ЎҚИТУВЧИ ҚАЧОН МАЛАКА ОШИРИШГА ЧИҚИШИ МУМКИН?

Таълим тизимида фаолият юритаётган барча педагог ходимлар борки, албатта малака оширишга чиқиши зарур. Чунки, касбий маҳоратини оширмайдиган ўқитувчи яхши дарс беролмайди. Илгари малака ошириш тизимида жуда кўплаб муаммолар бор эди. Бу ҳақда анча олдинроқ “Малака ошириш тизимидан ўқитувчилар қониқадами?” номли постда ёзгандик. Ҳозир малака ошириш тизимидаги ўзгаришлар, аввалги малака ошириш тизимидан амалдаги тизимнинг фарқи ва қулайликлари ҳақида тўхталиб ўтмоқчимиз.

❗️Ҳўш, педагог ходимлар қачон малака оширишга чиқишлари лозим?

Аввал ўқитувчилар фақат 5 йилда бир марта малака оширишга чиқишар эди. Ҳозир эса, ўқитувчилар истаган вақтда, истаган жойда малака оширишлари мумкин. Илгари 5 йилда бир марта 144 соат малака оширган бўлса, эндиликда ўқитувчилар йил давомида, камида 36 соатлик ўқишларга жалб қилинади.

Энди Халқ таълими ходимлари фақат Халқ таълими вазирлиги тасарруфидаги малака ошириш муассасаларида эмас, балки ўз ихтиёрларига кўра, ҳудудларда жойлашган исталган олий таълим муассасаси ёки нодавлат таълим ташкилотларида малака ошириши мумкин. Бундан ташқари ўқитувчи ўзи истаган вақтда, исталган ҳудудда ўқиш имкониятига эга. Бунинг учун onlinedu.uz манзили орқали кириб рўйхатдан ўтиш кифоя.

❗️Педагог қандай қилиб ўзи хоҳлаган шароитда малака ошириши мумкин?

Хабарингиз бўлса, Авлоний номидаги илмий-тадқиқот институти томонидан халқ таълими ходимларининг малакасини оширишда “Узлуксиз касбий таълим” электрон платформасини йўлга қўйган. Бу платформа орқали ўқитувчилар ишдан ажралмаган ҳолда, истаган пайтда ва истаган жойдан туриб касбий малакаларини оширишлари мумкин бўлади.

❗️Онлайн малака ошириш курси қандай бўлади?

Улар энг ками 15 дақиқадан иборат видеодарслар бўлиб дарс якунида мавзу юзасидан тақдимот ва тест топшириқлари берилади. Ходим шу мавзуни тўлиқ ўзлаштириб, саволларга тўғри жавоб берсагина кейинги дарсга ўтиши мумкин бўлади. Унга қайта тайёрланиш учун истаганча қайта имконият берилади, ҳар бир имконият вақти 40 дақиқадан ошмайди.
Тингловчи барча дарсларни ўрганиб ўзлаштириб бўлгач, диагностикада аниқланган 8та компетенция бўйича ундаги олинган кўникмалар солиштирилади. Натижаларга қараб тингловчига қўшимча курслар ҳам таклиф этилади.

❗️Энди педагог имтиҳондан ўтолмаса қайтадан пул тўлаб малакасини ошириш ҳақида қайғурмайди.

Малака ошираётган мутахассис энди имтиҳон учун эмас, тақдим этилган маълумотларни ўзлаштириш учун платформадан фойдаланади. Ўқув курслари якунида мактаб директорлари олган кўникмалари орқали ўз раҳбарлик қиладиган муассасани ривожлантириш учун йўлга қўядиган ишлари ҳақида, ўқитувчилар эса ўз дарсларини бойитиш мақсадида ўрганган янги методлари асосида дарс ўтиб беради. Бу жараёнлар вебинар тизим орқали амалга оширилади.

Ушбу постда малака ошириш тизимидаги ўзгаришлар ҳақида озроқ бўлсада тушунтириш беришга ҳаракат қилдик. Агар тизимдаги ўзгаришлар ҳақида тўлиқ маълумотларга эга бўлмоқчи бўлсангиз, қуйидаги мақолаларни эринмай ўқиб чиқишни тавсия қиламиз:

❕Ўқитувчилар истаган вақтда, истаган жойда малака оширишлари мумкин. Бу қандай амалга оширилади?

❕Энди халқ таълими ходимлари ҳар йили малака оширишади.

❕Касбий маҳоратини оширмайдиган ўқитувчи дарс бериши мумкин эмас.

👉 @ustoz — Халқ таълими ходимлари учун махсус канал

⚡️2021-ўқув йилида «Кундалик» учун йиллик обуна нархи 365 кун муддатга 8600 сўмни ташкил этади.

💻 Мазкур суммага логин ва пароль, шунингдек, платформанинг барча функцияларидан фойдаланиш имконияти ҳам киради. Бошқа ҳеч қандай хизматга алоҳида пул тўланмайди.

🔴 Тўлов бўйича видео йўриқнома қуйидаги ҳавола бўйича мавжуд:
👉 https://www.youtube.com/watch?v=Ep8mYCurph8

⚠️ Тўлов фақатгина www.kundalik.com сайтида ўқувчининг ёки ота-онанинг профили орқали амалга оширилади.

📲 Агар сиз Kundalik Family иловасини юклаб олган бўлсангиз, унга кириш учун мавжуд логин ва паролдан фойдаланинг. Агар улар мавжуд бўлмаса ёки йўқолган бўлса, уларни қайта тиклаш учун мактабдаги маъмурга ёки синф раҳбарига мурожаат қилинг. Логин ва пароллар бепул берилади. Kundalik Family иловасининг PRO-талқинига кириш 30.11.2021 йилгача бепул тақдим этилади.

❗️Сиздан асосий хавфсизлик қоидаларига риоя қилишингизни ҳамда пластик картангиз тўғрисидаги маълумотларни бегоналарга бермаслигингизни, бошқа усулда тўловни амалга оширишни сўраганлар билан ёзишмалар олиб бормаслигингизни сўраймиз. Текширилмаган маълумот манбаларига ишонманг.

👉 @ustoz — Халқ таълими ходимлари учун махсус канал

ЎҚУВЧИЛАР ДАВОМАТИ ЯХШИЛАНМАСА КИМ ЖАВОБГАР БЎЛАДИ?

Ўқувчилар давоматига мактаб директори бошчилигида барча педагог ходимлар бирдек жавобгардир.

Мактаб миқёсида кунлик ўқувчилар давомати мактаб ёшлар етакчиси томонидан олиб борилади. Ўқувчилар давомати ҳар ўкув кунида 2 марта (1 марта, 1-соат) ва охирги дарс давомида синфлар кесимида ўрганилади.

Ўқувчилар давомати мактаб миқёсида директорпипг маънавий-маърифий ишлар бўйича директор ўринбосари томонидан назорат қилинади ва мувофиқлаштирилади.

❕Мактаб маъмуриятининг хатоси нимада?

Барчамизга маълумки хар кунги давомат туман (шаҳар) халқ таълими бўлимига юборилади ва мактабнинг давомат журналига қайд этиб борилади.

Давоматнинг ҳақиқий ҳолатини эса мактаб маъмурияти доим яширишга ҳаракат қилади. Бу эса катта хато. Ҳўш унда нима қилиш керак?

👉1-қадам: Ўқувчилар давомати ҳар ўкув кунида 2 марта (1 марта, 1-соат) ва охирги дарс давомида синфлар кесимида ўрганиш. Бу орқали мунтазам дарсларга қатнашмаётган ўқувчилар рўйхати шакллантирилади.

👉2-қадам: Мунтазам дарсларга қатнашмаётган ўқувчиларнинг ота-оналарига огоҳлантириш хатларини чиқарилади. Агар огоҳлантириш хатлари чиқарилганда ҳам бу натижа бермаса ушбу ўқувчилар рўйхати маҳалла фуқаролар йиғинига тақдим этилади. Бу ҳам натижа бермаса профилактика инспекторларига билдириш хати билан мурожаат қилинади.

👉3-қадам: Мунтазам равишда дарсларга қатнашмаётган ўқувчиларни таълимга жалб қилиш борасида мактаб раҳбарияти томонидан олиб борилган ишлар самарасиз якунланган ҳолатларда, бундай ўқувчилар ҳақидаги батафсил маълумотлар туман (шаҳар) халқ таълими бўлимига тақдим этилади.

Давоматга масъул ходимлар ўзининг ваколати доирасида иш қилиб, ўқувчилар ва уларнинг ота-оналарига тушунтириш ишларини олиб бориб, огоҳлантирш хатларини чиқариб, бу ҳолат юзасидан мактаб директорига, маҳаллага, профилактика инспекторларига билдирги билан мурожаат қилиб, буларнинг барчаси самарасиз якунланган ҳолатларда ўқувчилар ҳақидаги батафсил маълумотлар туман (шаҳар) халқ таълими бўлимига тақдим этилган бўлса, бу вазиятда мактаб маъмурияти эмас балки ўқувчиларнинг ота-оналари жавобгарликка тортилади.

❗️Эслатиб ўтамиз: Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш 2 млн 700 минг сўмдан 4 млн 050 минг сўмгача миқдорда жарима солишга сабаб бўлади.

👉 @ustoz — Халқ таълими ходимлари учун махсус канал

Малака тоифасини олиш бўйича янгиликлар бўлиши кутилмоқда.

Янгиликлар устозларни хурсанд қилиши шубҳасиз.

Энг асосий янгиликлардан:

- аттестация комиссиялари ва йиғма жилд орқали ҳужжат топшириш амалиёти бекор қилинмоқда;

- аттестациядан ўтиш учун ўқитувчи давлат хизматлари маркази, Ягона интерактив давлат хизматлари портали ёки Таълим инспекциясининг веб-сайти орқали шахсан ўзи ариза беради (мактаб ёки туман бўлимидаги потенциал субъективлик олди олинади);

- малака сертификатини қоғоз шаклда бериш тартиби бекор қилинади ва электрон шаклдаги сертификат берилади (сертификат рақами, берилиш муддати тўғридан-тўғри бухгалтерияларга боради).

👉 @ustoz — Халқ таълими ходимлари учун махсус канал

1-синф СИНФ СОАТИ (Тарбиявий соат) 2021-2022-ўқув йили учун

👉 @ustoz — Халқ таълими ходимлари учун махсус канал

Ҳурматли ота-оналар!

Янги ўқув йили бошида айрим ўқувчиларнинг мактабдан-мактабга ўтиши, жумладан таълим тилини ўзгартириши натижасида баъзи мактабларда дарсликларнинг етишмовчилиги кузатилиши мумкин.

Жойлардаги бундай муаммоларни ўша мактаб раҳбарияти ҳамда ҳудудий халқ таълими бўлими ва бошқармалари ҳудуддаги китоб ортиқча бўлган бошқа мактаблардан китоб етишмаётган мактабларга ўтказиш орқали зудлик билан ҳал этиш чораларини кўриши белгиланган.

Агар мурожаатингиз ижобий ҳал этилмаса ва дарслик етиб бормаса Халқ таълими вазирлиги томонидан ишга туширилган махсус телеграмм-бот (@uzedudarslik_bot) орқали сиз дарслик билан юзага келган муаммо бўйича аниқ маълумотни юборишингиз мумкин бўлади.

Вазирлик ҳар бир мурожаатни назоратга олади ва зарур китобни қўшни мактаб, туман ва керак бўлса вилоятдан етказилишини назоратга олади.

Шу билан биргаликда, барча дарсликларнинг электрон версияларини ушбу ҳавола орқали юклаб олиш мумкинлигини ҳам маълум қиламиз.

Хабарни ота-оналарга етказиб қўйинглар

👉 @ustoz — Халқ таълими ходимлари учун махсус канал

ЎҚУВЧИНИ ДАРСДАН ЧИҚАРИБ ЮБОРИШ МУМКИНМИ?

Ўқувчиларни дарсларга кечиккани ёки мактаб формасининг йўқлиги учун дарсдан чиқариб бўлмайди. Ўқув режасига кирмаса, уларни бошқа ишлар учун дарсдан қолдириб ҳам бўлмайди. Мактабга келган ўқувчини дарс вақтида қаровсиз қолдириб, уларни кечиккани, ўқув қуролларининг йўқлиги ёки мактаб формасининг йўқлиги учун дарсдан ҳайдаб чиқариб юбориш ҳақида меъёрий ҳужжатларда қайд этилмаган.

Дарсга кечикиш, ўқувчилар томонидан ўқув-қуролларини олиб келинмаслиги ёки мактаб формасининг йўқлиги ўқувчини дарсга киритилмаслигига асос бўлмайди. Таълим муассаларидаги ўқув жараёни «қонунийлик, демократик, камситишга йўл қўймаслик ва ҳурмат» принципларига асосланиши керак.

Халқ таълими вазирлигининг 2020 йил 28 май кунги 131-сонли буйруғи билан тасдиқланган “Умумий ўрта таълим муассасасининг ички тартиб ва одоб-ахлоқ қоидалари”га кўра, ўқитувчилар жамоа аъзолари ва бошқаларинг шахсиятини ва қадр-қимматини камситиши, ўқувчиларни дарс машғулотларидан асоссиз чиқариб юбориш ёки киритмаслиги ҳамда “Чиқиш” қўнғироғи чалингандан кейин ўқувчиларни синфхонада ушлаб ўтириши мумкин эмас.

❗️Ҳўш унда мактаб ичики тартиб қоидаларига бўйсунмаган ўқувчиларга қандай чора кўрилади?

Ўқувчилар ички тартиб ва одоб-ахлоқ қоидаларини бузганида уларнинг қоғоз ёки электрон кундалигига танбеҳ ёзиш, қоида бузилиш ҳолатлари такроран кузатилганда эса ўқувчини мактаб ички назорат рўйхатига олиш ва якка тартибда шуғулланиш, бу ҳам фойда бермаса қоида бузган ўқувчинини бошқа синфга ўтказиш, синф жамоаси орасида муҳокама қилиш, ота-онаси (уларнинг ўрнини босувчи шахслар)ни мактабга таклиф қилиш, “Оила-маҳалла-таълим муассасаси” ҳамкорлиги жамоат кенгаши доирасида муҳокама қилиш мумкин.

Мазкур қоидаларга риоя этмаганлик ҳолатлари таълим муассасасидаги Ўзбекистон ёшлар иттифоқи ҳамда Хотин-қизлар бошланғич ташкилотлари ва мактабнинг кузатув кенгашларида ҳам муҳокама қилиниши мумкин.

👉 @ustoz — Халқ таълими ходимлари учун махсус канал

ЎҚИТУВЧИ МЕТОДИК КУНИДА МАКТАБГА КЕЛИШИ ШАРТМИ?

Фан ўқитувчилари методик кунларда мактабга келиши шартми? Бу саволга жавоб бериш учун сизни айнан нима учун методик кунингизда мактабга келмаслик сабабингизни аниқ билишимиз керак.

Методик кунлар фан ўқитувчиларининг касбий маҳоратини ошириш, ижодий ишлашлари ва ўз билимини мунтазам бойитиб боришлари, ахборот информацион технологиялардан унумли фойдаланишлари учун шарт-шароитлар яратиш мақсадида ташкил этилади.

Фан ўқитувчилари методик кунларда ўз фани бўйича қўшимча маълумотлар тўплайди, фанига доир турли семинарларда иштирок этади, бошқа фан ўқитувчиларининг дарсларини кузатади.

Хулоса ўрнида айтадиган бўлсак, ўқитувчи ўзининг шахсий уй юмушлари ва бошқа ишларни бажариш учун айнан методик кундан фойдаланиб иш жойига бормаслиги мумкин эмас. Ўқутувчи фақатгина ўз фанига доир турли семинарларда иштирок этаётганда, ҳудудий халқ таълими бўлими методистлари томонидан ўтказиладиган йиғилишларида қатнашиш учунгина иш жойига бормаслиги мумкин.

👉 @ustoz — Халқ таълими ходимлари учун махсус канал

​​🔰 Умумий ўрта таълим мактабларида ФАН ОЙЛИКЛАРИ ўтказиш қуйидаги кетма-кетликда бўлади

👉 Сентябрь - Бошланғич таълим;
👉 Октябрь - Она тили ва адабиёт, Ўзбек тили;
👉 Ноябрь - рус ва хорижий тиллар;
👉 Декабрь - Тарбия ва ижтимоий фанлар (тарих, давлат ва ҳуқуқ асослари);
👉 Январь - Табиий фанлар (физика, кимё, биология);
👉 Февраль - Аниқ фанлар (математика, информатика ва ахборот технологиялари);
👉 Март - География ва иқтисодиёт;
👉 Апрель - Амалий фанлар (тасвирий санъат, чизмачилик, мусиқа маданияти, технология);
👉 Май - Жисмоний тарбия, чақирувга қадар бошланғич тайёргарлик.

👉 @ustoz — Халқ таълими ходимлари учун махсус канал

#Биласизми

🔰 Қонунчиликга қўра, йўқолган ёки фойдаланишга яроқсиз ҳолатга келиб қолган дарслик ва ўқув методик қўлланмалар ўқувчининг ота-онаси, шунингдек уларнинг ўрнини босувчи шахслар ёки ўқитувчилар томонидан қуйидаги тартибда тўланади:

👉 дарслик ва ўқув методик қўлланмалар кўринишида;
👉 бирламчи ҳужжатларда (ҳисоб-фактурада, юк хатида) кўрсатилган қиймат миқдорида:
👉 биринчи синф ўқувчиларининг ҳар бир дарслик ва ўқув методик қўлланмалари учун – унинг бир баравари миқдорида;
👉 2 – 4 синф ўқувчиларининг ҳар бир дарслик ва ўқув методик қўлланмалари учун – унинг икки баравари миқдорида;
👉 5 – 9 синф ўқувчиларининг ҳар бир дарслик ва ўқув методик қўлланмалари учун – унинг тўрт баравари миқдорида.

👉 @ustoz — Халқ таълими ходимлари учун махсус канал