❗️Аттестация натижаларини pedkadr.tdi.uz сайти орқали шахсий кабинетга кириб билиш мумкин

Аттестация натижалари билан ҳар куни кеч соат 20-00 дан бошлаб, эрталаб 8-00 гача шахсий кабинетга кирган ҳолда танишиш мумкин, якшанба кунлари эса тўлиқ кун давомида танишиш мумкин.

Сўровномани ҳам фақат юқоридаги вақтларда шахсий кабинетдан "Мурожаат ҳақидаги илова файли" тугмачасини босган ҳолда юклаб олиш мумкин.

Аттестация натижаларига кўра "Педагог кадрнинг аттестациядан ўтганлиги тўғрисидаги сертификат"лар июнь ойидан бошлаб педагогларнинг шахсий кабинетларига юборилади.

👉 @ustoz — Халқ таълими ходимлари учун махсус

❗️Абитуриентлар ва уларнинг ота-оналари диққатига.

Жорий йилда ОТМга ҳужжат топширишни режалаштирган 16 ёшга тўлган мактаб битирувчилари ўз вақтида фуқаролик паспорти — ID карта олишлари шарт.

Айни пайтда 16 ёшга тўлган 122 мингдан ортиқ битирувчилар ID карта олмаган.

👉 @ustoz — Халқ таълими ходимлари учун махсус

#имтиҳон

🇺🇿 Ўзбекистон Республикаси Халқ таълими вазирлигининг 02-02/3-6842 сонли хати

⏳ 2022 йил 18-апрел

"Халқ таълими вазирлигининг 2022 йил 28-февралдаги "Умумий ўрта таълим муассасаларида ўқувчиларнинг якуний назорат имтиҳонларини ташкил этиш ва ўтказиш тўғрисида"ги 70-сонли буйруғи асосида 9-11 синфларда якуний назорат имтиҳонларини ўтказиш бўйича кўрсатма!"

Юқоридаги хатга асосан байрам муносбати билан қўшимча дам олиш кунларини инобатга олган ҳолда умумий ўрта таълим муассасаларининг 9-синф ўқувчилари учун "Жисмоний тарбия" фанидан якуний назорат имтиҳонлари жорий йилнинг 2-7 май саналаридан 11-14 май кунларига кўчирилди.

👉 @ustoz — Халқ таълими ходимлари учун махсус

Аттестацияда иштирок этган педагоглар диққатига!

Айни кунларда аттестациядан ўта олмаган айрим педагоглар томонидан ижтимоий тармоқлар орқали ҳамкасблари ўртасида юқори турувчи ташкилотларга кўпроқ ариза берилса, депутатларга, журналист ва блогерлар мурожаат қилинса, ижтимоий тармоқларда кўпроқ эътирозлар билдирилса, натижалар бекор бўлиб, балл қўшиб берилиши ёки қайта имтиҳон ўтказилиши мумкин дея хато тарғиботлар олиб борилмоқда.

Мазкур масала юзасидан Таълим инспекцияси қуйидагиларни маълум қилади:

Вазирлар Маҳкамасининг 2021 йил 19 сентябрдаги 572-сонли қарори билан тасдиқланган педагог кадрларни аттестациядан ўтказиш тартиби тўғрисида низомда аттестация жараёнлари учун апелляция тартиби белгиланган.

Шунингдек, тест натижасидан норози бўлган педагоглар тестни якунлаган заҳоти махсус бланкни тўлдириб, айнан қайси саволларга эътирози борлигини ёзишлари ёки веб-сайт орқали мурожаат юборишлари, шунингдек, душанбадан жума кунига қадар соат 09.00дан 18.00га қадар +998 71 231-07-53 (ички рақам 1038 ёки 1011) рақамига мурожаат қилишлари мумкин.

Унга кўра, эътироз билдирган ҳар бир педагогнинг саволлар варақасида тестлар ушбу фан бўйича мустақил экспертлар томонидан ўрганиб чиқилиб хулоса берилади ва навбатма-навбат жавоб қайтарилади.

Биз эътирозлар бўйича устозларни тинглашга, мулоқот қилишга ва тестларда йўл қўйилган хатоларни кўрсатиб беришга тайёр эканлигимизни маълум қиламиз.

Эслатиб ўтамиз, навбатдан ташқари аттестацияда иштирок этган педагогларга жараён натижалари бўйича салбий қарор қабул қилинмайди. Шунингдек, мазкур педагоглар куз ойларида ўтказиладиган синовларда иштирок этишлари мумкин.

👉 @ustoz — Халқ таълими ходимлари учун махсус

ЎҚУВЧИЛАРИНИ ЎЗБОШИМЧАЛИК БИЛАН САЁҲАТГА ОЛИБ БОРГАН ХОДИМЛАРГА ЧОРА КЎРИЛДИ

Mактаб ўқувчиларини ўзбошимчалик билан Самарқанд вилоятига саёҳатга олиб борган умумтаълим мактаби масъул ходимларига огоҳлантириш ҳамда ишдан олиш каби жазо чоралари кўрилди.

Маълум бўлишича мактаб маъмурияти ўзбошимчалик билан, тегишли орган вакилларининг кузатувисиз, халқ таълими бўлимини огоҳлантирмасдан ўқувчиларни саёҳатга олиб борган.

❕Эслатиб ўтамиз, мактаб маъмурияти ўқувчиларни саёхатга олиб боришдан 2-3 кун аввал, ҳудудий ички ишлар органларига кузатув ходими сўраб ёзма мурожаат қилиши ва бу ҳақда халқ таълими бўлимларини ҳам огоҳлантириб қўйиши лозим.

👉 @ustoz — Халқ таълими ходимлари учун махсус

⚡️2021/2022 ўқув йили якунида 5-6-7-8 ҳамда 10-синфларнинг босқичли имтиҳонлари бўлмаслигини маълум қиламиз — ХТВ.

Ўзбекистон мактабларида 9- ва 11-синф ўқувчиларини якуний назорат имтиҳонлари 26 майдан 15 июнга қадар ўтказилади.

👉 @ustoz — Халқ таълими ходимлари учун махсус

⚡️2021/2022 ўқув йили якунида 5-6-7-8 ҳамда 10-синфларнинг босқичли имтиҳонлари ўтказилмайди

Умумтаълим муассасаларида ўқув машғулотлари 2022 йил 25 май куни тугайди ва 9- ва 11-синф ўқувчиларини якуний назорат имтиҳонлари 26 майдан 15 июнга қадар ўтказилади.

Байрам муносабати билан қўшимча дам олиш кунларини инобатга олган ҳолда умумий ўрта таълим муассасаларининг 9-синф ўқувчилари учун “Жисмоний тарбия” фанидан якуний назорат имтиҳонлари жорий йилнинг 2-7 май саналаридан 11-14 май кунларига кўчирилади.

❗️Жорий ўқув йили якунида 5-6-7-8 ҳамда 10-синфларнинг босқичли имтиҳонлари ўтказилмайди. Ихтисослаштирилган давлат умумтаълим муассасалари ва мактаб-интернатларида эса босқичли имтиҳонлар уларнинг ички низомларига мувофиқ ихтисослашув фанлари доирасида амалга оширилади.

👉 @ustoz — Халқ таълими ходимлари учун махсус

⚡️Айрим абитуриентлар тестга киришдаги тўловдан озод этилди

Президентнинг тегишли фармонига (ПФ–113-сон, 20.04.2022 й.) кўра, қуйидаги 2 тоифа абитуриентлар ОТМларга ўқишга қабул қилишда ўтказиладиган кириш тест синовларида иштирок этиш учун ундириладиган тўловлардан озод этилди:

▪️«Ижтимоий ҳимоя ягона реестри» ахборот тизимида рўйхатга олинган шахслар ва уларнинг фарзандлари;

▪️«Ёшлар дафтари»га киритилган ёшлар.

👉 @ustoz — Халқ таълими ходимлари учун махсус

Шавкат Мирзиёевнинг Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисидаги фармонига биноан, агентлик ҳузуридаги Педагогик маҳорат ва халқаро баҳолаш маркази Педагогик маҳорат ва халқаро баҳолаш илмий-амалий маркази этиб қайта номланди.

Марказ томонидан педагог кадрларнинг билим даражаси ва касбий маҳоратини баҳолашни барча талабгорлар учун шартнома асосида амалга ошириш белгиланди.

Марказ томонидан педагог кадрларнинг билим даражаси ва касбий маҳоратини баҳолаш натижаси бўйича 2 йил муддат давомида амал қилувчи “Илғор ўқитувчи”, “Устоз ўқитувчи” ҳамда “Профессионал ўқитувчи” даражали сертификатлар берилади. Сертификат олган педагог кадрлар малака тоифасидан қатъи назар ишга қабул қилиниш ҳуқуқига эга бўлади.

Айни пайтда Президент таълим муассасалари агентлиги янги ташкил этилган ихтисослаштирилган мактабларга педагогларни ишга қабул қилмоқда. Ҳужжатларни job.piima.uz сайти орқали юбориш мумкун.

УМУМИЙ ЎРТА ТАЪЛИМ МУАССАСАСИНИНГ ИЧКИ ТАРТИБ ВА ОДОБ-АХЛОҚ ҚОИДАЛАРИ

Ўзбекистон Республикaси Хaлқ тaълими вaзирининг 2020 йил 28 майдаги 131-сонли буйруғи билан тасдиқланган «Умумий ўрта таълим муассасасининг ички тартиб ва одоб-ахлоқ қоидалари»

#улашинг

👉 @ustoz — Халқ таълими ходимлари учун махсус канал

​​Дунёда ўқитувчи бўлишнинг қиймати:

Италия:
Учта касб эгалари тирбанд йўлда қолмаслиги керак;
Тез ёрдам, ўт ўчирувчилар ҳамда ўқитувчилар.

Франция:
Бойлар ўз яшаш жойлари билан мақтаниш учун ўқитувчилар билан бир ҳудудда яшашга интиладилар.

Швеция:
Биринчи фарзандим шифокор, аммо иккинчи фарзандим ундан яхшироқ касб эгаллашни истайди, яъни ўқитувчи бўлмоқчи.

Германия:
Меркел норозилик билдираётган шифокорларга мурожаат қилди;
Сизнинг маошингиз сизни ўқитган ўқитувчиларнинг иш ҳақидан юқори бўлишини кутмаслигингиз керак.

Aнглия:
Бу бола даҳо, у ўқитувчидек фикрлайди...

Ўзимизда:
Нима учун ўқитувчилар ёзда ва пандемия кунларида мактабга бормай туриб, маош олишлари керак, қани ҳаммаси маҳаллама-маҳалла юриб "Aёллар дафтари"ни шакллантирсин...

👉 @ustoz — Халқ таълими ходимлари учун махсус канал

❗️Ҳозирги кунда Ўзбекистон ҳудудида:

🔹 меҳнатга ҳақ тўлашнинг энг кам миқдори – 822 000 сўм;

🔹 базавий ҳисоблаш миқдори – 270 000 сўм;

🔹 пенсияни ҳисоблашнинг базавий миқдори – 289 000 сўм;

🔹 ёшга доир энг кам пенсиялар – 565 000 сўм;

🔹 болаликдан ногиронлиги бўлган шахсларга бериладиган нафақа – 622 000 сўм;

🔹 зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа – 440 000 сўм;

🔹 иш стажи тўлиқ бўлмаган чоғдаги пенсияларнинг энг кам миқдори қўшимча тўловни ҳисобга олган ҳолда – 440 000 сўм;

🔹 белгиланган ёшга доир энг кам пенсия миқдоридан 623 000 сўмгача пенсия олувчиларнинг ёшга доир ва ногиронлик бўйича пенсиялари миқдори – 623 000 сўмдан иборат.

👉 @ustoz — Халқ таълими ходимлари учун махсус канал

⚡️Тест синови топшириладиган фанлар мажмуаси тасдиқланди

Давлат қабул комиссиясининг 13-сон баёни билан 2022-2023-ўқув йили учун республика ОТМларининг бакалавриат таълим йўналишларига мос тест синови топшириладиган фанлар мажмуаси, тест топшириқлари сони ҳамда баҳолаш мезонлари тасдиқланди.

Тест синови топшириладиган фанлар мажмуаси, тест топшириқлари сони ҳамда баҳолаш мезонлари билан юқоридаги PDF файлда танишишингиз мумкин.

👉 @ustoz — Халқ таълими ходимлари учун махсус канал

❗️2022-2023 ўқув йили қабулида тест синови топшириладиган фанлар мажмуаси тасдиқланди

✅ Республика олий таълим муассасаларининг бакалавриат таълим йўналишларига мос тест синови топшириладиган фанлар мажмуаси, тест топшириқлари сони ҳамда баҳолаш мезонлари тасдиқланди. Унга кўра:

🔰 Барча тест топширувчилар учун мажбурий бўлган 3 та фан бўйича:

▫️Она тили (ўзбек, рус ёки қорақалпоқ тили) – 10 та савол (ҳар бири учун 1,1 баллдан, максимал балл – 11 балл);
▫️Математика – 10 та савол (ҳар бири учун 1,1 баллдан, максимал балл – 11 балл);
▫️Ўзбекистон тарихи – 10 та савол (ҳар бири учун 1,1 баллдан, максимал балл – 11 балл).

🔹Жами тўплаш мумкин бўлган балл – 33 балл.

🔰 Бакалавриат таълим йўналишига мос бўлган 2 та фан бўйича:

▫️1-фан – 30 та савол (ҳар бири учун 3,1 баллдан, максимал балл – 93 балл);
▫️2-фан – 30 та савол (ҳар бири учун 2,1 баллдан, максимал балл – 63 балл).

🔹Жами тўплаш мумкин бўлган балл – 156 балл.

➡️ Шунга кўра, 2022-2023 ўқув йили қабулида абитуриентларга 5 та фан бўйича жами 90 та тест топшириғи берилади. Бунда тўплаш мумкин бўлган максимал балл – 189 баллни ташкил этади.

Давлат тест маркази

👉 @ustoz — Халқ таълими ходимлари учун махсус канал