⚡️ Президент фармони билан 2022 йилда қўшимча дам олиш кунлари белгиланди:

➖ барча ходимлар учун (иш ҳафтасининг туридан қатъи назар): 3 январь - душанба, 22 март - сешанба, 23 март - чоршанба, 11 июль - душанба, 2 сентябрь - жума;

➖ олти кунлик иш ҳафтасида ишлайдиган ходимлар учун: 4 январь - сешанба, 4 май - чоршанба, 5 май - пайшанба, 12 июль - сешанба, 3 сентябрь - шанба ва 31 декабрь - шанба.

Шунингдек, 2022 йилда беш кунлик иш ҳафтасида ишлайдиган ходимлар учун дам олиш кунлари қўйидаги тартибда кўчирилди:

8 январь - шанба кунидан 4 январь - сешанба кунига;
7 май - шанба кунидан 4 май - чоршанба кунига;
14 май - шанба кунидан 5 май - пайшанба кунига;
16 июль - шанба кунидан 12 июль - сешанба кунига.

👉 @ustoz — Халқ таълими ходимлари учун махсус канал

⚡️МАКТАБЛАРДА КАТТА ИНСПЕКТОР ЛАВОЗИМИ ЖОРИЙ ЭТИЛАДИ

Вазирлар Маҳкамасининг “Таълим муассасаларида йўл ҳаракати қоидалари тарғиботини кучайтириш чора-тадбирлари тўғрисида”ги қарори лойиҳаси эълон қилинди.

Тегишли қонун лойиҳасига кўра, Мактабларда йўл ҳаракати қоидалари билан шуғулланувчи катта инспектор лавозими жорий қилинади. Катта инспектор лавозими амалдаги штат бирлиги доирасида жорий этилади.

Катта инспекторлар тарғибот олиб бориш, тадбирлар ташкиллаштириш, уларни ОАВда ёритиш, йўл ҳаракати қоидаларининг ўқитилишини мониторинг қилиб бориш билан шуғулланади.

Шунингдек:
👉 Халқ таълими ваўирлиги икки ой муддатда ҳар бир умум таълим мактаб 9–11 синф ўқувчилари орасидан йўл ҳаракати қоидаларини тарғиб қилувчи 1 нафар “Йўл ҳаракати қоидалари ёш тарғиботчиси”ни танлаб олиш чораларини кўрилиши;

👉 Ички ишлар вазирлиги, Олий ва ўрта махсус таълим вазирлиги, Ёшлар ишлари агентлиги билан биргаликда уч ой муддатда таълим муассасаларида кўнгилли ёшлар иштирокида йўл ҳаракати қоидаларини фаол тарғиб қилувчи “Йўл ҳаракати қоидалари ёш тарғиботчиси” клубини ташкил этсилиши белгилаб қўйилди.

Лойиҳа билан тўлиқ танишиш: https://regulation.gov.uz/uz/d/54482

👉 @ustoz — Халқ таълими ходимлари учун махсус канал

❗️2022/2023 ўқув йилидан бошлаб умумтаълим мактабларига 45 номдаги Кембриж нашриётининг инглиз тили ва информатика дарсликлари жорий этилади

АОКАда Халқ таълими вазирлиги мутасаддилари ҳамда Республика таълим маркази директори Шуҳрат Сатторов иштирокида бўлиб ўтаётган матбуот анжуманида таълим мазмунидаги туб ислоҳотлар: замонавий дастур ва дарсликлар таҳлили юзасидан маълумот берилмоқда.

Халқ таълими вазирлиги томонидан маҳаллий олимлар ва УНИCЭФ халқаро экспертлари билан биргаликда Миллий ўқув дастурини яратиш ишлари якунига етказилди.

Миллий ўқув дастури лойиҳасини тайёрлашда 246 нафар миллий экспертлар, жумладан 119 нафар мактаб ўқитувчи, олий таълим тизимидан 105 нафар профессор-ўқитувчи, 22 нафар фан методисти, шунингдек УНИCЭФ ва УСАИД халқаро ташкилотлари орқали жалб қилинган 16 нафар халқаро эксперт иштирок этди.

Миллий ўқув дастурнинг компонентлари:

— Малака талаблари (ДТС);
— Фан концепциялари;
— Ўқув режа;
— Фан ўқув дастурлари;
— Ўқитиш методологияси;
— Баҳолаш тизимидан иборат.

Миллий ўқув дастурига асосланган дарсликларни тўлиқ ёзиб тугатиш 2025 йилнинг охирига қадар давом этади. Барча фанлар кесимида 1-11 синф дарсликлари тўлиқ тўпламда ягона гуруҳ томонидан яратилиши белгиланган.

👉 @ustoz — Халқ таълими ходимлари учун махсус канал

#Ўта_муҳим

Хорижий тил ўқитувчилари замонавий адабиётларни харид қилиш учун ажратилаётган 1 миллион сўм пул маблағи ажратилиш масаласига ҳудудий халқ таълими бошқармасининг биринчи раҳбари шахсан жавобгар ҳисобланади

Хорижий тиллар ўқитувчиларига замонавий адабиёт, дарслик ва ўқув қўлланмаларни сотиб олиши учун 1 млн. сўмдан маблағлар ўз вақтида ажратилишини таъминлаш, шунингдек, уларни харид қилишда асоссиз талаблар қўйилмаслиги юзасидан тегишли чораларни кўришингиз сўралади. Мазкур масалалар бўйича ҳудудий халқ таълими бошқармаларининг биринчи раҳбари шахсан жавобгар ҳисобланади.

Халқ таълими вазирлиги ҳудудлардаги чет тили фани ўқитувчилари томонидан марказлашган ҳолда замонавий адабиётларни харид қилиш бўйича коррупциоген ҳолатлар, муайян етказиб берувчи ёки нашриётнинг адабиётларини харид қилишга мажбурлаш бўйича ҳақли мурожаатлар келиб тушган ҳолларда қонунчиликда назарда тутилган жазо чоралари кўрилиши юзасидан огоҳлантиради.

👉 @ustoz — Халқ таълими ходимлари учун махсус канал

⚡️ПЕДАГОГ ХОДИМЛАР ЯНГИ ЙИЛ АРАФАСИДА КЕТМА-КЕТ 5 КУН, ЎҚУВЧИЛАР ЭСА 14 КУН ДАМ ОЛАДИ

🔰 Президентнинг тегишли фармонига кўра, 2022 йилда қўшимча дам олиш кунлари белгиланди. Унга кўра:

🔺31 декабр – барча учун қўшимча дам олиш куни;

🔺1 январ – Янги йил муносабати билан дам олиш куни;

🔺2 январ – якшанба;

🔺3 январ – барча учун қўшимча дам олиш куни;

🔺4 январ олти кунлик иш ҳафтасида ишлайдиганлар учун қўшимча дам олиш куни.

——————————————————

❗️Мактаб ўқувчилари учун эса қишки таътил 28 декабрдан бошланади

Мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади.

Таътил 14 календарь кун, яъни 2022 йил 10 январгача давом этади. III чорак 2022 йилнинг 11 январидан бошланади.

©️Халқ таълими инфо

👉 @ustoz — Халқ таълими ходимлари учун махсус канал

❗️СИНФ РАҲБАРЛАР ДИҚҚАТИГА!!!

Ота-оналар учун kundalik.com тизимидан фойдаланиш бўйича йўриқнома

👉 @ustoz — Халқ таълими ходимлари учун махсус канал

Шавкат Мирзиёев Олмалиқдаги мактабда бўлиб, ўқувчилар билан мулоқот қилди. Давлат раҳбари болалардан келажакда ким бўлиши ҳақида иншо ёзиб, Президентга йўллашини сўради.

👉 @ustoz — Халқ таълими ходимлари учун махсус канал

⚡️ЎҚИШНИ КЎЧИРИШ 20-ДЕКАБРДАН БЕРИЛИШИ МУМКИН

Талабалар ўқишини кўчириш қуйидаги узрли сабабларга кўра баҳорги семестрдадан олдин ҳам амалга оширилиши мумкин:

👉 республиканинг бир ҳудудидан иккинчи ҳудудига доимий яшаш кўчганда;
👉 турмушга чиқиш муносабати билан турмуш ўртоғи доимий яшайдиган ҳудудга кўчиб ўтганда;
👉 турмуш ўртоғи ёки ота-онаси ҳарбий хизмат ўташ жойини ўзгартирганда;
👉 ота-онаси (турмуш ўртоғи) хориждаги давлат хизматидан қайтганда.

Бунда:
➖ ўқишини кўчириш бўйича ариза топшириш – ҳар йили 20 декабрдан кейинги йилнинг 20 январигача;
➖ ўқишини кўчириш бўйича аризани кўриб чиқиб, қарор қабул қилиш – ҳар йили 25 январдан 15 февралгача амалга оширилади.

Аризалар:
• ўқишни кўчириш бир ОТМ доирасида бўлганда ОТМнинг қабул комиссиясига топширилади;
• бошқа ҳолатларда Олий ва ўрта махсус таълим вазирлиги томонидан ташкил этиладиган Ҳудудий ишчи гуруҳларга топширилади.

Ўқишни кўчирмоқчи бўлган талаба яқинларга юборинг

👉 @ustoz — Халқ таълими ходимлари учун махсус канал

ХТВ электрон Kundalik тизимига ота-оналарни обунасини узайтиришга мажбурлаш бўйича ўқитувчиларга ҳеч қандай кўрсатма бермаган, обуна ихтиёрий ва шундай бўлиб қолади

Ижтимоий тармоқларда Халқ таълими вазирлиги ўқитувчилардан ота-оналарни электрон кундалик обунасини узайтиришга мажбурлашини талаб қилинаётгани ҳақида маълумот пайдо бўлди.

Шу муносабат билан Халқ таълими вазирлиги Kundalik тизимига обуна бўлиш ота-оналар учун ихтиёрийлигича қолаётганини эслатиб ўтади. Халқ таълими вазирлиги томонидан ўқитувчиларга ота-оналардан обунани узайтиришни талаб қилиш бўйича оғзаки ёки ёзма буйруқ берилмаган.

Электрон журнал ва кундаликлардан фойдаланадиган мактаб ўқитувчилари - “Таълим тўғрисида”ги қонунга мувофиқ (637-сонли ЎзРҚ, 23.09.2020 йилда қабул қилинган) ота-оналарга фарзандларининг тарбияси ҳамда умумий ўрта таълим олишлари учун масъулиятлари доирасида обунани узайтиришни эслатиш ҳуқуқига эгадирлар.

Шунингдек, 2021 ўқув йилида Kundalik тизимига обуна нархи ойига эмас йилига 8600 сўмни, ташкил этишини, эслатиб ўтамиз. Мазкур суммага платформанинг барча функцияларига кириш, шунингдек логин ва парол ҳам киради. Бошқа ҳеч қандай алоҳида тўлов амалга оширилмайди.

👉 @ustoz — Халқ таълими ходимлари учун махсус канал

​​Ўзимизни алдамайлик.

Бу “бир миллион дастурчи” деган лойиҳа чиқиб республика бўйлаб информатика ўқитувчиларига қийин бўлди. 7-11 синфларни шу дастурдан рўйхатдан ўтказиб сертификат олиб бериш информатика ўқитувчилар зиммасида қолмоқда экан.

Бу кўзбўямачилик кимга керак ўзи?

👉 @ustoz — Халқ таълими ходимлари учун махсус канал

МАКТАБ ЎҚУВЧИЛАРИ УЧУН ҚИШКИ ТАЪТИЛ 28 ДЕКАБРДАН БОШЛАНАДИ

Мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади.

Таътил 14 календарь кун, яъни 2022 йил 10 январгача давом этади.

III чорак 2022 йилнинг 11 январидан бошланади.


****

ЗИМНИЕ КАНИКУЛЫ ДЛЯ ШКОЛЬНИКОВ НАЧИНАЮТСЯ С 28 ДЕКАБРЯ

Последний день второй четверти в школах приходится на 27 декабря, а 28 декабря считается первым днём зимних каникул.

Каникулы продлятся 14 календарных дней, то есть до 10 января 2022 года.

Таким образом, III четверть в школах начнется с 11 января 2022 года.

👉 @ustoz — Халқ таълими ходимлари учун махсус канал

⚡️ТЕЗКОР! МУҲИМ ЯНГИЛИК!!!

📌 Қишки таътилнинг бошланиш санаси ўзгарди

🔰 Талаба ва ўқувчиларга қўшимча имконият ва қулайлик яратиш мақсадида, хусусан, талабаларни доимий яшаш жойларига бориш ва қайтиши учун ички темирйўл ва авиақатновларга чипталарни махсус 50 фоизли чегирма билан харид қилиш имтиёзи 25 декабрдан эътиборан қўлланиши белгиланди.

✔️Шу муносабат билан, Олий ва ўрта махсус таълим вазирининг 2021 йил 25 декабрдаги 537-сонли буйруғига асосан олий, ўрта махсус ва профессионал таълим муассасалари талаба ва ўқувчилари учун қишки таътил муддатининг бошланиши ҳам 2021 йилнинг 25 декабрига кўчирилганлиги маълум қилинади.

Сизга қишки таътилни мазмунли ва мароқли ўтказишингизни тилаб қоламиз!

👉 @ustoz — Халқ таълими ходимлари учун махсус канал

❗️Тўлдириш: қишки таътилнинг тугаш муддати ўзгармаган

ОТМ талабалари, академик лицей ва профессионал таълим муассасалари ўқувчилари учун қишки таътилнинг тугаш санаси ўзгармаган — 2022 йил 10 январь этиб белгиланган.

Дарс жараёнлари 2022 йилнинг 11 январидан бошланади.

Демак, бошқача айтганда, қишки таътил муддати узайтириб берилди.

P.S.: бу мактаб ўқувчиларига тааллуқли эмас. Мактабларда қишки таътил 28 декабрдан бошланади ва 10 январь куни тугайди.

👉 @ustoz — Халқ таълими ходимлари учун махсус канал

​​❗️МАКТАБ ҲУДУДИДА БАЙРАМОНА ЗИЁФАТЛАР УЮШТИРИШ ТАҚИҚЛАНАДИ

Мактаб ҳудуди ва биносида ўқувчиларнинг таълим-тарбиясига алоқаси бўлмаган турли хил тадбирлар яъни, туғлган кун, юбилей, ифторлик ва бошқа тадбирлар билан боғлиқ байрамона дастурхонларни ташкил этиш мукин эмас.

Халқ таълими вазирлигининг 2020 йил 28 майдаги 131-сонли буйруғи билан тасдиқланган «Умумий ўрта таълим муассасасининг ички тартиб ва одоб-ахлоқ қоидалари»га мувофиқ таълим муассасаси ҳудуди ва биносида спиртли ичимликлар ва тамаки маҳсулотларини истеъмол қилиш, мактаб ҳудуди ва биносида ўқувчиларнинг таълим-тарбиясига алоқаси бўлмаган турли хил тадбирлар яъни, туғлган кун, юбилей, ифторлик ва бошқа тадбирлар билан боғлиқ байрамона дастурхонларни ташкил этиш тақиқланади.

👉 @ustoz — Халқ таълими ходимлари учун махсус канал

ҚАНДАЙ ПЕДАГОГЛАР МАЖБУРИЙ АТТЕСТАЦИЯГА ЖАЛБ ҚИЛИНМАЙДИ?

❓Савол: Ассалому алайкум. Мен касб хунар мактабида педагог ўқитувчиман, бизда ҳам ходимларни аттестациядан ўтказишар экан деган гап чиқяпти. Айтингчи, қандай педагоглар аттестациядан ўтмаслиги керак?

✅ Жавоб: Вазирлар Маҳкамасининг 2021 йил 17 сентябрдаги 572-сонли қарори билан “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом тасдиқланган.

📃 Бу низомдаги талаблар мактабгача таълим ташкилотлари учун ҳам, умумтаълим мактаблари, ўрта, ўрта махсус, профессионал ва мактабдан ташқари таълим ташкилотлари, буларнинг барча-барчаси учун мажбурийдир.

☝️Қаранг, Низомнинг 6-бандига асосан сиз айтган таълим муассасасидаги қуйидагилар навбатдаги мажбурий аттестацияга жалб этилмайди:

— фан номзоди, фалсафа доктори (Doctor of Philosophy (PhD) ёки фан доктори (Doctor of Science (DSc) даражасига ҳамда Олий аттестация комиссияси томонидан берилган катта илмий ходим, доцент ва профессор илмий унвонига эга бўлган педагог кадрлар;

— таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар;

— педагогик фаолият билан шуғулланаётган пенсия ёшига тўлган педагог кадрлар;

— педагогик фаолият бўйича уч йилдан кам бўлган иш стажига эга педагог кадрлар;

— ҳомиладор аёллар, улар ҳомиладор бўлган даврда ҳамда ишга чиққанидан кейин бир йил давомида;

— ҳомиладорлик ва туғиш ҳамда болани парвариш қилиш таътилларида бўлган аёллар, улар таътилда бўлган даврда ҳамда ишга чиққанидан кейин бир йил давомида;

— педагогик фаолият билан шуғулланаётган уч ёшгача болалари бор аёллар;

— узоқ (уч ойдан ортиқ вақт мобайнида) даволанишни ўтаётган педагог кадрлар, улар даволанаётган даврда ҳамда ишга чиққанидан кейин олти ой давомида;

— мазкур Низомнинг 8 ва 9-бандларида кўрсатилган педагог кадрлар, уларга малака тоифаси тўғридан-тўғри берилган ёки бир поғона оширилган вақтдан бошлаб кейинги беш йил давомида;

— республика ва чет эл давлатларига ўқишга, қайта тайёрлаш ва малака ошириш курсларига юборилган педагог кадрлар;

— ижтимоий муҳофазага муҳтож, иш топишда қийналаётган ва меҳнат бозорида тенг шартлар асосида рақобатлаша олмайдиган шахслар учун энг кам миқдордаги иш ўринларига захирага олиб ишга жойлаштирилган педагог кадрлар, бу иш жойларига қабул қилинган кундан бошлаб уч йил давомида.

👉 @ustoz — Халқ таълими ходимлари учун махсус канал

❗️МАКТАБ ЎҚУВЧИЛАРИ УЧУН ҚИШКИ ТАЪТИЛ 28 ДЕКАБРДАН БОШЛАНАДИ

Айтишларича, ижтимоий тармоқларда мактабларда қишги таътил кунининг бошланиши 25 декабрга кўчирилганлиги, шу сабабли 27 декабрь мактаб ўқувчилари учун дам олиш куни эканлиги ҳақида асоссиз хабарлар тарқалган.

Лекин, мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади. Яъни, эртага ҳам таълим муассасаларида ўқиш куни ҳисобланади.

Таътил 14 календарь кун, яъни 2022 йил 10 январгача давом этади. III чорак 2022 йилнинг 11 январидан бошланади.

Вазирлар Маҳкамасининг 2017 йилдаги 140-сонли қарори билан тасдиқланган Низомга кўра, ўқув йили 2 сентябрдан 25 майга қадар давом этади. Ўқув йили 34 хафтадан иборат бўлиб, (бирничи синфлар учун 33 ҳафта) 4 та чоракка бўлинади, ҳар бир чорак оралиғида таътилларнинг аниқ бошланиш ва тугаш кунлари белгиланган.

❕Амалдаги тартибга кўра, таълим муассасаларида таътил кунлари қуйидагича белгиланган:

👉кузги таътил - 4 ноябрдан бошлаб 6 календарь кун;

👉қишқи таътил - 28 декабрдан бошлаб 14 календарь кун;

👉баҳорги таътил - 21 мартдан бошлаб 7 календарь кун;

👉ёзги таътил - охирги босқичли назорат синови ўтказилган кундан (босқичли назорат ўтказилмайдиган синфлар учун ўқув йили тугаган кундан кейинги кундан) бошлаб 1 сентябргача.

1-синф ўқувчилари учун эса февраль ойи давомида қўшимча бир ҳафталик таътил белгиланади.

Маълумот учун: Таътилнинг охирги куни байрам (ишланмайдиган) кунга тўғри келиб қолган тақдирда, дарс машғулотлари кейинги иш кунидан бошлаб давом эттирилади. Байрам (ишланмайдиган) кунларига тўғри келиб қолган дарс машғулотларининг мавзулари ўқув дастурларини ихчамлаштирган ҳолда кейинги дарс машғулотларида ўтказилади.

👉 @ustoz — Халқ таълими ходимлари учун махсус канал

❗️Ўзбекистонда 35 та ОТМ контракт ва стипендия миқдорини ўзлари белгилайди.

Ушбу муассасалар 1 январдан қуйидагилар бўйича мустақил қарор қабул қилади:

👉 контракт қийматини, тўлаш муддатларини белгилаш ва узайтириш;
👉 маҳаллий ва хорижий профессор-ўқитувчи ва мутахассисларни шартнома асосида жалб қилиш;
👉 ўз ҳисобидан талабалар учун стипендия ва грантлар ажратиш;
👉 хориждан ўқув ва илмий адабиётлар, дарсликлар, ўқув қўлланмаларни тўғридан-тўғри харид қилиш;
👉 бўш турган бино ва иншоотларда пуллик хизматлар кўрсатиш тартибини белгилаш;
👉 автотранспорт воситаларининг йўл босиш йиллик лимити ва уларга хизмат кўрсатиш талабларини белгилаш.

👉 @ustoz — Халқ таълими ходимлари учун махсус канал