2023–2024 йилларда мактабларда маънан эскирган компьютер синфларини янгилаш учун 400 млрд. сўм маблағлар ажратилади

Бу ҳақда Ўзбекистон Республикаси Президентининг “Халқ таълимини ривожлантиришга оид қўшимча чора-тадбирлар тўғрисидаги” Қарори имзоланди.

Унга кўра, 2023–2024 йилларда мактабларда маънан эскирган компьютер синфларини янгилаш бўйича дастурни молиялаштириш учун Ўзбекистон Республикаси республика бюджети ҳисобидан 200 миллиард сўм, маҳаллий бюджетлар ҳисобидан 200 миллиард сўм миқдорда маблағлар ажратилади.

Шунингдек 2022/2023 ўқув йилидан бошлаб 400 нафаргача ўқувчиси бўлган умумий ўрта таълим муассасаларида Интернет тезлигини камида 40 Мбит/с, ўқувчилар сони 400 нафардан юқори бўлганларда – камида 100 Мбит/с бўлиши таъминланади. Интернетга улаш учун зарур маблағларни ажратиш вазифаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига топширилди.

👉 @ustoz — Халқ таълими ходимлари учун махсус канал

⚡️КОНСПЕКТ ЁЗИШ ТАРТИБИ ҚАЙТА ЖОРИЙ ҚИЛИНИШИ МУМКИН

Умумий урта таълим муассасалари ўқитувчиларининг педагогик иш режаси ва юкламалари қайта кўриб чиқилиши мумкин. Бу ҳақда «2022–2026 йилларда халқ таълимини ривожлантириш бўйича миллий дастур»да назарда тутилган.

Миллий дастурда айтилишича, ёш мутахассислар яъни 5 йилгача педагогик стажга эга бўлган ўқитувчилар зиммасига дарсга тайёргарлик кўриш жараёнида махсус педагогик харита ва дарс ишланмаларини тайёрлаш мажбуриятини юклаш юзасидан педагогик жамоатчилик фикрини ўрганиш мақсадида сўровнома ўтказилади.

Сўровнома натижаларидан келиб чиқиб, умумий ўрта таълим муассасалари ўқитувчиларининг педагогик иш режаси ва юкламаларига ўзгартириш киритиш масаласи кўриб чиқилади.

Яъни конспект ёзиш тартиби фақат янги ишга кирган ёш мутахасислар учунгина жорий қилиниши мумкин. Бунда тажрибали, 5 йилдан ортиқ педагогик иш стажга эга бўлган педагог ходимлардан дарс ишланмалари талаб қилинмайди.

Эслатиб ўтамиз, «Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисидаги йўриқномага қўшимча ва ўзгартиришлар киритиш ҳақида”ги 3058-I-сонли қарори билан умумтаълим мактаблари ўқитувчилари томонидан йиллик тақвим-мавзуий режа ҳамда кундалик дарс ишланмалари (конспект)ни юритиш бекор қилинган.

👉 @ustoz — Халқ таълими ходимлари учун махсус канал

⚡️11-синфлардан якуний аттестацияни ДТМ олади

2024 йилдан бошлаб умумий ўрта ва ўрта махсус таълим ташкилотлари ҳамда касб-ҳунар мактаблари битирувчилари учун якуний давлат аттестациясини Давлат тест маркази томонидан имтиҳонлар шаклида ўтказиш йўлга қўйилади.

Президентнинг бу борадаги қарори лойиҳаси Вазирлар Маҳкамасига 2022 йил 1 сентябргача киритилиши зарур.

👉 @ustoz — Халқ таълими ходимлари учун махсус канал

Илк бор ўзбекистонлик ўқувчилар Халқаро фан олимпиадаларига тайёргарликни Пойтахтимизнинг нуфузли меҳмонхоналаридан бирида олиб бормоқда (+ВИДЕО)

Жорий йилда нуфузли халқаро олимпиадаларда иштирок этувчи Ўзбекистон терма жамоаси аъзоларини алоҳида махсус дастур асосида ўқитиш ва тайёрлаш ишлари олиб борилмоқда. Хусусан, 17 нафар ўқувчилардан иборат Ўзбекистон терма жамоаси аъзолари ва ҳамда келгуси йиллар учун резервга киритилган 50 нафар 9-10-синф ўқувчилар (саралаш олимпиадаларида юқори натижаларни қайд этган) математика, кимё, биология ва физика фанларидан Америка Қўшма Штатлари, Жанубий Корея, Россия Федерацияси терма жамоаларини халқаро олимпиадаларга тайёрлашда бевосита иштирок этиб келаётган 6 нафар хорижий тренер-ўқитувчилар ҳамда турли йилларда халқаро олимпиадаларда медалларни қўлга киритган юртдошларимиз томонидан ўқитилмоқда. Улар ўқувчиларимиз билан назарий ва амалий машғулотларни олиб боришмоқда.

Барча терма жамоа аъзолари вилоятлардан тўпланиб, «Ўзбекистон» меҳмонхонасига жойлаштирилган. Бу ерда уларнинг халқаро олимпиадага тайёрланишлари учун зарур барча шароитлар яратилган. Бу ўз навбатида ўқувчиларимизнинг олимпиадада қатнашиш учун чет элга борганда халқаро олимпиада муҳитига тушиб, ҳаяжонланиш ҳолатларини олдини олишга хизмат қилади.

Мазкур амалиёт юртимиз ёшларини халқаро мусобақаларга пухта тайёрланишлари, халқаро фан олимпиадаларида мамлакатимиз нуфузини янада ошиши учун хизмат қилади деб умид қиламиз ва ўқувчиларимизга омад тилаб қоламиз.

Халқаро олимпиадалар июль-август ойларида ўтказилади.

Терма жамоалар таркибидан Халқ таълими вазирлиги, Олий ва ўрта махсус таълим вазирлиги ҳамда Президент таълим муассасалари агентлиги тизимига кирадиган таълим муассасаларининг ўқувчилари жой олган.

Бугунги кунда олиб борилаётган тайёргарлик жараёнини ушбу видеолавҳада томоша қилишингиз мумкин.


✳️ Ўзбекистонда Халқаро олимпиада ғолиблари қуйидаги миқдорда пул мукофотлари билан тақдирланади

👉 @ustoz — Халқ таълими ходимлари учун махсус канал

​#Муносабат
Халқ таълими вазирлиги ўқитувчи томонидан ўқувчиларга куч ишлатиш ҳолатини кескин қоралайди

Сурхондарё вилояти, Бандихон туманидаги, 4-мактабда содир бўлганлиги айтилаётган ўқувчига нисбатан куч ишлатиш акс этган қуйидаги видео юзасидан ХТВ муносабати:

Бош прокуратура Матбуот хизмати томонидан тақдим этилган маълумотларга кўра, ҳолат юзасидан Бандихон тумани ИИБ томонидан терговга қадар текширув ҳаракатлари бошланди.

Ўқитувчининг хатти-ҳаракатлари юзасидан хизмат текшируви тайинланди.

Текширув ҳаракатлари Сурхондарё вилояти прокуратураси томонидан алоҳида назоратга олинган.

Шу ўринда юртимиздаги барча педагогларга болага нисбатан куч ишлатиш мумкин эмаслигини эслатиб ўтмоқчимиз.

Халқ таълими вазирлиги ўқитувчи томонидан ўқувчиларга куч ишлатиш ҳолатини кескин қоралайди.

Бугунги замон ўқитувчилар ўқувчилар билан фақат дўстона муносабат ўрнатиш орқали натижага эришиш мумкинлигини тақозо этади. Ҳар бир ўқувчи билан муаммони биргаликда ижобий ҳал этиш - бугунги кун педагогининг бурчи ҳисобланади. Агар дўстона муносабат орқали натижага эришишнинг имкони бўлмаса буни ҳал этиш учун боланинг ота-онаси ёҳуд участка нозири жалб этиш тўғри саналади.

Мактабда бундай ҳолатларнинг барча кўринишларини бартараф этиб, ўқитувчиларни босиқликка ва ўзаро келишмовчиликларни тинч йўл билан ҳал этишга чақириб қолади.

👉 @ustoz — Халқ таълими ходимлари учун махсус канал

❗️Ўқувчининг калтакланиши ортидан 5 киши ишдан кетди

Сурхондарё вилояти Бандихон тумани 4-сонли мактабнинг инглиз тили фани ўқитувчиси Ю.Ш нинг 9-Б-синф ўқувчиси Х.И.ни калтакланган видеолавҳа вилоят халқ таълим бошқармасининг ишчи гуруҳи томонидан ўрганиб чиқилган.

👉 @ustoz — Халқ таълими ходимлари учун махсус канал

Мактаб кутубхоначиларининг ойлик маошлари 2022 йил 1 сентябрдан оширилади

Ўзбекистон Республикаси Президентининг 2022 йил 11 майдаги “2022–2026 йилларда халқ таълимини ривожлантириш бўйича миллий дастурни тасдиқлаш тўғрисида” Фармони асосида умумтаълим мактабларида фаолият юритаётган кутубхоначиларининг ойлик маошлари 2022 йил 1 сентябрдан қуйидаги миқдорда оширилиши белгиланди.

👉 @ustoz — Халқ таълими ходимлари учун махсус канал

❗️“Сўнгги қўнғироқ” тадбирлари учун турли хил пул йиғимлари қатъиян таъқиқланади

Халқ таълими вазирлиги “Сўнгги қўнғироқ” тадбирларини ўтказиш бўйича тавсиялар ишлаб чиқди.

Жорий йилнинг 25 май куни барча умумий ўрта таълим муассасаларида 2021-2022 ўқув йили якунланиб, “Сўнгги қўнғироқ” тадбирлари бўлиб ўтади.

Ушбу тадбирни ташкил этиш бўйича Халқ таълими вазирлиги тавсиялар ишлаб чиқиб барча мактабларга юборди. Тадбирлар мактаб ҳовлиси боғида ёки соя салқин очиқ майдонларида ўтказилади. Мактаб ҳудудига бегона шахсларнинг киритилмаслиги назоратга олинади.

Мактабларда мазкур тадбир соат 8:00 дан 8:45 га қадар, тавсия этилган сценарий асосида ташкил этилади. Унда йил давомида аъло баҳоларга ўқиб, энг юқори рейтинг кўрсаткичларига эришган иқтидорли битирувчилар тақдирланиб, рағбатлантирилади.

Шу ўринда барчага “Сўнгги қўнғироқ” тадбирлари, босқичли назорат имтиҳонлари ва якуний давлат аттестацияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул йиғимлари қатъиян таъқиқланганлигини эслатиб ўтамиз.

Бундан ташқари, умумий ўрта таълим муассасалари раҳбарлари ҳамда ўқитувчиларга битирувчилар томонидан турли қимматбаҳо совғалар тақдим этиш, қўшимча турли тантанали тадбирларни (хонадонлар, ресторан ёки қаҳвахоналар ва ҳ.қ.да банкет ёки бошқа маросимлар) ўтказиш ва енгил автомашиналарда сайр ташкил этишни олдини олишга алоҳида эътибор қаратиш сўралади.

Мактабларнинг “Кузатув кенгаши” аъзоларига юқорида келтириб ўтилган тавсияларга амал қилиниши устидан назорат олиб боради.

👉 @ustoz — Халқ таълими ходимлари учун махсус канал

⚡️2022-2023-ўқув йили учун ОТМга қабул квоталари сони эълон қилинди

Президентнинг «2022/2023-ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида»ги қарори лойиҳаси муҳокамага эълон қилинди.

Қайд этилишича, 2022-2023-ўқув йили учун давлат буюртмаси параметрлари:

❕ бакалаврлар тайёрлаш бўйича:

🔹 кундузги таълим шаклига —76 728 нафар;
🔹 сиртқи таълим шаклига — 27 365 нафар;
🔹 кечки таълим шаклига — 2 575 нафар;
🔹 масофавий таълим шаклига — 3 610 нафар;

❕ магистрлар тайёрлаш бўйича — 11 082 нафар.

Квоталар билан ОТМлар кесимида танишиш учун: 👉 https://regulation.gov.uz/uz/d/61078

👉 @ustoz — Халқ таълими ходимлари учун махсус канал

Мактаб ремонтига маҳаллий ҳокимликлар масъул ҳисобланади, ота-оналардан ҳам, ўқитувчилардан ҳам мажбурий пул йиғимлари йиғишга йўл қўйилмайди

Ўқув йилининг сўнгги кунларида ота-оналардан мактаб таъмири учун пул йиғилаётганлиги юзасидан кўплаб мурожаатлар келиб тушмоқда.

Ўзбекистон Республикаси Президентнинг тегишли Фармон ва Қарорларида умумтаълим мактабларини янги ўқув йили ва куз-қиш мавсумига тайёрлаш, таъмирлаш ва инфратузилмасини яхшилашга маҳаллий давлат ҳокимияти органлари раҳбарлари шахсан масъул эканлиги белгилаб қўйилган.

Ўзбекистон Республикасининг Қонун ҳужжатларида умумий ўрта таълим олиш бепул эканлиги кафолатланганини инобатга олиб, мактаблардаги ҳар қандай мажбурий йиғимлар ноқонуний эканлигини маълум қиламиз.

Ҳурматли ота-оналар!

Агар фарзандингиз таълим олаётган мактабда ноқонуний пул йиғимлари ташкил этилаётган бўлса, бу ҳақда Халқ таълими вазирлигининг 71 202-09-09 Ишонч телефон рақамига хабар беришингизни сўраймиз.

Мактабларга беғараз ҳомийлик қилиш истагида бўлган фуқаролар буни қонуний йўл билан, яъни ҳомийлик маблағларини мактабнинг ҳисоб рақамига ўтказган ҳолда расмийлаштиришлари мумкин. Ҳозирги кунда мактабларда Кузатув кенгашлари фаолият юритмоқда. Кузатув кенгашига ўқувчиларнинг ота-оналари, собиқ битирувчилар, ўқитувчи ва бошқалар сайланиши мумкин. Кузатув кенгаши аъзолари бюджетдан ажратилган ҳамда қўшимча ишлаб топилган маблағларни самарали ва мақсадли сарфланишини назорат қилиш ваколатига эга.

Ҳурматли мактаб раҳбарлари!

Мактабингизда ота-оналардан ва ўқитувчилардан мажбурий пул йиғимларининг олдини олинишини таъминлашингизни сўраймиз.

Халқ таълими вазирлиги матбуот хизмати

👉 @ustoz — Халқ таълими ходимлари учун махсус канал

❓Мактабларда таътил кунлари қандай белгиланган?

⚡️Амалдаги тартибга кўра ўқув йили 2 сентябрдан 25 майга қадар давом этади. Ўқув йил 34 хафтадан иборат 4 та чоракка бўлинади, ҳар бир чорак оралиғида таътиллар белгиланган.

Вазирлар Маҳкамасининг 2017 йилда тегишли қарори билан тасдиқланган Низомга мувофиқ, таътил кунлари қуйидагича белгиланган:

👉 кузги таътил- 4 ноябрдан бошлаб 6 календарь кун;

👉 қишқи таътил- 28 декабрдан бошлаб 14 календарь кун;

👉 баҳорги таътил - 21 мартдан бошлаб 7 календарь кун;

👉 ёзги таътил - 26 майдан- 1 сентябрга қадар давом этади.

❗️1-синф ўқувчилари учун эса февраль ойи давомида қўшимча бир ҳафталик таътил белгиланади.

👉 @ustoz — Халқ таълими ходимлари учун махсус канал

⚡️РАСМАН: иш ҳақлари 12 фоизга оширилди

Президентнинг тегишли фармонига биноан, 2022 йил 1 июндан бошлаб бюджет ташкилотлари ходимларининг иш ҳақи 12 фоизга оширилади. Бу ҳақда ЎзА (@uzauz) хабар бермоқда.

2022 йил 1 июндан бошлаб:

➖ меҳнатга ҳақ тўлашнинг энг кам миқдори - 920 минг сўм миқдорида (ҳозир 822 минг сўм);

➖ базавий ҳисоблаш миқдори - 300 минг сўм миқдорида (ҳозир 270 минг сўм) белгиланди.

👉 @ustoz — Халқ таълими ходимлари учун махсус канал

2022-2023 ўқув йилидан бошлаб мактаб ўқувчилари камида битта касбга ўқитилади

Ўзбекистон Республикаси Президентининг “2022-2026 йилларда халқ таълимини ривожлантириш бўйича миллий дастурни тасдиқлаш тўғрисида”даги Фармони, “Халқ таълимини ривожлантиришга оид қўшимча чора-тадбирлар тўғрисида”ги Қарорига мувофиқ ўқувчиларнинг қизиқиши ва қобилиятларини аниқлаш бўйича ягона электрон платформа яратилади ҳамда ҳар бир 5-11-синф ўқувчиси учун электрон “Иш дафтари” жорий этилади.

Шунингдек, ўқувчиларнинг қизиқиш ва қобилиятларидан келиб чиққан ҳолда улар касбга йўналтирилади ва ўқитилади.

Ўқувчиларни касб-ҳунарга тайёрлаш 2022-2023 ўқув йилидан бошлаб 9-11-синфларда, 2023-2024 ўқув йилидан эса 11-синф ўқувчиларида ташкил этилади.

👉 @ustoz — Халқ таълими ходимлари учун махсус канал

#Огоҳлантириш

❗️ЎҚИТУВЧИЛАРНИНГ ЯҚИН КУНЛАРДА ЧИҚАДИГАН ТАЪТИЛИГА ОИД ҲУҚУҚЛАРИНИ БУЗМАНГ

Умумтаълим мактабларида ўқув йили якунланишига ҳам саноқли кунлар қолди. Бу эса ўз навбатида ўқитувчилар таътилга чиқишини англатади.

Фаолиятим давомида ўқитувчиларга таътил беришда йўл қўйиладиган хатоларга кўп тўқнаш келдим. Бу йил ҳам шундай хатоликлар бўлишини таҳмин қилган ҳолда, ушбу постда шундай хатоликларга йўл қўймаслик учун кичик тушунтириш бериб ўтаман.

1️⃣ Ишга кирганига 1 йил бўлмаган ўқитувчиларга ишлаган даврида мутаносиб равишда таътил берилади. Мисол учун сентябрда ишга кирган бўлсангиз, сизга 36 кун таътил беришади. Бироқ бу нотўғри.

✅ Аслида ўқитувчиларга (мактаблар, профессионал таълим муассасалари ва ОТМлардаги) ишга кирган вақтидан қатъи назар уларга йиллик асосий ва қўшимча меҳнат таътиллари ёзги таътил даврида тўлиқ берилади (МК 143-м).

*Соддароқ айтганда* улар 48 кунлик таътильдан ёзда тўлиқ фойдаланади (бу йил 5 кунга қисқатритилган ҳолда, албатта).

✅ Уларнинг таътилига ҳақ тўлашда эса таътил пули улар ишлаган даврга мутаносиб равишда ҳисоблаб чиқарилади.

2️⃣ Таътил пулини ҳисоблашда улар олган моддий ёрдам ёки мукофот пуллари қўшилмайди. Бу ҳам хато. Аслида ўқитувчиларнинг таътил пулини ҳисоблашда, улар муассасадан олган ҳамма тўловлар (иш ҳақи, устама, моддий ёрдам, мукофот пуллари, қўшимча тўловлар) қўшилади ва шу орқали уларнинг ўртача ойлик иш ҳақи ҳисоблаб чиқилади.

3️⃣ Директор хоҳлаган пайтида хоҳлаган ўқитувчисини таътильдан чақириб олади. Бу хатолик ҳам тез-тез учраб туради. Бироқ ўқитувчини таътильдан фақат унинг розилиги билангина чақириб олиниши шарт (МК 148-м) ва бунда ўқитувчи таътильдан қайтган кундан бошлаб унга иш ҳақи тўлаш шарт (МК 154-м).

☝️ Юқорида энг кўп учрайдиган хатоликлар ҳақида ёздим. Булардан ташқари яна турли хил хатоликлар учраб туради.

П.С. Ҳурматли ўқитувчилар агар сизда таътилларга боғлиқ шундай хатоликлар, қонун бузулиш ҳолатлари кузатилса, зудлик билан ҳудудингиздаги Адлия бўлимлари ёки Давлат меҳнат ҳуқуқи инспекторларига мурожаат қилинг. Ўз ҳуқуқингизни ўзингиз талаб қилинг.

👉 @ustoz — Халқ таълими ходимлари учун махсус канал

⚡️ИЮНЬ ОЙИДАН БОШЛАБ ПЕДАГОГ ХОДИМЛАР ҚАНЧА ОЙЛИК ОЛАДИ?

2022 йилнинг 1 июнидан бошлаб бюджет ташкилотлари ходимлари иш ҳақи миқдори 12% миқдорида оширилади. Бу ҳақида Президент фармони эълон қилинди.

❗️Июнь ойидан оширилган ойликлар бўйича ҳисобланганда педагог ходимлар қуйидагича ойлик оладилар:

✅Мактаб директори:
3 млн 567 минг 278 сўм (400 ўқувчигача)
3 млн 808 минг 992 сўм (401-880 ўқувчигача)
4 млн 39 минг 010 сўм (881-1600 ўқувчигача)
4 млн 272 минг 554 сўм (1600дан ортиқ)

✅Директор ўринбосарлари: (ММИБДЎ, ЎТИБДЎ)
3 млн 331 минг 734 сўм (400 ўқувчигача)
3 млн 567 минг 278 сўм (401-880 ўқувчигача)
3 млн 808 минг 992 сўм (881-1600 ўқувчигача)
4 млн 39 минг 010 сўм (1600дан ортиқ)

✅Директорнинг ҳўжалик ишлари бўйича ўринбосари:
1 млн 542 минг 018 сўм (401-880 ўқувчигача)
1 млн 676 минг 226 сўм (881-1600 ўқувчигача)
1 млн 815 минг 520 сўм (1600дан ортиқ)

✅ЧҚБТ раҳбари:
2 млн 575 минг 370 сўм

✅Ижодий-маданий масалалар бўйича тарғиботчи (0.5 ст) – 1 млн 287 минг 685 сўм

✅Психолог – 2 млн 317 минг 833 сўм

✅Ўқитувчилар – 2 млн 575 минг 379 сўм

✅Олий тоифали ўқитувчи – 3 млн 550 минг 411 сўм

✅Биринчи тоифали ўқитувчи – 3 млн 212 минг 840 сўм

✅Иккинчи тоифали ўқитувчи – 2 млн 883 минг 269 сўм

✅Ўрта махсус маълумотли ўқитувчи – 2 млн 407 минг 368 сўм

✅Мактаб лаборанти (1 ст)– 1 млн 274 минг 147 сўм.

✅Кутубхоначи (ўрта махсус) – 1 млн 225 минг 534 сўм
Кутубхона мудири (ўрта махсус) – 1 млн 413 минг 289 сўм
Кутубхоначи (олий маълумотли) – 1 млн 299 минг 033 сўм
Кутубхона мудири (олий маълумотли) – 1 млн 542 минг 018 сўм

Фойдали маълумотни барча ўқитувчиларга юбориб қўямиз

👉 @ustoz — Халқ таълими ходимлари учун махсус канал

❓10-синф ўқувчилари тест синовларида иштирок эта оладими?

✅ ЖАВОБ: Йўқ, қатнашолмайди.

ДТМнинг маълум қилишича, амалдаги низомга мувофиқ талабаликка тавсия этилган абитуриентлар олий таълим муассасасининг қабул комиссиясига умумий ўрта таълим (11-синф негизида) ёки ўрта махсус, касб-ҳунар таълими муассасасини тугатганлиги ҳақидаги ҳужжат (иловаси билан)ни тақдим этишлари лозим.

Шунингдек, my.dtm.uz ёки my.gov.uz сайтларидан бири орқали онлайн рўйхатдан ўтишда тугатган таълим муассасаси тўғрисидаги маълумотлар киритилиши керак.

Мактабнинг 10-синфида ёки академик лицейларнинг 1-босқичида таҳсил олаётган ўқувчилар умумий ўрта таълим ёки ўрта махсус, касб-ҳунар таълими муассасасини тугатмаган ҳисобланади.

Шу сабабли улар ОТМларга кириш тест синовларида иштирок этиш учун рўйхатдан ўтишлари мумкин эмас ва тестда ҳам қатнаша олмайди.

Ўтган йили ҳали мактаб ва лицей/коллежда ўқиётганлар базаси тўлиқ бўлмпгани учун ДТМ сайтида 10-синфлар ҳам ҳужжат топшира олди, ҳатто тестга ҳам бемалол кириб чиқишди. Лекин мабодо кимдир тестда ўтиш балини тўплаган бўлса ҳам, аммо талабаликка қабул қилинмади. Чунки уларда ўрта таълимни тасдиқловчи шаҳодатнома (диплом) йўқ эди.

Жорий йил тегишли вазирликлар ўз тасарруфидаги таълим муассасалари базасини тўлиқ қилиб беришган, деб умид қиламиз. Шунда рўйхатдан ўтишда ўрта таълимни тугатмаганларлар автомат рад этилади, улар рўйхатдан ўта олишмайди.

👉 @ustoz — Халқ таълими ходимлари учун махсус канал

❗️Шавкат Мирзиёев мактаб битирувчиларга:

— Ҳеч қачон унутманг, келажакда сизни янада улкан ва масъулиятли марралар кутмоқда. Олдингизга аниқ мақсад қўйиб, бор куч-ғайратингиз, билим ва салоҳиятингиз билан ҳаракат қилсангиз, кўзлаган чўққиларга албатта эришасиз.

👉 @ustoz — Халқ таълими ходимлари учун махсус канал

Хайр мактабим...

Бугун, 25 май - Сўнгги қўнғироқ! Равшан Собиров ва Сетора гуруҳи ижросидаги ушбу қўшиқни эшитган ҳар бир инсоннинг ҳаёлидан мактаб даврлари ўтади.

Барчамиз соғинган мактаб даври фақатгина ширин хотиралар билан эсланади!

👉 @ustoz — Халқ таълими ходимлари учун махсус канал

❗️Бухорода мактаб битирувчиси фахрий ёрлиқ берилмагани сабаб директорнинг юзига сув сепди

Ўрганишлар жараёнида мактабнинг 11-синфида таҳсил олаётган ўқувчи 25 май куни ўтказилган тадбир давомида унга фахрий ёрлиқ берилмаганлигидан норози бўлиб, жаҳл устида мактаб директорининг устига сув сепиб юборганлиги аниқланди.

👉 @ustoz — Халқ таълими ходимлари учун махсус канал