❗️3 ойгача қамоқ, ота-оналик ҳуқуқидан маҳрум этиш: хорижда фарзанди мактабга бормагани учун ота-оналарга қандай жазолар қўлланилади?

Сўнги вақтларда ижтимоий тармоқларда мактаблардаги давомат масаласи жиддий муҳокамаларга сабаб бўлмоқда. Айниқса, ота-оналарга жазо қўлланилиши қонунчиликда белгилаб қўйилганига қарамай, янгиликдек туйилмоқда. Масалан, 2023 йилда Ўзбекистонда 6 миллион ўқувчининг 14 мингдан зиёди мактабга мунтазам бормаётгани аниқланган. Ҳамда фарзанди тарбиясида масъулияцизлик қилган 12 мингдан ортиқ ота-она Маъмурий жавобгарлик тўғрисидаги кодекснинг 47-моддаси 1-қисми (Болаларни тарбиялаш ва уларга таълим бериш борасидаги мажбуриятларни бажармаслик) билан жавобгарликка тортилган.

Жорий йилнинг биргина январ ойида ҳам 52 нафар шахс фарзанди мактабга сабабсиз келмагани учун маъмурий жавобгарликка тортилиб, уларнинг барчасига жарима жазоси қўлланилган.

Хориж тажрибаси қандай?
Хўш, савол туғилади. Дунёнинг бошқа давлатларида ҳам фарзанди дарсга бормаганлиги учун ота-оналарга нисбатан жазо чоралари қўлланиладими?

Юридик фанлар доктори, профессор Мирғолиб Нурматов УзАга берган интервюсида бир қанча жаҳон тажрибасидан мисоллар келтирилган.

🇬🇧 3 ойгача қамоқ
Буюк Британияда 1996-йилда қабул қилинган “Таълим тўғрисидаги” қонунга биноан агар болалар сабабсиз мактабга келмаган бўлса, ота-она ҳуқуқбузарликда айбдор, деб топилади ва дарсга мунтазам қатнашмаслик ҳолати бўйича жаримага (минг фунт стерлинг) тортилади. Бундан ташқари, ота-оналар томонидан бу каби ҳуқуқбузарлик яна қайта содир қилинса, 2500 фунт стерлинггача жарима ёки 3 ойгача қамоқ жазоси қўлланилиши белгиланган.

🇨🇦 Мажбурий тарбиялаш курслари
Канадада ҳам фарзандлари мактабга бормаган ота-оналарга нисбатан жарима жазоси мавжуд. Хусусан, жазо тариқасида ота-оналар мажбурий тарбиялаш курслари ва оилавий маслаҳат курсларига жалб қилинишлари мумкин.

🇸🇬 Мажбурий таълим кенгашига чақиртирилади
Таълим тизими билан дунёга ўрнак бўлаётган Сингапур давлатида эса ота-оналар ўз фарзандларининг мактабга боришига эътиборсизлик қиладиган бўлса, улар фарзандлари билан биргаликда Мажбурий таълим кенгашига чақиртирилади. Бундан кейин ҳам салбий ҳолат давом этса, уларга нисбатан қонуний тартибда жарима жазоси қўлланилади.

🇩🇪 Ота-оналик ҳуқуқидан маҳрум этиш
Ривожланган давлатлардан бири – Германияда фарзандлари мактабга келмаган ота-оналар огоҳлантирилади. Агар ушбу ҳолат яна давом этса, уларга нисбатан жарима жазоси (1250 еврогача) қўлланилади. Бундан ташқари, ота-она фарзандини мактабга юборишдан бош тортса ёки боласини назорат қила олмаса, маҳаллий болалар хизматлари ёки ижтимоий хизмат ходимлари полисиядан уларни мактабга кузатиб боришларини талаб қилиши ёки оғир оқибатларда ота-оналик ҳуқуқидан маҳрум этиш (қисман ёки тўлиқ) учун судга мурожаат қилишлари мумкин. Бундан ташқари, 14 ёшдан 18 ёшгача бўлган болаларга нисбатан ҳам дарс қолдирганликлари учун қамоқ тарзидаги жазо чораси қўлланилиши мумкин.

🇰🇿 Жарима ёки маъмурий қамоқ
Қўшни Қозоғистонда фарзандлари мактабга бормаганлиги учун айбдор бўлган ота-оналарга нисбатан Маъмурий ҳуқуқбузарликлар тўғрисидаги кодекснинг 127-моддаси (Вояга етмаган шахсни тарбиялаш ва (ёки) ўқитиш, ҳуқуқ ва манфаатларини ҳимоя қилиш бўйича мажбуриятларни бажармаслик)га биноан ҳамда 409-моддаси (Қозоғистон Республикасининг таълим, жисмоний тарбия ва спорт соҳасидаги қонунчилигини бузиш)га асосан жарима ёки маъмурий қамоқ (10 суткагача) жазоси қўлланилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

❗️15 йил давомида олий тоифада ишлаб келган педаголарга умрбод олий тоифа берилади ва аттестатсиядан озод қилинади

Ўзбекистон Республикаси Вазирлар Маҳкамасининг 17.09.2021 йилдаги 572-сон қарори билан аттестация низомининг 1-боб 8-д бандига кўра, олий малака тоифасига (бош ўқитувчи лавозимига) эга бўлгандан сўнг олий малака тоифасини (бош ўқитувчи лавозимини) 15 йил давомида сақлаб келган ва узлуксиз иш стажига ега бўлган педагог кадрларга — олий малака тоифаси (бош ўқитувчи лавозими) тўғридан тўғри (аттестатсиядан ўтказилмасдан) берилади.

Ундан ташқари, тоифасидан қатъий назар педагогик фаолияти бўйича 25 йил ва ундан кўп стажга эга бўлган ва ёшга доир пенсияга чиқиши учун 5 йилдан кўп бўлмаган вақт қолган педагог кадрларга уларнинг амалдаги малака тоифаси тўғридан тўғри (аттестатсиядан ўтказилмасдан) берилади. Яъни улар кейинчалик навбатдаги мажбурий аттестатсияга жалб этилмайди. Лекин исталган вақт ўз ихтиёрларига кўра навбатдан ташқари топширишлари мумкин.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

#оммалаштириш

⚡️Педагоглар томонидан Ommalashtirish.uz платформасига юборилган ишлар Республика таълим маркази ва Педагогларни янги методикаларга ўргатиш миллий марказларидаги Методик хизмат кўрсатиш бўлимининг тегишли фанлар бўйича Ўқув методик кенгаши томонидан ўрганилиб чиқилади.

Тавсия этилган илғор иш тажрибалар методик қўлланма ёки методик тавсия кўринишда бўлиши лозим.

Методик ишлар 2024 йилнинг 1 март санасигача мактаб педагогик кенгашига тавсия этилиши керак.

Методик ишлар қуйидаги босқичларда оммалаштирилади: мактаб, туман (шаҳар), вилоят миқёсида ҳамда республика миқёсида.

Туман (шаҳар), вилоят (Тошкент шаҳар, Қорақалпоғистон Республикаси) миқёсида оммалаштириш тўғрисида Методик хизмат кўрсатиш бўлимининг ўқув методик кенгаши қарори ҳар йили 15 майга қадар ommalashtirish.uz платформасига жойлаштирилиши лозим.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Она тили ва адабиёт ҳамда тарих фанларидан сертификатга эга бўлган ўқитувчиларга ҳар ойлик қўшимча 50 фоиз устама тўланади

Жорий йил 21 февраль куни Президентимизнинг “Ўзбекистон – 2030” стратегиясини “Ёшлар ва бизнесни қўллаб-қувватлаш йили”да амалга оширишга оид давлат дастури тўғрисида"га фармони қабул қилинди.

Фармонга асосан, 2025 йил 1 январдан бошлаб Мактабгача ва мактаб таълими вазирлиги тизимидаги умумий ўрта таълим муассасаларида она тили ва адабиёт ҳамда тарих фанлари бўйича Билим ва малакаларни баҳолаш агентлигининг миллий баҳолаш тизимида олинган тегишли даражадаги сертификатга эга бўлган ва ушбу фанлардан дарс берувчи педагог кадрларга уларнинг тариф ставкасига нисбатан 50 фоиз миқдорида ҳар ойлик қўшимча устама тўланиши белгиланди.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Айрим мактабларга базавий ҳисоблаш миқдорининг 150 баробарида маблағ ажратилади

Ўзбекистон Республикаси Президентининг “Ўзбекистон – 2030” стратегиясини “Ёшлар ва бизнесни қўллаб-қувватлаш йили”да амалга оширишга оид давлат дастури тўғрисида” Фармони қабул қилинди.

2024-2025-ўқув йилидан бошлаб:

👉 Қорақалпоғистон Республикаси, вилоятлар ва Тошкент шаҳрининг 1 тадан туманида (шаҳрида) синов тариқасида “Менинг мактабим” лойиҳаси амалга оширилсин ҳамда бунинг доирасида Давлат бюджети маблағлари ҳисобидан мактабларга базавий ҳисоблаш миқдорининг 150 баробарида маблағ ажратилиб, ушбу маблағ 5–11-синф ўқувчилари танловига кўра, электрон доска, компьютер, спорт жиҳозлари, китоблар каби мактаблар учун зарур товарларга сарфланиши белгиланди.

2024 йил 1-сентабрдан бошлаб:

👉 2024 йил 1 сентябрдан бошлаб Қашқадарё ва Сурхондарё вилоятларида тажриба-синов тариқасида умумий ўрта таълим мактабларига олис ҳудудлардан қатнайдиган ўқувчилар учун аутсорсинг асосида бепул автобуслар қатнови йўлга қўйилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Директорлар ҳар беш йилда бир маротаба аттестациядан ўтказилади

Жорий йил 21 февраль куни Президентимизнинг “Ўзбекистон – 2030” стратегиясини “Ёшлар ва бизнесни қўллаб-қувватлаш йили”да амалга оширишга оид давлат дастури тўғрисида"га фармони қабул қилинди.

2024/2025 ўқув йилидан бошлаб умумий ўрта таълим муассасалари директорларини менежерлик бўйича сертификатсиялаш тизими жорий этилади. Бунда, директорларга малакавий талаблар аниқ белгиланиб, улар ҳар беш йилда бир маротаба аттестациядан ўтказилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Ўзбекистонда мактабларга 51 млн сўмдан ажратилиб, ўқувчилар танловига кўра сарфланади

Ўзбекистонда 2024/2025-ўқув йилидан бошлаб синов тариқасида “Менинг мактабим” лойиҳаси амалга оширилади. Бу ҳақда “Ўзбекистон–2030” стратегиясини 2024 йилда амалга оширишга қаратилган давлат дастури тўғрисидаги президент фармонида белгиланди.

Унга кўра, ушбу синов лойиҳаси Қорақалпоғистон Республикаси, вилоятлар ва Тошкент шаҳрининг 1 тадан туманида (шаҳрида) йўлга қўйилади. Бунинг доирасида давлат бюджети маблағлари ҳисобидан мактабларга базавий ҳисоблаш миқдорининг 150 баробарида (51 миллион сўм) маблағ ажратилиб, ушбу маблағ 5–11-синф ўқувчилари танловига кўра электрон доска, компьютер, спорт жиҳозлари, китоблар каби мактаб учун зарур товарларга сарфланади.

Шунингдек, 2024 йил сентябрдан бошлаб Қашқадарё ва Сурхондарё вилоятларида тажриба-синов тариқасида умумий ўрта таълим мактабларига олис ҳудудлардан қатнайдиган ўқувчилар учун аутсорсинг асосида бепул автобуслар қатнови йўлга қўйилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

❗️Телефон ишлатишдан воз кечган мактабга 300 млн сўм берилади

Тошкент вилояти ҳокими Зойир Мирзаев ўқитувчилари ва ўқувчилари телефон ишлатишдан воз кечган мактабга 300 миллион сўм пул мукофоти беришини маълум қилди. Бу ҳақда ҳоким айни пайтда Чирчиқ шаҳридаги мактаб директорлари билан учрашуви чоғида, таълим кенгаши йиғилишида айтиб ўтди.

Ҳоким вилоятда "Телефонсиз мактаб" ташаббуси илгари сурилишини қайд этган. Шунингдек, ОТМга киришда энг юқори натижа қайд этган Оҳангарон, Нурафшон ва Ангрен шаҳар Мактабгача ва мактаб таълими бўлими мудирларига 12 млн сўмдан мукофот берилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

❓Мактабларнинг иқтидорли битирувчиларига бериладиган олтин ва кумуш медаллар ОТМларга киришда имтиёз бериладими?

Мактабларнинг иқтидорли битирувчиларини олтин ва кумуш медаллар билан тақдирланиши олий таълим муассасаларига киришда имтиёз тақдим этмайди.

Ўзбекистон Республикаси Вазирлар Маҳкамасининг 2019-йил 22-февралдаги 154-сонли қарори билан тасдиқланган “Умумий ўрта таълим муассасалари ва академик лицейларнинг иқтидорли битирувчиларини олтин ва кумуш медаллар билан тақдирлаш тартиби тўғрисида”ги низомда олтин ва кумуш медаллар билан тақдирланган ўқувчиларга имтиёзлар берилиши кўзда тутилмаган.

Мазкур низомга мувофиқ, олтин ва кумуш медаллар аъло баҳоларга ўқиган, намунали хулқ-атворли ва жамоат ишларида фаоллик кўрсатган битирувчиларга берилади.

Бундан кўзланган мақсад ўқувчиларни таълим олишга бўлган қизиқишларини янада ошириш, улар ўртасида соғлом рақобатни шакллантириш, коррупсион ҳолатларнинг олдини олиш ва иқтидорли ўқувчилар билимини рағбатлантиришдан иборат.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Учинчи чорак бўйича таълим сифати мониторинги қуйидаги синфлардан олинади.

👉 3-синф ўқувчиларидан 2 вариантда 30 талик: 1-блок (она тили ва ўқиш саводхонлиги, математика, хорижий тил), 2-блок (математика, Табиий фан, она тили ва ўқиш саводхонлиги) ҳар бир фан бўйича 10 тадан тест топшириқлари шаклида ўтказилади.

👉 6-синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил), 2-блок (Табиий фан, тарих, рус тили), 3-блок (она тили ва адабиёти, Табиий фан, информатика), 4-блок (тарих, Табиий фан, математика) ҳар бир фан бўйича 15 тадан тест топшириқлари шаклида ўтказилади.

👉 7-синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил), 2-блок (биология, кимё, рус тили), 3-блок (физика, география, она тили ), 4-блок (тарих, информатика, математика) ҳар бир фан бўйича 15 тадан тест топшириқлари шаклида ўтказилади.

❗️7-синф ўқувчилари учун назорат материаллари тайёрлашда Миллий ўқув дастури асосида яратилган дарсликларнинг таъминланган бўлиши эҳтимоли ҳисобга олинади ҳамда шундай мактаблар учун алоҳида назорат материаллари тайёрланади.

Тест синови бажариш учун 3- синфларда мониторинг ўтказиладиган фанлардан ҳар бир тест саволига 2 дақиқадан (умумий 60 дақиқа), 6- ва 7-синфларда фанлардан ҳар бир тест саволига 2 дақиқадан (умумий 90 дақиқа) вақт берилади (Миллий ўқув дастури асосидаги дарсликлар бўйича ўтказиладиган мониторинг вақти спецификацияларда алоҳида кўрсатилади).

Барча блок фанларини қамраб олиш мақсадида синф ўқувчилари сонига қараб гуруҳлар шакллантирилади.

☝️Эслатма: Ушбу мониторинг тестлари март ойида ўтказилади.

Асос: Халқ таълими вазирининг 2022 йил 11-октабрдаги 313-сонли буйруғи.

@Oylik_hisoblashbot — Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy
https://t.me/+KzysPSHcaRVlMGQy

⚡️Ўқувчиларга дарс вақтида телефондан фойдаланишига қонуний тақиқ қўйилди

Қозоғистонда мактаб ўқувчиларининг дарс вақтида смартфондан фойдаланишига қонуний тақиқ жорий қилинмоқда. Тегишли қонунни Президент Қосим-Жомарт Тоқаев имзолади, деб хабар бермоқда Tengrinews.kz.

“Таълим, тарбия ва болалар хавфсизлиги масалалари тўғрисида”ги қарор билан Қозоғистоннинг “Таълим тўғрисида”ги Қонунига янги норма киритилмоқда. Эндиликда ўқувчиларнинг ҳуқуқлари ва мажбуриятлари бандига қуйидаги норма қўшилмоқда:

“Умумий ўрта таълим муассасаларида ўқувчиларнинг дарс жараёнида уяли алоқа қурилмасидан фойдаланишига йўл қўйилмайди, қисқа муддатли ўқув режаларида таълим мақсадларида назарда тутилган ҳоллар бундан мустасно”.

Ўқувчиларга дарс вақтида смартфонлардан фойдаланиш тақиқланиши дарс давомида ўқувчиларнинг ҳам, ўқитувчининг ҳам чалғимаслиги учун зарур дея асосланган. Ўтган йилнинг декабрь ойида Қозоғистон Халқ таълим вазири Ғани Бейсембаев смартфонлар болаларни таълим жараёнидан чалғитишини таъкидлаганди.

“Бу ота-оналар ва ўқитувчиларнинг ариза ва шикоятлари натижасида кўрилган чора. Яна шуни таъкидлаб ўтамизки, смартфондан фақат дарс вақтида фойдаланиш тақиқланади. Дарсдан дарсдан ташқари вақтларда ўқувчи ота-онаси билан мобиль телефон орқали боғланиши мумкин. Бу дарс давомидаги чеклов холос”, деб тушунтирди вазир Ғани Бейсембаев.

Эслатиб ўтамиз, Ўзбекистон Республикаси Президент Администратсияси томонидан жорий йилнинг 22 январь куни таълим муассасаларида ўқувчи ва ўқитувчилар томонидан мобиль телефонлардан фойдаланиш тартибига риоя этилишини қатъий назорат қилиш бўйича топшириқ берилганди.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

❗️Ўзбекистонда мактаб ўқувчилари орасида тамаки ва нос чекиш ҳолатлари кўпайгани маълум қилинди

Дастлабки ҳисоб-китобларга кўра, республикада 13-15 ёшдаги мактаб ўқувчиларининг 1,7 фоизи тамаки чекади. Ўсмирларнинг 7,7 фоизи ҳаётида бир марта бўлса ҳам чекиб кўрган. Ота-оналардан чекмаслик борасида фарзандларига намуна бўлиш сўралмоқда. Бу ҳақда ССВ огоҳлантириш билан чиқди.

Маълум қилинишича, 18-69 ёш оралиғидаги Ўзбекистон аҳолисининг 16,5 фоизи, шу жумладан, эркакларнинг 32,9 фоизи, аёлларнинг 0,8 фоизи тамаки чекади. Аҳолининг 9,9 фоизи тутунсиз тамаки, ўз навбатида тутунсиз тамаки чекувчиларнинг 89 фоизи эса носвой чекади.

Қайд этилишича, ушбу зарарли одатлар мактаб ёшидаги болалар орасида ҳам учрамоқда. Дастлабки ҳисоб-китобларга кўра, 13-15 ёшдаги мактаб ўқувчиларининг 1,7 фоизи – ўғил болаларнинг 2,3 фоизи, қизларнинг 0,9 фоизи тамаки чекади.

Бунда ўсмирларнинг 7,7 фоизи – 10 фоиз ўғил болалар ҳамда 5,2 фоиз қизлар ҳаётида бир марта бўлса ҳам чекиб кўрган.

Статистикага қараганда, 13-15 ёшдаги мактаб ўқувчиларининг 7 фоизи (ҳар 15 нафардан 1 нафари) уйда ва 16 фоизи (ҳар 6 нафардан 1 нафари) ёпиқ жамоат жойларида тамаки тутуни таъсирида бўлишади.

Тамаки, нос ва снюс сингари зарарли одатлар организми ўсиб бораётган ёшларга янада ёмонроқ таъсир қилади. Бу ҳақда соғлиқни сақлаш соҳаси мутахассислари қатъий огоҳлантирмоқда.

Таъкидланишича, ўсмир ёшдагиларга тамаки ва унинг бошқа шакллари токсик таъсир қилиб, қуйидаги салбий оқибатларга олиб келади:

👉 нафас олиш йўллари – томоқ-бурун, ҳалқум, трахея, бронхлар, ўпкага салбий таъсир кўрсатади;

👉 ўпкаларда йилига 1 кггача қатрон йиғилади. Қатронлар канцероген модда бўлиб, ўпка саратонини ривожлантиради. Чекувчиларда сурункали бронхит, бронхоэктаз ва ўпка эмфиземаси ривожланади, бу эса нафас етишмовчилигига олиб келади;
кўриш ва хотира ёмонлашади, мушакларнинг кучи камаяди;

👉 юракнинг муддатидан олдин қариши ортади, нерв ҳужайралари ўлади;
тери қурийди, ҳуснбузарлар тошиб кетади;

👉 тана ўсишдан тўхтайди, эшитиш пасаяди, уйқу бузилади;

👉 жинсий ожизлик, фарзанд кўриш тизимида муаммолар (эрта бепуштлик), гормонал бузилишлар пайдо бўлади;
атеросклероз, юрак миокарди инфаркти, инсулт, гастрит ва ошқозон-ичак яралари билан касалланишлар кузатилади.
Булар сигарет, нос ва снюс каби ўта зарарли одатларнинг замонавий тиббиёт томонидан ҳозиргача исботланган оқибатлари.

Жаҳон соғлиқни сақлаш ташкилоти маълумотларига кўра, дунёда 1,3 миллиардга яқин одам мунтазам равишда чекади ёки бошқа шаклларда тамаки истеъмол қилади. Эркакларнинг тахминан 47 фоизи ва аёлларнинг тахминан 12 фоизи чекади. Чекишни эрта бошлаш ва 20 йилдан ортиқ вақт давомида мунтазам чекиш умр кўриш давомийлигини 20-25 йилга қисқартирар экан.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Ўзбекистонда ота-оналарга болаларни тарбиялашда жисмоний жазо қўллаш тақиқланиши мумкин.

Бу ҳақда болаларни зўравонликнинг барча шаклларидан ҳимоя қилиш соҳасидаги муносабатларни тартибга солишга қаратилган қонун лойиҳасида кўзда тутилмоқда. Қонун лойиҳасида болаларни зўравонликдан ҳимоя қилишда ота-оналарнинг иштироки ва уларнинг мажбуриятлари белгилаб қўйилмоқда.

Ижтимоий ҳимоя миллий агентлиги директори биринчи ўринбосари Шаҳноза Мирзиёевага кўра, қонуннинг жорий қилиниши профилактика ҳамда зўравонлик қурбонларига комплекс ёрдам кўрсатиш тизимини яратишга ёрдам беради.

Жумладан, ота-оналар болаларнинг ҳаёти ва соғлиғини муҳофаза қилиши, уларга ғамхўрлик кўрсатиши ҳамда зарарли таъсир кўрсатувчи ахборотдан ҳимоя қилиши шартлиги, болаларни тарбиялашда уларни жисмоний жазолаш тақиқланиши назарда тутилмоқда.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Мактабларда «Ҳалоллик» тўгараклари йўлга қўйилади

Коррупцияга қарши курашиш агентлиги ахборот хизмати раҳбари Шерзод Сапаров маълум қилишича, мактабгача ва мактаб таълими муассасаларида «Ўқувчи ёшлар ҳалоллик тарафдори» 10 кунлиги ва «Ҳалоллик» тўгараклари тизимли равишда йўлга қўйилади.

«Профилактика кунлари» ва «Синф соат»лари доирасида «Ҳалоллик қадриятлари», «Тўғрилик, меҳнатсеварлик хотиржам ҳаёт асоси» мавзуларида тарғибот-ташвиқот тадбирлари ташкил этилади.

Касб-ҳунар таълими ва олий таълим муассасаларида «ОТМ–вилоят–республика» тизими асосида билимлар беллашуви ташкил этилади. «Аксилкоррупция коворкинг» марказлари фаолияти йўлга қўйилади.

9 декабр - Халқаро коррупцияга қарши курашиш куни» муносабати билан барча олий таълим муассасаларида «Ёшлар коррупцияга йўқ дейди!» мавзусида энг яхши расмлар танлови, ОТМ ижтимоий тармоқлардаги саҳифаларида #Stop_korrupsiya ҳештеги остида челленж, ота-оналар ўртасида «Истеъмолчиларнинг таълим хизматлари сифатидан қаноатланганлиги» мавзуси бўйича социологик сўровнома ўтказилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Педагоглар аттестатцияси баҳорги таътил вақтида бошланишини режалаштирилмоқда

Бу ҳақида Мактабгача ва мактаб таълими вазирлиги масъул ходими Сафарали Хамраев онлайн мулоқот давомида ҳам маълумот берган эди.

2024 йилнинг биринчи яримда ўтказиладиган педагог кадрлар аттестатциясига тайёргарлик бўйича онлайн репетициялар 10 март санасидан бошлаб ўтказилиши режалаштирилмоқда.

Аттестатциянинг асосий синовлари эса март ойининг охирида, баҳорги таътил пайтларида бошланиши режалаштирилмоқда. Аниқ жадвал 10 март санасига қадар эълон қилиб борилади.

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Умумий ўрта таълим муассасаси директорининг маънавий-маърифий ишлар бўйича ўринбосари ва синф раҳбарларининг лавозим йўриқномаси

Мактабгача ва мактаб таълими вазирининг 27.06.2023 йилдаги 190-сонли буйруғи

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy

❗️Ўқитувчиларни видеога олиб ижтимоий тармоқларга тарқатганлик учун жавобгарлик бор

Маъмурий жавобгарлик тўғрисидаги кодекс 46-2-моддасида шахсга доир маълумотларни қонунга хилоф равишда йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш,
👉 фуқароларга базавий ҳисоблаш миқдорининг 3 бараваридан 5 бараваригача;
👉 мансабдор шахсларга эса — 5 бараваридан 10 бараваригача миқдорда жарима солишга сабаб бўлиши белгиланган.

Агар ушбу ҳаракатлар маъмурий жавобгарлик қўлланилгандан сўнг 1 йил ичида такрорланса, унда жиноий жавобгарлик чораси қўлланилади (Жиноят кодекси 141-2-моддаси).

☝️Бироқ бу ҳаммаси эмас. Агар ўқитувчи фуқаролик судига ўзига етказилган маънавий зарарни ундиришни сўраб даъво қилса борми?

Фуқаролик кодекси 1021-моддаси иккинчи қисмида зарар ор-номус, қадр-қиммат ва ишчанлик обрў-эътиборини ҳақоратловчи маълумотларни тарқатиш туфайли етказилган бўлса маънавий зарар уни етказувчининг айбидан қатъи назар, қопланиши белгиланган.

Ушбу қоида, айнан ўқитувчинининг видеосини ижтимоий тармоққа жойлаб, унинг қард қимматини, ишчанлик обрўсини тўкаётган шахсларга зарарни қоплаш мажбуриятини юклайди.

Бунда маънавий зарарни қоплаш миқдори жабрланувчига етказилган жисмоний ва маънавий азобларнинг хусусиятига, шунингдек айб товон тўлашга асос бўлган ҳолларда зарар етказувчининг айби даражасига қараб суд томонидан аниқланади.

Манба

Ойлик ҳисоблаш учун бот

Ўқитувчи каналига обуна бўлинг👇
https://t.me/+KzysPSHcaRVlMGQy