Японияда кўчада ўқитувчи эканингизни айтсангиз, сизга ҳавас билан қарашади

Японияда мактаб таълими, ўқитувчи обрўси, маоши ва намунали жиҳатлар: Японияда фаолият юритаётган ўзбекистонлик тажрибали педагог Соҳибжон Абдуллаев Kun.uz билан суҳбатда япон мактаблари ва жамиятнинг ўқитувчиларга муносабати ҳақида сўзлаб берди.

📹 Интервю давомида:

— «Японияда 3 ойликдан болани боғчага бериш мумкин»
— «Иқтидорсиз бола бўлмайди»
— «Бизга ҳавас билан қарашади»
— «Ўқитувчининг маоши ҳамма харажатига етади»
— «Ўқитувчи бўлиш учун лицензия керак»
— «Япон мактабларида фаррошлар ишламайди»

📖 Барчаси ҳақида батафсил қуйида ўқишингиз мумкин.

📹👉 Суҳбат видеосини томоша қилиш.

👉 @ustoz — Халқ таълими ходимлари учун махсус канал

❗️2022 йил май ойидаги барча дам олиш кунлари – ҳафтасига 6 кун ишлайдиганлар учун:

1 май, якшаньба – одатий дам олиш куни;
3 май, сешаньба – Рamazon ҳайити – ишланмайдиган байрам куни;
4 май, чоршаньба – қўшимча дам олиш куни;
5 май, пайшаньба – қўшимча дам олиш куни;
8 май, якшаньба – одатий дам олиш куни;
9 май, душаньба – Хотира ва қадрлаш куни – ишланмайдиган байрам куни.

Рамазон ҳайити Ой чиқишига қараб 2 май ёки 3 май куни нишонланади. Ҳайит 2 майга тўғри келган тақдирда, қўшимча дам олиш кунлари 3–4 - май кунларига белгиланиши мумкин.

👉 @ustoz — Халқ таълими ходимлари учун махсус канал

⚡️Олий педагогик маълумоти йўқ мактаб ўқитувчилари ОТМнинг сиртқи бўлимига қабул қилинади

Ўзбекистон Республикаси Вазирлар Маҳкамасининг “Умумий ўрта таълим муассасаларида фаолият юритаётган ўрта махсус маълумотли ўқитувчиларни педагогик стажи асосида сиртқи таълим шакли бўйича олий таълим муассасаларининг бакалавриатига ўқишга қабул қилиш тартиби тўғрисидаги низомни тасдиқлаш ҳақида”ги  қарори лойиҳаси эълон қилинди.

Қарор билан Умумий ўрта таълим муассасаларида фаолият юритаётган олий педагогик маълумотга эга бўлмаган ўқитувчиларни педагогик стажи асосида сиртқи таълим  шакли бўйича олий таълим муассасаларининг бакалавриатига ўқишга қабул қилиш тартиби тўғрисидаги низом мувофиқ тасдиқланади. Низомда қуйидагилар назарда тутилади:

✅ Халқ таълими вазирлиги Таълим сифатини назорат қилиш давлат инспекцияси (нодавлат таълим ташкилотлари бўйича), тасарруфида умумтаълим муассасалари бўлган вазирлик ва идоралар билан биргаликда ҳар йили 1 декабрга қадар тизимида олий маълумотли педагог кадрларга бўлган эҳтиёждан келиб чиққан ҳолда умумтаълим муассасаларида фаолият юритаётган ўқитувчиларни олий таълим муассасаларига ўқишга қабул қилиш юзасидан асосланган таклифларни Ўзбекистон Республикаси таълим муассасаларига ўқишга қабул қилиш бўйича Давлат комиссиясига тақдим этилиши;

✅ умумтаълим муассасаларининг олий педагогик маълумотга эга бўлмаган ўқитувчиларини олий таълим муассасаларининг педагогик таълим соҳасига оид таълим йўналишларига ўқишга қабул қилиш бўйича мақсадли қабул параметрлари Давлат комиссияси томонидан тасдиқланиши;

✅ мақсадли қабул параметрлари доирасида танловда иштирок этувчи абитуриентлар рўйхати жорий йилда сиртқи таълим шакли бўйича олий таълим муассасаларининг педагогика таълим соҳасига оид бакалавриат таълим йўналишларига ўқишга кириш имтиҳонларида иштирок этиб, талабаликка тавсия этилмаган умумтаълим муассасаларининг олий маълумотга эга бўлмаган, камида беш йил педагогик иш стажига эга бўлган ўқитувчилари (кейинги ўринларда – ўқитувчилар деб юритилади) орасидан шакллантирилиши;

✅ умумтаълим муассасаларининг беш йилдан кам бўлмаган педагогик иш стажига эга бўлган олий педагогик маълумотга эга бўлмаган ўқитувчилари сиртқи таълим шакли бўйича олий таълим муассасаларининг педагогика таълим соҳасига оид бакалавриат таълим йўналишларида ўқиши улар томонидан тўланадиган базавий тўлов-контракт асосида амалга оширилиши;

✅ мақсадли қабул бўйича ўқитувчилар яшаш ҳудудидан қатъий назар Халқ таълими вазирлигининг дастурий комплекси – ягона ахборот тизими (ERP)га ўқитувчининг иш жойи сифатида киритилган ҳудуд учун ажратилган қабул параметрлари доирасида танловда иштирок этиши;

✅ танлов ҳамма учун умумий, кириш имтиҳонлари (тест синовлари, касбий (ижодий) имтиҳон, ёзма имтиҳон) натижаларига кўра тўпланган балларнинг рейтинг тизими бўйича амалга оширилиши;

✅ танлов натижалари ҳудудлар (таълим йўналишлари) кесимида ажратилган қабул параметрлари доирасида Давлат тест маркази томонидан рейтинг баллари кетма-кетлигига қатъий риоя қилган ҳолда шакллантирилиши;

✅ танлов натижаларига кўра ўқитувчилар Давлат тест марказининг махсус дастури орқали олий таълим муассасаларининг бакалавриатига ўқишга қабул қилиш бўйича рўйхатдан ўтишда танлаган таълим йўналишлари орасидан педагогик таълим соҳасига оид бўлган таълим йўналишларининг биринчисига ўқишга қабул қилиниши;

✅ Давлат тест маркази Давлат комиссиясининг қарорига мувофиқ талабаликка тавсия этилган ўқитувчилар ҳақидаги маълумотлар бўйича танлов қайдномаларини олий таълим муассасаларига тақдим этиши.

Низомда белгиланишича, умумтаълим муассасаларининг беш йилдан кам бўлмаган педагогик иш стажига эга бўлган олий педагогик маълумотга эга бўлмаган ўқитувчилари сиртқи таълим шакли бўйича олий таълим муассасаларининг педагогика таълим соҳасига оид бакалавриат таълим йўналишларига улар томонидан тўланадиган базавий тўлов-контракт асосида ўқишга қабул қилинади.

👉 @ustoz — Халқ таълими ходимлари учун махсус канал

НИМА САБАБДАН БОШЛАНҒИНЧ СИНФДА АЪЛО БАҲОГА ЎҚИГАН БОЛАНИНГ ЎЗЛАШТИРИШ КЎРСАТКИЧИ ЮҚОРИ СИНФДА ТУШИБ КЕТАДИ?

Бошланғич синфда аъло баҳоларга ўқиган боланинг ўзлаштириш кўрсаткичи юқори синфга ўтганда тушиб кетиши сабаблари ҳақида ҳеч ўйлаб кўрганмисиз? Бунга кимлар ёки қандай омиллар сабаб бўлади? Бу борада ўқитувчи, ота-оналар ва энг асосийси ўқувчиларнинг ўзлари қандай фикрда? Мавзу юзасидан психолог тавсияси қандай?

Халқ таълими вазирлиги Ахборот хизмати тайёрлаган навбатдаги мавзу айнан шу ҳақида.

👉 @ustoz — Халқ таълими ходимлари учун махсус канал

Фитр садақаси қачон, қандай адо қилинади?

Фитр садақаси – фақирларга ғамхўрлик, уларга ҳайит кунини хурсандчилик билан ўтказишлари учун кўмакдир. Уни берганлар учун эса – Рамазонда йўл қўйилган баъзи камчиликларга каффоратдир.

Ибн Аббос разияллоҳу анҳу айтадилар: “Расулуллоҳ саллаллоҳу алайҳи васаллам фитр садақасини рўзадорга беҳуда ишлар ва ёмон сўзлардан покланиш бўлиши ҳамда мискинлар учун егулик бўлиши учун буюрдилар” (Абу Довуд ривоятлари).

Фитр садақаси нисоб миқдоридаги мол-мулкка эга ҳур ва мусулмон бўлган кишилар ҳайит тонгида адо этишлари вожибдир. Ана шу миқдордаги мулкка эга киши фитр садақасини ўзи ва ёш болаларидан бериши вожиб. Балоғатга етган фарзандлари ва хотини учун фитр садақа бериши вожиб эмас. Агар балоғатга етган фарзандлари ва аёли учун, улар айтишмаса ҳам, фитр садақасини берса, улар зиммасидан фитр садақаси соқит бўлади.

Фитр садақасининг вожиб бўлиш вақти ҳайит куни тонг отиш пайтидир. Шунинг учун, ҳайит кечаси туғилган чақалоқдан ҳам фитр садақа бериш вожиб бўлади.

Эслатиб ўтамиз, 2022 йилда:

Закот нисоби - 34 000 000 сўм

Фитр садақаси

Буғдой ҳисобида: 2 кг. - 10 000 сўм.

Арпа ҳисобида: 4 кг. - 16 000 сўм.

Майиз ҳисобида 2 кг. - 100 000 сўм;

Хурмо ҳисобида: 4 кг. - 160 000 сўм.

Фидя миқдори:
1 кун учун - 25 000 сўм;
1 ой учун - 750 000 сўм.

👉 @ustoz — Халқ таълими ходимлари учун махсус канал

❓БОЛАСИНИ МАКТАБГА ЖЎНАТМАГАН ОТА-ОНАГА ЖАВОБГАРЛИК БОРМИ?

Таълим тўғрисидаги қонуннинг 9-моддасига биноан умумий ўрта таълим умумий ўрта таълим ташкилотларида узлюксиз тарзда, мажбурий бўлган ўн бир йил давомида амалга оширилади.

Ушбу қонуннинг 51-моддасига кўра вояга етмаган таълим олувчиларнинг ота-онаси ва бошқа қонуний вакиллари боланинг ўқиши, тарбияланиши, жисмоний, маънавий ва интеллектуал ривожланиши учун масъулдир.

☝️Юқоридаги икки модда ўқувчингизни 11-йиллик мажбурий таълим олиши кераклигини ва буни ота-она таъминлаши кераклигидан далолат беради.

Шунингдек, вояга етмаган таълим олувчиларнинг ота-онаси ва бошқа қонуний вакиллари:

— болаларининг умумий ўрта, ўрта махсус таълим ёки бошланғич профессионал таълим олишини таъминлаши;

— болаларининг ўқув машғулотларига қатнашишини таъминлаш ва ўзлаштириши устидан назоратни амалга ошириш;

— ўз болаларининг интеллектуал, маънавий ва жисмоний ривожланиши учун шарт-шароитлар яратиши;

— таълим ташкилотининг таълим-тарбия жараёнини тартибга солувчи ички тартиб-қоидаларига риоя этиши;

— таълим-тарбия жараёни иштирокчиларининг шаъни ва қадр-қимматини ҳурмат қилиши шарт.

❗️Ушбу қоидаларнинг мазмунига кўра ўқувчингизнинг онаси уни мактабга таълим олиш юбориши ва ўқувчингизнинг сифатли таълим олишини таъминлашга мажбур.

‼️ Агар она бу мажбуриятларни бажармаса, унда онанинг ҳаракатларига нисбатан маъмурий жавобгарлик белгиланган. Яъни Маъмурий жавобгарлик тўғрисидаги кодекс 47-моддасига мувофиқ ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши — базавий ҳисоблаш миқдорининг 1 бараваридан 5 бараваригача миқдорда жарима солишга сабаб бўлади.

❌ Энди тухмат масаласига келсак, Ўзбекистон Республикаси қонунчилигига кўра ҳар қандай ҳолатда ҳам шахсга туҳмат қилиш тақиқланган. Бу ҳуқуқ ҳеч кимга берилмаган. Аксинча мазкур қилмишларни содир этган шахсларга нисбатан маъмурий ва жиноий жавобгарлик чоралари белгиланган.

Хусусан, Маъмурий жавобгарлик тўғрисидаги кодексининг 40-моддасида Туҳмат, яъни била туриб ёлғон, бошқа бир шахсни шарманда қилувчи уйдирмаларни тарқатиш — базавий ҳисоблаш миқдорининг 20 бараваридан 60 бараваригача миқдорда жарима солишга сабаб бўлиши мустаҳкамлаб қўйилган.

❗️Энди қаранг! агар юқоридаги қилмишлар маъмурий жазо қўлланилгандан кейин 1 йил давомида қайта содир этилса унда бу қилмишларга нисбатан жиноий жавобгар чораси қўлланади. (Жиноят кодекси 139-моддаси туҳмат)

✅ Шунинг учун бу вазиятда онанинг ҳаракатлари устидан ИИБга ушбу жавобга асосланган ҳолда ариза билан мурожаат қилишингиз лозим.

👉 @ustoz — Халқ таълими ходимлари учун махсус канал

✔️ Президент пенсия ва нафақаларни 1 майдан 12 фоизга ошириш тўғрисида фармонни имзолади

Шунингдек:

📌 энг кам пенсия оладиган 725 минг нафар аҳолининг пенсияси 14 фоизга оширилади (440 минг сўмдан 500 минг сўмга);

📌 9 май арафасида уруш қатнашчилари, концлагерлар маҳбуслари ва Ленинград қамалида бўлган фуқароларга 15 миллион сўмдан берилади.

Мутасаддиларга:

📌 ёлғиз яшаётган ва ўзгалар парваришига муҳтож одамлардан шахсан хабар олиб, уларга совға-саломларни етказиш;

📌 уруш қатнашчилари, концлагерлар маҳбуслари ва Ленинград қамалида бўлган фуқароларнинг ҳар бирининг хонадонига шахсан бориб, пул мукофоти ва қимматбаҳо совғаларни тантанали равишда топшириш;

📌 10 минг нафар фронт ортида меҳнат қилган фахрийлар билан шахсан учрашиб, ҳолидан хабар олиш ва совға-саломлар етказиш топширилди.
〰️〰️〰️

Кексаларни моддий қўллаб-қувватлаш, уларнинг ҳолидан хабар олиб, ҳар куни ғамхўрлик қилиш, эътиборни кучайтириш бўйича маҳалла даражасида тизим яратилади. Жумладан:

▫️ 16 мингдан зиёд ўзгалар парваришига муҳтож ва ёлғиз яшовчи кексаларнинг ҳар йили санаторийларда даволаниши ташкил этилади;

▫️25 минг нафар шароити оғир ва кам таъминланган кексаларнинг дори-дармонлари, протез-ортопедия мосламалари давлат томонидан олиб берилади, жарроҳлик амалиётларига харажатлари ҳам бюджетдан қоплаб берилади

👉 @ustoz — Халқ таълими ходимлари учун махсус канал

#Таклиф

​​ПЕДАГОГ ХОДИМЛАРГА ҚЎШИМЧА ИМТИЁЗЛАР ЖОРИЙ ҚИЛИНИШИ КЕРАК

Республика таълим маркази директор ўринбосари Исроилака Тиллабоевнинг ёзишича, Хоразмнинг Янгибозор тумани ҳокими ташаббуси билан тумандаги ўқитувчилар яшайдиган уйнинг дарвозаларига «Ушбу хонадонда ҳурматли устоз истиқомат қилади» деб ёзилган пешлавҳалар илиш урфга кирибди. Бу жуда яхши ташаббус. Шахсан мен ҳам буни қўллаб-қувватлайман.

Аммо мен масаланинг яна бир томонига эътибор қаратиш лозим деб ўйлайман. Ўқитувчилар дарвозасига пешлавҳалар илиш ҳам яхшидир, лекин бу ташаббус нари борса бир йил ўтиб ўз актуаллигини йўқотади. Ўқитувчиларни чинакамига улуғламоқчи бўлсак уларга бир қанча имтиёзлар ҳам бериш керак.

Мисол учун, 2000 йилларда ўқитувчилар учун бир қанча имтиёзлар бўлган экан. Ўша йиллари педагогларга нисбатан газ, сув, электр энергияси, ер-мулк солиғи учун 50 фоизгача чегирма белгиланган экан.

Ҳатто, йўл ҳаққи учун чипталарда ҳам бир қанча енгилликлар яратилган. Негадир 2004 йилга келиб, ўқитувчиларга берилган барча имтиёзлар бекор қилинган. Булар қайсидир «ақилли»нинг таклифи билан бекор қилинган бўлса керак.

Ҳозирги кунда ҳам ўқитувчилар учун алоҳида имтиёзлар мавжуд эмас. Жуда кўп давлатларда педагоглар тоифаси учун алоҳида имтиёзлар бор. Аслида биз ҳам улардан ўрнак олишимиз керак.

Ўзбекистонда ўқитувчи обрўсини ошириш ва уларга алоҳида имтиёзлар яратиш учун салмоқли ишлар амалга оширилаётгани рост. Аммо бу каби имтиёзлар белгиланишининг ортга сурилиши бироз ғалати. Майли, кутайликчи балки бу ҳақда ҳам кимдир бош қотириб қолар...

👉 @ustoz — Халқ таълими ходимлари учун махсус канал

Расман:

Рамазон ҳайитининг биринчи куни 2 май – душанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, мамлакатимизда 2022 йил 2 май куни Рамазон ҳайити байрами сифатида кенг нишонланади — президент қарори

👉 @ustoz — Халқ таълими ходимлари учун махсус канал

❗️Ачинарли статистика: Ўзбекистоннинг 56 фоиз ўқитувчилари салоҳияти талаб даражасида эмас.

Халқ таълими вазири Бахтиёр Саидов: «Бугунги кунда республика мактабларида 504 минг нафар ўқитувчиларимиз фаолият юритади Уларнинг 280 минг нафардан ортиғи, яъни 56 фоиз ўқитувчиларимизнинг салоҳияти талаб даражасида эмас. Бу дегани деярли 3 млнга яқин ўқувчи-болаларда юқори малакали ўқитувчидан таълим олиш имконияти мавжуд эмас».

👉 @ustoz — Халқ таълими ходимлари учун махсус канал