#Биласизми

❗️Ота-оналар ўз фарзандларини ўз хоҳишига кўра ўқув йили давомида ёки у тугаганидан сўнг бир синфдан бошқа синфга ўтказиш ҳуқуқига эга.

Бунда ота-оналар фарзандини синфдан синфга ўтказиш сабабларини кўрсатиб мактаб директори номига ариза беради. Директор аризани олган кундан бир иш кунида кўриб чиқади ва ўқувчини синфдан синфга ўтказиш тўғрисида буйруқ чиқаради.

Синфдаги ўқувчилар сони меъёрдан (35 нафар) ортиқ бўлганда, директор ўқувчини синфдан синфга ўтказишни рад қилиши мумкин. Рад этиш ҳақида директор уч кунда ота-оналарга ёзма равишда маълум қилиши керак.

Директорнинг ўқувчини синфдан синфга ўтказиш тўғрисидаги буйруғи қабул қилингач, 3 кунда синф журнали ва ўқувчилар ҳаракати дафтарига тегишли ёзув киритилади.

👉 @ustoz — Халқ таълими ходимлари учун махсус

#Педагоглар_аттестацияси

⚡️ Тест синовларини ўтказиш жадвали тасдиқланди

Туризм ва спорт вазирлиги ҳамда Таълим сифатини назорат қилиш давлат инспекциясининг қўшма қарори билан "Туризм ва спорт вазирлиги тизимидаги барча давлат спорт-таълим муассасалари тренерлари аттестациясининг тест синовларни ўтказиш жадвали" тасдиқланди.

Мазкур малака (тест) синовлари санитария-гигиена талабларига қатъий амал қилган ҳолда барча қулайлик, шарт-шароитлар яратилган, шунингдек замонавий ахборот коммуникация технологиялари воситалари билан таъминланган Олий таълим муассалари ҳамда Таълим сифатини назорат қилиш давлат инспекциясининг (Чилонзор т, Нурхон кўчаси 21-уй) биноларида ўтказилади.

👉 @ustoz — Халқ таълими ходимлари учун махсус

⚡️C1 даража учун инглиз тилидан тест синови форматига ўзгартиришлар киритилди

Давлат тест маркази Илмий-методик кенгашининг 2022 йил 28 январда ўтказилган 1 сон йиғилишида чет тилини билиш даражасини баҳолаш тест синовларининг Б1, Б2 ҳамда C1 даражалари учун ишлаб чиқилган янги тест спецификациялари лойиҳаси кўриб чиқилиб, кенгаш аъзолари томонидан маъқулланди ҳамда янги тест спецификацияларини февраль ойидан бошлаб босқичма-босқич амалиётга жорий этилиши белгиланди.

Шу сабабли, февраль ойида бўлиб ўтадиган C1 даража учун инглиз тилидан тест синови формати ўзгармоқда. Унда қуйидаги ўзгаришлар кўзда тутилган:

◾️ Тинглаб тушуниш бўлими 5 қисмга ажратилди. Бўлимга муқобил жавобли тест топшириқлари билан биргаликда мослаштиришни талаб қилувчи тест топшириқлари киритилди.

▪️ Ўқиш бўлимида бериладиган бадиий матнлар чиқариб ташланди.

▪️ Лексик ва грамматик компетенциялар бўлими 3 қисмга ажратилди. Бўлимга муқобил жавобли тест топшириқлари билан биргаликда мослаштиришни талаб қилувчи тест топшириқлари киритилди.

▪️ Ёзиш бўлимида топшириқлар учун белгиланган баллар нисбати ўзгарди: 1 топшириқ учун 10 балл, 2 топшириқ учун 15 балл, 3 топшириқ учун 5 балл тарзида қайта тақсимланди.

Янги тест синови формати ва тест намуналари билан қуйидаги ҳаволалар орқали танишиш мумкin:

🔹 https://dtm.uz/page/test_sinovlari_формати
🔹 https://dtm.uz/page/test_namunalari

Изоҳ: ушбу ўзгаришлар март ойидан бошлаб ўтказиладиган тест синовларига татбиқ этилади.

👉 @ustoz — Халқ таълими ходимлари учун махсус

"Халқ таълими тизимини ислоҳ қилиш бўйича қўшимча чора-тадбирлар тўғрисида"ги Ўзбекистон Республикаси Президентининг 2022 йил 3 февралдаги Ф-22 сонли фармойиши

👉 @ustoz — Халқ таълими ходимлари учун махсус

“Педагог ходимнинг мақоми тўғрисида”ги қонун лойиҳаси тақдири нима бўлди?

Адлия вазири Русланбек Давлетов кеча бўлиб ўтган очиқ мулоқотда ушбу саволга жавоб берди.

Унинг сўзларига кўра, ушбу қонун лойиҳаси Вазирлар Маҳкамасида турибди. Бу ерда қўшимча кафолатлар масаласида муаммо бўляпти, чунки бу пул билан боғлиқ. Бу соҳага ҳар битта эътибор қўшимча маблағни талаб қилади, сабаби соҳада 500 минг нафар ўқитувчи ишлайди. Ҳозирча бу қонун Парламентга киритилмаган, Вазирлар Маҳкамасида кўриб чиқилмоқда.

👉 @ustoz — Халқ таълими ходимлари учун махсус

Навбатдаги «Андижонча тажриба»: Марҳаматда ўқитувчилар ота-оналар қаршисида узр сўрашди

Марҳамат туманидаги мактабда ўқитувчилар ўқув муассасида таълим сифати, ўқувчиларнинг олийгоҳларга кириш кўрсаткичи пастлиги учун ота-оналар олдида турғазиб қўйилиб, узр сўратилган. Узрбозлик маросими вақтида ота-оналар бунга эътироз билдириб, ўқитувчилардан узр сўраган, аммо туман ХТБ ташаббуси билан ўтказилган тадбир шу руҳда давом эттирилган.

📃 Батафсил

👉 @ustoz — Халқ таълими ходимлари учун махсус

⚡️ Тезкор муносабат

"Навбатдаги «Андижонча тажриба»: Марҳаматда ўқитувчилар ота-оналар қаршисида узр сўрашди" сарвлавҳали юқоридаги хабарга Халқ таълими вазирлиги матбуот котиби Лайло Рустамова томонидан юқоридаги видеомурожаат орқали тезкор муносабат билдирилди.

👉 @ustoz — Халқ таълими ходимлари учун махсус

Андижон шаҳар ХТБ раҳбарлари 57 млрд бюджет пулларини талон-торож қилгани айтилмоқда

Шаҳар халқ таълими бўлими собиқ раҳбари Сунбула Эралиева катта миқдорда бюджет маблағларини ўзлаштирганликда гумонланмоқда.

📃 Батафсил

👉 @ustoz — Халқ таълими ходимлари учун махсус

Андижон вилоятининг Марҳамат туманида таълим сифати, ўқувчиларнинг олийгоҳларга кириш кўрсаткичи пастлиги учун 72 ИДУМ ўқитувчилари ота-оналар олдида узр сўрашга мажбур этилган. Ушбу ҳодиса Халқ таълими вазирлиги томонидан тезкор равишда ўрганилмоқда ва бунга йўл қўйган мутасаддиларга қарши жазо чоралари кўрилиши кутилмоқда.

Айни пайтда, президентимиз томонидан ўқитувчиларнинг жамиятдаги мавқейини ошириш учун катта ташаббуслар илгари сурилаётган вақтда бундай ҳолатларнинг кузатилиши амалдаги сиёсатга ҳам мутлақо зиддир.

Халқ таълими вазирлиги доимо ўз устида ишлайдиган устозларни қўллаб-қувватлайди ва уларнинг жамиятдаги обрў-еътиборини ошириш борасидаги ишларни амалга оширишда аниқ қадамлар билан давом этади. Шунингдек, бу борада ОАВ нинг ҳам бу йўлда фаол бўлишлари муҳимдир.

👉 @ustoz — Халқ таълими ходимлари учун махсус

Ҳурматли жамоатчилик вакиллари!

Бугун Марҳамат туманида юз берган ҳолатни нафақат ўқитувчиларимизнинг шаънини ерга уриш балки Давлатимиз сиёсатига қарши амалга оширилаётган ҳаракат деб баҳолайман.

Ўқитувчи қадрланмаган юрт ҳеч қачон тараққий этмайди. Шу боис бугун Давлатимиз Раҳбари ўқитувчиларни улуғлаш ва жамиятда энг обрўли инсон қилиш масаласини Давлат сиёсатининг энг юқори даражасига олиб чиқдилар.

Бу ҳаракат қандай мақсадда амалга оширилгани менга қоронғу, лекин айбдорлар албатта жавоб бериши керак. Шу ўринда мен ўқитувчилардан ўз қадр-қимматларини ерга уришга йўл қўймасликларини сўраб қоламан. Сизнинг бу даражада бошингизни ерга қаратишга ҳеч кимнинг ҳаққи йўқ!

Ҳозирда Халқ таълими вазирининг ҳуқуқий-назорат хизмати томонидан ишчи гуруҳ ташкил этилиб, ҳолатни ўрганмоқда. Бундай ҳолатларга йўл қўйган "ташаббускорларга" албатта тегишли чора кўрилади.

Ўзбекистон Республикаси Халқ таълими вазири Бахтиёр Саидов

👉 @ustoz — Халқ таълими ходимлари учун махсус

❗️УСТОЗИ ТИЗ ЧЎККАН МИЛЛАТ ХАРОБДИР

Андижоннинг Марҳаматида ўқувчиларнинг олийгоҳларга кириш кўрчаткичи пастлиги учун устозларнинг ота-оналар олдида тик туриб кечирим сўраттирилганлиги ҳақида тарқалган хабар ва суратларни кўриб ҳатто Абдулла Авлоний ҳам гўрида тик турган бўлса ажаб эмас. Негаки, азалдан миллатнинг ҳаёт ва мамоти, тақдири мана шу инсонлар қўлида бўлган ва улар яхшими ёмонми – ҳурмати жойига қўйилган.

Хўш, шу даврга қадар олти ой далада ишлатилган, кўча супуртирилган, ахлат тозалаттирилган ва бугунга келиб елкасига офтоб теккан устозларнинг айби не эди?

Ҳар дарсда қирқ беш минут сизнинг болаларингиз олдида тик тургани етмасмиди? Ахир ўрта таълим ўқитувчилари ўрта маълумот бериб, сидқидилдан ўз вазифаларини бажариб келаяпти-ку?! Қолаверса, устозлар ҳар бир ота-онанинг фарзандини Олий ўқув юртига киритиш гарантиясини олмаган-ку!

Мантиқсизлик ҳам шу даражада бўладими?

Қисқа қилиб айтганда: Жамиятнинг зиёли қатлами бўлмиш устозларни тик турғазиб бошини ерга қаратиш - миллат устунларига болта уриш, уни қулатишга бўлган ҳаракат ва аниқроғи миллатга хиёнат қилишдир.

Президентимиз келажак тақдири ўқитувчилар қўлида эканлигини қайта-қайта таъкидлаб, уларнинг қадри ва шаънини кўтаришга ҳаракат қилаётган, таълим соҳасида тарихий ислоҳатларни бошлаган бир пайтда устозларнинг омма олдида тик турғазиб тиз чўктирилиши Президент сиёсатига соботаждир.

Мирзабек ЖАПАҚОВ, ҳуқуқшунос журналист, Хоразм

👉 @ustoz — Халқ таълими ходимлари учун махсус

Ўқитувчиларни ота-оналардан узр сўрашга мажбур қилган ХТБ бошлиғи ва ҳоким ёрдамчиси барча устозлардан узр сўратилиб, сўнг иш жойидан бадарға қилиниши керак,

Мабодо битта узр ё хайфсан билан қутулиб кетишса - демак, таълим тизими аввалги ҳолатидан янаям чуқурроққа кириб кетган бўлади.
Кузатамиз...

P.S. Бош эгиб турган таълим берувчиларнинг ортидаги баннердаги ёзув: "Нажот таълимда...!" ©Ш. Мирзиёев.

(c) RaisBuva каналидан

👉 @ustoz — Халқ таълими ходимлари учун махсус

9 февраль (1441 йил) – буюк шоир, мутафаккир, давлат ва жамоат арбоби, ғазал мулкининг султони Алишер Навоий таваллуд топган кун.

👉 @ustoz — Халқ таълими ходимлари учун махсус

Андижон вилояти Марҳамат туманидаги мактабда ўқитувчилар ота-оналар олдида турғазиб қўйилиб, узр сўратилгани учун туман ҳокими Бобуржон Юлдашев устоз ва мураббийлардан кечирим сўради

👉 @ustoz — Халқ таълими ходимлари учун махсус

Мактабларни аттестациядан ўтказиш токи янги Низом ишлаб чиқилгунга қадар тўхтатилди

Бу ҳақда Президентимиз видеоселекторда шахсан ўзлари эски тартиб ўзини оқламагинини танқид қилиб, янги тартиб ишлаб чиқишга топшириқ бердилар

👉 @ustoz — Халқ таълими ходимлари учун махсус

Президентимизнинг тарихий нутқида таълим тизимида 30 йил давомида гапирилмаган гаплар илк бора гапирилди.

Ушбу нутқда ҳокимларни мактабларга ёрдам берувчи шаҳс бўлишлари кераклигидан бошлаб мактабларни аттестация аккредитациядан ўтказиш тизимигача таҳлил қилиб бердилар.

Хақиқатан ҳам аттестация аккредитациядан ўтказиш жараёнини тубдан коррупциядан холи тартибини ишлаб чиқиш мақсадга мувофиқ эди.

👉 @ustoz — Халқ таълими ходимлари учун махсус

Президентимизнинг “Халқ таълими тизимини ислоҳ қилиш бўйича қўшимча чора-тадбирлар тўғрисида”ги фармойиши қабул қилинди.

Халқ таълими тизимини янада ривожлантириш, соҳага доир янги ташаббусларни илгари суриш ва уларни қўллаб-қувватлаш, таълим ва тарбия сифатига бевосита ва билвосита таъсир қилиши мумкин бўлган масалаларни ҳал қилиш, масъул вазирлик ва идоралар, маҳаллий ижро этувчи ҳокимият органларининг бу борадаги фаолиятини мувофиқлаштириб бориш мақсадида мазкур йўналишда қуйидагилар ташкил этилади:

Xалқ таълими тизимини ислоҳ қилиш бўйича миллий кенгаш;
халқ таълими тизимини ислоҳ қилиш бўйича Қорақалпоғистон, вилоятлар ва Тошкент шаҳар кенгашлари (ҳудудий кенгашлар);
халқ таълими тизимини ислоҳ қилиш бўйича туман (шаҳар) кенгашлари.

Миллий кенгашнинг асосий вазифалари этиб қуйидагилар белгиланди:

миллий таълим тизимини йўлга қўйиш, дарслик ва ўқув қўлланмаларини замон талаблари асосида такомиллаштириш ҳамда уларнинг янги авлодини яратиш, ўқув дастурларини илғор хорижий тажриба асосида оптималлаштириш бўйича ишларни мувофиқлаштириш;

ўқитувчи касбининг мақоми ва обрўйини кўтариш, уларнинг моддий ва ижтимоий қўллаб-қувватланишини таъминлаш, самарали меҳнат фаолияти учун муносиб шароитлар яратиш;
Янги Ўзбекистон тараққиёти, бой маданий-тарихий мерос, миллий урф-одат, ватанпарварлик ва умуминсоний қадриятлар ғоялари асосида маънавий етук авлодни тарбиялашнинг самарали педагогик шакл ва методлари татбиқ этилишини ташкиллаштириш;

умумий ўрта таълим муассасалари бино ва иншоотларини қуриш, реконструкция қилиш, жорий ва мукаммал таъмирлаш бўйича ишларни мувофиқлаштириш ва мониторингини олиб бориш, мазкур ишларда замонавий технологиялар ва энергия тежамкор материаллар қўлланилишини таъминлаш;

халқ таълими соҳасидаги ишларнинг аҳволини тизимли таҳлил ва мониторинг қилиш, масъул вазирлик, идора ва маҳаллий ижро этувчи ҳокимият органлари раҳбарларининг бу борада қилинган ишлар бўйича ҳисоботларини тинглаш, шу асосда уларни рағбатлантириш ёки жавобгарликка тортиш бўйича чоралар кўриш;
халқ таълими соҳасидаги давлат дастурларини ишлаб чиқиш ва амалга оширишни ташкиллаштириш, мазкур соҳадаги қонунчилик ҳужжатларини ва ҳуқуқни қўллаш амалиётини янада такомиллаштириш ва бошқалар.

Ҳудудий кенгашларга туман (шаҳар) кенгашлари билан биргаликда 2022 йил 15 февралга қадар умумий ўрта таълим муассасалари директорлари, педагог кадрлар, ўқувчиларнинг ота-оналари, малакали мутахассислар ва хорижий экспертларни жалб қилган ҳолда халқ таълими тизимини ислоҳ қилиш бўйича туман (шаҳар) кесимида йиллик ҳудудий дастурларни ишлаб чиқиш ва кенг муҳокама қилиш учун расмий веб-сайтлар, ОАВ ва ижтимоий тармоқларда жойлаштириш топширилди.

Ушбу Фармойиш таълим тизимини ички ва ташқи жихатдан катта ўзгаришларга сабаб бўлувчи тарихий хужжатлардан бири десам адашмаган бўламан.

Фармойишнинг тўлиқ матни билан қуйидаги ҳаволада танишишингиз мумкин: 👉 https://lex.uz/docs/5848414

👉 @ustoz — Халқ таълими ходимлари учун махсус