Сертификат бўйича халқ мақоллари:

— Онангни отангга C1сиз кўрсатма

— Пулингдан бир пули қолса ҳам C1 ол, умрингдан бир куни қолса ҳам C1 ол

— Сертификати бор сенга гапираман, сертификатсиз сен эшит.

— Ўқитувчини урма сўкма, сертификатини йирт

— Дипломи бор бирни йиқар
Сертификати бор мингни

—Дўст C1 ололмаганингда билинади

— Олтин олма C1 ол, C1 олтин эмасму?

— C1 билан обод уйинг, гар бўлса у вайрона ҳам, Гар C1 йўқ эрса, вайронадур кошона ҳам

— Ўқитувчини келганда кўр, C1 нини ёйганда кўр

— B2 си йўқ C1 борга кулибди

— Аптиси бор шоҳ бўлгунга
IELTSи бор гадо бўл

— C1 сиз қиз эрга ёлчимас, тақсимотда дарсга ёлчимас

— C1 билан топганинг, қанду асал тотганинг

— Сертификати йўқ аразласа, ойлигига зарар

— Йигит кишига 40та сертификат ҳам оз

— Сертификати борнинг сертификати йўқ билан нима иши бор?

— Сертификатни копияси ҳам сертификат

— Оғзи қийшиқ бўлса ҳам сертификати бор гапирсин

— Сертификатинг соз бўлса, машаққатинг оз бўлур.

— Ё сертификатинг бўлсин, ё директор фондидан устаманг

— C1 ни кўзласанг B2 оласан

Обуна бўлинг 👉 @ustoz

Президент мактабида ўқишни истаган ўқувчининг қайси фанлардан баҳоси аъло бўлиши керак?

Мазкур мактабларга нечанчи синфларга қабул бўлиб ўтади?

Президент мактабларига кириш имтиҳонлари қайси фанлардан бўлиб ўтади?

❗️Президент мактабларига ўқишга киришда номзодларга қўйиладиган талаблар билан ушбу инфографика орқали танишишингиз мумкин.

Обуна бўлинг 👉 @ustoz

⚡️Бу йил 1-синфга қабул 20 июндан бошланади

2022-2023 ўқув йилида умумтаълим мактабларининг 1-синфига қабул жараёнлари 20 июндан бошланади.

Мактабларга бириктирилган микроҳудуд бўйича қабул жараёнлари жорий йилнинг 20 июнидан 31 июлига қадар амалга оширилади.

Умумтаълим мактабларининг бўш ўринларига микроҳудуддан ташқари қўшимча қабул жараёнлари 2022 йилнинг 1-15 август кунлари амалга оширилади.

❗️Шунингдек, ота-оналарга қулайлик яратиш мақсадида Тошкент шаҳри, Қорақалпоғистон Республикаси ва вилоятларнинг марказидаги умумтаълим мактабларида 1-синфга қабул жараёнлари электрон шаклда ташкил этилади.

Обуна бўлинг 👉 @ustoz

❗️Абитуриентлар учун бу йилги асосий янгилик ва ўзгаришлар маълум қилинди

2022 йилда абитуриентлар учун тест топширишдаги ўзгаришлар ва янгиликлар ҳақида Давлат тест маркази маълумот берди.

1️⃣ Олдинги йилги қабулда мутахассислик блокидаги 2 та фанга тенг – 3,1 баллдан берилган эди. Бу йил эса шу 2 та фан муҳимлилигига қараб даражаланади. Масалан, математика йўналиши учун 1-фан математика (ҳар тўғри жавобга 3,1 баллдан) , 2-фан эса физика (ҳар тўғри жавобга 2,1 баллдан) бўлади.

2️⃣ Мутахассислик фанларининг даражаланиши абитуриентларнинг 5 та йўналиш танлаш имконига ҳам таъсир қилади. Энди абитуриентлар ўтган йилгидек мутахассислик блокида мавжуд 2 та фанга қараб эмас, балки уларнинг биринчи ёки иккинчи фанлигини ҳам ҳисобга олиб 5 та ОТМни танлайди.

3️⃣ Барча тест топширувчилар учун мажбурий бўлган 3 та фан – математика, она тили ва Ўзбекистон тарихи бўйича 10 тадан жами 30 та савол тушади ва уларга 1,1 баллдан берилади (2021 йили мажбурий блок учун 2,1 баллдан берилган).

Мажбурий блокдан жами тўплаш мумкин бўлган балл – 33 балл. Бакалавриат таълим йўналишига мос бўлган 2 та фан бўйича эса жами 60 та савол берилади. Биринчи фандан тўплаш мумкин бўлган максимал балл – 93 балл, иккинчи фандан тўплаш мумкин бўлган максимал балл эса 63 балл.

Умумий ҳолда, 2022-2023 ўқув йили қабулида абитуриентларга 5 та фан бўйича жами 90 та тест топшириғи берилади. Бунда тўплаш мумкин бўлган максимал балл – 189 баллни ташкил этади.

4️⃣ Бу йил кириш имтиҳонларида абитуриентларга тестларни ишлаш учун 3 соат вақт берилади. Вазирлар Маҳкамасининг тест топшириқларини ўтказишга оид 261-сонли низомида 30 та савол учун бир соат вақт берилиши ёзилган. Демак, 90 та саволга 3 соат вақт берилади.

5️⃣ Бу йилдан 6 та ОТМда тест ижодий имтиҳонга ўзгармоқда. Фанлар мажмуасига чет тили биринчи фан сифатида киритилган:
➖ Ўзбекистон давлат жаҳон тиллари университети;
➖ Самарқанд давлат чет тиллари институти;
Тошкент давлат шарқшунослик университети.

▪️ Шунингдек:

Тошкент давлат педагогика университети, Қўқон давлат педагогика институти, Нукус давлат педагогика институтининг хорижий тиллар бўйича педагогларни тайёрловчи бакалавриат таълим йўналишларида чет тилидан тест эмас, тинглаб тушуниш, ўқиш, ёзиш ҳамда гапириш компетенцияларини аниқлаш ва баҳолашга қаратилган касбий (ижодий) имтиҳон олинади.

Бунда ушбу ОТМларнинг биринчи фани чет тили бўлган йўналишларида абитуриентлар ижодий имтиҳон топширади. Инглиз тили бўйича ижодий имтиҳон компьютер вариантда, қолган тиллар бўйича эса қоғоз вариантда олиниши режалаштирилмоқда.

Бу йўналишларга топширадиган абитуриентлар учун энг мураккаб ва таваккалли томони – улар мана шу 6 та ОТМ доирасидагина 5 та йўналиш танлаши мумкин бўлади. Сабаби бошқа ОТМларда чет тили имтиҳони тест кўринишида олинади ва саволлар тури бир-биридан фарқ қилади.

6️⃣ Баъзи йўналишларда имтиҳон олинадиган фанлар ўзгарган. Давлат ОТМларида таълим йўналишлари сони – 461 та, шундан 7 фоизида 2 та фаннинг ўрни ўзгарган. Битта фан ўзгарган таълим йўналишлари эса 2,8 фоизни ташкил қилган бўлса, фақатгина битта йўналиш – биотиббиёт муҳандислиги йўналишида мутахассислик фанлари бутунлай ўзгарган.

Жумладан, филология ва ўзбек тили ва адабиёти йўналишларида ҳам иккинчи фан – тарих ўрнига чет тили киритилди.

7️⃣ Мактаб ёки коллеж, лицейни бир йил аввал тугатган абитуриентларнинг барчаси кириш имтиҳонларида қатнашиш учун пул тўлайди. Бу йилдан бошлаб кириш имтиҳонлари учун тўлов ундирилмайдиган абитуриентлар тоифасига:

➖ «Ижтимоий ҳимоя ягона реестри» ахборот тизимида рўйхатга олинган шахслар ва уларнинг фарзандлари;
➖ «Ёшлар дафтари»да рўйхатда турувчи ёшлар ҳам киритилди.

▫️ Бунгача озод қилинганлар рўйхатида ногиронлиги бўлган шахслар ва меҳрибонлик уйлари болалари, болалар шаҳарчасининг битирувчилари бор эди.

Обуна бўлинг 👉 @ustoz

attestat.uzedu.uz сайтига мактаб битирувчиларининг ўқув фанларидан
ўзлаштириш баҳоларини киритиш бўйича

ТАВСИЯ

Обуна бўлинг 👉 @ustoz

❓МАКТАБДА ФАОЛИЯТ ЮРИТУВЧИ ХОДИМЛАРГА НЕЧА КУН МЕҲНАТ ТАЪТИЛИ БЕРИЛАДИ?

Барча ходимларга, шу жумладан ўриндошлик асосида ишлаётган ходимларга, дам олиш ва иш қобилиятини тиклаш учун иш жойи ва ўртача иш ҳақи сақланган ҳолда йиллик меҳнат таътиллари берилади.

✅ Ҳусусан, таълим муассасаларида фаолият юритувчи ходимларга қуйидаги иш куни миқдорида меҳнат таътили берилади:

Мактаб директори: 48 кун

Директор ўринбосарлари: 48 кун

Психологлар: 36 кун

Фан ўқитувчилари: 48 кун

Тўгарак раҳбарлари: 36 кун

КУГ тарбиячилари: 36 кун

Кутубхоначилар: 24 кун

Кадрлар бўйича менежер: 24 кун

Қоравуллар: 18 кун

Фаррошлар: 18 кун

Ҳовли супурувчилар: 18 кун

Боғбонлар: 18 кун

Лобарантлар: 24 кун

Ҳўжалик мудири: 24 кун

❕Асос: Халқ таълими вазирлигининг 1998 йил 25 июлдаги 03-349-сонли кўрсатмаси.

Обуна бўлинг 👉 @ustoz

Қашқадарёда 63 та мактаб директорсиз ишламоқда. Мос номзодларга қирғин келганми?

2021 йилда Қашқадарёдаги 51 та мактаблардан бирорта ҳам битирувчи олий таълим муассасаларига ўқишга кирмаган. Қолаверса, вилоятда 63 та мактаб директорсиз ишламоқда. Бу ҳақда вилоят ҳокимлиги Ахборот хизмати эълон қилган танқидий таҳлилда сўз боради.

Хусусан, Чироқчида 13 та, Деҳқонободда 12 та, Косонда 6 та, Қарши туманида 4 та, Китобда 4 та, Қамашида 3 та, Ғузорда 3 та, Шаҳрисабз туманида 3 та, Муборакда 2 та, Яккабоғ туманида 1 та мактабнинг бирорта ҳам ўқувчиси ОТМга кирмаган.

Шунингдек, айни вақтда вилоятда жами 63 та мактаб директорсиз ишламоқда.

Туманлар кесимида таҳлил қилинса, Чироқчи туманида 12 та, Косон туманида 11 та, Қамаши туманида 8 та, Яккабоғ туманида 7 та, Деҳқонобод ва Нишон туманларида 4 тадан, Шаҳрисабз шаҳар, Ғузор ва Касби туманларида 3 тадан, Қарши шаҳар, Қарши ва Муборак туманларида 2 тадан, Китоб ва Миришкор туманларида 1 тадан директорлик лавозимлари вакант.

Халқ депутатлари туман (шаҳар) кенгашларига вилоят ҳалқ таълими бошқармаси томонидан 23 та мактаб бўйича номзодлар тавсия этилган бўлса-да, бугунги кунга қадар номзодлар кўриб чиқилмаган.

Вилоят ҳалқ таълими бошқармаси томонидан бугунги кунга қадар 40 та мактаб бўйича Халқ депутатлари туман (шаҳар) кенгашларига номзодлар киритилмаган.

Энг ачинарлиси, 2021 йилнинг июнь ойидан бугунги кунга қадар Яккабоғ туманидаги 39 ва 104-сонли, Муборак туманидаги 3 ва 20-сонли мактабларда директорлик лавозими вакант турибди.

Вилоят халқ таълими бошқармаси (Каримов), Халқ депутатлари вилоят кенгаши (Поёнов) ва туман (шаҳар) кенгашлари билан биргаликда бир ой муддатда вакант бўлган директорлик лавозимларига номзодларни кўриб чиқиш ҳамда муносиб бўлган номзодларни директорлик лавозимига тайинлаш ишларини якунига етказиш бўйича топшириқ берилган.

(c) Qalampir.uz Таҳририяти

Обуна бўлинг 👉 @ustoz

❗️Ҳиндистонда 17 ёшли йигит PUBG ўйнашини тўхтатгани учун онасини ўлдирди, жасадни икки кун яширди.

17 ёшли ўғил онасини PUBG ўйнашига рухсат бермаганидан ғазабланиб, отасига тегишли рухсатномали тўппонча билан отиб, жасадни уй хоналаридан бирида яшириб қўйган. У ҳидни олдини олиш учун хонага хона спрейи сепган.

2 кундан кейин ёмон ҳид атфорга тарқалган, қўшнилардан бири боланинг отасига хабар беради.

Обуна бўлинг 👉 @ustoz

Дипломни олиш учун сиз инситутга ишга кирганингиз ҳақида гувоҳнома олиб келишингиз керак, ишга киришингиз учун эса сизга ДИПЛОМ керак!

Welcome to UZBEKISTAN 🥲
© @subyektivuz

Обуна бўлинг 👉 @ustoz

ҚАНДАЙ ТАНЛОВ, МУСОБАҚА ВА ТАДБИРЛАР ЎКИТУВЧИЛАРГА УСТАМА ТАЙИНЛАШДА ИНОБАТГА ОЛИНАДИ?

2022-2023 ўқув йили учун умумтаълим муассасаларидаги ўқитувчиларнинг базавий тариф ставкаларига ҳар ойлик устамалар белгилашда куйидаги олимпиадалар, кўрик танловлар, мусобақалар ҳамда синфдан ташқари амалга оширилган ишлар инобатга олинади.

❗️ФАН ОЛИМПИАДАЛАРИ:
1.Асосий фан олимпиадаси (4 босқичли);
2.Халқаро математика олимпиадаси;
3.Халқаро физика олимпиадаси;
4.Халқаро кимё олимпиадаси;
5.Халқаро биология олимпиадаси;
6.Халқаро информатика олимпиадаси;
7.Халқаро Кавказ олимпиадаси (математика фани);
8.Халқаро Жаутиков олимпиадаси (математика фани);
9.Халқаро Менделеев олимпиадаси (кимё фани);
10.Халқаро ёшлар табиий фанлар олимпиадаси - кимё, биология ва физика;
11.7-8 синфлар ўртасида ал-Хоразмий олимпиадаси (математика фани);
12.Осиё физика олимпиадаси;
13.Осиё-Тинч океани информатика олимпиадаси;
14.Европа физика олимпиадаси;
15.Халқаро иқтисод олимпиадаси;
16.Халқаро математика мусобақаси;
17.Ал-Фарғоний номидаги халқаро физика олимпиадаси
18.Ал-Беруний номидаги халқаро кимё олимпиадаси

❗️КЎРИК ТАНЛОВ ВА МУСОБАҚАЛАР:
1.“Ўзбек тилим - ифтихорим” мавзусида иншолар танлови;
2.“Беш ташаббус - санъат билан” шиори остида фестивал- танлов (3-босқичли);
3.“Беш ташаббус - спорт билан” шиори остида спорт мусобақаси (3-босқичли);
4.Умумий ўрта таълим мактаблари ўқувчилари ва ўқитувчилари ўртасида спортнинг шахмат туридан республика биринчилиги (4-босқичли);
5.Имконияти чекланган болалар учун ихтисослаштирилган мактаб-интернатлари ўқувчилари ўртасида республика биринчилиги (2-босқичли);
6.Умумий ўрта таълим мактаблари ўқувчилари ўртасида “Футболимиз келажаги сенинг қўлингда” шиори остида республика биринчилиги (4-босқичли);
7.Умумий ўрта таълим мактаблари ўқувчилари ўртасида “Қувноқ стартлар” спорт мусобақалари (4-босқичли);
8.Умумий ўрта таълим мактабларининг бошланғич синф ўқувчилари учун “Болажонлар спорт жамоалари” ҳамда юқори синф ўқувчилари ўртасида “Ешлик спорт жамоалари” республика биринчилиги (4-босқичли);
9.Умумий ўрта таълим мактаблари ўқувчилари ўртасида “Кураш - миллий ғурурнмиз” шиори остида спортнинг кураш туридан республика биринчилиги (4-босқичли);
10.“Беш ташаббус - ахборот технологиялари билан” шиори остида фестивал-танлови;
11.“Беш ташаббус - китоб билан” шиори остида фестивал-танлови (3-босқичли);
12.“Беш ташаббус - беш имконият” шиори остида “Қизларжон” кўрик-танлови (3-босқичли);
13.Фан тўгараклари бўйича кўрик-танловлар (3-босқичли)

❗️БОШЛАНҒИЧ СИНФ ЎҚУВЧИЛАРИНИНГ ТАНЛОВ ВА БОШҚА ТАДБИРЛАРДА ИШТИРОКИ:
1.Умумий ўрта таълим мактаблари ўқувчилари ва ўқитувчилари ўртасида спортнинг шахмат туридан республика биринчилиги (1-босқич);
2.Умумий ўрта таълим мактабларининг бошланғич синф ўқувчилари учун “Болажонлар спорт жамоалари” республика биринчилиги (1-босқич);
3.Фан тўгараклари бўйича кўрик-танлорлар (1-босқич)

❗️СИНФДАН ТАШҚАРИ ИШЛАР:
1.Фан тўгараклари ташкил этиш;
2.“Ёшлар театр студиялари”ни ташкил этиш;
3.“Ёш китобхонлик клуби”ни ташкил этиш;
4.Хор ва ансамбл жамоаларини ташкил этиш;
5.Бешта муҳим ташаббус тадбирларини ўтказиш;
6.Ёзувчи ва шоирлар таваллуд кунига бағишлаб мушоира кечалари ва турли тадбирлар ўтказиш;
7.Газета ва веб-сайтларда янги ёндашув асосида қўшимча машғулотлар олиб борилганлиги юзасидан мақоллар чиқариш.

❕Асос: ХТВнинг 2021 йил 16 сентябрдаги 03-02/3-2504-сонли хати

Обуна бўлинг 👉 @ustoz

⚡️Ўқитувчиларга кечикаётган меҳнат таътили тўлови бугундан тўланишни бошлайди

Сўнгги кунларда ўқитувчилар томонидан айрим ҳудудларда меҳнат таътили тўлови кечикаётганлиги бўйича мурожаатлар кўпайганди.

Халқ таълими вазирлигининг хабар қилишича, "УзАСБО" дастурий мажмуасида меҳнат таътили тўловларини амалга оширишда кузатилган техник носозликлар тезкор равишда тегишли вазирликлар билан ҳамкорликда бартараф этилиб, ушбу тўловларни амалга ошириш имконияти қайта тикланди.

Бугундан бошлаб мактаб ходимларига меҳнат таътили тўловлари тўлаб борилади.

Меҳнат таътили тўловларини амалга оширишда муаммо ва тушунмовчиликлар юзага келганда вазирликнинг 71 202-09-09 Ишонч телефонларига мурожаат қилишингиз мумкин.

Обуна бўлинг 👉 @ustoz