Синф раҳбари ҳужжатлар тўплами
2021-2022-ўқув йили учун

👉 @ustoz — Халқ таълими ходимлари учун махсус канал

“Бугун ечими кечикаётган ҳар бир муаммо эртага фалокатга айланишига шак-шубҳа йўқ”: Халқ таълими вазири ўқитувчи ва ота-оналарга мурожаат қилди

Ўз мурожаатида Бахтиёр Саидов барчани фарзандлар таълимига эътиборсиз бўлмасликка чақираркан ўзига оғир ботган ҳолат, тизим ходимлари олдида турган вазифа ва шахс тақдирига алоҳида тўхталиб ўтган. Мурожаат сўнгида вазир ўқитувчи ва ота-оналардан соҳага оид таклиф ва мулоҳазаларни кутиб қолишини билдирган.

🌐 https://zarnews.uz/jyl

👉 @ustoz — Халқ таълими ходимлари учун махсус канал

Барча нарса ёшликдаги тарбияга боғлиқ

Японлар ҳеч қачон болага нисбатан «ёмон» сўзини ишлатмас эканлар.

Мисол учун, мактаб велосипедлар тураргохида: «Яхши болалар велосипедларини ана шундай қўядилар» ва «Яхши болалар велосипедларини ҳеч қачон бундай қўймайдилар», деган ёзувларга гувоҳ бўласиз.

👉 @ustoz — Халқ таълими ходимлари учун махсус канал

ДЕКРЕТ ПУЛИ 75% ТЎЛАНАДИМИ ЁКИ 100%?

Ассаолуму алейкум мен Зарипова Зуҳра 2021 йил 30 августга қадар 33-мактабда инглиз тили фани ўқитувчиси бўлиб ишладим. Бу мактабдан бўшаб қўшни қишлоқдаги 34-мактабда 6-центябр 2021 йилдан ишга ўтдим. 2021 йил 1 ноябрдан декретга чиқдим. Хозир бугалтерни айтиши бўйича 75% декретной тўланар экан. Шунга менга бериладиган декрет пули 100% тўланадими ёки 75% ми

📍ЖАВОБ:

Меҳнат кодексининг 286-моддасига асосан Ҳомиладорлик ва туғиш нафақаси ҳомиладорлик ва туғиш таътилининг бутун даврида тўлиқ иш ҳақи миқдорида тўланиши белгилаб қўйилган.

Давлат ижтимоий суғуртаси бўйича нафақалар тайинлаш ва тўлаш тартиби тўғрисида НИЗОМнинг 46-бандига асосан Болани парваришлаш бўйича таътил даври учун нафақа тариф ставкасидан (лавозим маошидан) ва таътил бошланишидан олдинги 12 ой мобайнида олинган мукофотларнинг ўртача ойлик суммасидан ҳисоблаб чиқарилади. Низомнинг 48 - бандига асосан Ҳомиладорлик ва туғиш бўйича нафақа иш ҳақининг 100 фоизи миқдорида берилади.

❗️Эътибор беринг! Меҳнат кодексида ҳам Давлат ижтимоий суғуртаси бўйича нафақалар тайинлаш ва тўлаш тартиби тўғрисида НИЗОМда ҳам Ҳомиладорлик ва туғиш бўйича нафақа иш ҳақининг 100 фоизи миқдорида берилиши белгиланган.

Мазкур асосга кўра, сизга Ҳомиладорлик ва туғиш бўйича нафақа юз фоиз миқдорида тўланиши керак.

©️ yuristlar_maslahati

👉 @ustoz — Халқ таълими ходимлари учун махсус канал

📲Kundalik Family иловасидаги “Синф рейтинги” нима ва унинг қандай фойдаси бор?
⠀
“Синфдаги рейтинги” — бу фарзандингизнинг муваффақиятини кузатишингиз мумкин бўлган хизмат туридир. Иловадаги рейтинг қуйидагича бўлади: “Барча фанлар бўйича умумий”, яъни фарзандингизнинг фанлар бўйича жами синфда қайси ўринни эгаллашини, шунингдек, маълум бир фан бўйича рейтингини кўришингиз мумкин.
⠀
❓Рейтингни қаерда кўриш мумкин?
⠀
1️⃣ Бошланғич саҳифада, ўқувчининг картаси ва баҳолари остида, аватарли баннерни босинг;
Ичкарида сиз “Ўқувчиларнинг барча фанлар бўйича умумий рейтинги”ни топасиз.
⠀
2️⃣ Ўзлаштириш ёрлиғида сиз фанларни алоҳида кўришингиз ҳамда улардан бирининг устига босиш орқали сиз “Синфдошлар орасида фан бўйича рейтинг”ни, шунингдек, фан бўйича барча баҳоларни кўришингиз мумкин;
Худди шу ёрлиқда ҳар бир алоҳида мавзу бўйича ўтган чораклардаги ўзлаштиришни кўриши имконияти мавжуд.
⠀
Рейтинг туфайли ўқувчларда юқори натижаларга эришишга ва ортда қолмасликка мотивация пайдо бўлади.

👉 @ustoz — Халқ таълими ходимлари учун махсус канал

Ҳурматли устозлар, ота-оналар ва кенг жамоатчилик вакиллари!

Аҳолининг халқ таълими тизимини ўрганиши мақсадида қилган мурожаатимдан сўнг Сизлардан жуда кўплаб таклиф, фикр ва мулоҳазалар келиб тушди. Таълим соҳасига бўлган бундай эътиборни кўриб, тўғриси жуда қувондим.

Масъул ходимлар кўмагида имкон қадар ҳар бир мурожаат билан танишиб чиқишга ҳаракат қилдик, зарурлари тегишли мутасаддиларга йўналтирилди.

Хабарингиз бўлса, ўтган ҳафтада вазирлик вакилларидан иборат ишчи гуруҳ билан биргаликда 3 та вилоятда бўлдик. Мактабларнинг шароитларини ўргандик. Тўғриси, аҳвол қониқарли эмас. Афсуски, мактабларимизда таълим сифатини яхшилаш учун жуда катта ва кўп ишлар қилишимиз керак.

Давлатимиз Раҳбари таълим тизими, фарзандларимизнинг келажаги ҳақида жуда куюняптилар ва энг олий вазифамиз деб белгилаяптилар. Шу боис, керак бўлса ҳар бир ҳудуд раҳбаридан бугун ўз вилоят ва туманидаги барча мактаблар шароитини билиш талаб этилади. Жойларда фан ўқитувчиларининг билим ва савиясини оширишимиз керак. Айрим ўқитувчилар билан суҳбатлашдим, афсуски, ҳатто ўз фани бўйича оддий саволга ҳам жавобни билмайдиган ўқитувчилар бор экан. Хўш, нима қилиш керак? Вилоятда, туманда, мактабда ҳатто бир нафар яхши педагог бўлса ҳам фойдаланиб, керак бўлса уни қолган ҳамкасбларига маҳорат дарси ўтказишга жалб этган ҳолда мактабларда таълим сифатини оширишимиз керак. Синфда 20 нафар боладан 18 нафари фанни зўр билса, демак бу ўша фан ўқитувчисининг ютуғи, демак у ўқувчиларини ўз фанига қизиқтира олган. Агар шу синф ўқувчиларидан 1-2 нафаригина фандан билими кучли бўлса, демак у иқтидорли ўқувчи ёхуд ота-онаси репетиторга берган, ўқитувчи эса дарс вақтида ўз фанини етказиб бера олмаётганидан далолат.

Тўғри, мактабда шароит йўқ дерсиз, лекин ўқитувчи ўша ерда вақтини кетказиб ўтирибди-ку, жонкуярлик бўлмаса нима қилади бу касбни танлаб?! Унинг қўлида инсон тақдири ётибди! Мактабларда шароит, инфратузилма яхшиланишини кутсак, болаларни йўқотамиз.

Менга келган мурожаатлардан кўриниб турибдики, жойлардаги айрим мактабларда муҳит яхши эмас. Мазкур мактаблардаги муҳитни яхшилашга ҳатто ҳудуд халқ таълими раҳбарининг ҳам кучи етмаяпти.

Ўқитувчилар ўз мурожаатларида мени мактабларига бориб, шароитни ўрганишга таклиф қилган. Қани эди, ҳамма мактабларга бирданига боришга имконим бўлса ҳар бирининг ҳолатини ўрганиб, шахсан назоратга олардим. Бунга вақт керак, лекин албатта ҳаммасига борамиз. Бу йўналишда ҳудудий раҳбарлар билан тизимли иш ташкил қилишга келишиб олдик. Ҳудуд раҳбарларининг масъулиятини ва ваколатини янада оширамиз.

Мулоҳазаларда қайд этилганидек, биз билимли, жонкуяр ва фидойи кадрларни топишимиз керак. Бунинг учун керак бўлса педагогика университетлари билан ҳамкорликни кучайтирамиз. Ҳар бир битирувчи билан суҳбатлашиб, энг яхшиларини мактабларга жалб этамиз.

Шу ўринда барчангизга юборилган фикр ва мулоҳазаларингиз учун миннатдорлик билдирмоқчиман. Сизлардан келган ҳар бир мулоҳаза ва таклифдан келгуси иш фаолиятимизда фойдаланамиз.

👉 @ustoz — Халқ таълими ходимлари учун махсус канал

#Биласизми

❗️Пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек уларни қонунга хилоф равишда Ўзбекистонга олиб кириш ёки ўтказиш – ҳуқуқбузарлик ашёларини мусодара қилиб, 1 млн 350 минг сўмдан 5 млн 400 минг сўмгача жарима солишга сабаб бўлади.

👉 @ustoz — Халқ таълими ходимлари учун махсус канал

“Ўқувчиларнинг репетиторсиз талаба бўлишлари сизнинг қўлингизда” — Халқ таълими вазири бўлғуси педагоглар билан учрашди

Бугун Халқ таълими вазири Бахтиёр Саидов Низомий номидаги Тошкент давлат педагогика университети талабалари билан учрашди. Учрашувда университет ректори Абдуғаффор Қирғизбоев, таълим даргоҳи ўқитувчилари ва бўлғуси педагог талабалар иштирок этди.

Очиқ мулоқот тарзида ўтган учрашув давомида вазир бўлғуси педагогларнинг таълим тизимини ривожлантириш билан боғлиқ таклифларини тинглаб, фикр алмашди.

Дўстона руҳда ўтган учрашув қизиқарли баҳс-мунозараларга бой бўлди.

👉 @ustoz — Халқ таълими ходимлари учун махсус канал

#Диққат❗️
ЎҚИТУВЧИЛАР ЯХШИЛАБ БИЛИБ ОЛИНГ ҲУҚУҚИНГИЗНИ

⚡️Ўқитувчининг хизмат вазифаларини олиб боришга тўсқинлик қилиш учун жавобгарлик борлигини биласизми?

Маъмурий жавобгарлик тўғрисидаги кодекснинг 197-5-моддасига кўра таълим муассасаси педагог ходимининг касбий фаолиятига таълим олувчилар билимини тўғри ва холис баҳолашига таъсир кўрсатиш билан ифодаланган тарзда қонунга хилоф равишда аралашиш ёки таълим муассасаси педагог ходимининг хизмат вазифаларини бажаришига тўсқинлик қилиш:

▪️фуқароларга базавий ҳисоблаш миқдорининг беш бараваридан йетти бараваригача;

▪️мансабдор шахсларга эса — етти бараваридан ўн бараваригача миқдорда жарима солишга сабаб бўлади.

❗️Ушбу қоиданинг доираси жуда кенг. Хусусан, педагог ходимнинг (у мактабдами, лицей ё коллеж ёки ОТМдами фарқи ёқ) дарсларига тўғридан тўғри бостириб кириш, унинг розилигиз дарсларни тасвирга олиш, бевосита ёки билвосита таълим олувчиларни баҳолашга аралашиш (айнан мана шу қисм ОТМларда жуда кўп учрайди, ўқитувчига талабанинг қайсидир “танкасидан” тўғридан тўғри ё бўлмаса кимлардир орқали баҳо қўйишни талаб қилишади) жавобгарлик келтириб чиқаради.

Ушбу постни малакали юрист Имомниёзов Дониёр тайёрлади

👉 @ustoz — Халқ таълими ходимлари учун махсус канал

Синфлар кесимида асосий олимпиада ўтказиладиган фанлар РЎЙХАТИ

Асос: Вазирлар Маҳкамасининг 2021 йил 9 сентябрдаги 562-сон қарорига 1-ИЛОВА

👉 @ustoz — Халқ таълими ходимлари учун махсус канал

Ҳамма ўқитувчиларнинг ҳам ойлиги 1000 доллар бўлмайди – Халқ таълими вазири ўринбосари.

– Давлатимиз раҳбари томонидан 2024/2025 ўқув йилигача энг муносиб ва энг яхши ўқитувчиларнинг ойликларини 1000 АҚШ долларига етказиш топшириғи берилган. Ҳозир ҳам 1000 доллар атрофида ойлик олаётган ўқитувчиларимиз бор. Лекин ҳамма ўқитувчиларнинг ҳам ойликлари 1000 доллар бўлмайди. Фақатгина муносиблариники ушбу суммага етказилади, – деди Халқ таълими вазири ўринбосари Темур Комилов.

👉 @ustoz — Халқ таълими ходимлари учун махсус канал

✅ Президент мактаб ўқитувчиларини танқид қилгач, Саҳоб Арипов репититорлар ва ўқитувчилар ўртасидаги фарқни санабдилар. Қуйида Саҳоб Ариповнинг фикрларини тақдим қиламан:

1️⃣ Репетитор тайёр болани олади, мактаб ўқитувчиси эса болани унга тайёрлаб беради.

2️⃣ Репетитор пул олади, мактаб ўқитувчиси эса бепул ўқитади

3️⃣ Репетитор 10-15 та бола билан ишлайди, мактаб ўқитувчиси эса 30-35 тадан синфдаги болалар билан ишлайди

4️⃣ Репетиторда давлат таълим стандарти йўқ, мактаб ўқитувчисидан эса давлат таълим стандарти талаб этилади

5️⃣ Репетиторда ўқув режа йўқ, мактаб ўқитувчиси эса юқоридан белгилаб берилган ўқув режа асосида дарс ўтишга мажбур

6️⃣ Репетитор дарсини истаган вақтга қўяди, мактаб ўқитувчиси эса маълум бир вақтда дарсини ўтиши зарур

7️⃣ Репетитор болаларни кучли, кучсиз, ўртача билимли гуруҳларга бўлиб ўтади, мактаб ўқитувчиси эса бир синфдаги ҳар хил билимли болаларга бир хил ёндошишга мажбур

8️⃣ Репетиторни ҳеч ким текширмайди, мактаб ўқитувчисини мактаб раҳбариятидан тортиб, катта кичик текширувчилар, натижасини сўровчилар кўп

9️⃣ Репетиторга аниқ мақсадни кўзлаб мурожаат қилишади, масалан, чет элга ишга кетиш учун, чет элдаги олийгоҳга кириш учун, ўзимиздаги олийгоҳга кириш учун, бир тилни ёки фанни ўрганиш учун.
Мактаб ўқитувчиси ҳам ўқувчиси ҳам мажбуриятдан боради.

🔟 Репетитор талабига жавоб бера олмайдиган болани ҳайдаб юбора олади, мактаб ўқитувчисини эса бунга ҳаққи йўқ.

👉 @ustoz — Халқ таълими ходимлари учун махсус