⚡️Қорақалпоғистонда келгуси йилдан бошлаб, 1-4 бошланғич синф ўқувчилари учун бепул тушлик бериш йўлга қўйилади.

Бунинг учун бюджетдан йилига 100 миллиард сўм ажратилади.

Буни назорат қилинглар, коррупция бўлмасин.Бошқа ҳеч бир ҳудудда бундай бўлмаган. Буни ўзим ўйлаб ёздим. Болажонларимнинг кўпининг онаси касал. - Шавкат Мирзиёев.

👉 @ustoz — Халқ таълими ходимлари учун махсус канал

ЎҚУВЧИНИНГ ОТА-ОНАСИ ЧЕТ ЭЛГА ИШЛАГАНИ КЕТИБ ҚОЛСА ҲАМ МАКТАБ МАЪМУРИЯТИ АЙБДОРМИ?

Мактаб маъмурияти ўқувчиларнинг ота-онаси билан доимий алоқада бўлиши лозим албатта. Тўғри барча ота-оналарнин ҳам мактаб маъмурияти билан алоқалари яхши эмас. Шунинг учун синф раҳбари имкон қадар ота-она билан мустахкам алоқаларни йўлга қўйиб олиш керак. Энди масаланинг қонуний тарафига ўтсак.

"Васийлик ва ҳомийлик тўғрисида"ги низомга мувофиқ умумтаълим муассасалари ўқувчиларнинг ота-онаси 6 ойдан ортиқ муддатда йўқ бўлган болалар тўғрисида, агар бола қариндошларининг ёки бошқа яқин кишиларининг назоратида қолдирилган бўлса, ота-онаси 6 ойдан кам муддатда вақтинча бўлмаган болалар тўғрисида, агар бу болаларнинг манфаатлари учун зарур бўлса дарҳол ҳудудий васийлик ва ҳомийлик органларига мурожаат қилиш лозим.

🔰Шунингдек, қуйидаги ҳолларда ҳам мактаб маъмурияти васийлик ва ҳомийлик органларига мурожаат қилишлари лозим:

👉ота-онаси вафот этган ёки суд томонидан вафот этган деб эълон қилинган болалар тўғрисида;
👉ота-онаси ота-оналик ҳуқуқидан маҳрум қилинган болалар тўғрисида;
👉ота-онаси ота-оналик ҳуқуқлари чекланган болалар тўғрисида;
👉ота-онасининг тарбиясида бўлиши болалар манфаатларига зид бўлганда, шунингдек уларнинг ҳаёти ва соғлиғи учун бевосита таҳдид мавжуд бўлган болалар тўғрисида;
👉ота-онасининг касаллиги сабабли ота-онасининг қаровисиз қолган болалар тўғрисида;
👉ота-онаси уларни тарбиялаш, даволаш муассасаларидан, аҳолини ижтимоий муҳофаза қилиш муассасаларидан ва бошқа шунга ўхшаш муассасалардан олишдан бош тортган болалар тўғрисида;
👉одам савдосидан жабрланган болалар тўғрисида;
👉ота-онаси номаълум бўлган ёхуд улар суд томонидан бедарак йўқолган деб эътироф этилган болалар тўғрисида;
👉бошқа сабабларга кўра ота-она қарамоғидан маҳрум бўлган болалар тўғрисида;
👉соғлиғининг ҳолатига кўра ҳомий тайинланишига муҳтож бўлган вояга етган муомалага лаёқатли шахслар тўғрисида маълумотлар бериши шарт.

Васийлик ёки ҳомийлик белгиланишига муҳтож бўлган болалар ҳақидаги маълумотлар васийлик ва ҳомийлик органларига мазкур ўқувчилар аниқланган кундан эътиборан етти кун мобайнида ёзма шаклда юборади. Васийлик ёки ҳомийлик белгилаш зарурлиги ҳақида васийлик ва ҳомийлик органларига маълум бўлган кундан эътиборан бир ойдан кечиктирмай васий ёки ҳомий тайинланиши керак.

Мактаб маъмурияти васийлик ёки ҳомийлик белгиланишига муҳтож бўлган болалар ҳақидаги маълумотлар васийлик ва ҳомийлик органларига тақдим эишининг ўзи етарли. Қолган барча ҳужжатлар васийлик ва ҳомийлик органлари томонидан расмийлаштирилади.

❗️Эслатма: Ота-она қарамоғидан маҳрум бўлган болалар тўғрисидаги маълумотларни шундай болалар турган мактаб директори томонидан васийлик ва ҳомийлик органига хабар қилмаслик, худди шунингдек улар томонидан ота-она қарамоғидан маҳрум бўлган болалар ҳақида атайин нотўғри маълумотлар бериш — базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади.

👉 @ustoz — Халқ таълими ходимлари учун махсус канал

КОНСПЕКТ ЁЗМАНГ ШУНЧАКИ ДАРСНИ МИНИ ПРОЕКТОР ОРҚАЛИ ЎТИНГ

Илгари ўқитувчилар конспект ёзиб дарсга тайёрланишган бўлса, энди ўқувчиларни бу усул билан жалб этиш анча қийин. Буни энди ҳамма тушуниши керак. Ҳа, замон ўзгарди.

Эндиликда мактабларда мини проекторлар ишлатилмоқда. Бугунги тавсиямиз ҳам айнан мини проекторлар билан боғлиқ.

✅ Проектор USB "флешка"ларни ўқийди, компьютерга улаш шарт эмас;

✅ Катта проекторлардан фарқи у енгил ва кичик ўлчами бўлиб, кўтариб юриш учун жуда қулай;

✅ Интернетдан электрон дастур, расм ёки видеодарсларни юклаб олиб мини проекторга улайсиз, дарсга тайёргарлик кўриш анча енгиллашади.

💰Эски нарх: 776.100, ҳозирда чегирма нархда 597.000 сўмга харид қилишингиз мумкин.

👉 Батафсил маълумот 👈

❗️Асосийси маҳсулотни олгач, кейин пулини тўлайсиз. Тўлиқ маълумотларни буюртма берганингиздан сўнг сизга операторнинг ўзи тушунтиради.

👉 БУЮРТМА БЕРИШ 👈
👉 БУЮРТМА БЕРИШ 👈
👉 БУЮРТМА БЕРИШ 👈

🚚 ЎЗБЕКИСТОН БЎЙЛАБ ЕТКАЗИБ БЕРИШ БЕПУЛ!

⚡️2022 йил 1 январдан педагог кадрлар аттестацияси йил давомида ўтказилади

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

Унга кўра аттестациядан ўтиш учун педагог кадрлар ҳар йили 1 январдан 1 мартга қадар ва 1 августдан 1 октябрга қадар бевосита давлат хизматлари марказлари орқали ёки Ягона интерактив давлат хизматлари портали ёхуд Таълим инспекциясининг расмий веб-сайтида рўйхатдан ўтган ҳолда мурожаат қиладилар.

👉 @ustoz — Халқ таълими ходимлари учун махсус канал

ЎҚИТУВЧИЛАР ИШ ҲАҚИДАН УЛАРНИНГ РОЗИЛИГИСИЗ УШЛАБ ҚОЛИШ МУМКИНМИ?

Биринчи навбатда шуни айтишимиз лозимки, Ўзбекистон Республикаси Президентининг 2018 йил 14 августдаги ПҚ-3907-сонли қарорига мувофиқ халқ таълими ходимларини хизмат мажбурияти билан боғлиқ бўлмаган ишларга, уларнинг касбий фаолияти билан боғлиқ бўлмаган тадбирларга жалб қилиш, шунингдек уларнинг босма нашрларга мажбуран обуна бўлишини ташкил этиш тақиқланган.

Хусусан, партияларга аъзо бўлиш ҳам ихтиёрий равишда амалга оширилиши лозим. Бу мажбурий эмас. Меҳнат кодексининг 164-моддасига кўра ходимнинг ёзма розилиги бўлмай туриб унинг иш ҳақидан ушлаб қолиниши мумкин эмас. Шунингдек, мазкур моддада иш ҳақидан ходимнинг розилигисиз ҳам ушлаб қолиниши мумкин бўлган ҳолатлар санаб ўтилган бўлиб, улар орасида ҳашар, партияга аъзолик, суғурта каби тўловлар назарда тутилмаган.

Асосий саволга келадиган бўлсак, қонунчиликка мувофиқ, ходимнинг меҳнат ҳақидан ушлаб қолиш фақатгига унинг ёзма розилиги билан ёки суднинг қарорига кўра амалга оширилиши мумкин.

🔰 Ходимнинг розилигисиз меҳнат ҳақидан қуйидаги ҳолларда ушлаб қолиниши мумкин:

👉 белгиланган солиқлар ва бошқа мажбурий тўловларни ундириш учун;
👉 суднинг қарорлари ва бошқа ижро ҳужжатларини ижро этиш учун;
👉 олдиндан берилган мақсадли пуллар (масалан, хизмат сафарлари учун берилган ва ишлатилмай қолинган аванс) бўйича ҳисоб-китоб қилиш ҳамда ортиқча тўланган суммани қайтариб олиш учун;
👉 меҳнат таътили бўйича ҳисоб-китоб қилиш учун;
👉 ходим томонидан иш берувчига етказилган зарарни қоплаш учун;
👉 интизомий жазо тариқасида тайинланган жаримани ундириш учун.

Иш ҳақидан ушлаб қолинадиган ҳақнинг умумий миқдори ходимнинг иш ҳақининг эллик фоизидан ортиб кетмаслиги лозим. Ушбу чеклов алимент мажбуриятлари бўйича қарздорликни ахлоқ тузатиш ишлари тарзидаги жазо тайинланган ходимнинг иш ҳақидан ушлаб қолишга нисбатан татбиқ этилмайди. Бундай ҳолларда ушлаб қолинадиган ҳақнинг миқдори етмиш фоиздан ортиб кетмаслиги лозим.

Умуман олганда юқорида айтиб ўтилганлардан ташқари бошқа ҳолатларда ўқитувчиларнинг иш ҳақидан ушлаб қолинишига йўл қўйилмаслиги лозим.

Иш ҳақингиздан ноқонуний ушлаб қолиниш ҳолатларига гувоҳ бўлсангиз юқори ташкилотларга мурожаат қилишингиз мумкин.

👉 @ustoz — Халқ таълими ходимлари учун махсус канал

❓Савол: Ассалому алайкум. Ман 2019 йил июнь ойида олий малака тоифасини олганман. Мактабда 2004 йилдан буён ишлаяпман. Лекин, 2014 йилга қадар бошқа мактабда, 2014 йилдан кейин эса ҳозирги мактабимда ишлаб келяпман. Энди 2024 йилда мажбурий аттестациядан ўтишим керак. 15 йил узлуксиз иш стажига эга бўлган педагог мажбурий аттестациядан озод қилинади дейилган. Ман шу шарт бўйича озод қилинаманми ёки қатнашаманми?

❓Савол: Ассалому алайкум. Педагог сифатида 16 йилдан буён фаолият юритаман. Аммо иш жойим ўзгарган, яъни, аввал 12 йил касб -ҳунар коллежида ишладим кейин мактабга ўтдим. Олий тоифадаман. Мен узлуксиз иш стажига эга ҳисобланаманми? Мажбурий аттестацияга жалб қилинишим мумкинми?

❗️Жавоб: Низомнинг 6-бандида навбатдаги мажбурий аттестацияга жалб этилмайдиган педагоглар рўйхати берилган. Мазкур рўйхатда «таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар» ҳам навбатдаги мажбурий аттестацияларга жалб этилмаслиги белгилаб қўйилган.

Яъни низомда 15 йил айнан бир таълим ташкилотида фаолият олиб бориши шартлиги кўзда тутилмаган. Бир нечта таълим ташкилотларида бўлса ҳам, педагог сифатида узлуксиз 15 йил фаолият олиб борилган бўлса, Олий малака тоифасини тасдиқлаш учун мажбурий аттестацияга жалб этилмайди.

👉 @ustoz — Халқ таълими ходимлари учун махсус канал

Бунча такрор-такрор маълумот сўраладиган тизимлар кимга керак экана?

Ҳозирги вақтда Халқ таълими иштирок этадиган қуйидаги электрон тизимлар (қолиб кетганлари ҳам бўлиши мумкин) ишлаб чиқилган:

👉 erp.maktab.uz

👉 xt.uzedu.uz

👉 attestat.uzedu.uz

👉 salary.mdm.uz

👉 kundalik.com

👉 my.mehnat.uz

👉 oo.uzedu.uz

👉 pka.tdi.uz

👉 metodist.coding-style.uz

Бу тизимларнинг барчасига маълумотларни ЎИБДЎлари киритиши ёки маълумотлар билан таъминлаши керак. Бу тизимларнинг ҳеч қайсиниси бир-бирига интеграция қилинмаган, яъни ҳар бирига маълумотлар алоҳида киритилади ва ҳар доим янгиланиб турилади.

Бунча такрор-такрор маълумот сўраладиган тизимлар кимга керак экана?

Мактабларда ЎИБДЎларининг куни шу базаларни тузатиш ва РайОНОлардан такрор сўраладиган жадваллардаги маълумотларни тўлдириш билан ўтмоқда.

ЎИБДЎларининг асосий иши: таълим сифатини ошириш билан шуғулланишга вақти йўқ. Шунинг учун мактабларда таълим сифати энасиникига кетиб қолган бўлса керак.

👉 @ustoz — Халқ таълими ходимлари учун махсус канал

ЎҚИТУВЧИЛАРНИ САЙЛОВ ТАДБИРЛАРИГА ЖАЛБ ҚИЛИНИШИ МАЖБУРИЙМИ?

❌ Саволнинг мазмунидан сайлов ўтказиш тадбирларига жалб қилиш ҳақида сўраяпсиз, шундайми? Агар шундай бўлса, бу мумкин эмас.

1️⃣ Биринчидан, Меҳнат кодекси 7-моддасига кўра мажбурий меҳнат, яъни бирон-бир жазони қўллаш билан таҳдид қилиш орқали (шу жумладан меҳнат интизомини сақлаш воситаси тариқасида) иш бажаришга мажбурлаш тақиқланади.

💁‍♂️ Шуни ҳам таъкидлаш керакки, Ўзбекистон Республикаси Вазирлар Маҳкамасининг 349-сонли “Ўзбекистон Республикасида Мажбурий меҳнатга барҳам беришга доир қўшимча чора-тадбирлар тўғрисида”ги қарорида ходимларнинг кафолатланган меҳнат ҳуқуқларини таъминлаш, бирон-бир шаклдаги мажбурий меҳнатдан фойдаланиш тақиқланган.

2️⃣ Иккинчидан, ходимни бундай тадбирларга жалб қилиш тақиқланади. ❌

Чунки Меҳнат кодекси 177-моддасига мувофиқ Иш берувчи ходимдан унинг меҳнат вазифалари доирасига кирмайдиган ишларни бажаришни, қонунга хилоф ёки ходим ва бошқа шахсларнинг ҳаёти ва соғлиғи учун хавф туғдирувчи, уларнинг шаъни ва қадр-қимматини камситувчи ҳаракатлар қилишни талаб этишга ҳақли эмас.

☝️Нормада ходимнинг меҳнат вазифаларига кирмайдиган ишлар жумласи келтирилган. Хўш, ўқитувчининг меҳнат вазифалари ичида сайлов тадбирларида қатнашиш борми ўзи? Ўзбекистон Республикаси Халқ таълими вазирлигининг 07.12.2019 йил 393-сонли буйруғига асосан ўқитувчининг лавозим мажбуриятлари белгиланган.

🙅‍♂️ Бироқ улар орасида сайлов тадбирларига жалб қилиш ҳақида ҳеч қандай қоида йўқ.

❗️Эсдан чиқарманг! “Таълим тўғрисида”ги Қонуннинг45-моддасига кўра, педагог ходимларни уларнинг лавозим мажбуриятлари билан боғлиқ бўлмаган ҳар қандай бошқа ишга жалб қилиш тақиқланади.

❌ Демак, ўқитувчини сайлов тадбирларида мажбурий равишда жалб қилиш мумкин эмас.

❗️Шу сабабли ушбу масала бўйича ўқитувчилар ўз ҳақ-ҳуқуқларини билиб олсинлар

👉 @ustoz — Халқ таълими ходимлари учун махсус канал

ЎҚИТУВЧИЛАРГА МУКОФОТ ПУЛИ БЕРИШ ТАРТИБИ ТЎҒРИСИДА ЭНГ КЎП БЕРИЛГАН САВОЛЛАРГА ЖАВОБЛАР

❗️Савол: Директор жамғармасидан бериладиган бир йилда бир марталик мукофот пули кимларга ва қандай ютуқлари бор ўқитувчиларга берилади?

❕Жавоб: Умумтаълим муассасаларининг ўрнак кўрсатган ходимларини умумтаълим муассасасини ривожлантиришга қўшган шахсий ҳиссаси ва ўз фаолиятида юқори кўрсаткичларга эришганлиги учун ҳамда республикамизда нишонланадиган байрам саналари муносабати билан уларга календарь йили давомида жами икки лавозим маошигача миқдорда мукофот пули тўлаш йўли билан моддий рағбатлантирилади.

Бунда ўқитувчи таълим-тарбия бераётган ўқувчиларининг билими, малакаси ва кўникмаларининг муайян синф ва ўқув фани бўйича умумий ўрта таълимнинг давлат таълим стандартлари талабларига мувофиқлигини синф журналидаги қайдлар орқали таҳлил қилиш орқали мукофотланадиган ва моддий ёрдам кўрсатиладиган ходимларни, шунингдек рағбатлантириш миқдори аниқланади.
Зарур ҳолларда, ишчи гуруҳ раисининг ташаббуси ёки ишчи гуруҳ аъзоларидан камида икки нафарининг таклифига кўра ходимларни мукофотлаш ҳамда ходимнинг мурожаати ёки бошланғич касаба уюшмасининг ташаббуси билан моддий ёрдам бериш ҳақидаги масалада ишчи гуруҳнинг навбатдан ташқари мажлиси чақирилиши мумкин.

❗️Савол: Хайфсан олган ходимга мукофот пули бериш мумкинми?

❕Жавоб: Мукофотлар – меҳнат соҳасида миқдор ва сифат жиҳатидан юқори натижага эришилганда ходимларни қўшимча тарзда рағбатлантириш шакли ҳисобланади. Мукофотларни даврий ва бир йўла бериладиган мукофотларга бўлишимиз мумкин. Даврий мукофотларнинг кўпчилиги меҳнатга ҳақ тўлаш тизимига киритилиб қўйилади ва улар иш ҳақи таркибига киради.

Меҳнат ҳақи (иш ҳақи) тизимига ходимнинг лавозим маоши, кўп йиллик ҳизмати учун қўшимча тўловлар, чораклик мукофотлар, байрам (ишланмайдиган) кунлар муносабати билан тўланадиган мукофотлар ва бошқа тўловлар киритилиши мумкин. Яъни, иш ҳақи, мукофотлар, қўшимча тўловлар, устамалар ва меҳнат ҳақи тизимида назарда тутилган бошқа тўловлар рағбатлантириш турларига кирмайди. Демак, хайфсан олган ходимга мукофот берилиши мумкин. Чунки мукофот пули муассасада ўрнатилган меҳнат ҳақи тизими бўйича тўланади.

❗️Савол: Бир ўқитувчи йил давомида бир неча бор директор фондидан мукофот олиши мумкинми ?

❕Жавоб: Педагог ходимларига мукофотлар бериш Вазирлар маҳкамасининг 2019 йил 30 сентябрдаги “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги 823-сонли қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги низомга асосан тартибга солинади.

Ўқитувчилар умумтаълим муассасасини ривожлантиришга қўшган шахсий ҳиссаси ва ўз фаолиятида юқори кўрсаткичларга эришганлиги учун ҳамда республикамизда нишонланадиган байрам саналари муносабати билан календарь йили давомида жами икки лавозим маошигача миқдорда мукофот пули тўлаш йўли билан моддий рағбатлантирилиши мумкин. Ушбу тўловлар Жамғарма маблағлари доирасидан келиб чиққан ҳолда, йилига бир неча маротаба амалга оширилиши мумкин.

👉 @ustoz — Халқ таълими ходимлари учун махсус канал

⚡️ Умумтаълим муассасалари педагог ходимлари 1 сентябрдан қанча маош олишади?

☝️Эслатма ушбу маълумотда ўқитувчининг тўлиқ ставка (1 ставка)даги дарс соати бўйича ҳисобланган.

Ушбу жадвалда синф раҳбарлиги, дафтар текширганлиги ва касб маҳорати учун бериладиган рағбатлантиришлар ҳисобга олинмаган.

Ўзингизга керакли тугмани босинг👇

Метод бирлашма режаси

👉 @ustoz — Халқ таълими ходимлари учун махсус канал

#Педагоглар_аттестацияси

👉 15 йиллик узлуксиз иш стажига эга бўлган олий малака тоифали педагоглар аттестацияга жалб этилмайдими?

👉 Ушбу жараёнда иш стажи қандай ҳисобга олинади?

Педагогларга малака тоифаси беришда шаффоф ва автоматлаштирилган янги тизимни жорий қилиш бўйича амалга оширилаётган ишларга бағишланган матбуот анжуманида Таълим инспекцияси бошлиғи Улуғбек Ташкенбаев юқоридаги саволларга жавоб берди.

👉 @ustoz — Халқ таълими ходимлари учун махсус канал

​"Энг муҳим янгиликлардан бири – педагог ходимларга 50 ёшдан пенсияга чиқиш ҳуқуқининг берилиши" – Алишер Қодиров

Алишер Қодиров 22 сентябрь куни жиззахлик сайловчилар билан учрашувда ўз сайловолди дастурида кўзда тутилган таълим-тарбия сифатини янада самарали йўлга қўйиш учун амалга ошириладиган ислоҳотлар ҳақида гапирди. Номзод хусусий таълимни ривожлантириш фондини ташкил этиш ҳақида таклиф берди.

“Мактаб шароитларини зўр қилиб қўйганимиз билан, ўқитувчиларни рози қилолмасак кўзлаган натижага эришолмаймиз. Келажак таълимдаги хатоларни кечирмайди.

Номзод сифатидаги энг устувор вазифам – боғчада тарбиячилар, мактабда ўқитувчиларнинг янги авлодини яратиш. Олийгоҳларда талабаларга тарбия соатини ўтадиганлар эмас, ўз соҳасининг етук мутахассислари дарс беришини таъминлашдир”, деди Алишер Қодиров.

У келгусида педагогларни тайёрлаш тизимини ва олийгоҳларини тубдан ўзгартиришни, ўқитувчиларни педагогик қобилиятларини ҳам баҳолаш лозимлигини айтди.

“Педагоглар бу худди чегараларни қўриқлаётган аскарларга ўхшайди. Aскар чегарани ташқи душманлардан қўриқласа, педагог болаларимиз онгини бузғунчи ғоялардан қўриқлайди. Нима учун аскарни минг чиғириқдан ўтказиб танлаймиз-у, педагог бўлмоқчи бўлганларни паст балл олса ҳам ўқишга қабул қилаверамиз? Нима учун педагогик қобилияти бўлмаганларга фарзандларимиз келажагини топширишимиз керак?” деди у.

Номзоднинг ишончли вакилларидан бири дастурда белгиланган энг муҳим янгиликлардан бири – педагог ходимларга 50 ёшдан пенсияга чиқиш ҳуқуқининг берилиши эканлигини маълум қилди.

👉 @ustoz — Халқ таълими ходимлари учун махсус канал

Халқ таълими вазирлиги томонидан чет тилини билиш бўйича камида С1 даражадаги миллий ёки унга тенглаштирилган мос даражадаги халқаро тан олинган сертификатларга эга ўқитувчиларга қўшимча рағбатлантириш амалга оширилади.

Бунда:

✅чет тилини билиш бўйича камида С1 даражадаги миллий ёки унга тенглаштирилган мос даражадаги халқаро тан олинган сертификатлар рўйхати тасдиқланди;

✅ушбу сертификатга эга ўқитувчилар учун ҳар ойлик белгиланадиган устамаларни 2021/2022 ўқув йили бўйича тарификация рўйхатларида ажратилган дарс соатларидан келиб чиқиб назарда тутилади.

Шундай сертификатга эга ўқитувчиларга жорий йилнинг сентябрь ойини ҳам инобатга олган ҳолда тегишли тўловлар амалга оширилиши бўйича топшириқлар берилди.

👉 @ustoz — Халқ таълими ходимлари учун махсус канал

#Биласизми

ОТА-ОНАЛАР ФАРЗАНДЛАРИНИНГ МУНТАЗАМ РАВИШДА МАКТАБГА КЕЛИШЛАРИНИ ТАЪМИНЛАШИ ШАРТ

🔰«Таълим тўғрисида»ги Қонуннинг 51-моддасига мувофиқ вояга етмаган таълим олувчиларнинг ота-онаси ва бошқа қонуний вакиллари болаларининг умумий ўрта, ўрта махсус таълим ёки бошланғич профессионал таълим олишини таъминлаши, болаларининг ўқув машғулотларига қатнашишини таъминлаш ва ўзлаштириши устидан назоратни амалга оширишлари шарт.

❗️Ўзбекистон Республикаси Маъмурий жавобгарлик тўғрисидаги Кодекснинг 47-моддасига мувофиқ ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши 270 минг сўмдан 1 млн 350 минг сўмгача жарима солишга сабаб бўлади.

👉Ушбу ҳуқуқбузарликлар маъмурий жазо чораси қўлланилганидан кейин 1 йил давомида такрор содир этилган бўлса, 1 млн 350 минг сўмдан 2 млн 700 минг сўмгача миқдорда жарима солишга сабаб бўлади.

👉Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш 2 млн 700 минг сўмдан 4 млн 050 минг сўмгача миқдорда жарима солишга сабаб бўлади.

👉Ушбу ҳуқуқбузарлик маъмурий жазо чораси қўлланилганидан кейин 1 йил давомида такрор содир этилган бўлса, 4 млн 050 минг сўмдан 6 млн 750 минг сўмгача миқдорда жарима солишга ёки 15 суткагача муддатга маъмурий қамоққа олишга сабаб бўлади.

🔰Шунингдек, таълим муассасаси педагог ходимининг касбий фаолиятига қонунга хилоф равишда аралашиш ёки ўз хизмат вазифаларини бажаришига тўсқинлик қилиш фуқароларга 1 млн 350 минг сўмдан 1 млн 890 минг сўмгача, мансабдор шахсларга эса 1 млн 890 минг сўмдан 2 млн 700 минг сўм миқдорда жарима солишга сабаб бўлади.

👉Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, фуқароларга 1 млн 890 минг сўмдан 2 млн 7000 минг сўмгача, мансабдор шахсларга эса, 2 млн 700 минг сўмдан 4 млн 050 сўмгача миқдорда жарима солишга сабаб бўлади.

👉 @ustoz — Халқ таълими ходимлари учун махсус канал

⚡️ Қайси фанлардан дафтар текширишга пул тўланади?

Ўқитувчилар бажарадиган асосий функциялари қаторида синфдаги ҳар бир ўқувчининг дафтарини текшириш деган муҳим вазифа ҳам бор.

❗️Бироқ ўқувчиларнинг ишларини ёзма тарзда баҳолаш ҳамма фанлар учун ҳам хос эмас.

Ушбу меҳнат эвазига ҳақ тўлаш тартиби эса «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида»ги Вазирлар Маҳкамасининг 2005-йил 21-декабридаги қарори асосида амалга оширилади.

Дафтар ва ёзма ишларни текширганлик учун -меҳнатга ҳақ тўлашнинг энг кам миқдорининг 17,6 фоизи ўқувчилар сони 15 нафаргача бўлган кам комплектли мактабларда эса — 8,8 фоиз.

🔰 Қайси фанлардан дафтар текшириш талаб этилади?

Бошланғич синфларда:👉 Алифбе, она тили, ўзбек тили, рус тили, математика, 2-4 синфларда чет тили (инглиз, немис, француз тиллари ва ҳ.к)

Юқори синфларда:👉 Она тили, адабиёт, ўзбек тили, рус тили ва адабиёти, чет тили (инглиз, немис, француз тиллари ва ҳ.к), математика, алгебра, геометрия.

👉 @ustoz — Халқ таълими ходимлари учун махсус канал

КОНСПЕКТ ЁЗМАНГ ШУНЧАКИ ДАРСНИ МИНИ ПРОЕКТОР ОРҚАЛИ ЎТИНГ

Илгари ўқитувчилар конспект ёзиб дарсга тайёрланишган бўлса, энди ўқувчиларни бу усул билан жалб этиш анча қийин. Буни энди ҳамма тушуниши керак. Ҳа, замон ўзгарди.

Эндиликда мактабларда мини проекторлар ишлатилмоқда. Бугунги тавсиямиз ҳам айнан мини проекторлар билан боғлиқ.

✅ Проектор USB "флешка"ларни ўқийди, компьютерга улаш шарт эмас;

✅ Катта проекторлардан фарқи у енгил ва кичик ўлчами бўлиб, кўтариб юриш учун жуда қулай;

✅ Интернетдан электрон дастур, расм ёки видеодарсларни юклаб олиб мини проекторга улайсиз, дарсга тайёргарлик кўриш анча енгиллашади.

💰Эски нарх: 776.100, ҳозирда чегирма нархда 597.000 сўмга харид қилишингиз мумкин.

👉 Батафсил маълумот 👈

❗️Асосийси маҳсулотни олгач, кейин пулини тўлайсиз. Тўлиқ маълумотларни буюртма берганингиздан сўнг сизга операторнинг ўзи тушунтиради.

👉 БУЮРТМА БЕРИШ 👈
👉 БУЮРТМА БЕРИШ 👈
👉 БУЮРТМА БЕРИШ 👈

🚚 ЎЗБЕКИСТОН БЎЙЛАБ ЕТКАЗИБ БЕРИШ БЕПУЛ!