⚡️ЖАДВАЛЛАР БИЛАН ИШЛАШ ТАЪЛИМ РИВОЖИ УЧУН ХИЗМАТ ҚИЛМАЙДИ

Сўнги пайтларда мактабдаги раҳбар ходимлар саноқсиз жадваллар билан ишлаб банд бўлиб қолгани ҳеч кимга сир эмас. Жадваллар билан машғул бўлиб, кўпчилик асосий лавозим вазифаларини бажариш учун жисмонан улгурмайди.

Педагог ходимлар деярли ҳар куни турли хил кўринишдаги жадвалар билан ишлашга мажбур. Энг ачинарли тарафи шундаки, буларнинг ҳеч бири таълим сифати ёки халқ таълими ривожи учун хизмат қилмайди.

Мисол учун мактабда жиноятчилик ёки ҳуқуқбузарлик содир қилган ўқувчилар ҳақида рақамли маълумот тайёрланиб, уни юқори турувчи ташкилотларга бериш нимани ҳал қилади? Жадвал талаб қилган ташкилот барибир ўша ўқувчига ёрдам беролмайдику.

Ёки бўлмаса, қандайдир ютуқларга эришган ўқувчилар базасини шакллантириш орқали уларнинг ҳаммасини рағбатлантириб ҳам бўлмайдику. Қаси ўқувчиининг ижтимоий ҳолати оғир ёки жиноятчиликка мойиллиги бор ёки йўқлигини таълим муассаси раҳбариятининг билишининг ўзи етарли эмасми. Барибир сўрлаган маълумотлар берилгани билан ҳеч ким уларга ёрдам бермайдику.

Ёки сиз бирор мартта кам таъминланган, ҳуқуқбузарлик содир этган, ота-онаси ажрашган ёки чет элга кетган ўқувчига юқори ташкилотлардан келиб, айнан мактаб маъмурияти берган жадвал асосида бирорта масъул амалий ёрдам берганини кўрганмисиз?

Саноқсиз рақамлар билан ишлаш ҳеч нимани ҳал этмайди. Бу жадваллар қўлдан-қўлга ўтади, охирги борадиган жойига етиб борганда эса ўз аҳамиятини йўқотади ва яна янги кўринишдаги жадвал ўйлаб топилади. Энг ёмони буларнинг барчаси қоғозларда қолиб кетади.
Манба.

P.S.: Бундан ташқари сон-саноқсиз электрон базалар ҳам мавжуд.

👉 @ustoz — Халқ таълими ходимлари учун махсус канал

#LIVE
Асосий фан олимпидаларининг иккинчи гуруҳ фанлари бўйича III (вилоят) босқичи бошланди.

Барча иштирокчи ўқувчиларга омад тилаймиз!

👉 @ustoz — Халқ таълими ходимлари учун махсус канал

❓Қандай ҳолларда педагогларнинг аттестацияда иштирок этиш тўғрисидаги мурожаатлари рад этилиши мумкин?

✅ Низомнинг 26-банди: Қуйидаги ҳолатларда давлат хизматлари маркази ёки Таълим инспекцияси томонидан давлат хизматлари кўрсатилиши рад этилиши мумкин:

👉 педагог кадрлар томонидан сўровноманинг электрон рақамли имзо ёки имзони идентификация қилишнинг бошқа воситалари ёхуд SMS-хабарнома билан тасдиқланмаганлиги;

👉 педагог кадрлар томонидан нотўғри маълумотлар ёки қалбаки ҳужжатлар тақдим этилгани маълум бўлиб қолганлиги;

👉 сўровнома ва унга илова қилинган ҳужжатларнинг тўлиқ тақдим этилмаганлиги;

👉 аттестациядан ўтказиш бўйича давлат хизмати кўрсатганлик учун белгиланган йиғимнинг тўланмаганлиги (педагог кадрни навбатдаги мажбурий аттестациядан ўтказиш ҳолатлари бундан мустасно).

❗️ Давлат хизматлари кўрсатишни мазкур бандда кўрсатилган асослардан бошқа ҳолатлар бўйича рад этишга йўл қўйилмайди.

👉 @ustoz — Халқ таълими ходимлари учун махсус канал

Энди IELTS сертификати бўлмаган талабалар магистратурага қабул қилинмайди.

Жорий йилдан бошлаб магистратура ва докторантурага кирувчиларга чет тилини билиш халқаро сертификатига эга бўлиш талаби киритилади.

Бу ҳақда Президентнинг видеоселекторида маълум қилинган.

👉 @ustoz — Халқ таълими ходимлари учун махсус канал

Ҳурматли математика фани ўқитувчилари ва методистлари!

Сиз учун математика фанини ўқитишда илғор халқаро тажрибани ўрганиш учун ажойиб имконият!

Халқ таълими вазирлиги, Олий ва ўрта махсус таълим вазирлиги, Таълим сифатини назорат қилиш давлат инспекцияси, Бухоро Давлат университети, Бухоро вилояти ҳокимлиги, Ўзбекистон Республикаси Фанлар Академияси В.И. Романовский номидаги математика институти, Финляндия ташқи ишлар вазирлиги Финляндиянинг Ўзбекистондаги фахрий консуллиги билан ҳамкорликда Финляндиялик математика фанини ўқитишдаги илғор мутахассислар иштирокида семинар-тренинг ўтказилади.

Ушбу семинар-тренингга барча математика фанини ўқитишга бефарқ бўлмаган устоз ва мутахассисларни таклиф этамиз.

Семинар-тренингни Бухоро давлат университетининг расмий Youtube каналида кузатишингиз мумкин.

Санаси: 26 февраль 2022 йил

Вақти: 13:00

Ҳавола: https://www.youtube.com/c/BuxDUuzedu

👉 @ustoz — Халқ таълими ходимлари учун махсус канал

Давлат таълим муассасалари хорижий тиллар ўқитувчилари учун талаблар белгиланган

Қарорга кўра, давлат таълим муассасалари хорижий тиллар ўқитувчилари учун хорижий тилларни ўзлаштириш даражаси бўйича талаблар белгиланди.

🔰 Жумладан:

➖ 2022/2023 ўқув йилидан давлат таълим муассасаларининг хорижий тиллар ўқитувчилари лавозимларига ишга янги қабул қилинаётган талабгор камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим;

➖ 2022/2023 ўқув йилига қадар давлат ОТМларидаги барча хорижий тиллар ўқитувчилари камида С1 даражадаги миллий ёки унга тенглаштирилган мос даражадаги халқаро сертификатга эга бўлиши лозим;

➖ 2024/2025 ўқув йилига қадар давлат олий таълим муассасаларида фаолият юритаётган касбий фанлар (хорижий тилдан ташқари) ўқитувчиларининг 50 фоизи камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим;

➖ 2024/2025 ўқув йилига қадар умумий ўрта, ўрта махсус ва профессионал таълим муассасаларида фаолият юритаётган барча хорижий тиллар ўқитувчилари камида B2 даражадаги миллий ёки унга тенглаштирилган мос даражадаги халқаро сертификатга эга бўлиши лозим.

👉 @ustoz — Халқ таълими ходимлари учун махсус канал

⚡️"Энг катта ниятим мактабларда бепул овқат бериш. Энг катта ниятим 2 ёшдан қабул қилиш" — Шавкат Мирзиёев

👉 @ustoz — Халқ таълими ходимлари учун махсус канал

👩🏻‍🏫 Ўқитувчилар учун республика миқёсида олимпиада

🗓 Бугун, 27 февраль куни соат 22:00 га қадар www.khiso.uz платформасида қуйидаги фанлардан ўтказилади:

📐 Математика
🧲 Физика
🧪 Кимё
🦠 Биология
🖥 Информатика
🌍 География
📝 Она тили ва адабиёт
🇺🇿 Давлат тили
🇬🇧 Инглиз тили
🇷🇺 Рус тили
⚔️ Тарих
🕵🏻‍♀️ Бошланғич таълим
⚖️ Ҳуқуқ
✏️ Тасвирий санъат ва чизмачилик
📖 Тарбия
⚙️ Технология (Сервис ва Дизайн)
🎼 Мусиқа

🔖 Соат 22:00 да барча ўқитувчилар QR кодли сертификат юклаб олишади.

🔠 Тестлар сони 20 та бўлиб, осон-ўртача-қийин тартибда тузилган.

📈 Иштирокингизга мос рейтинг балларига ҳам эга бўласиз.

💡Илтимос, сайтдан фойдаланиш бўйича йўриқномалар билан батафсил танишиб чиқинг:

👉 ЙЎРИҚНОМА

👉 @ustoz — Халқ таълими ходимлари учун махсус канал

#Эслатма
Эртага аттестация учун мурожаат юборишнинг охирги куни

2022 йилги аттестатцияда рўйхатдан ўтиш қачон, қандай тартибда бўлади?

Низомга кўра, аттестациядан ўтиш учун педагог кадрлар ҳар йили 1 январдан 1 мартга қадар ва 1 августдан 1 октябрга қадар бевосита давлат хизматлари марказлари орқали, ягона интерактив давлат хизматлари портали ёки таълим инспекциясининг расмий веб-сайтида рўйхатдан ўтган ҳолда мурожаат қиладилар.

2022 йил январдан бошлаб педагоглар аттестацияси бир йилда икки марта ўтказилади.

✅ Биринчи аттестацияда:

👉 Январь-февраль ойларида аризалар қабул қилинади;

👉 Март-май ойларида малака (тест) синовлари ўтказилади;

👉 Июнь ойида Сертификатлар тарқатилади.

✅ Иккинчи аттестацияда:

👉 Август-сентябрь ойларида аризалар қабул қилинади;

👉 Октябрь-ноябрь ойларида малака (тест) синовлари ўтказилади;

👉 Декабрь ойида Сертификатлар тарқатилади.

❗️Демак, эртага, яъни 28 февраль куни биринчи аттестацияда иштирок этиш учун рўйхатдан ўтиб, мурожаат юборишнинг охирги куни ҳисобланади.

👉 @ustoz — Халқ таълими ходимлари учун махсус канал

Жаҳон мактаблари ҳақида

— Ўқувчиларга форма кийдириш биринчи бўлиб Буюк Британияда ўйлаб топилган.

— Чехияда энг ёмон баҳо – “5”, аъло баҳо – “1” экан.

— Норвегияда ўқувчилар 8 синфгача баҳоланмас экан.

— Хитой мактабларида дарс бошланишидан олдин ўқитувчи-ю ўқувчи биргаликда бадантарбия қилишга мажбур.

— Ҳиндистонда болалар 4 ёшдан мактабга боришади.

— Америка ўқувчилари биринчи синфда дарс бошлашдан олдин, "ватанимга содиқман" деб қасамёд қилишади.

— Ҳиндистон мактаблари энг кўп ўқувчиларни бағрига олиши билан машҳур. Айрим мактабларида ўқувчилар сони 28 мингтагача етади.

— Японияда ўқув йили Сакура гуллаган пайтдан бошланади.

— Япон мактабларида ошхона бўлмайди.

— Япон мактабларида ручка ўрнига қалам ишлатилади.

— Япон мактабларида умуман “иккичи” ўқувчилар бўлмайди.

— Финландияда ҳар қандай об-ҳавода ҳам ўқувчилар танаффусда синфдан ташқарига чиқишга мажбур.

— Куба мактабларида ўқувчилар қишлоқ хўжалик ишларига ўргатилади.

— Россияда биринчи мактабни Петр И ташкил қилган. Унда фақат ўғил болалар ўқишарди.

👉 @ustoz — Халқ таълими ходимлари учун махсус канал

⚡️Бугун, 28 февраль куни педагог кадрлар аттестацияси иштирок этиш учун мурожаат юборишнинг охирги куни!

Ҳурматли таълим тизимига бефарқ бўлмаган ижтимоий тармоқ фойдаланувчилари, ўқитувчилар ва ота-оналар!

Халқ таълими вазирлиги фуқаролар мурожаатларини ўрганишни ўзининг асосий фаолият йўналишларидан бири сифатида белгилаб олган. Ижтимоий тармоқлардаги вазирликнинг расмий саҳифалари орқали тизимга оид мурожаатларни имкон борича кузатиб боришга ва зарур ҳолларда уларни тезкор йўналтириб, жамоамиз билан уларни ўрганиб ечимини топишга ҳаракат қиламиз. Мактабларимизда таълим сифатини ошириш юзасидан берилаётган таклифларингиз, тизимдаги муаммо ва камчиликлар юзасидан билдирилаётган фикрларингиз тизим раҳбари сифатида мен учун жуда ҳам муҳим.

Аксарият мурожаатларнинг тагида "Бизнинг ҳам мактабимизга ташриф буюринг" деган изоҳларни ўқиб хурсанд бўламан. Масалан, Фарғона вилояти, Сӯх туманидаги 2-мактаб ӯқитувчиси Санжар Ҳисомов, Жиззах вилояти, Ғаллаорол туманидан ўқитувчимиз Рустам Мамиров мактаблар шароити билан танишиб, кадрлар салоҳиятини баҳолашни, Улуғбек Мамуров Учкўприк туманидаги мактабни назоратга олишни, Тошкент вилояти, Оққўрғон туманидан Моҳира Мустаева мактаб шароитини яхшилашни, Қашқадарё вилояти, Шаҳрисабз туманидаги мактаб шароитини яхшилашни сўраб Чарос Тохировна мурожаат қилган. Бундай мурожаатлар сони кўп.

Айримлар нега фақат яхши мактабга борасиз, ёмон мактабга ҳам келинг, деб ёзишади. Шу ўринда ҳудудларга борганда асосан муаммоли мактабларни ўрганишга эътибор қаратишимизни айтиб ўтмоқчиман. Ҳудуд раҳбарлари танлаган мактабларга имкон қадар бормасликка ҳаракат қилсак-да, айрим ҳолларда улар танлаган мактабларга боришимизни ҳам инкор этмайман. Шундай вазиятлар бўладики, умуман ҳеч кимга айтмай, йўлимда учраган мактабга ёлғиз кириб чиқаман, бунда ҳатто мактаб раҳбарлари ҳам борганимни билмайди ва борганим ҳеч қаерда ёритилмайди.

Халқ таълими тизимида 10 мингдан ортиқ мактаб бор, қани эди ҳар бирига бирданига боришнинг, ўқитувчилар билан суҳбатлашиб, уларни қийнаётган муаммоларни бирваракайига ҳал қилишнинг имкони бўлса. Шу мақсадда вазирлик ҳузуридаги Жамоатчилик кенгаши ҳам соҳага оид барча муаммоларини ўрганиб, камчиликларни бартараф этиш мақсадида ташкил қилинганлигини ва бу Кенгашлар ҳар бир вилоятда тузилишини айтиб ўтмоқчимиз.

Дарвоқе, Халқ таълими вазирлиги барча ҳудуд раҳбарларини замонавий Таълим лидерлари қилишни мақсад қилган. Шу муносабат билан уларга юртимизнинг кўзга кўринган лидер раҳбарлари томонидан замонавий авлодни тарбиялашда замонавий бошқарув тизимини ўргатиш мақсадида мутлақо янги шаклда тренинг ташкил қилдик. Ишонаманки, 3 кун ичида ҳудудий раҳбарларимизнинг раҳбарлик тизимидаги дунёқарашлари ўзгариб, таълим тизимидаги бошқарувга янгича “ҳаво” кириб боради ва улар ўз ўрнида мактаб раҳбарларига ўрганганларини етказиб, тизимдаги бошқарувда ижобий ўзгариш юзага келади.

Ҳурматли устозлар, ота-оналар ва кенг жамоатчилик вакиллари! Яна бир бор юборилган таклиф-мулоҳазаларингизнинг бирортаси эътибордан четда қолмаслигини билдирган ҳолда ҳар бирингизга таълим тизимига бефарқ эмаслигингиз учун миннатдорлигимни билдириб ўтмоқчиман.

👉 @ustoz — Халқ таълими ходимлари учун махсус канал

Эртага, 1 март куни соат 10-00 дан бошлаб аттестация иштирокчилари учун ОНЛАЙН-РЕПЕТИЦИЯлар бошланади!

2022 йил январь-июнь ойларида ўтказиладиган педагог кадрлар аттестациясида иштирок этиш учун мурожаат юбориш жараёнлари ҳам якунланмоқда.

Педагоглардан малака (тест) синовларига тайёргарлик кўриш учун тест намуналаридан бериш тўғрисида кўплаб мурожаатлар келиб тушмоқда.

Мурожаатларни инобатга олган ҳолда ҳамда педагогларга қулайлик яратиш, уларни ҳар томонлама қўллаб-қувватлаш мақсадида Таълим сифатини назорат қилиш давлат инспекцияси томонидан жорий йилнинг 1 мартидан бошлаб онлайн-репетициялар ташкил этилади.

Ушбу репетициялар орқали педагоглар онлайн-тест дастури билан яқиндан танишишлари, дастурдан тўғри фойдаланиш кўникмаларини шакллантиришлари, ўзлари ҳақидаги маълумотларни pedkadr.tdi.uz - электрон базасига тўлиқ ва тўғри киритилганлигига ишонч ҳосил қилиш ва назорат материаллари йўналишлари бўйича тасаввурга эга бўлишлари мумкин бўлади.

🔰1 март куни соат 10-00 дан онлайн-репетициялар бошланадиган ўқув фанлари рўйхати:

🔸 Она тили ва адабиёт;
🔸 Ўзбек тили (Давлат тили);
🔸 Рус тили ва адабиёти;
🔸 Рус тили (таълим рус тилида олиб борилмайдиган синфлар учун);
🔸 Қорақалпоқ тили ва адабиёти;
🔸 Қорақалпоқ тили (Давлат тили);
🔸 Тожик тили ва адабиёти;
🔸 Қозоқ тили ва адабиёти;
🔸 Қирғиз тили ва адабиёти;
🔸 Туркман тили ва адабиёти;
🔸 Корейс тили.

‼️Репетицияларга қуйидаги сайт ҳаволаси орқали ўзингизнинг логин-паролингиз билан киришингиз мумкин:

↪️ http://test.tdi.uz/

👉 @ustoz — Халқ таълими ходимлари учун махсус канал

⚡️Физика, кимё, биология, география ва иқтисодиёт фанлари ўқитувчилари диққатига!

Эртага, 2 март куни соат 10:00дан бошлаб табиий фанлар бўйича педагог кадрлар аттестациясига тайёргарлик учун онлайн-репетициялар бошланади.

2 март куни соат 10:00 дан онлайн-репетициялар бошланадиган ўқув фанлари рўйхати:

🔹Физика;

🔹Кимё;

🔹Биология;

🔹География;

🔹Иқтисодиёт;

📌Онлайн репетицияларга 👉http://test.tdi.uz/ 👈 манзили орқали кириб кўришингиз мумкин:
Login — uztdi
Parol — uztdi

Эслатиб ўтамиз, ушбу репетициялар орқали педагоглар онлайн-тест дастури билан яқиндан танишишлари, дастурдан тўғри фойдаланиш кўникмаларини шакллантиришлари, ўзлари ҳақидаги маълумотларни http://pedkadr.tdi.uz/ электрон базасига тўлиқ ва тўғри киритилганлигига ишонч ҳосил қилиш ва назорат материаллари йўналишлари бўйича тасаввурга эга бўлишлари мумкин бўлади.

👉 @ustoz — Халқ таълими ходимлари учун махсус канал

⚡️"Математика" ҳамда "Информатика ва ахборот технологиялари" фанлари ўқитувчилари диққатига!

Бугун, 2 март куни соат 10:00дан бошлаб аниқ ва табиий фанлар бўйича педагог кадрлар аттестациясига тайёргарлик учун онлайн-репетициялар бошланади.

2 март куни соат 10:00 дан онлайн-репетициялар бошланадиган ўқув фанлари рўйхати:

🔹Математика;
🔹 Информатика ва ахборот технологиялари;
🔹Физика;
🔹Кимё;
🔹Биология;
🔹География;
🔹Иқтисодиёт;

📌Онлайн репетицияларга 👉http://test.tdi.uz/ 👈 манзили орқали кириб кўришингиз мумкин:
Login — uztdi
Parol — uztdi

Эслатиб ўтамиз, ушбу репетициялар орқали педагоглар онлайн-тест дастури билан яқиндан танишишлари, дастурдан тўғри фойдаланиш кўникмаларини шакллантиришлари, ўзлари ҳақидаги маълумотларни http://pedkadr.tdi.uz/ электрон базасига тўлиқ ва тўғри киритилганлигига ишонч ҳосил қилиш ва назорат материаллари йўналишлари бўйича тасаввурга эга бўлишлари мумкин бўлади.

👉 @ustoz — Халқ таълими ходимлари учун махсус канал

⚡️"Тарих", "Давлат ва ҳуқуқ асослари" ҳамда "Тарбия" фанлари ўқитувчилари диққатига!

3 март куни соат 10:00дан бошлаб ижтимоий фанлар бўйича ҳам педагог кадрлар аттестациясига тайёргарлик учун онлайн-репетициялар бошланади.

3 март куни онлайн-репетицияларда иштирок этиш мумкин бўлган ўқув фанлари рўйхати:

🔹Тарих;
🔹Давлат ва ҳуқуқ асослари;
🔹Тарбия;
🔹 Информатика ва ахборот технологиялари;
🔹Физика;
🔹Кимё;
🔹Биология;
🔹География;
🔹Иқтисодиёт.

📌Онлайн репетицияларга 👉http://test.tdi.uz/ 👈 манзили орқали кириб кўришингиз мумкин:
Login — uztdi
Parol — uztdi

Эслатиб ўтамиз, ушбу репетициялар орқали педагоглар онлайн-тест дастури билан яқиндан танишишлари, дастурдан тўғри фойдаланиш кўникмаларини шакллантиришлари, ўзлари ҳақидаги маълумотларни http://pedkadr.tdi.uz/ электрон базасига тўлиқ ва тўғри киритилганлигига ишонч ҳосил қилиш ва назорат материаллари йўналишлари бўйича тасаввурга эга бўлишлари мумкин бўлади.

👉 @ustoz — Халқ таълими ходимлари учун махсус канал

Ўқитувчини дарс ўтишига тўсқинлик қилинмоқда.

Тошкент вилояти Охангарон тумани 24-мактаб директори Мингбоев Юсуфали ака шу мактабнинг инглиз тили ўқитувчи Абдуллаева Ҳамида опага ноқонуний тарзда, қонунда кўрсатилмаган ҳужжатни талаб қилиб(мурожаатчининг айтишича шахсий манфаат сабаб), уни мактабдан ҳайдамоқчи, дарс вақтида кириб, дарсдан қўлидан судраб олиб чиқиб ташлаган.

👉 @ustoz — Халқ таълими ходимлари учун махсус канал

#Биласизми

ОТА-ОНАЛАР ТАЪЛИМ МУАССАСАСИДАГИ ДАРС ЖАРАЁНИГА АРАЛАШИШИ МУМКИН ЭМАС

Ўзбекистон Республикаси Халқ таълими вазирининг 2020 йил 28 майдаги 131-сонли буйруғига мувофиқ ота-оналар (уларнинг ўрнини босувчи шахслар) таълим муассасасидаги дарс жараёнига аралашиши мумкин эмас.

Томонлар ўртасида юзага келадиган ҳар қандай баҳсли вазиятлар фақатгина мактаб раҳбарияти (директор ва унинг ўринбосарлари) ҳамда мактаб психологи билан дарс жараёнига ҳалақит бермаган ҳолатда ҳал этилиши лозим.

Таълим муассасаси ҳудудида жамоа аъзоларининг ота-оналар (уларнинг ўрнини босувчи шахслар) билан муносабатлари ўзаро ҳурмат ва ҳушмуомалалик тамойилларига асосланиши лозим, бирор бир тараф томонидан бошқасининг шахсиятига камситувчи ҳатти-ҳаракатларнинг содир этилишига йўл қўйилмайди.

Томонлар юқоридаги талабларга риоя этмаган ҳолатларда вазиятни барқарорлаштириш учун маҳаллий ўзини-ўзи бошқариш ва ҳудудий ички ишлар органларига мурожаат этишлари керак.

❗️Эслатиб ўтамиз, Маъмурий жавобгарлик тўғрисидаги кодекснинг 197-5-моддасига кўра таълим муассасаси педагог ходимининг касбий фаолиятига қонунга хилоф равишда аралашиш ёки таълим муассасаси педагог ходимининг хизмат вазифаларини бажаришига тўсқинлик қилиш ҳолатлари учун:

👉фуқароларга 1 млн 350 минг сўмдан 1 млн 890 минг сўмгача, мансабдор шахсларга эса — 1 млн 890 минг сўмдан 2 млн 700 минг сўмгача миқдорда жарима солиниши мумкин.

❕Агар худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса:

👉фуқароларга 1 млн 890 минг сўмдан 2 млн 700 минг сўмгача, мансабдор шахсларга эса — 2 млн 700 минг сўмдан 4 млн 50 минг сўмгача миқдорда жарима солишга сабаб бўлади.

(c) Улуғбек Пўлатов

👉 @ustoz — Халқ таълими ходимлари учун махсус канал

Мактаб директорга отасидан қолганми?

Исроил ака мана бу ерда директор ва ўқитувчи ўртасидаги видео жойлашибди. Вазиятда аслида нимаган бошлагани ва нима учун директор ўқитувчини дарсга қўймагани ҳақида маълумот берибди. Вазият юзасидан шахсий хулосам қуйидагилардан иборат:

1️⃣ Ўқитувчининг конспект ёзиши “Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисидаги йўриқномага қўшимча ва ўзгартиришлар киритиш ҳақида”ги қарор ( рўйхат рақами (3058 ИИ-сон, 29.06.2020 й.) билан бекор бўлган.

2️⃣ Ўқитувчининг дарс машғулотларини олиб боришига қаршилик кўрсатиш учун жавобгарлик белгиланган ва бу ҳақида аввалроқ ёзган эдим. Видеодаги вазиятдан хулоса қиладиган боълса, директорни бемалол маъмурий жавобгарликка ториш мумкин.

3️⃣ Халқ таълими вазирининг 2021 йил 1июлдаги 206 сонли буйруғи билан тасдиқланган халқ таълими ходимларининг лавозим мажбуриятлари орасида директорнинг таълим-тартбия жараёнининг иштирокчиларининг шаъни, қадр-қиммати ва ишчанлик обрўсини ҳурмат қилиш мажбурияти борлиги белгиланган.

4️⃣ Директор оъқитувчини дарсга қоъймаслиги натижасида оъша синфдаги оъқувчилар билим олмаслиги учун ҳам директор жавобгардир. Чунки умумтаълим муассасаси директори муассасанинг ўқув-тарбиявий фаолиятининг ташкил этилишига бевосита масъул ҳисобланади.

П.С. Шундай экан, директорнинг бундай ҳаракат қилиши на ҳуқуқий ва на аҳлоқий меёрларга тўғри келади. Агар вазият ҳақиқатда ўқитувчи айтганидек бўлса, унда бундай шахснинг таълим муассасасига раҳбарлик қилиши мутлақо мумкин эмас.

Вазият юзасидан халқ таълими вазирлиги ёки бошқармаси аниқлик киритиб, тегишли чора кўриши лозим.

(c) Исроил Тиллабоев

👉 @ustoz — Халқ таълими ходимлари учун махсус канал