Ҳар ойда бериладиган 5 млн сўмлик устама ҳамма ўқитувчилар учун эмасми?

Айрим жойлардаги мутасаддилар бу тартибни ўқитувчиларга нотўғри тушунтирган ёки ўқитувчилар буни бошқача талқин қилган бўлса керак.

Бу устамага мактабларда фаолият юритаётган, ўқувчилари олий таълим муассасаларига ёки Президент, ижод ва ихтисослаштирилган мактабларга кириш имтиҳонларида энг юқори натижа кўрсатган, ўқувчилари халқаро ёки республика миқёсидаги мусобақа ва танловларда совринли ўринларни қўлга киритган педагог кадрлар давогарлик қилиши мумкин.

Шуни ҳам алоҳида таъкидлаб ўтиш керакки, вазир жамғармаси ҳисобидан устама оладиган малакали педагог кадрлар ва илғор ходимларнинг сони ҳам чекланган.

Яъни, 2023 йил учун вазир жамғармасидан ойлик устама оладиган педагогларнинг сони 2000 нафар этиб белгиланган ва бу квота “Бошланғич таълим”, “Аниқ ва табиий фанлар”, “Хорижий тиллар”, “Ижтимоий фанлар” ва “Амалий фанлар” йўналишлари бўйича туман (шаҳар)лар бўйича тақсимланди.

❕Мана шу 2000 нафар номзодлар ҳам икки босқичли синовлар орқали саралаб олинади.

Биринчи босқичда Давлат тест маркази томонидан “Бошланғич таълим”, “Аниқ ва табиий фанлар”, “Хорижий тиллар”, “Ижтимоий фанлар” ва “Амалий фанлар” йўналишлари — 2022 йил 16 декабрь куни барча ҳудудларда Давлат тест маркази томонидан номзодларнинг дарс берадиган умумтаълим фани бўйича билим даражасини баҳолаш учун тест синовлари бўлиб ўтади.

Иккинчи босқичда эса умумтаълим фанини билиш даражасини баҳолаш бўйича ўтказилган тест синовларида максимал баллнинг 80 фоизи ёки ундан юқори натижа кўрсатган номзодларнинг касбий маҳоратини баҳолаш учун суҳбат ўтказилади.

Касбий маҳоратини баҳолаш бўйича ўтказилган суҳбат натижаларига кўра энг юқори балл тўплаган малакали педагог кадрларга меҳнатга ҳақ тўлашнинг энг кам миқдорининг 5,5 баравари миқдорида ҳар ойлик устама тўланади.

Хулоса ўрнида айтадиган бўлсак, вазир жамғармаси ҳисобидан бериладиган устамага ҳамма ҳам давогарлик қилолмайди. Унинг учун педагог ходимлар юқорида санаб ўтилган айрим талабларга жавоб беришлари керак бўлади.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️РАСМАН: Мактаб ўқувчилари учун қишки таътил 28 декабрдан бошланади

Мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади.

Таътил 14 календарь кун, яъни 2023 йил 10 январгача давом этади. III чорак 2023 йилнинг 11 январидан бошланади.

Ўқитувчи каналига обуна бўлинг👇
https://t.me/+KzysPSHcaRVlMGQy

Ўқувчиларнинг ота-оналаридан қишки таътил олдидан кафолат хати олиш тўғрими?

Маълумки, жорий йилнинг 28 декабрдан бошлаб ўқувчилар учун 14 кунлик қишки таътил бошланади. Аммо ҳар доимгидек, айрим жойларда ота-оналардан кафолат хатлари талаб қилиш бошланибди.

Кафолат хати... Ўзи бу қандай расмий ҳужжат? Нима учун синф раҳбарлар ўқувчилар таътилга чиқишидан олдин ота-оналардан фарзандлари ўзларини қандай тутишлари кераклиги ҳақида кафолат хати талаб қилади? Бу ўқитувчиларга нима беради?

“Умумий ўрта таълим муассасасининг синф раҳбарлари фаолиятини ташкил этиш тўғрисида”ги низомда ўқувчиларнинг дарсдан кейинги пайтдаги хатти-ҳаракатлари учун қонунчилик ҳужжатларига мувофиқ уларнинг ота-оналари жавобгар ҳисобланиши, бундай ҳолатларда эса синф раҳбарларига нисбатан интизомий жазо чоралари қўлланилмаслиги алоҳида банд сифатида кўрсатиб ўтилган.

Шунингдек, Оила кодексининг 73-моддасида ота-оналар фарзандларини тарбиялашга масъул эканлиги баён этилган. Улар фарзандларининг саломатлиги, ақлий, жисмоний, маънавий ва ахлоқий ривожланиши учун ғамхўрлик қилишлари шарт.

Шундай экан кафолат хати ёздириб олсангиз ҳам, ёздирмасангиз ҳам барча ота-оналар ўз фарзандининг ҳар қандай хатти-ҳаракатлари учун ўзлари жавобгар бўлади. Шу сабабли ота-оналардан ноқонуний равишда ёзма кафолат хати талаб этиб, улар орасида норозичилик келтириб чиқариш нотўғри.

Педагог ходимлар таътил вақтида ўқувчилар ўзларини қандай тутиши лозимлиги, 14 кунлик таътилдан унумли фойдаланиш тўғрисида ташвиқот олиб боришлари мумкин. Лекин кафолат хати талаб қилмаслик керак.

Ўқитувчи каналига обуна бўлинг👇
https://t.me/+KzysPSHcaRVlMGQy

“МЕТОДИК КУН” БЕКОР ҚИЛИНИШИ САБАБЛИ БОШЛАНҒИЧ СИНФ ЎҚУВЧИЛАРИ 6 КУНЛИК ТАЪЛИМГА ЎТАДИМИ?

Бошланғич синфлардаги ўқув жараёни аввалгидек беш кунлик таълим асосида давом эттирилиб, бу тартибга ҳеч қандай ўзгариш ёки қўшимчалар киритилмаганлигини маълум қиламиз.

Умумий ўрта таълим мактабларининг Бошланғич синф ўқитувчилари шу кунга қадар давом этган тартиб доирасида шанба куни ўқув-тарбия жараёнининг методик таъминоти ва ташкилий педагогик жараёнга оид йиллик иш режасида ҳар бир педагог ходимнинг лавозим мажбуриятларида белгиланган вазифалар билан шуғулланишлари тавсия этилади.

Ўқитувчи каналига обуна бўлинг👇
https://t.me/+KzysPSHcaRVlMGQy

#Биласизми

⚠️Халқ таълими вазири жамғармаси маблағлари ҳисобидан мактаб ўқитувчиларига устама тўлаш учун ўтказиладиган саралаш жараёнлари қандай ўтади?

✅Халқ таълими вазири жамғармаси ҳисобидан ҳар ойлик устамага даъвогар номзодлар қай тартибда ва қандай омиллар асосида саралаб олинди?

✅Вазир жамғармаси маблағлари устамалари қанча вақт давомида тўлаб борилади?

Ўқитувчи каналига обуна бўлинг👇
https://t.me/+KzysPSHcaRVlMGQy

Мактабларда янги йил байрам тадбирлари ўтказиладими?

Жуда кўпчилик бу йил мактабларда янги йил байрам тадбирлари бўладими деб савол йўлламоқда. Очиғи бу ҳақда ҳозирча ҳеч қандай кўрсатма берилгани йўқ.

Аммо, бош вазир Абдулла Арипов топшириғи билан барча турдаги давлат ташкилотлари ва ҳокимликларга бюджет ва ундан ташқари маблағлар ҳисобидан Янги йил байрами муносабати билан корпоратив йиғилишларни ташкил этиш, байрам дастурхонини ёзиш ва мушакбозлик уюштириш тақиқланди.

Бу мактаб ўқувчилари учун ҳар йили белгилаб берилган сценарий асосида ўтказиладиган расмий тадбирларга таълуқли эмас албатта. Аммо ҳозирги кунда мактабларда кузатилаётган иссиқлик тизимидаги айрим муаммолар сабаб ушбу тадбирлар ҳам катта эҳтимол билан бекор қилиниши мумкин.

Мактабларда янги йил тадбирлари қай тартибда ўтказилиши ёки ўтказилмаслиги тўғрисидаги аниқ кўрсатмани фақатгина Халқ таълими вазирлиги беради. Демак, Халқ таълими вазирлигининг тегишли кўрсатмасини кутамиз.

Ўқитувчи каналига обуна бўлинг👇
https://t.me/+KzysPSHcaRVlMGQy

​​Мактабларда таълим сифати паст, 11 йил ўқитиб битта хорижий тилни ўртага олмайди – Президент

Президент Шавкат Мирзиёев кеча Тошкент шаҳри Учтепа туманига ташриф буюрди ва фаоллар йиғилишида иштирок этди. Давлат раҳбари йиғилиш давомида умумий ўрта таълим мактабларида таълим сифати юқори эмаслигига эътибор қаратди.

– Афсуски мактабларимизда таълим сифати юқори эмас, болаларимизни 11 йил ўқитиб, битта тил ўргата олмаймиз. Бу масалада ўқув марказлари илгарилаб кетди, ўқувчини университетга тайёрлаш учун уларга бир йил кифоя қилади. Шу вақт ичида тил ҳам ўргатилиб, IELTS ҳам олиняпти, – деди Шавкат Мирзиёев.

Давлат раҳбари фаоллар билан йиғилиш вақтида маҳалла оқсоқолларига мурожаат қилди ва улардан ҳар бир маҳалла марказида шундай ўқув марказлари ташкил этишни сўради. Эслатиб ўтамиз, айни вақтга қадар кўплаб маҳаллаларда ёшлар учун спорт марказлари очилган. Президент мана шундай марказларда хорижий тилларни ўқитишни ҳам ташкил этишни таклиф қилди.

— Мен ҳар доим битта гапни таъкидлаб келганман, бизни фақат таълим қутқара олади. Нажот – таълимда. Тил билган одамга кўплаб эшиклар очилади. Болаларимизнинг келажаги учун биз қайғурмасак, ким қайғуради, – деди Шавкат Мирзиёев.

Ўқитувчи каналига обуна бўлинг👇
https://t.me/+KzysPSHcaRVlMGQy

❗️Ҳурматли педагоглар бу хатни ўзингиза сақлаб қўйинг!

Агар кимдир (ким бўлишидан қати назар) сизни навбатчиликка жалб этса ёки этмоқчи бўлса ушбу хатни кўрсатиб буни рад этишингиз мумкин.

Хуллас, ХТВ ўқитувчиларни навбатчиликка жалб этиш мумкин эмаслиги ҳақида баёнот берди.

Ўқитувчи каналига обуна бўлинг👇
https://t.me/+KzysPSHcaRVlMGQy

❗️Пенсияни ҳисоблаш тартиби ўзгармоқда. Кимларнинг пенсияси ошади?

3 млн сўмдан ортиқ ойлик олиб пенсияга чиққанларнинг пенсияси қайта ҳисоб-китоб қилинади ва 1 январдан эътиборан оширилади. Юқоридаги жадвал шаклидаги таққослама мисол билан танишинг.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️KUNDALIK.COM’ДА СИНФ РАҲБАРИНИНГ ВАЗИФАЛАРИ ҚУЙИДАГИЧА

1⃣ ота-она (ўқувчининг қонуний вакили) учун Платформада rрoфил яратиб, вақтинчалик логин вa парольни тарқатиш;

2⃣ ота-оналар ва ўқитувчилар учун унутилган Логин вa парольни тиклаш тартиби ҳамда ўқувчи вa ота-она (ўқувчининг қонуний вакили)нинг шахсий маълумотларини узатиш учун жавобгар бoълиш;

3⃣ ота-она (ўқувчининг қонуний вакили)нинг Платформадаги фаоллигини доимий равишда кузатиб бориш, зарурат туғилганда уларга алоқага чиқиб профильактик суҳбат олиб бориш. профильактик суҳбат ўз ижобий натижасини бермаган тақдирда мактаб директорига мaълумот киритиш;

4⃣ сабабли (касаллиги, оилавий шароитидан келиб чиққан ҳолда) дарс қолдирган ўқувчиларни синф журналида махсус белгилар (с, дқ, к, кқ, м, ч, қ, нс, тқ) билан белгилаб чиқиш;

5⃣ ўқувчи сабабсиз 3 соат дарс қолдирса керакли ҳужжатлар тўпламини йиғиб, муассаса раҳбарига тақдим этиш;

6⃣ умумий ўрта таълим муассасалари фаолиятида автоматлаштирилган ахборот тизим билан ишлаш ва архивлаштириш тартиби ҳақидаги низомга мувофиқ белгиланган
вазифалар бажарилишини таъминлайди.

Асос: Халқ таълими вазирининг 2022 йил 24 июнь кунги 205-сонли буйруғи.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️ Педгогларни мажбуран обуна қилдириш таъқиқланган.

Ихтиёрий мажбурлашса ҳам рози бўлманг!

Ўзбекистон Республикаси Президентининг 14.08.2018 йилдаги ПҚ-3907-сонли Қарорининг 16 бандига асосан халқ таълими ходимларини уларнинг босма нашрларга мажбуран обуна бўлишини ташкил этиш тақиқланган.

Агар қайсидир валломат (ким бўлишидан қати назар) сизни обунага аъзо қилмоқчи бўлса унда ўша шахс Президент чиқарган қарорга тупуриб қўйган бўлади!

Ҳурматли педагоглар бу хабарни ўзингиза сақлаб қўйинг ва максимал гуруҳларда тарқатинг!

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️ИККИНЧИ ЧОРАК БЎЙИЧА ТАъЛИМ СИФАТИ МОНИТОРИНГИ ҚУЙИДАГИ СИНФЛАРДАН ОЛИНАДИ.

5-10-11-синфлардан

5-синф ўқувчиларидан 2 вариантда 30 талик: 1-блок (она тили адабиёт, математика, хорижий тил), 2-блок (она тили адабиёт, ботаника, рус тили), 3-блок (математика, география, хорижий тил), 4-блок (тарих, информатика, математика) фанларидан ҳар бир фан бўйича 10 тадан тест топшириқлари шаклида ўтказилади.

10- синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил ), 2-блок (биология, кимё, рус тили), 3-блок (физика, география, она тили), 4-блок (тарих, информатика, математика) фанларидан ҳар бир фан бўйича 15 тадан тест топшириқлари шаклида ўтказилади.

11- синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил ), 2-блок (биология, кимё, рус тили), 3-блок (физика, география, она тили), 4-блок (тарих, информатика, математика) фанларидан ҳар бир фан бўйича 15 тадан тест топшириқлари шаклида ўтказилади.

Тест синови бажариш учун 5-синфларда мониторинг ўтказиладиган фанлардан ҳар бир тест саволига 2 дақиқадан (умумий 60 дақиқа), 10-11-синфларда фанлардан ҳар бир тест саволига 2 дақиқадан (умумий 90 дақиқа) вақт берилади.

Барча блок фанларини қамраб олиш мақсадида синф ўқувчилари сонига қараб гуруҳлар шакллантирилади.

❗️Эслатма: Ушбу мониторинг тестлари декабрь ойида ўтказилади.

Асос: Халқ таълими вазирининг 2022 йил 11 октябрдаги 313-сонли буйруғи.

Ўқитувчи каналига обуна бўлинг👇
https://t.me/+KzysPSHcaRVlMGQy

Ўқитувчи малака оширишдан ўтмаса улар билан тузилган меҳнат шартномаси бекор қилинади

Педагог ходимлар эгаллаб турган лавозимлари, мутахассислиги ёки дарс берадиган фанлари бўйича касбий ва педагогик маҳоратини доимий равишда ошириб бориши учун асосий иш жойи бўйича белгиланган муддатда малака оширишга чиқиши зарур.

Вазирлар Маҳкамасининг 2022 йил 17 январдаги 25-сонли қарори билан тасдиқланган низомга мувофиқ педагог ходимлар асосий иш жойи бўйича белгиланган муддатда малака ошириш курсларидан узрли сабабларсиз ўтмаган тақдирда, улар билан тузилган меҳнат шартномаси амал қилиш муддатидан қатъи назар, белгиланган тартибда икки ой мобайнида бекор қилинади.

Соддароқ тилда тушинтирадиган бўлсак, педагог ходим ўз вақтида малака ошириш курсларига чиқмаса эгаллаб турган лавозимидан озод қилинади.

Шу сабабли педагог ходимнинг таълим муассасасида ўз лавозимидаги фаолиятини давом эттириши учун ихтисослаштирилган таълим ташкилоти билан бевосита тузилган шартнома асосида ўз малакасини оширган бўлиши талаб қилинади.

Ўқитувчи каналига обуна бўлинг👇
https://t.me/+KzysPSHcaRVlMGQy

Ўқитувчи кўз кўриб, қулоқ эшитмаган мўъжизаларга қодир энг буюк касб эгаси

Аутист болани ўқитувчи қилган сеҳргар ўқитувчининг ҳаётий ҳикоясини сизлар билан бўлишаман…

⚠️Ҳар бир ўқитувчи кўришини ҳоҳлаган бўлардим!

Унутманг, сиз мисли кўрилмаган мўъжизаларга қодир инсонларсиз! Шундай экан, ҳар бир ўқувчингизни севинг, улар бутун ҳаётлари давомида сизнинг меҳрингизни туйиб яшашсин. Меҳр олган боладан ҳеч қачон ёмонлик чиқмайди, улар уйдан ололмаётган меҳрини сиздан олишсин…

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️«Ўқитувчилардан йиллар давомида фаррош, комиссияга хизмат кўрсатувчи официант, бўш залларни тўлдирувчи ‘массовка’ сифатида фойдаланилди» — Саида Мирзиёева

«Афсуски, фарзандларимизга таълим бераётган ўқитувчилар йиллар давомида ҳақ-ҳуқуқсиз, ҳимоясиз, қадрсиз бўлди. Улардан боғбон, фаррош, мактабга келган комиссияларга хизмат кўрсатувчи официант, зерикарли тадбирларда бўш залларни тўлдирувчи ‘массовка’, матбуот нашрларига мажбурий обуначи, тунги навбатчи ва мактаб қоровули сифатида фойдаланилди.

Энди бу ишларни тўхтатиш вақти келди. Чунки ўқитувчилар қадрини кўтармас эканмиз, ҳеч нарсага эриша олмаймиз. Ўқитувчиларга вазифасидан ташқари ишларни юклайдиганларни маъмурий ва жиноий жавобгарликка тортиш бўйича қонун лойиҳаси ишлаб чиқилди ва тез орада қабул қилиниши кутиляпти. Бугунги интеллектуал олимпиада ғолибларини чин дилдан табриклайман!» — деб ёзади Мирзиёева.

Батафсил ўқиш учун босинг👇
https://t.me/+KzysPSHcaRVlMGQy

⚡️Малака тоифасига эга бўлган ўқитувчиларнинг ойлик маошини босқичма-босқич ошириб бориш режа қилинмоқда

Малакали ўқитувчилар, хусусан олий, биринчи ва иккинчи тоифага эга ўқитувчиларининг базавий тариф ставкалари 2024 йилга қадар босқичма-босқич ошириб бориш кўзда тутилмоқда.

Бу ҳақда Ўзбекистон Республикаси Президентининг "Халқ таълими тизимини ривожлантириш стратегиясини тасдиқлаш тўғрисида"ги фармони лойиҳасида назарда тутилмоқда.

❗️Эслатиб ўтамиз, юқорида педагог ходимларнинг ойлик маошлари оширилиши ҳақидаги норма Президент фармони лойиҳасида назарда тутилган. Ушбу фармон лойиҳаси ҳозирча ҳеч қандай кучга эга эмас. Фармон лойиҳаси барча манфаатдор вазирликлар томонидан кўриб чиқиб, маъқулланиб, Президент томонидан изолангандан сўнгина қонуний кучга эга бўлади.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️ЧЕТ ТИЛИ ФАНИ ЎҚИТУВЧИЛАРИ УЧУН АТТЕСТАТСИЯ ЖАРАЁНИ 2023-ЙИЛ 1-ЯНВАРДАН ҚУЙИДАГИЧА БЎЛАДИ

Чет тили фани ўқитувчилари учун ўқув (махсус) фани бўйича малака синовлари қуйидаги бўлимлардан иборат бўлади:

а) “тинглаб тушуниш” бўлими оғзаки нутқни қабул қилиш кўникмаларини, эшитилган матнлардаги асосий фикр ва детальни тушуниш маҳоратини текширади;

б) “ўқиш” бўлими ўқилган матнлардаги асосий фикр ва детальни тушуниш маҳоратини текширади;

в) “ёзма иш” бўлими тегишли даражадаги грамматик тузилишдан ва талабгорнинг луғат захирасидан фойдаланган ҳолда, берилган мавзулар бўйича бир-бири билан боғланган матнларни тузиш маҳоратини текширади;

г) “гапириш” бўлими тегишли даражадаги грамматик тузилишдан ва луғат захирасидан фойдаланган ҳолда, берилган саволларга мос жавоб бериш ва ўз нуқтаи назарини асослаш маҳоратини текширади.

Чет тили фани ўқитувчилари учун ўқув (махсус) фани бўйича малака синови қоғоз бланкаларда ёки компьютерда (онлайн платформа орқали) ўтказилиши мумкин. Малака синовини ўтказиш жойи Таълим инспекцияси томонидан белгиланади.

Малака синови қоғоз бланкаларда ўтказилганда, икки босқичдан иборат бўлади. Бунда биринчи босқич “тинглаб тушуниш”, “ўқиш”, “ёзма иш” бўлимларидан, иккинчи босқич “гапириш” бўлимидан ташкил топади.

Малака синови тегишли махсус дастурлар асосида компьютерда ўтказилганда, барча бўлимлар қамраб олинган ҳолда бир босқичда амалга оширилади.

“Тинглаб тушуниш”, “ўқиш” бўлимлари бўйича билимлар махсус дастурлар ёрдамида компьютерда текширилади. “Ёзма иш” ва “гапириш” бўлимлари бўйича билимлар махсус дастурлар ёрдамида Таълим инспекциясининг масъул таркибий бўлинмаси назорати остида имтиҳон комиссияси томонидан текширилади ва натижалари расмийлаштирилади.

👉 Чет тили фани ўқитувчилари учун ўқув (махсус) фани бўйича малака синови жараёнида:
“тинглаб тушуниш” учун — 30 дақиқа;
“ўқиш” учун — 45 дақиқа;
“ёзма иш” учун — 30 дақиқа;
“гапириш” учун — 10 дақиқа вақт ажратилади.

👉 Малака синовида:
“тинглаб тушуниш”, “ўқиш” бўлимларининг ҳар бири 30 та саволдан;
“ёзма иш” бўлими 120 — 150 та сўздан иборат топшириқдан;
“гапириш” бўлими топшириқларнинг 3 та туридан иборат бўлади.

Таълим инспекцияси малака синови натижаларини синов якунланган кундан бошлаб бир ҳафтадан кечикмасдан, Интернет жаҳон ахборот тармоғидаги расмий веб-сайтида эълон қилади.

Чет тили фани ўқитувчилари учун ўқув (махсус) фанидан малака синови ҳар бир бўлимининг энг юқори баҳоси 20 баллни ва барча бўлимлар учун максимал баҳо 80 баллни ташкил этади.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️ Kundalik.com да ўқувчиларни давомат қилиш бўйича эслатма
⠀
S – сабабсиз дарсда қатнашмади;
DQ – узрли сабаб билан дарсда қатнашмади;
K – бетоблиги сабабли дарсда қатнашмади;
KQ – дарсга кечикикиб келди;
M - сурункали дарс қолдириш

Фан ўқитувчилар томонидан қўйиладиган таълаблар!
S – сабабсиз дарсда қатнашмади;
KQ – дарсга кечикикиб келди;

🧠 Эслаб қолиш осон бўлиши учун қуйидагиларни тавсия қиламиз:

N - номаълум;
DQ - дарс қолдирди;
K - касал;
KQ - кечга қолди;

Ўқитувчи каналига обуна бўлинг👇
https://t.me/+KzysPSHcaRVlMGQy