Мактабларда иккинчи чорак бўйича таълим сифати мониторинги қай тартибда ўтказилади?

Хабарингиз бўлса, Халқ таълими вазирлигининг 2022 йил 11 октябрдаги 313-сонли буйруғи билан 2022/2023-ўқув йилидан бошлаб мактабларда таълим сифатини баҳолаш ташқи мониторингининг янги тизими жорий қилинди

Шу сабабли энди Миллий ўқув дастури асосида ҳар чоракда белгиланган режага мувофиқ синфларда мониторинг жараёнлари ўтказиб борилади.

❕Хўш, иккинчи чорак бўйича таълим сифати мониторинги қай тартибда ўтказилади?

Ўқув йилининг иккинчи чораги якуни бўйича таълим сифати мониторинги жараёнига 5-, 10- ва 11-синф ўқувчилари жалб қилинади. Бунда ҳар бир ҳудудда:

👉5-синф ўқувчиларидан 2 вариантда 30 талик: 1-блок (она тили адабиёт, математика, хорижий тил), 2-блок (она тили адабиёт, ботаника, рус тили), 3-блок (математика, география, хорижий тил), 4-блок (тарих, информатика, математика) фанларидан ҳар бир фан бўйича 10 тадан тест топшириқлари шаклида ўтказилади.

👉10-синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил ), 2-блок (биология, кимё, рус тили), 3-блок (физика, география, она тили), 4-блок (тарих, информатика, математика) фанларидан ҳар бир фан бўйича 15 тадан тест топшириқлари шаклида ўтказилади.

👉11-синф ўқувчиларидан 2 вариантда 45 талик: 1-блок (она тили ва адабиёти, математика, хорижий тил ), 2-блок (биология, кимё, рус тили), 3-блок (физика, география, она тили), 4-блок (тарих, информатика, математика) фанларидан ҳар бир фан бўйича 15 тадан тест топшириқлари шаклида ўтказилади.

Тест синови бажариш учун 5-синфларда мониторинг ўтказиладиган фанлардан ҳар бир тест саволига 2 дақиқадан (умумий 60 дақиқа), 10-11-синфларда фанлардан ҳар бир тест саволига 2 дақиқадан (умумий 90 дақиқа) вақт берилади.

Барча блок фанларини қамраб олиш мақсадида синф ўқувчилари сонига қараб гуруҳлар шакллантирилади.

Ўқитувчи каналига обуна бўлинг👇
https://t.me/+KzysPSHcaRVlMGQy

Умумтаълим муассасасининг фаолиятини молиялаштириш қайси манбалар ҳисобидан амалга оширилади?

Давлат умумтаълим муассасасининг фаолиятини молиялаштириш белгиланган тартибда рўйхатдан ўтказилган ва тасдиқланган харажатлар сметасига мувофиқ амалга оширилади.

Давлат умумтаълим муассасасига бюджетдан ташқари қўшимча маблағларни жалб этиш бюджетдан молиялаштириш камайтиришга олиб келмаслиги лозим.

Умумтаълим муассасаси ўз уставида белгиланган мақсадларга мувофиқ тадбиркорлик фаолияти билан шуғулланиши мумкин.

❕Давлат умумтаълим муассасалари фаолиятини молиялаштириш қуйидаги манбалар ҳисобидан амалга оширилади:

👉Ўзбекистон Республикаси Давлат бюджети маблағлари;

👉умумтаълим муассасасининг тадбиркорлик фаолиятидан, қонунчиликда тақиқланмаган шартнома асосида пулли хизмат кўрсатиш, бино ва иншоотларни, жиҳоз ва анжомларни ижарага беришдан олинган даромадлар;

👉жисмоний ва юридик шахсларнинг қонун билан тақиқланмаган ҳомийлик хайриялари, маҳаллий ҳамда халқаро ташкилотларнинг грантлари;

👉қонунчиликда тақиқланмаган бошқа манбалар.

Умумтаълим муассасасининг мол-мулки ва пул маблағлари сарфланиши учун бевосита унинг раҳбари жавобгар ҳисобланади.

Асос: "Умумий ўрта таълим тўғрисидаги Низом".

Ўқитувчи каналига обуна бўлинг👇
https://t.me/+KzysPSHcaRVlMGQy

​​❗️Ўзи ўқитувчига жазо қўлламаган бир Авлоний номидаги миллий тадқиқот институти қолган эди

А.Авлоний номидаги миллий-тадқиқот институти соҳта малака оширган ўқитувчиларга кескин чоралар кўрилиши мумкинлиги ҳақида ёзибди:

Сўнги пайтларда “Узлуксиз таълим” платформасида онлайн малака ошириб, сертификатларни олиб берамиз деб ўқитувчиларни қинғир йўлларга бошлаётган кимсалар кўпайиб кетган.

Бу каби ноқонуний ишларни олдини олиш мақсадида А.Авлоний номидаги миллий-тадқиқот институти мобил, ноутбук орқали рўйхатдан ўтган, малака ошираётган ўқитувчиларнинг IP манзили, исм-шарифи, иш жойи, фойдаланувчи неча маротаба уриниш қилгани, бир кунда сайтда ўтирган соат ва вақтлари, бир қурилмадан нечта одам номидан платформага кирилганлиги ҳақидаги маълумотларни тўплаб борган.

Энди ана шу йиғилган маълумотлар орқали сертификатларни пуллаётган ҳамда “соҳта ўқиган ўқитувчилар”га кескин чоралар кўрилади. Бу ҳақда А.Авлоний номидаги миллий-тадқиқот институти маълум қилди.

P.S.: Ўзи ўқитувчиларга жазо қўлламаган бир Авлоний номидаги миллий тадқиқот институти қолган эди, институт, бизнингча институт жазо қўллашдан аввал ўзини тизимини яхшилаб чиққани маъқул, чунки талаб бор ерда ҳар доим таклиф бўлган. Onlinedu.uz тизими орқали ўқитувчиларни малакаси ошиб кетишига шубҳамиз бор.

Ўқитувчи каналига обуна бўлинг👇
https://t.me/+KzysPSHcaRVlMGQy

Аттестацияда иштирок этган педагогларнинг натижалари бўйича қарор лойиҳаси эълон қилинибди

Август-декабрь ойларида ўтказилган аттестацияда иштирок этган педагогларнинг шахсий кабинетида аттестация якунлари бўйича қарор лойиҳаси пайдо бўлибди.

Буни pedkadr.tdi.uz сайти орқали логин ва паролингизни киритиб, кўришингиз мумкин.

Эслатиб ўтамиз: аттестациядан ўтган педагогларга сертификатлар 31 декабрга қадар шахсий кабинетларига юборилади.

Ўқитувчи каналига обуна бўлинг👇
https://t.me/+KzysPSHcaRVlMGQy

Совуқ туфайли мактабларда навбатдан ташқари таътил берилиши мумкинми?

"Айни пайтда таълим жараёнини тўхтатиш, таътиллар муддатларини ўзгартириш режа қилинмаяпти. Барчаси белгиланган дастур асосида давом эттирилади.

Шу билан бирга мактаблардаги ҳолат ҳам мунтазам мониторинг қилиб борилмоқда. Ҳар бир ҳудудда куз-қиш мавсумини беталафот ўтказиш бўйича штаблар ташкил қилинган. Иситиш тизими носоз ёки аварияга учраган, натижада ўқувчилар совқотиши мумкин бўлган таълим масканларидаги
камчиликларни бартараф этиш бўйича тезкор чоралар кўриляпти.

Иккинчи чорак якуни ва янги йил байрами таътили ҳам белгиланган муддатда берилади», – ХТВ.

Ўқитувчи каналига обуна бўлинг👇
https://t.me/+KzysPSHcaRVlMGQy

​​⚡️Вазир жамғармаси ҳисобидан ҳар ойда бериладиган 5 млн сўмлик устамаларга давогарлик қилаётган ўқитувчилар учун фанлар спецификацияси эълон қилинди

Маълумки, Вазирлар Маҳкамасининг 425-сонли қарори билан Халқ таълими вазири жамғармаси ташкил этилиб, мазкур жамғарма ҳисобидан малакали педагог кадрлар ва илғор ходимлар 5 млн 60 минг сўмлик ҳар ойлик устама ҳамда бир марталик пул мукофоти олиши белгиланганди.

Аммо бундай устама ва мукофот пуллари ҳаммага ҳам берилавермайди. Устама олишга тавсия этилган педагог ходимлар 2 босқичли синовлардан ўтиши керак бўлади. Биринчи босқич номзодларнинг дарс берадиган фани бўйича билим даражасини баҳолаш учун тест синовлари шаклида ўтказилади.

Номзодларнинг дарс берадиган умумтаълим фани бўйича ўтказиладиган тест синовлари учун фанлар спецификацияси эса Давлат тест маркази томонидан эълон қилинди.

Вазир жамғармаси ҳисобидан бериладиган устамаларга давогарлик қилаётган номзодлар ушбу мавзулар билан батафсил танишиб чиқиб, тайёргарлик кўриб туришлари мумкин.

👉Фанлар спецификацияси билан танишиш

Ўқитувчи каналига обуна бўлинг👇
https://t.me/+KzysPSHcaRVlMGQy

🇺🇿 8 декабрь - Ўзбекистон Республикаси Конституцияси қабул қилинган кун!

Ўзбекистон Республикаси Конституцияси 6 бўлим, 26 боб, 128 моддадан иборат.

Конститутциямизнинг 30 йиллиги муборак бўлсин, барчага фаровонлик, омад, соғлик ва ажойиб кайфият хамроҳ бўлсин.

Ўқитувчи каналига обуна бўлинг👇
https://t.me/+KzysPSHcaRVlMGQy

📝Халқ таълими вазирлигининг муҳим буйруғи эълон қилинмоқда

Халқ таълими вазири 372-сонли буйруқни имзолади.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Ўқитувчиларнинг методик кунлари ҳам фан ойликларини ўтказиш тартиби ҳам расман бекор қилинди

Халқ таълими вазирлигининг тегишли буйруғи билан ўқитувчиларнинг методик кунлари, фан ойликларини ўтказиш тартиби бекор қилиниб, ўқитувчи иш тажрибасини оммалаштириш тартиби онлайн платформага ўтказилди.

Энди ўқитувчилар белгиланган вақтда мажбуран фан ойлигини ўтказиб, ҳисоботларни халқ таълими бўлимларига топшириши шарт бўлмайди. Шунингдек, ўқитувчилар ҳафтада бир кун қайсидир мактабга ўқувга боришлари ҳам шарт эмас.

Энди улар исталган вақтда, ихтиёрий тарзда ўз устиларида ишлаши мумкин. Бундай тартибнинг жорий қилиниши мактаблардаги дарс жадвали тузишда келиб чиқаётган айрим муаммоларнинг ҳам олдини олади.

Ўқитувчи каналига обуна бўлинг👇
https://t.me/+KzysPSHcaRVlMGQy

Умумтаълим мактабларининг методбирлашмалари фаолияти ҳам тугатилдими?

Халқ таълими вазирининг 2022 йил 5 декабрдаги 372-сонли буйруғи эълон қилингач, айримлар мактаблардаги методбирлашмалар фаолияти ҳам тугатилдими деб савол бермоқда.

Йўқ, умумтаълим мактабларининг методбирлашмалари фаолияти тугатилгани йўқ. Шунчаки уларнинг фаолияти янги низом асосида тартибга солинди холос.

Уларнинг иш фаолияти аввалгидагидек давом этаверади. Методбирлашмалар ўз фаолияти мобайнида йиллик иш режа, йиғилиш баённомалари ва йиллик ҳисобот каби ҳужжатларни юритади.

Улар иш режада амалга оширилган ишларни ҳар ҳафта, ҳар ой, чорак ёки йил охирида ҳудудий халқ таълими бўлимига топширишга мажбур эмас. Қилинган ишлар ҳисоботи уч йил мобайнида уларнинг ўзида сақланади, шундан сўнгина тегишли туман (шаҳар) халқ таълими бўлимининг идоравий архивига топширилади.

Ўқитувчи каналига обуна бўлинг👇
https://t.me/+KzysPSHcaRVlMGQy

Энди ўқитувчиларга ҳафтанинг исталган кунига дарс қўйиш мумкинми?

Маълумки, умумтаълим мактабининг методбирлашмалари тўғрисидаги эски таҳрирдаги низомга кўра, ўқитувчининг методик кунида дарс жадвалига деярли дарс қўйилмасди.

Халқ таълими вазирининг 2022 йил 5 декабрдаги 372-сонли буйруғи билан умумтаълим мактабининг методбирлашмалари тўғрисидаги эски таҳрирдаги низом ўз кучини йўқотиб, методик кунлар ҳам фан ойликларини ўтказиш тартиби ҳам бекор қилинди.

Энди ўқитувчиларда "методик кун" деган тушунча бўлмайди. Шу сабабли мактаб маъмурияти белгилаб берилган меъёрлар асосида дарс жадвалига тегишли ўзгартиришлар киритишлари мумкин. Яъни, ўқитувчиларга ҳафтанинг исталган кунига дарс қўйиш мумкин. Бу албатта ўзаро келиушга асосланиб амалга оширлгани мақсадга мувофиқ албатта.

❗️Муҳим эслатма: Бошланғич синф ўқитувчиларига ҳафтанинг шанба кунига дарс қўйилмайди.

Ўқитувчи каналига обуна бўлинг👇
https://t.me/+KzysPSHcaRVlMGQy

Шу совуқда дарс берётган ўқитувчилар ҳам касал бўляпти. Болаларнинг кўпи шамоллаган. Шунақа пайтда вазиятни ўрганиб, дарсларни онлайн қилиб турса бўлмайдими? Одамнинг соғлиги вазирлик учун муҳим эмасми? Роботга ўхшаб дарс, давомат, форма деб талаб қилавермай, озроқ одамларни ҳам ўйланглар!

(с) RakursUz

Ўқитувчи каналига обуна бўлинг👇
https://t.me/+KzysPSHcaRVlMGQy

❗️Пенсионерларни ишдан бўшатиш имконсизга айланади

Янги меҳнат кодексига кўра, “ходимнинг пенсия ёшига етганлиги муносабати билан иш берувчининг ташаббуси билан меҳнат шартномасини бекор қилиш” асоси чиқариб ташланмоқда. Аввалги кодексга кўра, иш берувчилар ходим пенсия ёшига етганда ўз ташаббуси билан бемалол ишдан бўшата олар эди.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️Вазир жамғармаси ҳисобидан ҳар ойда бериладиган 5 млн сўмлик устамаларга давогар бўлган малакали педагог кадрлар рўйхати тасдиқланди

Ушбу квота “Халқ таълими вазири жамғармаси фаолиятини ташкил этиш чора-тадбирлари тўғрисида” 2022 йил 2 августдаги 425-сонли Қарорида белгиланган тартибга асосан Қорақалпоғистон Республикаси, вилоятлар ва Тошкент шаҳар кенгашлари томонидан тақдим этилди.

Давлат тест маркази томонидан “Бошланғич таълим”, “Аниқ ва табиий фанлар”, “Хорижий тиллар”, “Ижтимоий фанлар” ва “Амалий фанлар” йўналишлари бўйича — 2022 йил 16 декабрь куни барча ҳудудларда Давлат тест маркази томонидан номзодларнинг дарс берадиган умумтаълим фани бўйича билим даражасини баҳолаш учун тест синовлари бўлиб ўтади.

Ўқитувчи каналига обуна бўлинг👇
https://t.me/+KzysPSHcaRVlMGQy

Ҳар ойда бериладиган 5 млн сўмлик устама ҳамма ўқитувчилар учун эмасми?

Айрим жойлардаги мутасаддилар бу тартибни ўқитувчиларга нотўғри тушунтирган ёки ўқитувчилар буни бошқача талқин қилган бўлса керак.

Бу устамага мактабларда фаолият юритаётган, ўқувчилари олий таълим муассасаларига ёки Президент, ижод ва ихтисослаштирилган мактабларга кириш имтиҳонларида энг юқори натижа кўрсатган, ўқувчилари халқаро ёки республика миқёсидаги мусобақа ва танловларда совринли ўринларни қўлга киритган педагог кадрлар давогарлик қилиши мумкин.

Шуни ҳам алоҳида таъкидлаб ўтиш керакки, вазир жамғармаси ҳисобидан устама оладиган малакали педагог кадрлар ва илғор ходимларнинг сони ҳам чекланган.

Яъни, 2023 йил учун вазир жамғармасидан ойлик устама оладиган педагогларнинг сони 2000 нафар этиб белгиланган ва бу квота “Бошланғич таълим”, “Аниқ ва табиий фанлар”, “Хорижий тиллар”, “Ижтимоий фанлар” ва “Амалий фанлар” йўналишлари бўйича туман (шаҳар)лар бўйича тақсимланди.

❕Мана шу 2000 нафар номзодлар ҳам икки босқичли синовлар орқали саралаб олинади.

Биринчи босқичда Давлат тест маркази томонидан “Бошланғич таълим”, “Аниқ ва табиий фанлар”, “Хорижий тиллар”, “Ижтимоий фанлар” ва “Амалий фанлар” йўналишлари — 2022 йил 16 декабрь куни барча ҳудудларда Давлат тест маркази томонидан номзодларнинг дарс берадиган умумтаълим фани бўйича билим даражасини баҳолаш учун тест синовлари бўлиб ўтади.

Иккинчи босқичда эса умумтаълим фанини билиш даражасини баҳолаш бўйича ўтказилган тест синовларида максимал баллнинг 80 фоизи ёки ундан юқори натижа кўрсатган номзодларнинг касбий маҳоратини баҳолаш учун суҳбат ўтказилади.

Касбий маҳоратини баҳолаш бўйича ўтказилган суҳбат натижаларига кўра энг юқори балл тўплаган малакали педагог кадрларга меҳнатга ҳақ тўлашнинг энг кам миқдорининг 5,5 баравари миқдорида ҳар ойлик устама тўланади.

Хулоса ўрнида айтадиган бўлсак, вазир жамғармаси ҳисобидан бериладиган устамага ҳамма ҳам давогарлик қилолмайди. Унинг учун педагог ходимлар юқорида санаб ўтилган айрим талабларга жавоб беришлари керак бўлади.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️РАСМАН: Мактаб ўқувчилари учун қишки таътил 28 декабрдан бошланади

Мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади.

Таътил 14 календарь кун, яъни 2023 йил 10 январгача давом этади. III чорак 2023 йилнинг 11 январидан бошланади.

Ўқитувчи каналига обуна бўлинг👇
https://t.me/+KzysPSHcaRVlMGQy

Ўқувчиларнинг ота-оналаридан қишки таътил олдидан кафолат хати олиш тўғрими?

Маълумки, жорий йилнинг 28 декабрдан бошлаб ўқувчилар учун 14 кунлик қишки таътил бошланади. Аммо ҳар доимгидек, айрим жойларда ота-оналардан кафолат хатлари талаб қилиш бошланибди.

Кафолат хати... Ўзи бу қандай расмий ҳужжат? Нима учун синф раҳбарлар ўқувчилар таътилга чиқишидан олдин ота-оналардан фарзандлари ўзларини қандай тутишлари кераклиги ҳақида кафолат хати талаб қилади? Бу ўқитувчиларга нима беради?

“Умумий ўрта таълим муассасасининг синф раҳбарлари фаолиятини ташкил этиш тўғрисида”ги низомда ўқувчиларнинг дарсдан кейинги пайтдаги хатти-ҳаракатлари учун қонунчилик ҳужжатларига мувофиқ уларнинг ота-оналари жавобгар ҳисобланиши, бундай ҳолатларда эса синф раҳбарларига нисбатан интизомий жазо чоралари қўлланилмаслиги алоҳида банд сифатида кўрсатиб ўтилган.

Шунингдек, Оила кодексининг 73-моддасида ота-оналар фарзандларини тарбиялашга масъул эканлиги баён этилган. Улар фарзандларининг саломатлиги, ақлий, жисмоний, маънавий ва ахлоқий ривожланиши учун ғамхўрлик қилишлари шарт.

Шундай экан кафолат хати ёздириб олсангиз ҳам, ёздирмасангиз ҳам барча ота-оналар ўз фарзандининг ҳар қандай хатти-ҳаракатлари учун ўзлари жавобгар бўлади. Шу сабабли ота-оналардан ноқонуний равишда ёзма кафолат хати талаб этиб, улар орасида норозичилик келтириб чиқариш нотўғри.

Педагог ходимлар таътил вақтида ўқувчилар ўзларини қандай тутиши лозимлиги, 14 кунлик таътилдан унумли фойдаланиш тўғрисида ташвиқот олиб боришлари мумкин. Лекин кафолат хати талаб қилмаслик керак.

Ўқитувчи каналига обуна бўлинг👇
https://t.me/+KzysPSHcaRVlMGQy

“МЕТОДИК КУН” БЕКОР ҚИЛИНИШИ САБАБЛИ БОШЛАНҒИЧ СИНФ ЎҚУВЧИЛАРИ 6 КУНЛИК ТАЪЛИМГА ЎТАДИМИ?

Бошланғич синфлардаги ўқув жараёни аввалгидек беш кунлик таълим асосида давом эттирилиб, бу тартибга ҳеч қандай ўзгариш ёки қўшимчалар киритилмаганлигини маълум қиламиз.

Умумий ўрта таълим мактабларининг Бошланғич синф ўқитувчилари шу кунга қадар давом этган тартиб доирасида шанба куни ўқув-тарбия жараёнининг методик таъминоти ва ташкилий педагогик жараёнга оид йиллик иш режасида ҳар бир педагог ходимнинг лавозим мажбуриятларида белгиланган вазифалар билан шуғулланишлари тавсия этилади.

Ўқитувчи каналига обуна бўлинг👇
https://t.me/+KzysPSHcaRVlMGQy

#Биласизми

⚠️Халқ таълими вазири жамғармаси маблағлари ҳисобидан мактаб ўқитувчиларига устама тўлаш учун ўтказиладиган саралаш жараёнлари қандай ўтади?

✅Халқ таълими вазири жамғармаси ҳисобидан ҳар ойлик устамага даъвогар номзодлар қай тартибда ва қандай омиллар асосида саралаб олинди?

✅Вазир жамғармаси маблағлари устамалари қанча вақт давомида тўлаб борилади?

Ўқитувчи каналига обуна бўлинг👇
https://t.me/+KzysPSHcaRVlMGQy