⚡️Дарс жараёнлари 5-сентябрдан бошланади

✅ Мустақиллик байрами муносабати билан 4 кун дам бўлади:

👉 1 сентябрь — пайшанба (ишланмайдиган байрам куни);
👉 2 сентябрь — жума (қўшимча ишланмайдиган кун - иш ҳафтаситуридан қатъи назар);
👉 3 сентябрь — шанба (қўшимча ишланмайдиган кун - олти кунлик иш ҳафтаси бўлган ходимлар учун);
👉 4 сентябрь — якшанба (тақвим бўйича дам олиш куни).

❗️Демак, 5 сентябрь душанба куни барча таълим муассасалари учун илк ўқиш куни бўлади.

Ўқитувчи каналига обуна бўлинг👇
https://t.me/+KzysPSHcaRVlMGQy

#Сўраган_эдингиз

«ЁШЛАР ЕТАКЧИСИ» ЛАВОЗИМИ ҚАЙТА ЖОРИЙ ҚИЛИНСА УЛАРГА ОЙЛИК ТЎЛАНАДИМИ?

Мактабларда ёшлар етакчиси лавозими қайта жорий қилиниши мумкинлиги ҳақида хабар бергандик. Шундан сўнг кўпчилик мактаб директорлари агар шу лавозим жорий қилинса уларга маош тўлаш масаласи нима бўлади деб савол йўлламоқда.

Очиғи бу ҳақда ҳозир ҳеч қандай расмий маълумотлар йўқ. Аммо Ўзбекистон ёшлар иттифоқи Марказий Кенгаши ва Халқ таълими вазирлигининг жорий йил 12 август куни ҳудудий халқ таълими бошқарма бошлиқлари ва ёшлар иттифоқи ҳудудий Кенгашларига юборган кўрсатма хатида ёшлар етакчиси лавозими жамоатчилик асосида ташкил этилиши ҳақида сўз борган.

Одатда жамоатчилик асосида ташкил этиладиган лавозимлар учун ойлик иш ҳақи тўланмайди. Яъни улар катта эҳтимол билан мактабларда жамоатчилик асосида ташкил этилган касаба уюшмаси ва хотин-қизлар қўмитаси раислари каби фаолият олиб боришади.

Аммо Ўзбекистон ёшлар иттифоқи Марказий Кенгаши ва Халқ таълими вазирлиги жамоатчилик асосида фаолият олиб борадиган ёшлар етакчиларини қўшимча рағбатлантириш чораларини кўриши ҳам мумкин.

Ўқитувчи каналига обуна бўлинг👇
https://t.me/+KzysPSHcaRVlMGQy

⚡️КУНДАЛИК COM БЎЙИЧА

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРИНИНГ
БУЙРУҒИ

2О22-уил 24 июнь 205-сон

Ушбу буюруққа кўра мактаб раҳбарятининг вазифалари қуйидагича этиб белгиланди.

👉ДИРЕКТОРнинг вазифалари:

Ўзбекистон Республикасининг "Шахсий маълумотлар тўғрисида" 2019-уил 2 июлдаги ЎРҚ-547-сон Қонуни талабларига риоя этиш;

электрон журнальни ўз вақтида юритиш;

электрон журналга киритилган маълумотларга ўзгартириш киритилишининг олдини олиш;

электрон журнальни юритишда, фан ўқитувчилари томонидан йўл қўйилган, инсон омилига боғлиқ хатоларга ўзгартириш киритиш мақсадида туман (шаҳар) халқ таълими бўлимига расмий хат билан мурожаат қилиш;

мактаб психологи лавозимидаги ходимни Платформадаги синфларга аъзо бўлганини ва "Психолог" гуруҳларини тузиб, ўқувчилар ҳамда ота-она (ўқувчининг қонуний вакили) билан доимий мулоқотда бўлишини мувофиқлаштириш;

Ўзбекистон Республикаси Халқ таълими вазирининг 2021 йил 6-сентябрдаги 284-сонли буйруғи билан тасдиқланган "Умумий ўрта таълим муассасалари фаолиятида автоматлаштирилган ахборот тизими билан ишлаш ва архивлаш тартиби ҳақида низом" талабларига мувофиқ ҳужжатларни архивлаштиришни умумтаълим муассасасининг ўзида ташкиллаштиришни амалга оширади.

👉ЎИБДЎнинг вазифалари:

электрон журнал ягона тизимида муассасанинг тизимдаги бош администратор фаолиятини олиб бориш;

фан ўқитувчилари томонидан баҳолаш мезонига доир ўқувчиларни баҳолаш жараёни фақат дарс ўтилган сананинг ўзида олиб борилишини назорат қилиш;

ўқитувчилар томонидан ҳар бир ўзгартирилган баҳоларнинг сабаби ва омилларини аниқлаган ҳолда тегишли ҳужжатлар тўпламини йиғиб муассаса раҳбарига тақдим этиш;

электрон журнальни ўз вақтида ва тўғри юритилиши бўйича ўтказилган текширувларда аниқланган камчиликлар юзасидан изоҳ уозиб қолдириш;

фан ўқитувчилари томонидан дарс режасига асосан тегишли мавзу юзасидан "Дарсни ишлаб чиқиш режаси"ни тизимга юклатилганлигини назорат қилишни амалга оширади.

👉ММИБДЎнинг вазифалари:

фан ўқитувчилари томонидан олиб борилаётган ўқувчилар давоматини мониторинг қилиб, кун давомида статистик маълумот тўплаб, мактаб директорига тақдим этилиши;

мактаб ҳаётига доир тадбирларни "янгиликлар саҳифаси" ва "тадбирлар" бўлимида ёритиб борилиши;

5 та муҳим ташаббус доирасида умумтаълим муассасаларида ташкил этилган тўгараклар, секциялар ва клубларда ўқувчиларнинг қамровини таҳлил қилиш билан биргаликда киритилаётган маълумотларни мониторинг қилиб, чораклик ҳисобот олиб борилишини таъминлайди.

Ўқитувчи каналига обуна бўлинг👇
https://t.me/+KzysPSHcaRVlMGQy