مساء الخير

ذكرنا في بوست سابق انو ال ecfmg وقفت حسابات الروس


حل الموضع يكون بتغيير عنوان الاقامة لخارج روسيا

بالتوفيق للجميع

مساء الخير جميعا


لحد الان بتجينا اسئلة عن الاعتمادية
و انو اذا بكفي نعمل حساب ecfmg و لا لازم كمان نقدم الفحوصات



ال ecfmg شرحت بكل وضوح علموقع تبعها انو بكفي فتح الحساب فقط


و نحنا تواصلنا معهم و ردولنا يايميلين رح نبعتهم


حتى باحد الايميلات ردت ال ecfmg انو اذا الشخص ببلش بانشاء الحساب قبل بداية سنة ال 2024 و بخلص العملية بعد بداية ال 2024 رح يضل فينو يقدم الفحوصات و يختص بامريكا




لهيك منطلب من الجميع انو يقتنعو بكلام ال ecfmg و لا يلتفتو للاراء الشخصية لللناس

تجربة iFom للدكتورة لؤي المسرابي
سنة سادسة جامعة دمشق

ألف مبروك للدكتور من القناة و منتمناله دوام التفوق و النجاح

بالتوفيق للجميع

تجربتي ifom bse
النتيجة النهائية: ٨٦
المصادر: bnb uworld راندي نيل فقط
المدة الفعلية للدراسة: تقريبا ٤ أشهر

ملاحظة: التجربة غير مثالية أبدا ومليئة بالأخطاء
البداية كانت مع بداية السنة الخامسة باتخاذ قرار أني ما بدي ألماني واتفقت مع شركاء دراسة أنو نبلش تحضير للستيب بس ما بلشت للفصل التاني ببداية متواضعة جدا بفيديوهات مادة النفسي وبس خلصتها درست اليوورد والآنكي(المادة الوحيدة اللي درستلا آنكي) وشفت فيديوهات الدم وهي كانت حصيلة الفصل كلو

بعد نهاية الفصل بقيت عم ضيع وقت وأدرس برتم بطيء جدا هيك لبداية سنة ال٢٠٢٢ كنت مخلص زيادة عن السابق فيديوهات الmsk فقط

بداية ال٢٠٢٢ بلشت بخطة جديدة لأني ما بحب كتر المصادر فبلشت فيهن واحد واحد وكانت البداية فيديوهات bnb خلصتن كلن بالشهر الأول

بعدها قررت أحجز بغض النظر عن الجهوزية لأني بعرف إذا ما انضغطت ما بدرس منيح بس طبعا كان قرار خاطئ لأنو فترة تقديم الآيفوم بتنتهي ب٢٧/٥ يعني باقي معي اقل من ٤ شهور وأنا مو شايف غير الفيديوهات(كنت شوفهن رفع عتب لخلص المقرر اليومي)
بعدها بلشت بآليات دفاع نفسي مشان ما بلش بالuw فحليت شي ٣٠٠ سؤال lecturio على ٥٠٠ سؤال amboss وهيك كنت مضيع شهر ٢

بشهر ٣ قررت حط عقلي براسي وبلشت uw بلوك باليوم مع زيادة تدريجية للبلوك ونص وفي أيام كون مشغول فما أدرس شي وما خلصت الuw بشكل كامل لقبل الفحص بأسبوع

بالأسبوع الأخير خصصت الوقت بشكل كامل لحل nbme من ال٢٧ لل٣٠ وكانت النتائج متقاربة بين ال١٨٠ وال١٩٠ بس بفضل رب العالمين كانت علامة الفحص أحسن بكتير من توقعي ومن تقديمي بالnbme

شغلات تعلمتا من تجربتي وبنصح فيها غيري وطبعا مو شرط أبدا تتوافق مع أسلوب حدا فهي شغلة بتختلف من شخص لآخر
نصيحة١: لا تقدم عموعد فحص بس لأنو الوقت بيفرض عليك معلش خود وقت زيادة مقابل تجيب علامة أحسن.

نصيحة٢: للشخص اللي ما بحب يشتت حالو يدرس مصدر ورا مصدر حتى لو لنفس المادة يخلصها bnb مثلا وبعدها سكيتشي

نصيحة٣: الfa شفتو بدراسة أول مادتين وبعدها ما صحلي شوفو إلا قبل الفحص بيومين وهو بالفعل مصدر عظيم جدا بس بعد ما تكون مخلص وفهمان كلشي لو كان معي شهر تحضير زيادة كنت خليتو fa فقط بدون اي شي تاني

نصيحة٤: شركاء الدراسة ضروري جدا يكونو موجودين بس لازم يكون في خطة وشغلات تلزم الشخص بالدراسة غير وجود الشركاء-شرط لازم وغير كافي-

نصيحة٥: أثناء الاستراحة بنص الفحص ما كان معي شي يضبط الوقت فراح عليي ٥ دقايق من وقت البلوك فالنصيحة أنو تنتبهو للوقت

نصيحة٦: اتفق تقدم الفحص مع شخص تاني بنفس اليوم لأنو أجواء التوتر قبل الفحص بيوم يومين بتحتاج يكون في شخص متلك عايش نفس أجواءك وهالشي بخفف التوتر (نصيحة عن تجربة)

بعتذر إذا طولت بالتجربة بس حبيت نبه عالأخطاء اللي وقعت فيها عسى يستفيد منها غيري
وبالنهاية بشكر كل الموجودين هون لأنو كتير شغلات استفدت منها و بشكر أي حدا جاوبني عن أي سؤال سألتو من قبل
طارق وعادل وغيرن كتار @TareqHanouneh @Adel_Imad
وبشكر أصدقاء الدراسة اللي عشنا كلنا نفس التجربة بنفس اليوم وحتى علامتنا كانت جدا متقاربة ملاذ وعبادة @malath98 @ObadaAlhalabi

تغييرات مهمة جدا في التقديم على البرنامج التدريبي في مستشفى حمد في قطر 🇶🇦🇶🇦 Hamad Medical Corporation Residency Program
(البوست مهم جدا جدا لكل المهتمين بالتقديم ويجب عليك قراءته وفهم طريقة التقديم) 🔰✅
.
هناك تغييرات جديدة ستبدا من هذه السنة للتقديم على البرنامج التدريبي في قطر HMC Residency Program ولمن لا يعرف البرنامج يمكنه قراءة البوست الاول المثبت وكذلك مشاهدة محاضرة الفيديو التي تم عملها ورفعها في صفحتي
.
التغييرات الجديدة لطريقة التقديم والقبول ستحدث هذه السنة خاصة بعد تخريج دفعات جديدة من كلية الطب في جامعة قطر وكذلك ويل كورنيل في السنتين الماضيتين
.
الان حيكون التقديم مقسم الى مرحلتين:
المرحلة الاولى: حتشمل
الدفعة الاولى Category 1a
خريجي كليات الطب في جامعة قطر وجامعة ويل كورنيل
الدفعة الثانية Category 1b
القطريين او من امهاتهم من قطر لكن خريجي كليات طب خارج قطر
الدفعتين حيقدموا مابين 1 اغسطس الى 30 سبتمبر 2022
.
والاولوية للدفعة الاولى
.
المرحلة الثانية : حتشمل Category 2
الي هما غير القطريين من خريجي كليات طب خارج قطر (الي هما من دول اخرى زي ليبيا والاردن وسوريا وغيرها....)
حيتم عرض باقي الكراسي التدريبية الي فضلت من المرحلة الاولى لكي يقدموا عليها
فترة التقديم ستكون مابين 25 اكتوبر الى 30 نوفمبر 2022
وستكون فقط للكراسي التدريبية التي لم يتم ملئها
يعني تشبه نظام بريطانيا السابق بنظام Round 1 للبريطانين والاتحاد الاوربية وRound 2 لباقي دول العالم (انتهى العمل بها في نهاية 2019)
.
كمثال يعني الباطنة 50 كرسي تدريبي كل سنة ... لو مثلا تم ملئ 20 كرسي من الدفعة الاولى حيفضل 30 كرسي للدفعة الثانية وهكذا (عدد الكراسي لكل تخصص موجود في الموقع في نهاية البوست)
.
.
ايضا هناك تغيير اخر وهو شرط اللغة العربية اي اجادة اللغة العربية في بعض التخصصات وهي
Family Medicine
Internal Medicine
Neurology
Pediatrics
Psychiatry
Urology
هذه التخصصات يجب ان يتكلم المتقدم العربية لكي يقدم عليها ... بينما باقي التخصصات غير مطلوب
.
ملاحظة: اخرى السنة هذه التقديم لخريجي اخر 6 سنوات ... يعني تقديم هذه السنة يجب ان تكون خريج 2017 فما فوق للتقديم لكي يتم قبولك وتبدا العمل في يونيو 2023 ان شاء الله

.
التعليق:
كما اوضحت سابقا ... المنافسة تزداد يوما بعد يوم خاصة انه عدد كراسي التدريب ثابت ... ونتيجة لمميزات البرنامج التدريبي وسهولة شروط التقديم فهذا يؤدي الى كثرة المنافسة من قبل المتقدمين حيث وصل في السنتين الماضيتين المتقدمين لاكثر ن الف متقدم متقدم على عدد كراسي قليل يعتبر فلهذا يجب ان تضع ذلك في الحسبان اثناء التخطيط
العوامل التي تزيد من فرصة قبولك:
1- سكورات امتحانات IFOM/Step 2CK وكذلك اللغة OET/TOEFL/ILETS
2- وجود Scholarly Activities زي الرسرش وكذلك Audits
3- سنة التخرج : كل ماكنت حديث التخرج كل ماكانت فرصتك افضل فلهذا لاتضييع وقتك في ديوتيات المستشفيات بدون تعليم وتدريب
.
وطبعا قبل كل شئ توفيق من الله
.
المصدر:
https://www.hamad.qa/EN/Education-and-research/Medical-Education/Residency%20Programs/Pages/Residency-Training-Programs-for-Medical-Graduates.aspx
.
منقول من د. محمد شريف

يقول (سوري) يعيش في (أمريكا) :
تعطلت سيارتي وأصدرت أصوات نكراء
وصار التابلوه مضيئاً بكل الألوان !!!...

اتصلت بشركة لسحبها، فأتى شاب ظننته باكستاني أو أفغاني وشككت أنه عربي .. ولكننا وفي بلاد الغربة هذه نبقى كعرب حذرين من غيرنا من العرب، ليس لسوء أخلاق أو عدم ثقة، لكن الربيع العربي جعل بين الإخوة أعداء فكيف بين الغرباء العرب؟
تكلمنا بالإنكليزية ..
لم أسأله من أين هو؟؟.. ولا هو سألني !!!
سلمته العنوان إلى الوكالة، حيث سيأخذ السيارة وقلت له أسبقك أنا إلى هناك وأحاسبك حين تصل .. وهذا ما كان فعلاً ..
وصلت الوكالة وسجلت الأوراق وأعلمتهم أن السيارة ستكون هنا خلال دقائق ..
ولَم يكذب الشاب الخبر أنزل السيارة وسلم المفتاح وأدار ظهره ليركب سيارته وينطلق ..
وبالإنكليزية ناديته : انتظر لم ادفع بعد لك أجرة السحب .. فقال لي بعربية ذات لهجة محببة
و ليست لهجة سورية !!!.. الأجرة قد دُفعت ودُفعت سلفاً ودُفعت أكثر بكثير مما تتصور !!!..
واستطرد قائلاً :
شككت أنك عربي ظننتك لبنانياً أو فلسطينياً، لكني لم أعرف أنك سوري حتى رأيت الياسمين بسيارتك .. وعرفت حينها أنك ابن سورية الأصل .. ابن سورية شرف العرب .. فلا يتباهى عربي بوطنه في بلد يكره العرب كابن سورية .. وبكى !!!..
قلت له يارجل ماذا جرى؟..
لم البكاء؟..
قال : بعد حرب العراق لم يقبلني بلد !!!.. مُنعنا من الخليج .. ومنعنا من السعودية .. وفي دول عربية أخرى رفض لنا الطلب .. فاتجهنا لسوريا .. فدخلناها بلا طلب ولم يُطلب منا شيء .. فقط قالوا لنا على الحدود : خلال ثلاثين يوم راجعوا الجوازات لتحصلوا على الإقامة وتصرحوا عن مكان السكن وتسجلوا الأطفال في المدرسة القريبة من مكان إقامتكم .. ولتعلموا أي المشافي عليكم المراجعة ..
قلت لهم : قد شُح المال في الهرب ولا نملك مالاً لمشفى أو مدرسة ..
قالوا لنا :
أنت عنا وللي بصير علينا بصير عليك .. فوت عمي فوت .. مصرياتك خبيها .. المدرسة والمستشفى هدول علينا ارتاح .. أنت ببلدك ..
فبكيت أنا !!!..
عانقني وقال : كيف أحاسبك وأنت ابن سوريا وما بينسى المعروف إلا قليل الأصل ..
أصررت على الدفع وأصر على الرفض !!!.. ومسكت يده وسحبته وهو يحاول الهرب وتعالت الأصوات .. وأتى الأميركي يسأل : هل أطلب الشرطة ؟.. قلت له وأنا أبتسم : لا لا .. هذا غزل .. لو تعرف فعلاً ما قيل وما جرى !!!..
هذا غزل سوري .. آه لو تعرف من هي سورية هي بلد بنكهة الياسمين ..
هذه هي سورية التي تربينا فيها بلد لكل العرب ولهم الحق بالإقامة والطبابة والتعليم المجانيين والعمل بالتساوي مع كل السوريين ..
سورية بلد المحبة والتآخي بين كل الطوائف والأعراق ..
هذه هي سورية ....
...........................

منقول

تم التأكد من صحة خبر توافر امتحان IELTS في سوريا من قبل عدة جهات. أول موعد للامتحان سيكون في 20 آب بمدينة دمشق.

التسجيل من خلال الرابط 👇🏻🤓

https://ielts.idp.com/book/IELTS?mibextid=FPBZBe&fs=e&s=cl

تجربة الدكتور فراس الشهابي

سنة خامسة جامعة حلب


الف مبروك للدكتور فراس و منتمناله دوام التفوق و النجاح

بالتوفيق للجميع

أنا فراس الشهابي طالب سنة خامسة في جامعة حلب رح أحكي تجربتي مع الستيب ١ عسى ولعل يستفيد حدا منها مثل ما فادني كتير تجارب قرأتها ورح تكون نصائح موجهة للطلاب الطب بسنواتن الأولى بشكل عام ول يلي بدو يحضر للستيب ١
تاريخ التقديم 2022/05/18
فترة التحضير كانت عبارة عن مراحل تتفاوتها انقطاعات بسبب فحوصات الكلية واجازات للراحة النفسية

المرحلة الأولى التخطيط

هي مرحلة مهمة بمشوار أي شخص ، فكر منيح بطريق معين وعبكير شو بدك لانو بس مشيت بكذا طريق فهاد الشي مو بصالحك أبداً لانو غالبا رح تفشل بلاثنين ،حدد هدف وامشي عليه واشتغل عبكير انت طالب وعندك كتير وقت بسنواتك الأولى وكل ما بتكبر بقل وقت فراغك وتزداد المسؤوليات بحياتك فكر سواءً ألمانيا او قطر او أمريكا او بسوريا أو اي طريق بدك تمشي عليه لازم تخطط وتدرسو منيح من بدايته لنهايته
انا بعد السنة التحضيرية خططت امشي لطريق أمريكا وخلال السنة الثانية كنت فقط أقراء تجارب وأسال معارفي وأقربائي عن طريق أمريكا من الألف للياء واكتشفت أنو الطرق من أصعب وأطول وأكلف الطرق بس انشالله بستاهل بلأخير التعب مشانو

المرحلة التانية فترة بناء الأساسيات يلي رح أبني كلشي بعدين عليها

هي أهم مرحلة بلنسية لشخص بدو يبني أساس قوي رح يفيدك برأي لآخر عمرك لانو بالاخير كلشي بتتعلمو رح يكون مرتبط بطريقة او بأخرى بهلأساسيات لذلك ضروري جدا تكون البنية التحتية عندك قوية
بلشت ببداية السنة الثالثة بلكلية لنهاية السنة الرابعة ( كنت بلطب حرفياً تحت الصفر السبب اول الشي لسعتي ببداية الطب وما أخدت كلشي لسع
تاني شي كان معدلي جداً سيئ (الأخير علدفعة) وطريقة دراستي كلها خاطئة وما تعملت شي مثل عادة كنت كمون العمل والضغط التناضحي ما أعرف شو يعني! وبشوف السبب بصياغة مقررات الجامعة يلي درست منها للأسف، عم بقول هلشي مشان أي شخص ما يقول أنا مستواي ضعيف ومستحيل امشي بهطريق حرفياً مارح تكون أسواء مني )
قبل ما أبدأ بلمصادر
بعد السنة التانية قررت أدرس للجامعة فقط بأسبوع الفحص! وخلال الفصل امشي بطريق الستيبات هلسيستم قررت اتبعو حتى تخرجي وطبعا الستيبات كانت بالنسبة إلي تفيدني أكتر من مقررات الجامعة ومعدلي ارتفع بطريقة انا ما صدقت كيف اكيد مارح يكون معدلات عالية اذا مارح تدرس المقررات خلال الفصل بس صارت معدلاتي وسطيا بحدود ال 84
المصادر ردت أستخدم مصادر وأتوسع وأبني أساس كتير قوي ولانو بلشت بوقت بكير ومعي وقت طويل فردت أعطي كل فترة حقها وكنت رايد علامة عالية فردت كون متمكن ولكن قرار ال pass & faill نزعلي مخططاتي بس كلو خير انشالله. استخدمت كتب مع فديوهات كابلان هلكتب رح تسمعو كتير تناقضات عليهن وانو هنن تضيع وقت برأي الشخصي هدول الكتب بفيدو اذا واحد كان ببداية سنواتو بلطب لانو انت بلبداية حرفياً ماعندك اساس بشي! وهدول ببلشو من الأول كتير مفيدين اذا كنت بسنواتك الأولى وتدخل عجو المصطلحات الطبية ومن الصفر والكتب للأمانة مع شرح الفديوهات رائعين بس ضخمين! بس للأشخاص يلي عندن اساس بلجامعة وصارو سنة رابعة وبعد برأي اي رح يكون في تضيع وقت لانو يمكن تلاقي فقط
10 % من المعلومات جديدة عليك وما بستاهل تضيع وقتك عليه مشان هل 10 % والفكرة كمان كابلان مارح يفيدوك (بطريقة مباشرة) للفحص اكتر الشي ممكن يفيدك بطريقة مباشرة للفحص ورفع العلامة هو حل الأسئلة ،فكرة الكتب هو بناء اساس فقط
بس في فكرة انو مشان الفيزيولوجيا استخدمت كتاب BRS والباثولوجي استخدمت بدالن pathoma و goljan عوضاً عن كابلان
ال brs شفتو أفضل من كابلان للفزيو
وبالنسبة لمادة ال pathology هي زبدة الستيب ١ و أغلب الطب عليها ومصدر كابلان صراحة ما متوسع كتير فيها فردت أتمكن كتير بعلم الأمراض لانو حياتنا المهنية كلها رح تكون متعلقة بلأمراض!
فاستخدمت متل ما قلت فوق pathoma و goljan
كتاب pathoma رائع بس انا ردت أستخدم كتاب goljan للتوسع و صراحة كان أفخم كتاب بدرسو بكل حياتي طريقة شرح المعلومات فيه جدا رهيب صحيح ضخم بس بستاهل كل ثانية اذا واحد بدو فعلا يفهم كل شغلة واستنتجها شلون عم تصير

المايكرو والفارما استخدمت sketchy وال pixo مواد بصمية بامتياز وانا بلبصم ضعيف فكانوا ممتازين
فيديوهات الدكتور نجيب يلي حرفياً (هو يلي خلاني أحب الطب) ويلي أعطاني أقوى اساس طبي الحمد الله سمعت عنو خلصت بحدود ال 240 فديو إلو عقد ما حبيتو! مشكلتو كتير طويلة فديوهاتو وببلش من الصفر وهو غير موجه لتقديم الفحص بس انا كنت بدي بنية تحتية قوية وهاد الشي بالنسبة إلي كان مناسب جدا جدا جدا وعندو المقولة المشهورة
Learning medicine without understanding can be a torture but with clear concepts it becomes fun and pleasure
للاسف الكلية بتعلمك تبصم بدون ما تفهم كل معلومة كيف مرتبطة بغيرها وأصلاً وقت بتفهم كل شغلة ليش بتصير والله بتصير الدراسة ممتعة شوفو فديوهاتو بتفهمو شو بقصد بس بدها طولة بال

بعد ما خلصت كل هلمصادر ردت اجمع كل المعلومات واعيدن بمكان أقل من كل هلمصادر لانو الفكرة فحص الستيب ١ عم يختبرك بكل الطب معلومة خاطئة انو هو مواد أول ٣ سنين هو حرفيا مواد كل الطب ولكن التركيز عمواد أول ٣ سنين فلفكرة الفحص كمية المعلومات ضخمة كتير بتدرس قسم معين بعدين البعدو حتى تصل مثلا للقسم عشرين بتلاحظ أنو اول قسم نسيتو بعدين بتعيد القسم الأول بتلاحظ نسيت القسم عشرين ولفي بينا يا دنيا وهاد شي طبيعي لذلك المراجعة جدا مهم ويكون بقا مصادر موجهة لأفكار الفحص مثل هلمصدرين ويلي هنن فديوهات bnb و First aid وهدول الاثنين ميزتن مختصرين وموجهين لشخص بدو يقدم الفحص يعني اخف بكتير من المصادر السابقة بس مارح يعطوك اساس مثل هدوليك المصادر بس هدول برأي اذا واحد رايد بس يقدم الفحص وعندو أساس قوي ويخلص من الفحص كافيين
بس الفكرة اذا كنت بسنواتك الأولى رح تشوفن كتير صعبين وما رح تفهم شي وهاد شي طبيعي لانو مخصصين لشخص درس الأساسيات وبالرغم من انو فديوهات bnb بتشرح ال FA بضل اذا كنت من الصفر رح تشوفن جدا صعبين وال bnb شرح موجه للفحص وليس من الصفر في كمان انكي كويس للمراجعة استخدمتو فترة بعدين تركتو لانو حسيتو بلنسبة إلى بياخد مني وقت اكتر من الفائدة يلي عم باخدو منها غير أشخاص ما بيحسنو بدونو الشغلة بتعود إلك جرب وشوف
المهم أستخدمت المصادر يلي قلتلن bnb و FA وكانو جدا سلسين معي ورائعين للمراجعة وأنهيتن تقريبا بنهاية السنة الرابعة

مرحلة التركيز الفعلي لتقديم الفحص
ببداية السنة الخامسة قررت أقدم وأحجز الفحص بلفصل الثاني من السنة من ضمن فترة التحضير في شهر وشوي خفت دراستي بس ما قطعتها لانو بفترة بناء الأساسيات يعني السنة الثالثة والرابعة كنت أدرس للكلية بشهر الفحص وأقطع الستيبات وهاد التوقف كتير مؤذي لتحضيرك يفضل يكون متواصل
بقا هون قرب فحصي فدرست باسبوع فحص كلية الجامعة مع الستيبات فكان الضغط لفل ماكس بس عدت الأيام الحمدلله
هون صارت فترة تحضير مكثفة جدا للفحص وكانت عبارة عن حل فقط أسئلة استخدمت فيها المصدر المشهور والخارق وهو ال u world للستيب ١ عبارة عن بنك اسئلة بتختبر كل المعلومات يلي ممكن تجي بلفحص مع شرح ضخم فكرة البنك انو بكون عندك سؤال بعد ما بتحلو بيعطيك شرح مفصل لفكرة السؤال وليش اخترنا الاجابة صحيحة وكل خيار ليش خطأ وما اخترنا بعدين ملخص سريع للسؤال مصدر جدا رائع وموجه للفحص وضخم كتير! استخدمتو اول فترة اوفلاين بعدين اشتركت فيه وحولت عأونلاين
درستو مرة ونص تقريبا
واستخدمت بنك amboss لبعض الأقسام كمان بنك حلو
المرحلة هي هية يلي بترفع علامتك ومستواك لانو أكثر شي ممكن يفيدك لتقديم الفحص وتحسين مستواك لنمط الفحص هو باختصار حل أسئلة أسئلة والكثير من الأسئلة وهيك كانت فترة التحضير للفحص فقط أسئلة بعد ما بنيت بسنواتي الأولى أساس كتير ساعدني حتى حسنت أمشي بسلاسة خلصتو لل u world ب٣ أشهر تقريبا واستخدمت amboss واشوف فديوهات pixo للفارما
وبهلفترة اتعرفت عملفات mehlman المختصرة الخارقة جداً للمراجعة كتير فادوني وبنصح فيهن بمراحل التحضير الأخير هنن شي 21 ملف عدتن ثلاث مرات
فحوصات التقييم
Nbme 13 235
Nbme 15 230
هدول عملتن وقت ما كنت مخلص كلشي وما كان عندي فكرة أبدا شلون نمط الأسئلة وكانت الغاية فقط أعرف كيف الفحص رح يكون وأوجه حالي وأعرف كيف نمط الأسئلة
Amboss 245 قدمتو وكان عندي تاني نهار مادة بلجامعة
اول nbme فعلي كان ب اواخر شهر التقديم
Nbme 27 245 كان اخطائي مركزة بقسمين عدتن وبعدين كل ثلاث ايام اعمل تقيم
Nbme 28 253
Nbme 29 256
Nbme 30 258
Nbme 25 254
Nbme 26 261
Uwsa 1 261
Uwsa 2 256
Free 120 95%
قدمتو قبل يوم الفحص هاد صراحة كان جداً سهل مقارنة بلفحص الحقيقي
Real deal : pass

ملاحظات عامة
1 بلنسبة لفترة التحضير للفحص اول الشي بدك تعرف انو مافي فترة ثابتة بتختلف من شخص لشخص حسب عدة عوامل
مثل الأساس يلي عندك اذا كنت بسنواتك الاخيرة بلطب واساسك قوي وبلشت أكيد رح تخلص بأقل من شخص لسعتو داخل طب جديد وهو بأول السنين لسع
تاني شي المصادر والعلامة يلي رايدها مثل اذا الشخص اذا راد يضيف كتب كابلان صعب كتير يخلص بأقل من سنة تحضير اما اذا استخدم مصادر أقل فبفرق الوضع
وحسب طريقة الدراسة كمان اذا كنت انت شخص كتابي بتفرق اذا شخص فقط بقرأ وعدد الساعات يلي عم تخصصها فلذلك لا تستغرب ليش عم يصير اختلاف بين شخص وشخص لانو انت ماعم تشوف ال big picture

2 بلنسبة للعلامة صح هلق صار الستيب ون pass and fail بس نصيحة اذا رايد تكمل بباقي الفحوصات عطيه حقو كانو بدك علامة لانو حرفيا الستيب ون معلوماتو رح تفيدك بكل باقي حياتك كطبيب ماعدا الشغلات الجزئية
انا هلق عم حضر لل step 2 ck وصدقوني ماعم أكذب اذا قلتلكن يمكن 70% من الستيب ٢ هو عبارة عن ستيب ١ ! كتير كتير يساعدك بباقي الفحوصات
حتى جربت أحل u world لل step 3
يلي بقدمو طلاب الاختصاص بأمريكا عرفت احل منو بناء على الستيب ١ يلي اخدتو!
فنصيحة عطوه حقو منيح هو البنية التحتية تقريباً

3 الطريق طويل ومتعب نفسياً وكانت أصعب شغلة بالنسبة إلي انو ماشي في لحالي انا بطبعي عندي إرادة قوية اذا حطيت هدف معين براسي ومع ذلك بتوصل أيام بتكره عمرك والساعة يلي مشيت فيها بهلطريق بس هاد شي طبيعي فلا تكتئب وتبطل فورا وحاول تلاقي شريك معك بالطريق كتير بصير أهون


4 لازم لازم تعطي لنفسك حق ما تقضيها كلها دراسة لانو رح يصير معك burn out كنت كل صيفية اخد اجازة شهر عن الدراسة
وخلال دراستي أتابع مسلسلات وأفلام قطعت اخر فترة بس قبل اسبوعين من الفحص حرقت موسم Ozark واحد بيوم ! لازم ترفه عن حالك ( ضروري هلشي)

5 فرحة الفائدة العلمية والسريرية يلي رح تاخدها بهل الطريق وبصير عندك قدرة لتناقش أغلب الحالات الطبية يلي بتشوفها بحياتك أكبر من فرحة الشهادة يلي رح تاخدها
جد الفائدة العلمية يلي رح تاخدها رهيبة رهيبة فحتى لو انت مالك مفكر تعدل شهادتك لتختص برا بكفي انو ال USMLE يتعمل منك طبيب أفضل


6 واخيراً كل شخص إلو تجربة الخاصة فيه ومافي قاعدة عامة حاول تقرأو كتير تجارب وتستخدمو يلي اكتر الشي بزبط معكن و أي طريق رح تسلكو بحياتكن اعملو يلي عليكن والتوفيق من رب العالمين وما تقارنو حالكن مع أي حدا كل شخص إلو ظروف و مميز عن التاني بطريقة ورزقتو بالحياة مكتوبة عند رب العالمين سواء بعلامة او بتخصص معين او باي شي تاني وهكذا وموفقين جميعاً