⚡️ЎҚУВЧИЛАРНИНГ ТАЪТИЛ ПАЙТИДАГИ ХАТТИ-ҲАРАКАТЛАРИ УЧУН ЎҚИТУВЧИ ЖАВОБ БЕРАДИМИ?

Барчамизга маълумки, илгари ўқувчиларнинг хар қандай хатти-ҳаракатлари учун, хоҳ у таътилда бўлсин хоҳ дарсдан ташқарида бўлсин, фақат синф раҳбар, директор ёки унинг ўринбосарлари жавобгар бўларди. Мисол учун ўқувчи таътил вақтида қўшниси билан муштлашиб, жанжаллашиб қолса ҳам ички ишлар органи ходимлари ўша ўқувчининг синф раҳбарини чақиртириб безовта қиларди.

Кўп ҳолларда мактаб раҳбарияти билан бирга синф раҳбарлари лавозим вазифаларини бажармаган дея баҳоланиб, уларга нисбатан ҳайфсан интизомий жазо чораси қўлланилар эди. Ўқувчининг ота-онасига эса деярли ҳеч қандай таъсирчан чоралар кўрилмасди. Ҳозир эса бундай ҳолатларнинг олди олинган.

Халқ таълими вазирлигининг 2021 йил 22 февраль кунги 41-сонли буйруғи билан тасдиқланган, синф раҳбари тўғрисидаги низомга мувофиқ таълим муассасасидан ташқарида дарсдан кейинги ва таътил пайтидаги ўқувчиларнинг хатти-ҳаракатлари учун амалдаги қонунчилик ҳужжатларига мувофиқ ота-оналар жавоб беради.

Синф раҳбарлари эса жавобгарликка тортилмайди. Демак бундай ҳолалларда нафақат синф раҳбарига балки директор ўринбосарларига нисбатан ҳам интизомий жазо чоралари қўлланилмайди.

Шуни ҳам унутмаслик керакки, Ўзбекистон Республикаси Оила кодексининг 73-моддасида ота-оналар фарзандларини тарбиялашга масʼул эканлиги баён этилган. Улар фарзандларининг саломатлиги, ақлий, жисмоний, маънавий ва ахлоқий ривожланиши учун ғамхўрлик қилишлари шарт.

Ўқитувчи каналига обуна бўлинг👇
https://t.me/+KzysPSHcaRVlMGQy

Халқаро тадқиқотлар талаблари асосида рейтингини аниқлаш учун тасодифий танлаб олинган мактаблар рўйхати (ҳудудлар кесимида)

🔹 Қорақалпоғистон Республикаси – https://t.me/ustoz/2543
🔹 Хоразм вилояти – https://t.me/ustoz/2531
🔹 Бухоро вилояти – https://t.me/ustoz/2541
🔹 Навоий вилояти – https://t.me/ustoz/2538
🔹 Қашқадарё вилояти – https://t.me/ustoz/2537
🔹 Сурхондарё вилояти – https://t.me/ustoz/2534
🔹 Самарқанд вилояти – https://t.me/ustoz/2536
🔹 Жиззах вилояти – https://t.me/ustoz/2540
🔹 Сирдарё вилояти – https://t.me/ustoz/2535
🔹 Наманган вилояти – https://t.me/ustoz/2539
🔹 Андижон вилояти – https://t.me/ustoz/2542
🔹 Фарғона вилояти – https://t.me/ustoz/2544
🔹 Тошкент вилояти – https://t.me/ustoz/2532
🔹 Тошкент шаҳри – https://t.me/ustoz/2533

Ўқитувчи каналига обуна бўлинг👇
https://t.me/+KzysPSHcaRVlMGQy

Барча синф раҳбарлар юритиши керак бўлган ҳужжатлар тўплами

2022-2023-ўқув йили учун

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️ҚУЙИДАГИ ЎҚИТУВЧИЛАРНИ ЯНВАР-ИЮН ОЙЛАРИДА ЎТКАЗИЛАДИГАН АТТЕСТАТЦИЯГА НАВБАТДАГИ (МАЖБУРИЙ) ЖАЛБ ҚИЛИШ МУМКИН ЭМАС.

Вазирлар Маҳкамасининг 572-сонли қарорига кўра қуйидагилар навбатдаги мажбурий аттестацияга жалб этилмайди.

— педагогик фаолият билан шуғулланаётган пенсия ёшига тўлган педагог кадрлар;

— педагогик фаолият бўйича уч йилдан кам бўлган иш стажига эга педагог кадрлар;

— ҳомиладор аёллар, улар ҳомиладор бўлган даврда ҳамда ишга чиққанидан кейин бир йил давомида;

— ҳомиладорлик ва туғиш ҳамда болани парвариш қилиш таътилларида бўлган аёллар, улар таътилда бўлган даврда ҳамда ишга чиққанидан кейин бир йил давомида;

— педагогик фаолият билан шуғулланаётган уч ёшгача болалари бор аёллар;

— узоқ (уч ойдан ортиқ вақт мобайнида) даволанишни ўтаётган педагог кадрлар, улар даволанаётган даврда ҳамда ишга чиққанидан кейин олти ой давомида;

— олий малака тоифага эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар;

— фан номзоди, фалсафа доктори Doctor of Philosophy (PhD) ёки фан доктори (Doctor of Science (DSc) даражасига ҳамда Олий аттестация комиссияси томонидан берилган катта илмий ходим, доцент ва профессор илмий унвонига эга бўлган педагог кадрлар;

— малака тоифаси тўғридан тўғри берилган ёки бир поғона оширилган педагог кадрлар, уларнинг тоифалари оширилган вақтдан бошлаб кейинги беш йил давомида;

— республика ва чет эл давлатларига ўқишга, қайта тайёрлаш ва малака ошириш курсларига юборилган педагог кадрлар;

— ижтимоий муҳофазага муҳтож, иш топишда қийналаётган ва меҳнат бозорида тенг шартлар асосида рақобатлаша олмайдиган шахслар учун энг кам миқдордаги иш ўринларига захирага олиб ишга жойлаштирилган педагог кадрлар, бу иш жойларига қабул қилинган кундан бошлаб уч йил давомида.

Шунингдек, қонунчилик ҳужжатларига мувофиқ юқорида кўрсатилмаган бошқа педагог кадрлар ҳам навбатдаги мажбурий аттестациядан озод қилиниши мумкин.

❗️Ушбу педагоглар навбатдан ташқари (ихтиёрий) равишда аттестацияда иштирок этишлари мумкин.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️28 декабрдан қишки таътилнинг илк куни бошланади

Мактаб ўқувчилари учун II чоракнинг сўнгги куни 27 декабрга тўғри келиб, 28 декабрь қишки таътилнинг илк куни бошланади. Таътил 14 календарь кун, яъни 10 январгача давом этади. III чорак эса 11 январдан бошланади.

1-синф ўқувчилари учун эса февраль ойи давомида қўшимча бир ҳафталик таътил белгиланади.

Ўқитувчи каналига обуна бўлинг👇
https://t.me/+KzysPSHcaRVlMGQy

Кимларнинг малака тоифаси умрбод сақланади?

Педагог ходимлар аттестацияси бўйича ҳали ҳам тушунмовчиликлар бўляпти. Яъни, 15 йиллик иш стажига эга бўлган жуда кўплаб ўқитувчилар биз ҳам аттестацияга жалб қилинамизми ёки йўқ демоқда. Ҳозир мана шу муаммоли вазиятни бироз тушунтиришга ҳаракат қиламан.

Ёдингизда бўлса, 2021 йил 17 сентябрда Вазирлар Маҳкамасининг 572-сон қарори билан педагог кадрларини аттестациядан ўтказиш тартиби тўғрисида янги низом тасдиқланди.

Ана ўшанда мазкур низомнинг 6-банд, 2-хатбошида таълим ташкилотларида 15 йиллик узлуксиз иш стажига эга бўлган олий малака тоифали ўқитувчилар умрбод аттестацияга жалб қилинмаслиги айтилганди. Бундан ўқитувчилар жуда хурсанд бўлишди. Аммо уларнинг хурсандчилиги узоққа чўзилмади.

Чунки, 2022 йил 2 августда Вазирлар Маҳкамасининг 425-сон қарори билан 15 йиллик узлуксиз иш стажига эга бўлганлар эмас, балки олий малака тоифани 15 йил давомида сақлаб келган ва узлуксиз иш стажига эга бўлган педагог кадрларгина навбатдаги мажбурий аттестацияга жалб этилмаслиги белгиланди.

Кейин шу ерда бир муаммо келиб чиқди ва кўпчилик 2022 йил 2 августга қадар 15 йиллик иш стажига эга бўлган олий тоифали ўқитувчилар энди нима қилади деган саволлар бера бошлади.

Шундан сўнг Халқ таълими вазирлиги алоҳида хат чиқариб, “Норматив-ҳуқуқий ҳужжатлар тўғрисида”ги қонунига асосан, норматив-ҳуқуқий ҳужжатлар орқага қайтиш кучига эга эмаслиги белгиланганлиги муносабати билан, 2022 йилнинг 2 августига қадар 15 йил узлуксиз иш стажига эга бўлган ҳамда олий тоифага эга (бунда олий mоифа эга бўлганлuк даври муҳим эмас) бўлган педагогларга нисбатан тадбиқ этилмаслигини айтди.

❕Демак хулоса шуки, 2022 йил 2 августга қадар 15 йиллик иш стажига эга бўлган олий тоифали ўқитувчилар умрбод аттестацияга жалб этилмайди. Агар сиз олий тоифали ўқитувчи бўла туриб, аммо жорий йил 2 августга қадар иш стажингиз 15 йилга етмаган бўлса, унда сизга амалдаги янги қоидалар қўлланилади.

Хуллас, 2022 йил 2 августгача 15 йиллик иш стажига эга бўлган, олий тоифали ўқитувчиларнинг омади келиб қолган десак муболаға бўлмайди.

Ўқитувчи каналига обуна бўлинг👇
https://t.me/+KzysPSHcaRVlMGQy

❓Янги йил байрамида ўзбекистонликлар неча кун дам олишади?

Жорий йилги Янги йил байрамида иш ҳафтасининг давомийлигидан қатъи назар барча ходимлар кетма-кет 4 кун дам олишади.

Қуйидаги кунлар дам олиш куни ҳисобланади:

✅ 31 декабрь — шанба (Президентнинг ўтган йилги фармони асосида 6 кунлик иш ҳафтасидаги ходимлар учун дам олиш куни);

✅ 1 январь — якшанба (Янги йил байрами);

✅ 2 январь — душанба (иш ҳафтасидан қатъи назар барча учун қўшимча дам олиш куни);

✅ 3 январь — сешанба (6 кунликлар учун қўшимча дам олиш куни, 5 кунликлар учун 7 январь – шанба кунидан кўчирилган дам олиш куни).

30 декабрь (жума) ва 4 январь (чоршанба) кунлари иш куни бўлади.

Ўқитувчи каналига обуна бўлинг👇
https://t.me/+KzysPSHcaRVlMGQy