🇬🇧 Ұлыбритания премьері Риши Сунак қызметінен кетеді.

Ұлыбританияның келесі премьері сайлауда жеңіске жеткен лейбористердің лидері Кир Стармер болмақ.

Біздің эстрадаға шығып, есім-сойлары елге белгілі болған адамдар неге есірік келеді?

Әлгінде ғана Тұрсынбек Қабатов деген шоуменнің ұшақтағы "шоуы" ызу-қызу талқыланып еді.

Енді Қайрат Нұртастың кісенделіп жатқаны туралы ақпарат шығыпты.

ҚазТАГ әнші Қайрат Нұртасты арнайы ұстау орнына апарғанын жазады.

Жақында танымал әнші Қайрат Нұртас Алматы-Астана бағытындағы ұшақтың бортында төбелес шығарған. Ақыры бір жолаушының денсаулығына (жеңіл болса да) нұқсан келтірген дейді. Тіпті, зардап шеккен адамның аты да белгілі екен — Асылбек Бекқайыров. 

Төбелестен кейін ұшақ командирі полицияға жүгінуге мәжбүр болған. Ал Қ.Нұртасқа қатысты 2 әкімшілік құқық бұзушылық туралы іс қозғалған. Құқық қорғау органдары Нұртасқа қатысты Қылмыстық кодекстің 293 - бабының 2-бөлігі, яғни «әуе кемесінің бортында жасалған бұзақылық» бойынша сотқа дейінгі тергеп-тексеруді бастаған екен.
Полиция ұшақта адамды ұру – қылмыстық іс деп шешкен сынды. Ал бұл іс бойынша жаза анау-мынау емес 5 жылға дейін бас бостандығанан айыруы мүмкін.

Әлгінде ғана Украинаға барып, президент Зеленскиймен жолығып, "ұрысты тоқтату" туралы ұсыныстаған Венгрия премьері Виктор Орбан енді Мәскеуге барды. Не деп барды екен?

Бұл уақытта Германия Украинаға уәде еткен үшінші Patriot кешенін берді.

‼️Ұлыбританиядағы сайлауда билікті Лейбористер партиясы иемденді. Сайлауда Консерваторлар жеңіліс тауып, премьер-министр Риши Сунак орнын босатады. Жаңа премьер болып Кир Стармер тізгінді алмақ.

Толық: ⬇️
https://mezgil.kz/e/action/ShowInfo.php?classid=1&id=5544

‼️Орбан: «Соғысты мен тоқтатамын», - дейді...

▪️ОРБАН САПАРЫНЫҢ ІЛКІ ТАРИХАТЫ
▪️КҮТПЕГЕН САПАР
▪️ОРБАН МЕН ЗЕЛЕНСКИЙ НЕ ТАЛҚЫЛАДЫ?
▪️ОРБАННЫҢ САПАРЫ: САРАПШЫЛАР НЕ ДЕЙДІ?
▪️ОРБАН МӘСКЕУГЕ БАРДЫ: ПУТИН МЕН ОРБАН НЕ СӨЙЛЕСПЕК?

Толық:⬇️
https://mezgil.kz/e/action/ShowInfo.php?classid=1&id=5545

Ресми хабарлама

Бүгін, 2024 жылғы 5 шілдеде, Арыс қаласындағы әскери бөлім аумағында кәріз жүйесіне қызмет көрсету мен тазалау жұмыстарын жүргізу кезінде кәріз газымен улану салдарынан үш адам қаза тапты. Оның ішінде екі азаматтық тұлға және бір келісімшарт бойынша әскери қызметші бар.
Оқиға жұмыс барысында абайсызда құдыққа құлап кеткен Шымкент аудандық пайдалану бөлімінің жұмысшысын құтқару кезінде орын алды. Оған көмекке келген тағы екі жұмысшы мен келісімшарт бойынша екі әскери қызметші де жағдайдың нашарлауына байланысты жоғары жаққа көтеріліп шыға алмады. Нәтижесінде үш адам сол жерде қаза тапты. Тағы бір жұмысшы мен әскери қызетші Арыс қаласының ауруханасына жеткізілді. Қазіргі таңда олардың жағдайы тұрақты-ауыр деп бағаланып отыр.
Қорғаныс министрлігінің басшылығы мен Қарулы күштердің жеке құрамы қаза тапқандардың туыстары мен жақындарына қайғыларына ортақтасып көңіл айтады.
Олардың отбасыларына барлық қажетті көмек көрсетілетін болады.
Аталған факті бойынша ҚР ІІМ ӘТБ Шымкент бөлімімен ҚР ҚК 156-бабы 4-бөлігі бойынша сотқа дейінгі тергеп-тексеру басталды (еңбекті қорғау ережелерін бұзу).

Сөйтіп, Ұлыбритания премьері болған Риши Сунак отставкаға кетті. Кетіп бара жатыр өз еліне: "Баршаңыздан кешірім сұраймын!", - деді.

Венгрия премьері Орбанмен кездесу өткізген Путин Украинаға жаңа талап қойды. "Соғысты тоқтату үшін Украина 4 аймақтан (Донецкі, Луганскі, Запорож бен Херсоннан) әскерін толық алып шығуы тиіс", - деді.

Бүгін Астана күні. 1997 жылдан бері аталып келе жатқан мереке. Астананың әр мемлекет үшін алатын орны ерекше ғой.

Қазақстан өз астанасын ауыстыруды геосаяси сұрақтарға байланысты іске асырды деуге де болады. Бүгінде Астана миллионнан астам тұрғыны бар мегаполиске айналып үлгерді.

Түрлі халықаралық шаралар да, елішілік шешімдер де осы қалада іске асуда. Мысалы биыл Дүниежүзілік көшпенділер ойыны өтеді, оған 4 мыңнан астам спортшы қатыспақ. Алыс-жақын шетелден туристер де келіп қалмақ. Олар да қазақтың астанасын көріп, пікір айтып жатады. Жағымды пікір көбірек болады деп ойлаймын.

Бізде тілек біреу: Қазақтың Астанасы жайнай берсін, өсе берсін, көркейе берсін. Қазақтың астанасы “Қазақтың астанасы” болып мәңгі қалсын!

Армения Қорғаныс министрлігі: Арменияда 15-24 шілде аралығында Армения мен АҚШ әскерінің біріккен жаттығуы өтеді.

Осылайша Ереван ҰҚШҰ жаттығуына қатыспай, АҚШ-пен жаттығу өткізбек.

Indian Defence Research Wing: Армения Үндістаннан Pralay зымырандарын сатып алуға ниетті. Ереван бұл әрекетін Әзербайжанның Израильден «LORA» зымырандарын сатып алуымен байланыстырады. Яғни Арменияға да балансты қалпына келтіру үшін қуатты зымыран қажет дейді.

Pralay зымыраны сипаттамасы бойынша 150-500 шақырым арасындағы нысанды жоюға қабілетті жер-жер типіндегі зымыранға жатады. Ұшу қашықтығы зымыранның модификациясына байланысты.