Бирорта мактаб “Бир миллион дастурчи” лойиҳасидан четда қолмаслиги керак – президент

Президент Шавкат Мирзиёев раислигида 10 сентябрь куни ахборот технологиялари соҳасида салоҳиятли кадрлар тайёрлаш ва иқтидорли ёшлар билан тизимли ишлаш масалалари муҳокамаси юзасидан видеоселектор йиғилиши ўтказилди.

Хусусан, Бирлашган Араб Амирликлари билан ҳамкорликда амалга оширилаётган “Бир миллион дастурчи” лойиҳасига тўхталиб ўтилди. Ҳозиргача бу лойиҳа доирасида 567 минг ўғил-қиз бепул сабоқ олди. Эътиборлиси, уларнинг 79 фоизи мактаб ўқувчиларидир.

Йиғилишда ахборот технологиялари бўйича таълим шароитларини яхшилаш ва қамровини кенгайтириш масалалари муҳокама қилинди.

2 мингдан ортиқ мактабнинг бирорта ҳам ўқувчиси “Бир миллион дастурчи” лойиҳасида иштирок этмагани кўрсатиб ўтилди.

Давлатимиз раҳбари лойиҳани ҳар бир мактабга етказиш, зарур ҳолларда уларни қўшимча компьютерлар билан таъминлаш, болаларни ўқишга кенг жалб этиш муҳимлигини таъкидлади.

– Бирорта мактаб “Бир миллион дастурчи” лойиҳасидан четда қолмаслиги керак, – деди Шавкат Мирзиёев.

Шунингдек, бундай ўқувлар жойлардаги Ёшлар маркази, “Ишга марҳамат” моно-марказлари негизида ҳам ташкил этилиши айтилди.

Бугунги кунда юртимизда ахборот технологияларига ихтисослашган 100 та мактаб фаолият юритмоқда. Келгуси икки йилда бундай муассасаларни 205 тага етказиб, 30 мингдан зиёд ўқувчиларни ўқитиш режалаштирилган.

Шу боис мутасаддиларга ушбу мактаблар учун педагоглар, техника ва ўқув дастурларини ҳозирдан пухта тайёрлаш бўйича кўрсатма берилди.

Яна бир янгилик – жорий йил 1 октябрдан бошлаб барча ҳудудларда 14 та IT-техникум фаолияти йўлга қўйилади. Уларда дастурий инжиниринг, ахборот хавфсизлиги телекоммуникация каби йўналишлар бўйича 8 мингга яқин ўқувчи таҳсил олади.

Йиғилишда ушбу техникумларнинг моддий-техника базасини мустаҳкамлаш масалаларига ҳам тўхталиб ўтилди.

Кадрлар тайёрлашда ўқув марказлари ҳам муҳим ўрин тутади. Шу мақсадда Алоқа банк томонидан устави 80 миллиард сўм бўлган Венчур жамғармаси ва IT билимларни ривожлантириш маркази ташкил этилиши белгиланди. Ушбу марказда келгуси беш йилда 100 минг нафар ёшларга дастурий таъминот, мобил иловалар, тармоқ администратори каби йўналишлар бўйича профессионал таълим берилади.

Бундан ташқари, ҳозирда 151 та рақамли технологиялар ўқув маркази фаолият юритиб, уларда жорий йилда 27 мингдан ортиқ тингловчилар ўқитилди. Ушбу марказлар фаолиятини кенгайтириш, давлат-хусусий шериклик асосида яна шундай ўқув масканлари ташкил этиш муҳимлиги таъкидланди.

👉 @ustoz — Халқ таълими ходимлари учун махсус канал

​​✅ 2021-2022 ўқув йилида умумий ўрта таълим мактабларининг ижара дарсликлари нархлари

➖ 1 –синфлар учун – бепул;

➖ 2-синфлари учун 12 та дарслик – 32 900 сўм;

➖ 3-синфлар учун 11 та дарслик – 30 100 сўм;

➖ 4-синфлар учун 11 та дарслик – 30 100 сўм;

➖ 5-синфлар учун 13 та дарслик – 35 600 сўм;

➖ 6-синфлар учун 15 та дарслик – 41 100 сўм;

➖ 7-синфлар учун 17 та дарслик – 46 600 сўм;

➖ 8-синфлар учун 18 та дарслик – 49 300 сўм;

➖ 9-синфлар учун 18 та дарслик – 49 300 сўм;

➖ 10-синфлар учун 18 та дарслик – 49 300 сўм;

➖11-синфлар учун 20 та дарслик - 54 800 сўм.

Канал👉 @ustoz

Барча синфлар учун дарсликларнинг электрон шакли тақдим этилди!

❗️Aксарият дарсликлар ҳажми 10 МБ.дан ошмайди. Китобларнинг 7 та тилдаги (ўзбек, қорақалпоқ, рус, тожик, туркман, қирғиз, қозоқ) варианти бор:

📖 1-синфлар учун
📖 2-синфлар учун
📖 3-синфлар учун
📖 4-синфлар учун
📖 5-синфлар учун
📖 6-синфлар учун
📖 7-синфлар учун
📖 8-синфлар учун
📖 9-синфлар учун
📖 10-синфлар учун
📖 11-синфлар учун

Хабарни ота-оналарга етказиб қўйинглар

👉 @ustoz — Халқ таълими ходимлари учун махсус канал

⚡️ Мактаб ремонти ва жиҳозлари учун ўқитувчидан пул талаб қилиниши адолатданми?

📃 Вазирлар Маҳкамасининг 203-сонли “Ўзбекистон Республикасида умумий ўрта таълимни ташкил этиш тўғрисида”ги қарорининг 9-бандида қуйидагича кўрсатилган:

❗️Халқ таълими вазирлиги, Макроиқтисодиёт ва статистика вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳар йили 1 августга қадар:

👉 Умумий ўрта таълим тизими муассасаларининг моддий-техника базасини тайёрлашни, ўқувчилар учун зарур санитария-маиший ва ижтимоий шароитлар яратилишини таъминлашлари кераклиги белгиланган.

☝️ Шундан келиб чиқиб, мактаблардаги ремонт ишларини ташкил этиш ва уларнинг моддий-техник базасини тайёрлаш қарорга кўра туман(шаҳар) ҳокимларининг зиммасидаги вазифа саналади.

⛔️ Ўзбекистон Республикаси Халқ таълими вазирлигининг 07.12.2019 йил 393-сонли буйруғига кўра умумтаълим мактабларидаги ўқитувчиларнинг асосий вазифалари белгилаб берилган.Ушбу буйруқдаги вазифалар ичида мактаб ва синф хонасини таъмирлаш ёки улар учун жиҳозлар сотиб олиш вазифа қилиб белгиланмаган.

⚠️ Шундай экан ўқитувчидан ремонт учун пул йиғишни ёки ремонт қилишини талаб этиш ноқонунийдир

🚫 Ва яна Меҳнат кодексининг 177-моддасига мувофиқ иш берувчи ходимдан унинг меҳнат вазифалари доирасига кирмайдиган ишларни бажаришни талаб этишга ҳақли эмас.

👉 @ustoz — Халқ таълими ходимлари учун махсус канал

ОТМга ҳужжат топширган мактаб битирувчиларининг сони ошмаган бўлсада, грантга кирганлар сони деярли 2 баробарга ортди ва умумий квотанинг 75 фоизига етди!

Бу албатта жойлардаги фидоий педагогларимизнинг меҳнати маҳсулидир. Уларнинг барчаларини ушбу натижа билан табриклаб ўз миннатдорчилигимизни билдирамиз.

Мактабларнинг натижага ишлашга ҳаракати яхшилангани ҳамда вариатив ўқув синфларини жорий қилинганининг натижаси бу йил яққол кўринди. Бу эса бу йилги битирувчиларимиз бошқа абитуриентларга қараганда яхшироқ тайёрланганидан далолатдир. Бошқа абитуриентларда ҳам репетитор ёки ўқув курсларига қатнаш имкониятлари деярли бир хил бўлган, лекин натижа мактаб битирувчиларида яхшироқ бўлди.

Умуман натижа кўрсатмаган мактаблар раҳбарларига қатъий чоралар кўрилганига, уларнинг сони ўтган йили уч баробарга камайган эди. Ҳали нодавлат ва халқаро ОТМлар ҳужжатлар қабул қилаётганини инобатга олиб, бу йилги қизил мактаблар натижаларини октябрь ойида эълон қиламиз.

👉 @ustoz — Халқ таълими ходимлари учун махсус канал

#Биласизми

ОТА-ОНАЛАР ФАРЗАНДЛАРИНИНГ МУНТАЗАМ РАВИШДА МАКТАБГА КЕЛИШЛАРИНИ ТАЪМИНЛАШИ ШАРТ

🔰«Таълим тўғрисида»ги Қонуннинг 51-моддасига мувофиқ вояга етмаган таълим олувчиларнинг ота-онаси ва бошқа қонуний вакиллари болаларининг умумий ўрта, ўрта махсус таълим ёки бошланғич профессионал таълим олишини таъминлаши, болаларининг ўқув машғулотларига қатнашишини таъминлаш ва ўзлаштириши устидан назоратни амалга оширишлари шарт.

❗️Ўзбекистон Республикаси Маъмурий жавобгарлик тўғрисидаги Кодекснинг 47-моддасига мувофиқ ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши 270 минг сўмдан 1 млн 350 минг сўмгача жарима солишга сабаб бўлади.

👉Ушбу ҳуқуқбузарликлар маъмурий жазо чораси қўлланилганидан кейин 1 йил давомида такрор содир этилган бўлса, 1 млн 350 минг сўмдан 2 млн 700 минг сўмгача миқдорда жарима солишга сабаб бўлади.

👉Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш 2 млн 700 минг сўмдан 4 млн 050 минг сўмгача миқдорда жарима солишга сабаб бўлади.

👉Ушбу ҳуқуқбузарлик маъмурий жазо чораси қўлланилганидан кейин 1 йил давомида такрор содир этилган бўлса, 4 млн 050 минг сўмдан 6 млн 750 минг сўмгача миқдорда жарима солишга ёки 15 суткагача муддатга маъмурий қамоққа олишга сабаб бўлади.

🔰Шунингдек, таълим муассасаси педагог ходимининг касбий фаолиятига қонунга хилоф равишда аралашиш ёки ўз хизмат вазифаларини бажаришига тўсқинлик қилиш фуқароларга 1 млн 350 минг сўмдан 1 млн 890 минг сўмгача, мансабдор шахсларга эса 1 млн 890 минг сўмдан 2 млн 700 минг сўм миқдорда жарима солишга сабаб бўлади.

👉Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, фуқароларга 1 млн 890 минг сўмдан 2 млн 7000 минг сўмгача, мансабдор шахсларга эса, 2 млн 700 минг сўмдан 4 млн 050 сўмгача миқдорда жарима солишга сабаб бўлади.

👉 @ustoz — Халқ таълими ходимлари учун махсус канал

Давлат ҳуқуқ асослари, иқтисодий билим асослари ва чизмачилик фанларидан асосий фан олимпиадалари 2021-2022 ўқув йилидан бошлаб ўтказилмайди

Вазирлар Маҳкамасининг қарори билан асосий фан олимпиадалари ўтказиладиган фанлар тасдиқланди. Унга кўра 9-10-11-синф ўқувчилари ўртасида асосий фан олимпиадалари қуйидаги фанлардан ўтказилади.

Биринчи гуруҳ фанлар:

1. Математика
2. Физика
3. Кимё
4. Биология
5. Информатика ва АТ

Иккинчи гуруҳ фанлар:

6. Она тили ва адабиёт
7. Ўзбек тили (бошқа тилларда таҳсил оладиганлар учун)
8. Қорақалпоқ тили ва адабиёти
9. Рус тили ва адабиёти
10. Инглиз тили
11. Немис тили
12. Француз тили
13. Тожик тили
14. Қозоқ тили
15. Тарих
16. География

Махсус мактаб-интернат ўқувчилари учун:

18. Она тили ва адабиёти
19. Математика

Қарор низомининг тўлиқ матни билан 👉 БУ ЕРДА танишишингиз мумкин.

👉 @ustoz — Халқ таълими ходимлари учун махсус канал

1-синф СИНФ СОАТИ (Тарбиявий соат) 2021-2022-ўқув йили учун

👉 @ustoz — Халқ таълими ходимлари учун махсус канал